лозано – Вистина.мк

Време е маските да паднат: Лозано сам на „Маскенбал“ во Венеција (ВИДЕО)

Антонио Димитриевски — Thu, 15 Feb 2024 07:22:17 +0000

Живееме во време-невреме, време во кое секој од нас носи маска за да се заштити од овој лажен свет… Дали е вистинско време да ги извадиме маските и да бидеме навистина среќни? По, се изгледа време е! Сите кои се чуствуваат осамено и изморено без сомнеж ќе се пронајдат во најновата песна на нашата музичка ѕвезда – Влатко Лозаноски – Лозано… Неговата нова песна, која со нетрпение ја очекуваше публиката носи наслов „Маскенбал“, на која како автори се потпишува тандемот Лазар и Магдалена Цветкоски. „Маскенбал“ доби и свој видеоспот, а за неговите потреби, Лозано и неговиот тим отпатуваа во Италија, поточно во преубавата Венеција, каде цели три дена траеше снимањето на истиот. Како режисер на спотот се потпишува долгогодишниот соработник на Лозано, режисерот Даниел Јовески, кој и овојпат го даде својот максимум. Она што е вредно да се напомене, е тоа што за овој видеоспот беше изработен специјален костим, а него го изработи познатиот моден дизајнер Андреј Папаз. Инаку ова е само најава за она што следува од Лозано во блиска иднина… Уживајте во неговиот сингл „Маскенбал“ во Венција:

Лозано со настап во најексклузивниот скопски хотел за дочекот на најлудата ноќ

Антонио Димитриевски — Sat, 30 Dec 2023 09:24:21 +0000

Часови се бројат до дочекот на најлудата ноќ, во која ќе ја испратиме старата, а ќе ја дочекаме новата 2024 година. Понудите за прослава на оваа ноќ се многубројни, а една од најатрактивните е онаа каде настапува една од нашите најголеми музички ѕвезди - Влатко Лозаноски - Лозано. Популарниот пејач заедно со неговиот бенд ќе ги забавуваат гостите во ексклузивниот хотел „Bocca Di Lupo“ во Скопје, каде ќе одржи тричасовен концерт. Покрај Лозано, гостите ќе ги забавуваат и девојките од женскиот бенд „К4“, кои ќе бидат задолжени да ги пеат најголемите домашни и регионални хитови...

ДНК и Лозано – звучи како одлична комбинација за зеаднички концерт во Гевгелија

Антонио Димитриевски — Tue, 27 Jun 2023 12:42:59 +0000

ДНК и ЛОЗАНО – звучи како одлична комбинација за зеаднички концерт. Епа, токму тоа и ќе се случи на 8-ми јули во Гевгелија, поточно во дискотеката „Де Факто“. После подолго време, гевгеличани и луѓето од околните градови ќе имаат прилика во живо да ги слушнат и видат едни од најбараните музички имиња во нашата земја во последните неколку години... Со други зборови Гевгелија ќе „гори“ на 8-ми јули од многубројните хитови на Лозано и ДНК. Тие ветуваат одлична забава и ноќ за паметење... „ Драги наши, по подолго време и на наше огромно задоволство на 8-ми јули (сабота) во вашиот омилен клуб „Де Факто” ќе одржиме заеднички концерт (Лозано и ДНК) пред гевгелиската публика која ќе има можност да ги слушнете сите наши познати рефрени низ три часовен концерт. Влезниците ке бидат во строго ограничен број, а првите 300 "early birds" влезници ке бидат пуштени во претпродажба по цена од 300 денари и ќе може да се набават исклучиво на билетарата на клубот од четврток до сабота. Потоа цената ке изнесува 400 денари и доколку останат на врата ке бидат остане истата цена. Затоа подгответе се на 8-ми јули на "Полна месечина" ве чекаме да се гушнеме “Јако Јако” и да се направиме "Авиони", да испишеме уште неколку “Километри” па “Што сака нека биде"...“ – стои во нивната зеадничка објава. Инаку концертот ќе го отвори младиот диџеј – Милан Петков, кој е миленик на публиката во Гевгелија. Инаку после Гевгелија, ќе следи најмалку уште еден ваков задинчки концерт, а локацијата ќе биде објавена наскоро.

Лозано ја испрати старата година со песна, а во Новата го посака она што не се купува со пари (видео)

Слободанка Илиева — Tue, 03 Jan 2023 08:21:06 +0000

Во изминатите 365 дена од сега веќе сатарата 2022 година од нашите долгогодишни соработници од естрадниот ТВ магазин од зад сцената „Бекстејџ“, имавте можност да погледнете досота видео изнервјуа пренесени и од нашите содржини. Овој пат, меѓу оние со кои ја почнуваме Новата 2023-та е интервјуто со еден од најдобрите поп- пејачи во Македонија, ако не и најдобриот –Влатко Лозаноски – Лозано. Пред камерата и микрофонот на „Бекстејџ“ Лозано најпрвин се наврати на тоа како ги прославувал новогодишните ноќи во детството, на што најмногу се радувал, како и тоа дека тој се уште верува во Дедо Мраз. Скромно, ненаметливо и културно момче кое ретко е расположен да открие нешто од приватнста, но меѓу редови спомена дека не е безгрешен, па како и сите и тој прави грешки. Во Новата си посака секако зравје, среќа и многу пријатели околу себе. Инаку, Нова Година Влатко ја дочека работно на сцена во еден познат скопски бар, а што дууго кажа од сумираните впечатоци, погледнете во продолжение:

Лозано и Некст Тајм имаат најпродаван концерт ова лето во Охрид!

Антонио Димитриевски — Mon, 25 Jul 2022 12:38:37 +0000

На 30-ти јули во „Антички театар“ во Охрид, спектакуларен концерт ќе одржат моментално најголемите музички имиња од нашата земја, милениците на публиката – Лозано и Некст Тајм. Лозано и Некст Тајм ќе одржат тричасовен концерт на кој ќе ги пеат своите најголеми хитови, а исто така се планира и изненадување за сите присутни. Тие ќе настапат со своите бендови, а во Охрид пристигнуваат еден ден порано со цел да се направат последните подготовки пред големиот концерт. Организаторите на концертот велат дека интересот е огромен и дека летово и покрај тоа што во Охрид има многу музички настани, овој концерт е еден од најпродаваните. „Мислам дека ова е еденствен голем концерт на македонски изведувачи ова лето во Охрид, а тоа ни беше доволно мотивација да покажеме и докажеме дека и ние имаме музички имиња кои можат да парираат на сите регионални ѕвезди кои доаѓаат кај нас нас“ – накусо ни изјавија организаторите. Инаку и Лозано и Некст Тајм оваа година настапуваат речиси насекаде низ земјата, а наскоро тие ќе ги објават и деталите за нивните турнеи преку океанот. Влезници за концертот на 30-ти јули на „Антички театар“ може да купите преку продажната мрежа на „www.kupikartizase.com“, како и на плоштадот во Охрид.

„Некст тајм“ и Лозано со заеднички концерт во „Антички театар“ во Охрид

Антонио Димитриевски — Fri, 15 Jul 2022 12:43:45 +0000

На 30 јули во Античкиот театар во Охрид за првпат заеднички концерт ќе оддржат моментално најактуелните македонски ѕвезди, групата „Некст тајм“ и Влатко Лозаноски – Лозано.

Овој настан за нас е од огромно значење пред се поради тоа што првиот наш фестивал во 2008 како „Некст тајм“, беше токму овде на Антички и ја освоивме публиката која исто така и ден денес е со нас. Заедно со Лозано се појавивме на тој фестивал и некако се зближивме од тогаш. После толку години градејки ги нашите музички кариери ете стигнавме да одржиме за прв пат заеднички концерт, велат Мартин и Стефан Филиповски.

Се надеваме, додаваат, дека публиката ќе ужива во песните од нашиот најнов албум, но сигурно ќе има и изненадувања. Очекуваме публиката да дојде во голем број и заедно да уживаме во една незаборавна вечер исполнета со нашата заедничка уметност.

Антички театар е историски простор каде што секој изведувач од Македонија би сакал да настапува, како еден од најреномираните локалитети за правење концерти воопшто кај нас. Отворената сцена, но и самата историја која што ја крие Дава на тежина и големо значење на секој евент кој што се организира таму. Со големо исчекување го очекуваме концертот и ветуваме заеднички дека ќе направиме одлична музичка претстава на сите присутни. Ги покануваме сите во Охрид и уште еднаш „ова лето ќе се памти” по уште еден одличен концерт заедно со моите пријатели од Некст Тајм, вели Лозано.

Влезниците веќе се во продажба преку продажната мрежа на „Купи карти за сè“ како и онлајн на следниот линк.

Предвелигденска забава: Лозано со настап пред кумановската публика!

Антонио Димитриевски — Tue, 19 Apr 2022 11:38:22 +0000

По пауза од речиси три години популарниот пејач Влатко Лозаноски – Лозано ќе настапи во Куманово. Последниот негов натап беше во 2019 година, а овојпат неговата средба со кумановската публика е закажана за петок, на 22-ри април, кога Лозано и неговиот бенд ќе настапат во дискотеката „Club Space Premium“. Интересот очекувано е огромен, па поради тоа организаторите очекуваат влезниците да се распродадат за рекорно време во наредниве еден-два дена. Инаку неодамна Лозано ја промовираше и својата најнова песна „После полноќ“ и буквално ја изненади публиката со новиот модерен звук.

Се бара влезници повеќе за новогодишниот концерт на Лозано во Битола!

Антонио Димитриевски — Wed, 29 Dec 2021 07:08:05 +0000

Како што повеќето од вас знаат, нашата најголема машка музичка ѕвезда, Влатко Лозаноски - Лозано за дочекот на најлудата ноќ ќе ги забавува битолчани. Популарниот Лозано ќе одржи тричасовен концерт во хотелот „Епинал“, еден од симболите на градот на конзулите. Покрај неговите најголеми хитови, пејачот ќе пее познати песни и од неговите најпопуларни колеги од регионот. Инаку, Влатко во Битола ќе настапи со неговиот бенд, а она што е важно да се спомене е тоа дека влезниците за овој настап се распродадоа за само неколку дена по објавувањето. Фото: Инстаграм принтскрин/vlatkolozanoski

По долго време, Лозано со настап пред своите кичевчани: Му фали да пее дома! (ФОТО)

Антонио Димитриевски — Wed, 17 Nov 2021 10:05:38 +0000

По подолго време, популарниот пејач Влатко Лозаноски – Лозано ќе настапи во својот роден град – Кичево на 19-ти овој месец, поточно во овој петок. Моментално најголемата музичка ѕвезда во Македонија, па пауза од три години повторно ќе пее пред своите сограѓани. Лозано вели дека настапот пред кичевската публика му е особено драг, но дека е различен од сите останати. – Сум пеел во сите градови во Македонија, на големи фестивали во Европа, сум настапувал на Евровизија, но онаа позитивна трема највеќе ја имам кога настапувам пред моите кичевчани. Искрено, едвај чекам да дојде петок и заедно со мојот бенд да направиме забава за паметење – кусо но изјави познатиот пејач. Инаку Лозано ќе настапи во „Атва ресиденс хотел“, еден од најубавите угостителски објекти во Западна Македонија.

Влатко Лозаноски – Лозано со настап во Охрид, влезница бараат и гости од регионот

Антонио Димитриевски — Wed, 21 Jul 2021 09:45:08 +0000

Најпопуларниот македонски поп пејач, една од нашите најголеми музички ѕвезди, миленикот на сите генерации, Влатко Лозаноски - Лозано овој петок, 23 јули 2021 год. ќе одржи голем концерт во Охрид. По пауза од две години, Лозано повторно ќе пее во нашиот туристички бисер, а интересот за неговиот настап е веќе голем уште по објавување на првата информација, па влезница бараат и гости од регионот. Лозано се нетрпение ја очекува дружбата со публика, бидејќи како што вели, настапите во Охрид се секогаш посебни. „Драго ми е што после пауза од две години повторно ќе пеам во еден нашите најубави градови во Македонија. Охрид секогаш ми буди само позитивни мисли, позитивни сеќавања. На публиката им ветувам одлична забава во петок - накусо изјави познатиот пејач. Концертот ќе се одржи на фудбалското игралиште кое е во склоп на хотелот „Аквалина“ со почеток од 22 часот.