Актерот од серијата „Lost“ се излечил од вирусот, но потоа симптомите му се вратиле!

Слободанка Илиева — Thu, 02 Apr 2020 08:07:23 +0000

Даниел де Ким, најпознат по улогата во серијата "Lost", објавил дека е излечен од коронавирусот 10 дена откако јавно објавил дека е заразен. "Добрата вест е дека немам повеќе вирус", рекол во видео-објавата која ја поставил на Инстаграм и во која го опишал своето искуство со болеста. Иако веќе минатата недела открил дека се чувствува "речиси нормално", признал дека пред закрепнувањето му се случило нагло влошување. "Оваа болест е поинаква од се што досега сум искусил. Откако ми заврши лечењето, се чувствував подобро и поздраво, но изгледа дека бев премногу самоуверен. Кога престанав со лековите, се чувствував многу слабо и уморно. Одненадеж го изгубив чувството за мирис и вкус", рекол Де Ким. Иако состојбата му се влошила, грозницата не се вратила. "Добра вест е дека повеќе немам грозница, но и понатаму се чувствувам лошо. Докторот ми објасни дека тоа се симптоми кои се предизвикани од нешто што се вика поствирусно воспаление, но дека тоа е дел од процесот на закрепнување. Траеше неколку дена со прекини, но слушав дека кај некои луѓе може да трае со недели", рекол тој. На крајот успеал да се ослободи од сите симптоми и заклучил дека е "слободен од вирусот" и дека, како што вели, сега може да прави егзотични патувања од дневната соба до кујната.

Бонев, Зилант и Славица Ангелова се заедно, а сепак – „Изгубени“ (ВИДЕО)

Антонио Димитриевски — Fri, 19 Jul 2019 11:42:58 +0000

Струмичките музичари Бонев, Зилант и Славица Ангелова деновиве ја промовираат својата прва заедничка соработка насловена „Lost“. Музиката, аранжманот и продукцијата се на двајцата диџеи и продуценти Димитар Бонев и Ѓорѓи Кренков – Зилант, а стиховите си ги потпишува самата Славица.

Талентираната пејачка за јавноста е позната по учествата во регионални музички натпревари, како што се „Неки нови клинци“ во Србија, „Гласот на Бугарија“ и првото издание на македонското музичко шоу „Ѕвезда број 1“. Бонев и Зилант, пак, се исто така познати на домашната електронска сцена, а како што откриваат за „Струмица нет“, по оваа прва заедничка песна ќе следат уште неколку интересни соработки со добро познати уметници од регионот.

„Lost“ стигна во комплет со видео што се снимаше на повеќе локации во Струмица, под режисерската палка на Митко Ников и по сценарио на Мирјана Кирова, а главните улоги ги добија Стефан Наков и Викторија Баџукова. Како изгледа и звучи оваа одлична соработка на струмичкото трио, дознајте во продолжение. https://www.youtube.com/watch?time_continue=48&v=ntFaUVmtk7E

лост – Вистина.мк

Актерот од серијата „Lost“ се излечил од вирусот, но потоа симптомите му се вратиле!

Бонев, Зилант и Славица Ангелова се заедно, а сепак – „Изгубени“ (ВИДЕО)