Трагични причини поради кои луѓето остануваат во лоши врски

Слаѓана Атанасова — Mon, 21 Aug 2023 13:45:32 +0000

Во секој врска постојат падови и среќни моменти. Но, тоа не значи дека треба да го толерирате партнерот кој не е посветен кон вашата емотивна и психолошка благосостојба. Животот е краток за да го поминете со себични луѓе кои мислат само на себе. Зошто тогаш има примери на добри луѓе кои и натаму се во врска со партнер кој постојано ги запоставува и прави да се чувствуваат лошо. Следните четири причини го објаснуваат овој необичен, но чест феномен.

Страв од самотија

Многу луѓе повеќе би биле во лоша врска, отколку сами. Тоа е заклучокот на многу научни истражувања за оваа тема. За овие лица не постои ништо полошо од самотија и тие се подготвени да трпат многу од својот партнер само за да го избегнат раскинувањето.

Недостаток на самодоверба

На луѓето со помалку самодоверба им е најтешко да го остават токсичниот партнер. Тие го усвојуваат критиките на партнерот и се обвинуваат себе за неговото недолично однесување, иако токму тие се жртвите во таква врска.

Верување дека работите ќе се променат

Убаво е да мислите дека работите би можеле да бидат како некогаш, кога сте живееле во љубов и слога со партнерот. Таквото верување меѓутоа нема да ја промени вашата лоша ситуација во сегашноста, ќе направи се да бидете пасивни и неподготвени да се борите за својата среќа. Понекогаш е потребно навреме да излезете од автомобилот кој оди кон провалија.

Страв од одбивање

Луѓето често остануваат во токсични врски бидејќи се плашат дека нема да најдат друг партенер. Сметаат дека е подобро да бидат во било каква врска, дури и лоша, отколку повторно да излегуваат и да бараат сродна душа, која може лесно да заврши со неуспех. Извор: Попара

Зошто остануваме во лоши врски?

Христина Ѓоргиевска — Thu, 27 Jan 2022 14:30:38 +0000

Постои научно објаснување, за жал, зошто носиме одлуки што се штетни за нас. Најверојатно имате во вашето опкружување некој за кој се прашувате зошто останува во врска со личност со која не се среќни. Кога гледате од страна, раскинувањет или разводот делуваат како најдобро решение, а сепак личноста за која станува збор како да не е свесна за тоа. Зошто не си заминуваме од такви врски? Истражувањето покажа дека резултатот е: окситоцин! Да, да, хормонот на љубовта. Истражувањето објавено во стручното списание Hormones and behavior, покажа дека луѓето кои чувствуваат дека нивниот партнер се оддалечил од нив и почнал да се однесува како веќе да не е заинтересиран, лачат повеќе окситоцин од оние кои се опсипани со љубов и внимание од саканата личност. Ако сте „заглавени“ во врска што не е здрава за вас, ако не сте среќни во врската, треба да го имате ова предвид. Врските во кои партнерите не се емотивно рамноправни често имаат свои непишани правила, вели авторот на истражувањето, доктор Николас Гребе. А кршењето на тие правила честопати може да биде првиот чекор кон одново воспоставување на рамнотежата. Затоа, ако имате впечаток дека се подразбира дека „ќе го молите“ партнерот за најмал знак на љубов или наклонетост, обидете се да ги замените улогите. Обидете се да го смените вашето однесување на тој начин што него, или нејзе, ќе го/ја ставите во вашата вообичаена улога, да видите дали, за промена, другата страна ќе почне да се однесува како страната на која „повеќе ѝ е гајле“. Ако и тоа не успее, знаете што треба да направите. Сите заслужуваме да му бидеме некому сѐ на светот. Извор: Кајгана

лоши врски – Вистина.мк

Трагични причини поради кои луѓето остануваат во лоши врски

Зошто остануваме во лоши врски?