лоша врска – Вистина.мк

Дали одличниот секс е лош за врската?

Христина Ѓоргиевска — Wed, 31 Mar 2021 12:30:46 +0000

Дали навистина добариот секс е добар за врската, а одличниот е уште подобар? Веројатно секој би се согласил со ваквите тврдења, но се чини дека не е баш така. Најнова студија, во која учествувале 233 тазе венчани парови кои ги споделиле своите интимни искуства со научниците и одговориле на бројни прашања во врска со квалитетот на односите и сексот, се занимаваше токму со таа проблематика. Резултатите покажаа дека мажите кои имале многу авантури и секс за една вечер пред бракот почесто ќе ги изневеруваат сопругите, додека жените кои биле такви пред брак нема да го направатт тоа или ќе сакаат, но многу поретко од мажите. Исто така, помладите и помалку привлечните жени ќе изневеруваат почесто отколку зрелите и атрактивните жени. Најинтересно сознание од истражувањето е дека партнерите кои во одговорите навеле дека имаат фантастичен сексуален живот почесто биле подготвени да имаат секс надвор од бракот. Психолозите сметаат дека причината за ова е што овие луѓе едноставно сакаат секс, па го практикуваат и во бракот, и надвор од него. Затоа, ако вашиот партнер, односно партнерка, ве изневери, не обвинувајте се себе си и вашите сексуални вештини. И науката вели дека другиот е виновен. извор: кајгана

Знаци кои укажуваат дека сте заглавени во лоша врска

Христина Ѓоргиевска — Thu, 19 Nov 2020 13:15:45 +0000

Многумина се чувствуваат незадоволни во љубовната врска, но сепак остануваат во неа. Понекогаш тоа е поради страв од осаменост, неизвесна иднина, финансиски причини и слично. Но, факт е дека сè додека сте со погрешна личност, си го губите драгоценото време. Експерти открија неколку сигурни знаци кои укажуваат дека сте во врска со погрешен партнер и дека е време да продолжите понатаму. Секако дека не е лесно да се прекине односот, особено по години врска, но тоа е подобра опција отколку да се чувствувате мизерно, осамено и празно покрај погрешна личност. Ако немате доверба во партнерот и не може да сметате на него, тогаш бидете сигурни дека тој не е вистинскиот за вас. Не е важно дали станува збор за ситници или големи работи. Вистинскиот партнер ќе се труди да ви го олесни животот и нема да очекува сами да се грижите за сè, ќе ви даде до знаење дека е секогаш тука за вас. Никогаш нема да ви смета во личниот раст и развој, кариерата и социјалниот живот. Доколку не растете и не станувате подобри и посовесни покрај партнерот, добро размислете дали е тој вистинскиот избор за вас. Добар показател дека нешто не е во ред со врската е ако покрај него не може да бидете најдобрата верзија од себе. Луѓето кои се задоволни во врската немаат потреба да размислуваат за врска со некој друг, ниту за тоа како можеби ќе им биде подобро ако живеат сами. Доколку партнерот постојано ве испитува и проверува како да не ви верува, тоа не е добар знак. Доколку постојано мора да се оправдувате за вашите постапки, каде сте биле, со кого, таа врска не е добра за вас. Сето тоа константно објаснување може да биде исцрпувачки и да остави лоши траги на менталното здравје. Неколку знаци кои се очигледни дека сте во лоша врска: - постојано го споредувате со други мажи и заклучокот е ист, дека другите имаат посреќна и поквалитетна врска - не се сеќавате кога последен пат сте имале секс, а кога ќе дојде до тој момент му пристапувате како нешто што едноставно треба да се направи - веќе ништо не правите заедно - по работното време не брзате да се вратите дома, туку се трудите да се задржите некаде по пат -сè почесто излегувате со другарките, без него. -размислувате за неверство. извор: Кајгана

10 начини на кои вашите инстинкти ви кажуваат дека сте заглавени во лоша врска

Христина Ѓоргиевска — Fri, 26 Oct 2018 13:00:45 +0000

95% од нашиот ум е сочинет од потсвеста, дел за кој сме свесни многу малку и кој содржи непроценливо богатство. Нашата потсвест комуницира со нас со помош на инстинкти, интуиција, соништа или чувство во стомакот. За жал многу често не обрнуваме внимание на овој внатрешен глас и подоцна зажалуваме за тоа. Важно е да научите да станете свесни за вашите инстинкти и со нивна помош да ги донесувате важните одлуки. Една од важните одлуки се интимните врски. Често на почетокот на врската сте преплавени со еуфорија и не размислувате многу за предупредувачките знаци. Па погледнете како вашите инстинкти ќе ви кажат дека таа врска не е за вас.

1. Тешко ви е да му верувате на партнерот

Довербата, комуникацијата и почитта се столбовите на секоја силна врска. Ако не можете да му верувате на вашиот партнер, имајте на ум дека столбовите ќе се рушат. Одвреме-навреме сите ние кажуваме лаги, но ако инстинктите ви кажуваат дека вашиот партнер многу често не е искрен со вас, време да им обрнете внимание. Во овој случај добро размислете за вашата врска и дали вреди да останете во неа.

2. Се чувствувате истрошено откако сте биле со партнерот

Понекогаш се случува дружбата со некои луѓе да ви ја украде целата енергија, дури и ако личноста не направила ништо лошо. Причината е што нашето тело може да ја улови негативната енергија. Ако се чувствувате изморено или истрошено по средбата со партнерот, можеби вашето тело ве предупредува да бидете внимателни.

3. Најчесто врската ви е здодевна

Ако сте забележале дека повеќе време минувате во канцеларија или на телефон, можеби во вашата врска нема доволно искри. Како што со пријателите секогаш има за што да разговарате и сакате да поминувате што можно повеќе време заедно, истото треба да се случува и со партнерот. Доколку ви е здодевно, можеби инстинктите ви кажуваат да размислите за врската.

4. Постојано размислувате каков би ви бил животот доколку бевте сингл

Ако постојано размислувате како би ви изгледал животот без партнерот, можеби не сте толку среќни во вашата врска. Во ред е понекогаш да ви недостасува слободата на сингл животот, но ако постојано е во вашите мисли, тоа е лош знак.

5. Не правите заеднички планови

Ако повеќе сакате да минувате време со пријателите, очигледно не ви се допаѓа друштвото на пријателот. Ако не правите доволно заеднички планови за патувања или други настани, тоа е јасен знак дека не сте толку вљубени еден во друг.

6. Не можете да бидете автентични со партнерот

Ако не можете да го покажете вистинското лице и да бидете ранливи пред партнерот, тогаш пред кого би го направиле тоа? Ако сте со вистинскиот партнер, воопшто нема да глумите во негово присуство и нема да постои страв од судење или исмејување. Но ако ставате маска пред него, можеби не сте совршениот пар.

7. Не се смеете заедно

Смеата е важен дел од врската. Паровите кои можат да се смеат едни со други полесно ги надминуваат тешките проблеми. Ако навистина ви е тешко да се забавувате и да се смеете со партнерот, врската ќе ви стане обврска наместо желба.

8. Ви недостасуваат емоционална интимност и поврзаност

Ако меѓу вас не постои интимност и поврзаност што оди над физичките задоволства, тешко дека ќе останете заедно уште долго. Во силните врски партнерите имаат емоционална интимност и поврзаност и сакаат да созреваат како тим.

9. Не сакате да бидете физички интимни со партерот

Како што има емоционална интимност, така во секоја врска треба да има и физичката интимност.

10. Не се чувствувате безбедно или сигурно со партнерот

Нашите чувства и емоции можат да ни ги откријат и најдлабоките мисли и желби. Па, важно е да обрнете внимание како се чувствувате. Ако сте несигурни во врската, најдобро е да ја најдете причината за ова и да одредите дали навистина сте несреќни поради партнерот. извор: кафепауза