Столе Димитриевски сите го сакаат, а македонскиот голман е вљубен до уши: „Кога си до мене, божиќната магија е двојно волшебна“ (ФОТО)

Антонио Димитриевски — Tue, 25 Dec 2018 08:20:31 +0000

Македонскиот репрезентативен голман Столе Димитриевски, конечно бриљира во Шпанија. Беше главен на мечот на неговиот Рајо Ваљекано против Леванте, каде што со своите пантерски интервенции му ја донесе победата на својот клуб.

Несомнено дека промената на средината од Тарагона во Мадрид на Столе му прија. И професионално, ама и приватно. Голот на Рајо го чува како никогаш до сега, па навивачите френетично го скандираат неговото име од трибините. Како и не би кога не дава мрежата на новиот клуб од предградието на Мадрид да ја полнат противниците. Во моментов Столе сите го сакаат... Ама тој сака само една личност.

Вплеткан во љубовната мрежа, вљубен до уши во шармантна и привлечна русокоса со симпатична насмевка која освојува на прва, срцето на Столе чука само за неа... за убавата Лори.

Божиќните празници во католичкиот свет започнаа, па Столе и Лори не пропуштија да направат божиќна шопинг прошетка низ многуте мадридски молови. Се разбира, фотографијата за спомен покрај големата божиќна елка и пораката полна со изливи на нежност и чувства, постирана покрај неа:

„Кога си ти до мене, божиќната магија е двојно волшебна... Те сакам мило мое“ - се зборовите во слободен превоид со кои Лори му го стопли срцето за Божиќ на својот човек, нашиот голман, нејзиниот Столе!

Очигледно шпанската убавица знае како да го врати Столе во врвна форма... и спортска и животна! Впрочем, малку девојки умеат својата магија да ја употребат за да го претворат животот во волшебство.

Шармантната Лори очигледно знае како да вметне магија во нивната љубовна бајка!

Столе Димитриевски е под стрес: Еве кој го ослободува од стресот голманот на македонската фудбалска репрезентација (ФОТО)

Антонио Димитриевски — Fri, 16 Nov 2018 08:19:07 +0000

Столе Димитриевски добро го чуваше голот на Македонија... Се' до последниот квалификациски натпревар од Лигата на нации со Ерменија каде доживеавме дебакл од 4:0. Столе не се прослави... Напротив! Прими неколку „пацерски голови“, особено првиот, што ни почетник што прв пат застанува на голот не би го примил! Ама ете, Столе го прими! И сега е под стрес! И тоа голем!

Откако се пресели од шпанскиот второлигаш Гимнастик - Тарагона во прволигашот Рајо Ваљекано, не заигра во „Ла Лига“. Го загуби и местото на голот во првиот тим, ама и формата. Таму Столе ја грее клупата... Очигледно тоа му се одрази и на репрезентативните настапи, па лесно може да се случи селекторот Ангеловски да одлучи Димитриевски да ја грее и репрезентативната. Затоа Столе е под стрес... Така покажува и стерес - метарот на неговиот мобилен. Стресот на стотка! Впрочем и самиот тоа го признава...

Она што не го признава е како македонскиот голман се ослободува од стресот. Или поточно, кој тоа го ослободува од стресот и како?

Арно ама ние откривме кој тоа на Столе му помага да се ослободи од стресот, му го крева моралот и му влева самодоверба за следните натпревари. И во клубот и во репрезентацијата. За да биде поголема сатисфакцијата... И нејзината и на нацијата!

Таа е шармантна и привлечна русокоса со симпатична насмевка која освојува на прва. Веројатно на тоа падна и Столе.

Се потпишува како Лори и подготвена се' да стори нашиот Столе да го врати во вистинската форма. Така ќе бидеме среќни сите: и тој и таа и ние!

Само мала молба до убавата Лори: Да внимава да не го премори, па нашиот голман одново „да прегори“... меѓу стативите, секако!

лори – Вистина.мк

Столе Димитриевски сите го сакаат, а македонскиот голман е вљубен до уши: „Кога си до мене, божиќната магија е двојно волшебна“ (ФОТО)

Столе Димитриевски е под стрес: Еве кој го ослободува од стресот голманот на македонската фудбалска репрезентација (ФОТО)