лондон – Вистина.мк

Парис Хилтон ќе роди ќерка на 42-годишна возраст, 10 месеци откако доби момче преку сурогат мајка (фото)

Слаѓана Атанасова — Fri, 24 Nov 2023 12:47:34 +0000

Парис Хилтон ќе роди ќерка, е веста која во последните неколку часа ги преплави светските медиуми. Богатата наследничка и нејзиниот сопруг Картер Реум ќе добијат девојче 10 месеци откако Парис објави дека има син од сурогат мајка. Таа на „Денот на благодарноста“ ја објави веста дека добива ќерка, а девојчето го добило името Лондон. - Благодарна на моето девојче – напишала Парис Хилтон на која е испишана фотографија од розев женски аутфит на кој е испишано - Лондон. Да потсетиме, синот кој го добија пред неполна година се вика Феникс. Фото: Принтскрин/Instagram/parishilton

Македонците растураат во „Никогаш не е доцна“: Калиопи беше во жирито, Билјана „го преврте студиото наопаку“ со својот настап (ВИДЕО)

Антонио Димитриевски — Wed, 01 Nov 2023 08:46:19 +0000

Можеби српските и воопшто регионалните музички ѕвезди „хараат“ по Македонија, ама затоа Македонците растураат на регионалните музички талент шоуа. Така, уште една Македонка, која до душа живее и работи во Лондон, во последото издание на музичкото шоу за повозрасни „Никогаш не е доцна“ го крена студиотона нозе, го преврте наопкау со својот настап. Харизматичната и позитивна Билјана Зеровска, фармацевт на која музиката не и е професија, ама затоа и е прва љубов или како што самата вели: „Во нашето семејство секогаш се било во знакот на М и М - музика и медицина, зашто потекнува од докторско семејство во кое обата родители и се лекари, а нејзиниот татко патем бил и врвен виолинист, а мајка и свитела клавир. Завршила нижо музичко училиште, сакала да стура глума, но на крајот сепак завршила на фармација, а денес работи како менаџер на еден познат ланец од 130 аптеки во Лондон и цела Британија. Како што ќе рече при петставувањето: „Имам две ќерки, и две цели кога е оваа емисија во прашање. да се забавувам и одам понатаму со настапите и да работам за ова шоу како претставник во Лондон“. Таа потоа додаде и дека се пријавила во ова шоу за да ја исполни големата желба на нејзината почината мајка. „Тоа беше желба на мојата почината мајка која не ја пропушташе оваа емисија и кога и запеав во време на короната со еден хит на Фејсбук, таа ми кажа дека ќе ме пријави, но таа потоа за жал, почина, замина кај ангелите, па еве овде ме пријавија ќерките“ - ќе раскаже Билјана Билјана на сцената ја отпеа евровизиската „Хајде да лудујемо ове ноќи“ на единствената Тајчи, и ги освои срцата на жирито во кое покрај непроменливиот Маре овој пат беа и нашата поп дива Калиопи која и се обрати на македонски, како и Жељко Самарџиќ кој исто така имаше само пофални зборови. Сепак за нејзиното минување понатаму одлучуваа гласовите на следбениците на шоуто на социјалните мрежи, каде по пат на Фејсбук гласање онаа што ќе освои повеќе гласови од публиката, продолжува понатаму. Гласањето траеше до 31.10. 2023 на полноќ, а истото за цело време беше мошне неизвесно и изедначено, но на крај, за среќа Билјана сепак победи со мала разлика и оди понатаму. Како звучеше и изгледаше настапот на харизматичната Македонка од Лондон во „Никогаш не е доцна“, која со својот настап ги крена сите на нозе, погледнете од видеото во продолжение, во кое настапот на Билјана е на самиот почеток:

„Eye Cue“ едноставно знаат дека им е најдобро „До тебе“ (видео)

Слободанка Илиева — Fri, 16 Jun 2023 08:00:47 +0000

Бојан и Марија од Ај Кју по успешната преработка на „Молитва“ ни ја претставуваат нивната нова песна „До тебе“. Музиката и текстот го напишаа сеќе проверениот спој на Бојан Трајковски и Кристина Арнаудова, а продукцијата и аранжманот се на Роберт Билбилов. Песната е снимена во JustRBproduction, а за медиумите изјавија: „За одредени песни едноставно знаеш дека има нешто посебно и дека се поклопиле енергиите на сите вклучени во тимот, токму за оваа песна така се чувствувавме“. Ај Кју спотот го снимија во Лондон, каде во последно време се поактивни на музички план со настапи и снимања, но најавија дека летово ќе имаат настапи и низ Македонија. фото:

Елеганцијата е печатот на оваа фатална дама: Амал Клуни воодушеви на црвениот тепих во розов комбинезон (фото)

Слаѓана Атанасова — Thu, 18 May 2023 10:46:49 +0000

Амал Клуни, сопругата на поранешниот најголем заводник на Холивуд, секогаш воодушевува со својот изглед. Лондон овој пат не беше типично мрачен ден, а заслугите се на фаталната убавица Амал Клуни, адвокатката за човекови права и сопруга на Џорџ Клуни, која се разубави со својот изглед. Дивата, која јавноста ја запозна како единствена жена на која актерската легенда и го кажа „судбоносното да“, не престанува да воодушевува со секое нејзино појавување. Облечена во розов комбинезон, чиј крој наликуваше на фустан, уште повеќе ја истакна нејзината црна, бујна, распуштена коса. Како додаток носеше чанта во истата нијанса, а половината ја нагласи со црн појас. Таа имаше малку повеќе шминка на лицето, а дијамантските обетки додадоа дополнителен шмек на елеганција. Црните едноставни салонки ја запечатија облеката. Фото: Принтскрин/Стивен Лок / Зума Прес / Профимедија

„Ова го направивме заедно“: Кејт Винслет полна со емоции (фото)

Слаѓана Атанасова — Mon, 15 May 2023 07:40:15 +0000

Кејт Винслет, Бен Вишо и серијата „Предавници“ се победници на вечерашното доделување на телевизиските награди БАФТА во Лондон. Познатата актерка на свеченоста дојде со ќерката Миа Триплтон, која исто така е актерка. А таа ѝ ја посвети наградата токму нејзе. Познатата Кејт Винслет е прогласена за најдобра актерка благодарение на улогата во серијата „Јас сум Рут“, а во оваа продукција игра и нејзината ќерка. - Сигурно ќе бидам од оние кои ќе плачат оваа ноќ. Не гледам (рече таа мислејќи на хартијата). Малите британски телевизиски драми можат да бидат моќни, а приказните за менталното здравје како оваа треба да се слушнат. Кога би можела да ја преполовам наградата, половина би и дала на ќерка ми Миа Триплтон, ова го направивме заедно, душо. На луѓето кои имаат влијание им велам: ве молам забранете ги штетните содржини, не сакаме да го гледаме тоа... секој млад човек кој долго време бара да биде сослушан, ве молиме побарајте помош. Ќе најдете помош, само побарајте – рекла актерката. Фото: Принтскрин/Инстаграм/Ли Флојд/Профимедиа

Чарлс стана крал, а Камила кралица на церемонија водена по традиција стара со векови (видео)

Слободанка Илиева — Sat, 06 May 2023 12:56:39 +0000

Британскиот крал Чарлс Tрети беше крунисан на церемонија во Вестминстерската опатија со круната на Свети Едвард ставена на главата, моментот обележан со плотуни низ Обединетото Кралство. Чинот на крунисувањето се одржа на половина од двочасовната церемонија предводена од надбискупот од Кентербери, Џастин Велби. Пред тоа, Чарлс Трети положи заклетва за крунисување потврдувајќи дека ќе ги почитува законите и Англиската црква за време на неговото владеење и дека е „верен протестант“.

View this post on Instagram

A post shared by The Royal Family (@theroyalfamily)

По седнувањето на историскиот крунисувачки престол, на кралот му бил врачен кралскиот меч за да ги заштити правдата, Црквата и народот, а доби и други кралски обележја, како што се жезло, палка, златно јаболко, ракавици и прстен. Плотуни беа испукани во моментот на крунисувањето на 11 локации низ Обединетото Кралство, вклучувајќи ги Единбург, Кардиф и Белфаст, како и од бродови на британската кралска морнарица. Традиционално, членовите на благородништвото и кралското семејство треба да клечат пред кралот, да му оддадат почит и да му ја бакнуваат десната рака. Но, за Чарлс Трети тоа ќе го направи само неговиот син, принцот Вилијам. По Чарлс ќе биде крунисана и неговата сопруга Камила, иако нема да мора да положи заклетва.

View this post on Instagram

A post shared by The Royal Family (@theroyalfamily)

Во последниот дел од церемонијата, кралот и кралицата ќе се причестат, што е главниот дел од христијанската црковна служба. Тие ќе се симнат од своите престоли и ќе влезат во капелата на Свети Едвард, која се наоѓа зад главниот олтар. Таму, Чарлс ќе ја соблече Едвард и ќе ја стави царската државна круна, која, на пример, се носи на отворањето на годишната седница на Парламентот. Потоа ќе се приклучат на поворката што ја напушта опатија, придружена со националната химна. Крунисаната двојка потоа ќе се врати во Бакингемската палата по истиот пат. По крунисувањето, низ улиците на главниот град започнува парада на илјадници војници и коњаници. фото/видео: Инстаграм/theroyalfamily

Жељко Митровиќ не се штедеше на вулгарност кога му го споменаа несудениот зет (фото)

Слободанка Илиева — Wed, 22 Feb 2023 12:33:09 +0000

Наследничката на сопственикот на империјата „Пинк“, убавата Кристина Митровиќ релативно неодамна стави крај, како што многумина веруваа, на својата бајковита врска со украинскиот милијардер Илија, со кој речиси секојдневно ја изразуваше својата љубов преку социјалните мрежи. Кога од засега непознати причини раскинаа, се очекуваше јавно да се огласат, што и го направија - ги избришаа сите нивни заеднички фотографии, но и споделија објави со кои на сите им беше јасно дека направиле правилен потег кога ќе се разделат. Каков е односот на Жељко Митровиќ кон несудениот зет, многумина се прашуваа и додека траеше оваа љубов, а особено сега сите ги интересира дали остана грам почит меѓу бившиот свршеник на Кристина и нејзиниот славен татко. Имено, ќерката на Жељко Митровиќ пред неколку дена го прослави својот роденден, а тоа беше идеална можност посветениот татко да замине во Лондон, каде што живее таа, да си го разубави денот и да приреди незаборавна прослава која ја овековечи пред камера, а снимките и фотографиите кои беа создадени по овој убав повод споделени на социјалните мрежи. Под неговите објави од Лондон не недостигаа добри желби и честитки, но меѓу суперлативните коментари имаше и еден кој успеа да го испровоцира медиумскиот магионичар, кој одговори во свој стил. - Што бараше во Лондон? Несудениот зет да го моли да се врати? - беше крајно непримерното прашање на еден следбеник, по што следеше многу конкретен одговор. - Тебра, јас имам голем бизнис овде, кого го боли к**ац за зетот??? - напиша тој, па сега мистеријата околу односот на Жељко Митровиќ кон неговиот несуден зет е разрешена за сите оние кои толку ги интересираше. фото:Инстаграм принтскрин

Симона Живковска актерката од „Црната вдовица“ во Скопје: „Во Лондон најмногу ми фали симит погача“ (ВИДЕО)

Антонио Димитриевски — Fri, 02 Sep 2022 06:36:50 +0000

Македонската актерка Симона Живковска (28) пред три години глумеше во „Црната вдовица“ со Скарлет Јохансон и во филмот зборува на мајчиниот македонски јазик. Тогаш преку ноќ, медиумите почнаа да пишуваат за девојката со македонско-карипско потекло, која е родена во Скопје, а повеќе од дваесет години живее во Лондон. „Последен пат бев тука и лани за премиерата на 'Црната вдовица' ама фатив ковид и останав во карантин две недели. За Македонија ме врзуваат многу убави спомени, се сеќавам со брат ми се качувавме по дрва да береме цреши. На седум години се преселивме во Лондон и тогаш не го знаев англискиот јазик. Знаев само две работи 'отвори врата'' и 'затвори врата' и ако ме прашаа нешто, јас само тоа им одговарав. Мислам дека потоа поминаа 15 години пред да се вратиме првпат во Скопје“, вели Симона за „Репортер“. Таа и овој пат во Македонија беше кратко, да погледне некој филм на „Браќа Манаки“ во Битола и да се види со семејството во Скопје. Тука ѝ се повеќето роднини, но и баба ѝ за која ја врзуваат некои од најубавите сеќавања од детството. „Баба ми ме научи да правам мекици, таа ги прави најубаво од сите. Знам да направам и бурек и мусака. Порано кога доаѓав тука, вртев и филџан за да ми гледа на кафе. Знаеш, многу работи од Македонија ми фалат во Англија, ама најмногу симит погача. Никаде во Лондон нема симит“, раскажува Симона. Иако потекнува од мешано семејство, на осум години првпат се нашла во непријатна ситуација оти таа и нејзиниот помал брат Борис немаат иста боја на кожата. „Седевме на лулашки во Лондон и едно дете го задеваше брат ми. Јас како постара отидов да го одбранам и му кажав на детето да не го малтретира, а тоа ми вика: 'Ама како ти е брат, тој е бел, а ти си потемна'“, се сеќава Симона, но вели не му забележала за реакцијата, оти тогаш биле деца. Со семејството во Англија и денес зборува македонски. Вели: „Не сакам да го заборавам мајчиниот јазик, сакам да научам да го зборувам уште поубаво, а еден ден да глумам и во македонски филм“. Обожава македонска и српска музика. Нејзин роденден не може да помине без народно, а ги учи и другарките да ги пеат овие песни, па често ги објавуваат и видеата на социјалните мрежи. Освен глумата, Симона тренира боречки вештини, пишува поезија, работела во машки затвор, а им помага и на девојки и жени кои се жртви на семејно и сексуално насилство. Сите овие приказни ги раскажува со многу емоции. Но и за тоа како реагираат луѓето во Македонија кога ќе им прозбори на македонски, зошто сака да се врати да живее во Скопје, ѝ било ли тешко како дете да најде пријатели во Англија, за првата улога во театарска претстава, серијата „Девилс“ во која глуми и Патрик Демпси, сака ли да глуми во Холивуд... Гледајте го интервјуто со Симона Живковска:

Бранот удира и жежок допир продира во „Заведи ме“ на Ај Кју (аудио)

Слободанка Илиева — Thu, 11 Aug 2022 12:32:46 +0000

Музичкото дуо „Ај Кју“ кое го сочинува љубовната двојка Марија и Бојан, пред неколку месеци се преселија во Лондон, па оттаму по подолга пауза се активираат со нова песна за македонскиот музички пазар. Темата е насловена „Заведи ме“ , а на истата од далечина, Марија и Бојан работеле заедно со Роберт Билбилов. Текстот е летен, романтичен, љубовен, а музиката е во диско-фанки ритам. Песната ја објавија на интернет каналот Јутјуб, но само во аудио верзија на која ако позадина стои фотографија од Марија во бикини легната под сонцето. Преслушајте го музичкиот поздрав што го испратија „Ај Кју“.

Престојот на Цеца во Лондон чини басносновна сума на пари, еве колку чини една ноќ во хотелот во кој престојува „српската мајка“

Riste Zdravkov — Fri, 29 Apr 2022 06:53:22 +0000

Фолк дивата Цеца Ражнатовиќ отпатува во Лондон поради настап, а пејачката престојува во еден од најскапите хотели Цеца синоќа одржа концерт во Лондон, а пејачката очигледно решила да го продолжи престојот и одморот во еден од најубавите градови во Англија. Познато е дека Цеца сака да ужива во луксуз, па не е чудно зошто го избрала хотелот во кој престојувала. Фолк дивата престојува во хотел кој е на само 500 метри од центарот на Лондон и има пет ѕвезди, а ноќевање за едно лице чини вртоглави 1.070 евра за ноќевање! Цеца неодамна ја прашаа кој е вистинскиот маж за неа, а таа како од топ одговори: – Путин! (Смеа) Сите би Путин. Се шегувам, тој најмалку ја гледа жената, нема време за водење љубов и романса. Дотичниот, со сета почит, е престар за мојот вкус, јас би малку помлад и да нема толку обврски – изјави Цеца неодамна.