„Прсти да излижеш“: Направете си дома вкусен локум по овој турски рецепт

Слаѓана Атанасова — Wed, 18 Jan 2023 11:38:49 +0000

Турскиот локум е многу сладок десерт со густа конзистентност во форма на желе. Збогатете го вкусот со додавање лимон или додавање на вашите омилени јаткасти плодови.

Потребни состојки:

260 грама шеќер во прав
180 милилитри вода
4 лажици сок од лимон
кора од 1 лимон
120 милилитри вода
80 грама пченкарен скроб
2 капки жолта прехранбена боја
1 грст ореви
пченкарен скроб
листови бадем

Турскиот локум е карактеристичен за кујните на Блискиот Исток и на Балканот. Обично, на локумот му се додаваат вода од роза, ванила или нане, како и лешници или кокос. Овој турски специјалитет е многу повкусен ако му додадете лимон, благодарение на што ќе има многу освежителен вкус. Послужете ги вашите гости со локум што дефинитивно ќе ги освои нивните срца.

Начин на подготовка:

Добро намачкајте го силиконскиот калап со масло. Турските специјалитети се многу лепливи, а флексибилниот калап го олеснува вадењето на локумот. Ставете 180 милилитри вода, шеќерот во прав и сокот од лимон во тенџере со дебело дно. Загрејте ја течноста и повремено мешајте, а потоа тргнете го тенџерето од ринглата. Потоа, добро измешајте го пченкарниот скроб со остатокот вода. Во него додајте една лажица шеќерен сируп за да ја загреете смесата и потоа измешајте. Полека додајте го пченкарниот скроб и постојано мешајте. Загрејте ја смесата на тивок оган. Таа треба да стане уште погуста, а по некое време ќе стане и речиси проѕирна. За да видите дали е време да додадете боја, земете малку од смесата во лажичка и ставете ја во ладна вода. Ако текстурата ви одговара, додајте ги кората од лимон, прехранбената боја и оревите. Колку подолго се загрева смесата, толку ќе биде порастеглива по ладењето. Така и подолго ќе се одржи конзистентноста на локумот на собна температура. Ставете ја смесата во калапот и израмнете ја колку што е можно подобро. Оставете ја да отстои неколку часа, а потоа отстранете го калапот и исечете ја на коцки. Извалкајте ги коцките локум во листовите бадем, а потоа посипете ги со пченкарен скроб или со шеќер во прав за тие да не се лепат меѓусебно. Извор: Курир.мк

Стар рецепт за локум: Готов за 15 минути

Христина Ѓоргиевска — Fri, 05 Jul 2019 12:50:41 +0000

Стар десерт кој лесно се подготвува… СОСТОЈКИ: 380 мл вода 300 гр шеќер 250 мл сок од портокал 140 гр пченкарен скроб 3 лажици сок од лимон 3 лажици пченкарен скроб за посипување 1 лажица шеќер НАЧИН НА ПОДГОТОВКА: Измешајте вода, сок од портокал и шеќер па додајте пченкарен скроб. Сѐ ставете на рингла и непрекинато мешајте додека сѐ не згусне како пудинг. Масата тргнете ја од рингла па додајте 3 лажици сок од лимон па добро измешајте. Префрлете во огноотпорен сад и оставете да се излади. Кога ќе се излади, исечкајте на коцки, па извалкајте ја секоја коцка во комбинација од пченкарен скроб и шеќер. извор: готви.мк

локум – Вистина.мк

„Прсти да излижеш“: Направете си дома вкусен локум по овој турски рецепт

Потребни состојки:

Начин на подготовка:

Стар рецепт за локум: Готов за 15 минути