љубовни врски – Вистина.мк

Колку сте поладни, толку повеќе ве сакаат? Како доаѓа до промени во љубовните врски

Слаѓана Атанасова — Fri, 12 Jan 2024 13:45:37 +0000

Луѓето играат психолошки игри, често несвесно. Има луѓе на кои врските едноставно им се случуваат. Без размислување. Колку пати во животот сте слушнале дека некој има свој „тип на личност во кој се заљубува“? Постои нешто што се нарекува психолошка животна скрипта врз основа на која ги избираме сите луѓе што ги „вметнуваме“ во нашите животи, но за тоа ќе пишуваме друг пат. Ако на некој му се допаѓате кога сте ладни, тој покажува мазохистички тенденции. Тој се самоповредува. Не е природно да сакаш некој што е ладен. Љубовта – без разлика дали ја толкуваме како емоција или врска – треба да биде возвратна и взаемна. Во секој друг случај, под превезот на љубовта се крие нешто сосема друго, а тоа другото воопшто не е убаво или здраво. Од друга страна, ако сте ладни кон некој што го сакате, треба да ги преиспитате своите емоции и да проверите на што и на кого сте лути, како и да сфатите дека екстремниот студ може да предизвика дури и изгореници. Извор: Попара

Тијана Ајфон го разврза јазикот и проговори за „авантурите“ на Маја Маринковиќ (фото)

Слаѓана Атанасова — Fri, 07 Oct 2022 09:58:50 +0000

Маја Маринковиќ крена голема прашина со учеството во „Задруга“, а сега се огласи и пријателката на старлетата, Тијана Максимовиќ, попозната по прекарот Ајфон, која даде свое мислење за љубовниот избор на Маринковиќ. Имено, Маринковиќ за краток период успеала да го освои срцето на Марко Марковиќ, но била поврзана и со некои нејзини цимери што поради романса што поради расправии, а Ајфонка истакнува дека е премногу горда на неа: - Прво да кажам дека ми недостига и дека одам да и се јавам десет пати на ден и потоа се сеќавам каде е. Оваа сезона Маја покажа што значи однесување на една дама! Премногу сум горда и ја има мојата поддршка - одговорила Тијана, а потоа открила како гледа на односот со Марко: - Што се однесува до нејзината врска со Марко, зошто да не?! Убаво момче, паметно, внимателно. Тој не е „Индијанец“ како нејзините претходни избори. Мислам дека не намерно влезе во таа врска, затоа што сепак тоа е Маја, нема што да докажува никому, може да има што ќе посака. Таа прави како што сака. Тијана се осврна и на шпекулациите дека на Маја всушност и се допаѓа Ѕвездан Славниќ: - Што се однесува до дружењето на неа и Ѕвездан, не гледам ништо лошо, па таа има пријатели и надвор. Ѕвездан е толку фин и културен и мислам дека треба да се дружи и да поминува време со такви луѓе. Тој не е нејзин тип и премногу е смирен за неа. Мислам дека нема ништо повеќе од пријателство - истакнала Максимовиќ, а потоа се осврнала и на војната на Маја со Александра Николиќ: - О, тоа со Алекс, тие тепачки. Не ми се допаѓа тоа! Но, мислам дека Дејан има големо влијание врз Алекс, има лошо влијание врз неа. Да не беше тој, немаше да се случат тие тепачки. Со Таки разговарам секој ден, многу го почитувам и ценам, а сите навиваме за Маја - вели Ајфонка. Тијана го спомнала и Урош Ќертиќ, но всушност без пофални зборови за него: - Урош е сериозен риалити играч, според мене иритирачки, но силен за играта. Тој само бара маркетинг. И да, сфативме дека е каскадер – заклучи Тијана Ајфон. Фото: Принтскрин/ТвПинк/Д.Цветановиќ/М.Рафаиловиќ/Блиц

Време е да раскинете: Четири работи кои никогаш не треба да му простите на партнерот, тие се полоши од изневерување

Слаѓана Атанасова — Tue, 16 Aug 2022 14:00:15 +0000

Секој од нас си го избира својот животен стил и не е редок случајот двајца луѓе да се заедно, но по некое време излегува дека токму поради различните преференци, цели и идеи за тоа како треба да изгледа една врска, ја прекинуваат врската. . Постојат многу начини на кои луѓето покажуваат екстремно непочитување и недостаток на љубов, а со личност која се однесува така дефинитивно не можете да бидете среќни во врската, ниту пак да се трудите да бидете во нивна близина. Тој едноставно не те заслужува. Одбива да ви помогне Колку пати сте слушнале од вашата „друга половина“ дека не знаат, не можат или, што е најлошо, не сакаат да направат нешто? Врската подразбира дека партнерите можат да се потпираат еден на друг, да си помагаат и да напредуваат заедно. Доколку не ја чувствувате поддршката од партнерот, тој одбива да биде ваша поддршка и помошник, навистина нема потреба да правите понатамошни планови со него. Замислете како ќе биде да се биде во брак со таква личност. Се заканува дека ќе си замине Никогаш, апсолутно никогаш не смеете да дозволите некој да ве уценува! Без разлика колку вашиот нарцисоиден и себичен партнер ви кажува дека ќе ве остави поради нешто, што навистина не е причина да раскинете, треба да го пуштите да си оди. Врската не му е прв приоритет Работата, семејството и пријателите се важни работи, но не смеат секогаш да бидат пред љубовта. Секој заслужува да биде приоритет на својот партнер. Затоа бидете внимателни. Добро погледнете до кој степен ви дава важност во вашиот живот и ако забележите дека апсолутно секогаш сте на второ место, јасно ви е што треба да направите, заради себе. Предавство Изневерувањето е секако најочигледниот облик на предавство, но има и други работи. Изневерената доверба е исто така лоша работа. Не е во ред вашиот партнер да открива интимни детали за вас пред неговите или вашите пријатели или, уште полошо, пред членовите на семејството. Исто така, тајните кои сте му ги довериле треба секогаш и строго да останат меѓу вас.

Ако го прави ова не е добар избор за врска: „Љубовното бомбардирање“ е алармантна појава, а еве која е целта

Слаѓана Атанасова — Tue, 28 Jun 2022 13:45:42 +0000

Прекумерното внимание и приврзаност на самиот почеток на врската, инаку наречено „љубовно бомбардирање“, може да укаже дека сте во врска со погрешна личност, иако тоа ви се допаѓа. – Љубовното бомбардирање е форма на емоционална манипулација која се користи за стекнување моќ над личноста, опсипувајќи ја со нешто што на прв поглед изгледа како голема количина на наклонетост и внимание – смета д-р Спирит. Оваа појава најлесно ќе ја препознаете доколку некоја личност на почетокот на врската ве опсипува со вистински „љубовни бомби“, ве прави принцеза, целото внимание го насочува кон вас, ве опсипува со комплименти, постојано ви пишува, купува подароци и слично. Главната цел на ваквото однесување е да ве направи зависни од него, а кога ќе го покаже своето вистинско лице, веќе е доцна, веќе сте фатени. Експертите посочуваат дека ваквото однесување е проблематично бидејќи ги нарушува личните граници. Според психоаналитичарката Бабита Спинели, целта на љубовното бомбардирање е да го направи нарцисот зависен од вас и да предизвика кај вас чувството дека сте должни да возвратите на ист начин. Љубовното бомбардирање е една од главните карактеристики на нарцисите. Сепак, важно е да не се меша љубовното бомбардирање со таканаречената фаза на меден месец, која се однесува на напредок, среќа и возбуда на почетокот на врската. – Во фазата на меден месец љубовта ја покажува желбата да се фокусира на она што му се допаѓа или го интересира другиот. Дејствата обично се обмислени и планирани и немаат намера да ве импресионираат. Љубовните бомбаши, пак, го опсипуваат партнерот со внимание и за возврат очекуваат признание од партнерите, но и од сите останати. Може да препознаете и љубовно бомбардирање ако вашиот партнер по само еден месец врска почне да спомнува сериозни животни чекори, како свршувачка, заедничко патување, брак или деца. Ако ова се случува редовно, а имате чувство дека не сте се ни сретнале често, можно е да сте жртва на љубовен бомбардирање. Таквото однесување укажува на нерамнотежа. Ќе препознаете љубовен бомбаш дури и ако одговори со „да“ на сите ваши барања. Иако можеби изгледа како само да сака да ви го угоди, имајте на ум дека тоа е само маска и дека нема да има проблем подоцна да го бара истото од вас, велејќи: „Но, јас ти го направив тоа …“. Сепак, најлесниот начин да ги забележите себичните намери на нарцисот, за кои тој самиот можеби не е свесен, е тоа што тој го бара истото за возврат, како и признание, како од вас, така и од оние околу него. Главната цел на овие луѓе е да направат другите луѓе да им завидуваат. Најдобро е да се потпрете на своите чувства, односно на интуицијата, за да не помешате нечии навистина добри намери со нарцизам. Добро набљудувајте го однесувањето на партнерот. Исто така, добро размислете дали вие сте личноста која бара благодарност во врската за сè што прави, наместо тоа да го прави од желба да ве направи и двајцата убави и двајцата да уживате.

Од што се срами ? Наташа Беквалац проговори за самодовербата (Фото)

Слаѓана Атанасова — Tue, 14 Jun 2022 09:51:39 +0000

Пејачката Наташа Беквалац долго време важи за една од најпосакуваните пејачки на естрадата. Сепак, убавата Наташа не криеше дека не се чувствува секогаш посакувано и полно со самодоверба, што ретко кој би го признал во денешно време. - Самодовербата ми е разнишана уште од мојата најрана младост. Можеби не изгледа така, но како млада жена и девојка бев многу, многу несигурна. Па, таква сум и денес. Тоа се секојдневни борби, а ако се однесувам како некој што пука од самодоверба, верувајте не така, открила Наташа Беквалац за ТВ Курир. Таа истакна дека убавината понекогаш е товар, а понекогаш поради неа се отвораат неочекувани врати. - Никогаш не играв на таа карта, ми се залепи тој епитет, не си го додадов јас сама. Тоа секогаш ми беше товар, бидејќи беше нешто што секогаш беше ставено во преден план. – истакна Наташа. Да потсетиме, по низата неуспешни љубовни врски, но и бракови, убавицата од Нови Сад реши да ужива во самотија. И додека злите јазици би рекле дека одамна Наташа нема партнер до себе, пејачката открива дали е поубаво или полесно без маж. - Многу ми е полесно. Пред некое време си реков дека сакам да потпишам за да ми биде вака до крајот на животот, не дај боже да ми се случи во некој да се заљубам. Тогаш се ми оди наопаку во животот, вели Наташа. Фото: Принтскрин/Инстагарм/bekvalceva

Оваа жена Аркан ја сакал пред Цеца, но таа го напуштила заедно со заедничките деца (фото)

Слаѓана Атанасова — Thu, 28 Apr 2022 12:04:14 +0000

Наталија Мартиновиќ, сопругата на покојниот Жељко Ражнатовиќ Аркан, го оставила откако дознала дека меѓу него и младата поп ѕвезда Светлана Цеца, тогаш Величковиќ настанале емоции. Откако нејзиниот тогашен сопруг Жељко призна дека се заљубил во Цеца, Наталија ги спакувала куферите и си заминала заедно со нивните четири деца. Иако тогаш сите ја обвинуваа пејачката за нивното раскинување, Аркан остро ги осуди ваквите коментари, тврдејќи дека пејачката нема никаква врска со тоа. „После 13 години брак со Наталија, се разведов. Мојата Маша се роди додека бев во хрватски затвор. Со сопругата не сме заедно три години. Имав три брака, но никогаш не сум бил женкар. Не сум имал љубовни врски. За 13 години колку што бев со бившата сопруга, ништо не се случило што би ѝ предизвикало сомнеж. Тогаш се заљубив во Цеца. Тоа и го кажав на жената. Всушност, тоа се случуваше постепено. Цеца беше упорна. Отворено ми зборуваше за нејзината љубов и јас полека ја прифатив“, открил Аркан за српските медиуми во 1996 година. Наталија Мартиновиќ е првата сопруга на Жељко Ражнатовиќ Аркан. Тие беа во брак од 1985 до 1994 година. Аркан и Наталија имаат четири деца, близнаците Војин и Никола и две ќерки Маша и Милена. Фото: Принтскрин/Инстаграм/vojinraznatovic

5 карактеристики кои ги имаат здравите љубовни врски – сите се подеднакво важни

Христина Ѓоргиевска — Mon, 20 Dec 2021 13:15:06 +0000

Партнерските односи се индивидуална работа, но постојат некои особини кои се заеднички за речиси сите врски. Љубовниот однос зависи од самите личности, нивните очекувања и волјата да работат на себе и својата врска. Бидејќи сите тежнеат да бидат во здрава врска, а многумина не знаат што всушност таа подразбира, терапевтите и психолозите се согласни дека сите добри и здрави врски имаат заеднички карактеристики. Ова се некои од нив:

Го кажувате она што го мислите

Врската ќе биде здрава доколку вие немате проблем да бидете она што сте и во согласност со тоа и да се изразувате. Тоа значи дека нема забранети теми и вашиот партнер ве слуша кога нешто зборувате. Доследната комуникација е клучна за изградба на траен заеднички живот и е една од најисправните карактеристики на здрава врска.

Имате свој личен простор и време

Само затоа што сте заљубени, не значи дека секој момент мора да го поминете заедно. Одвојте време за остварување на сопствените интереси и пријателства. Тоа го опишува вашиот однос и ви дава прилика да растете како поединци - дури и кога растете како пар.

Имате конструктивни расправи

Една од најголемите разлики помеѓу здравите и нездравите врски не е во тоа дали парот се расправа или не, туку начинот на кој се расправаат луѓето во врската. Несогласувањата се нормални, но доколку ги нема, голема е веројатноста дека се воздржувате. Но, кога две лица во врска се расправаат, конструктивно и фер и избегнуваат навреди и омаловажувања, тоа значи дека имаат здрав однос. Тоа значи дека се обидувате да го разберете својот партнер, а не да освоите поени по секоја кавга. Кога ќе погрешите, извинете се.

Ви се допаѓа вашиот однос

Здравите односи се темелат на реалноста. Веројатно вашиот однос нема одеднаш да се подобри доколку добиете на лотарија, добиете дете или се вселите во домот од соништата. Затоа немојте да го темелите своето партнерство во надеж дека нешто ќе се промени во односот. кар Сфатете дека не сте совршени, но не е ни вашиот партнер, прифатете се и ценете се едни со други поради тоа што сте моментално, а не поради она што би можеле да бидете.

Заедно донесувате одлуки

Уште една клучна карактеристика на здравите врски е вие да не одлучувате сами за сè, како ниту вашиот партнер. Од тоа кој филм ќе го гледате до тоа колку деца ќе имате, заедно носете ги одлуките и сослушајте ги желбите и грижите на партнерот. извор: точка.мк

Ако љубовните врски се поделени на овие три различни типа, на кој припаѓа вашата врска?

Христина Ѓоргиевска — Thu, 03 Jun 2021 12:15:13 +0000

Прочитајте за разликите помеѓу врските и разгледајте дали би ја класифицирале вашата сопствена љубовна врска како: традиционална, освестена или трансцендентна Иако секоја се заснова на љубов, нема две врски кои исти: сите парови поминуваат низ различни фази на врската на различни начини и имаат различни цели кон кои се стремат во таа врска. Сепак сите овие разлики може да се сумираат во три главни типа на врска или однос:

1. Традиционални врски

Традиционалните врски се најчести и се јавуваат во многу бракови и врски и обично вклучуваат партнери кои се фокусирани на заеднички интереси, но не баш на личен раст и развој. Во повеќето традиционални врски, ниту еден партнер нема да вложи посебен напор во сопствениот развој и унапредување – ментално или духовно – прво целосно да се прифатат себеси, и дури потоа силно да се поврзат со другата личност… Во ваквите врски и двајцата партнери се фокусирани првенствено на себе и на задоволување на сопствените потреби, што ги спречува да растат во двојка и честопати предизвикува меѓусебна конкуренција околу тоа кој е подоминантен во врската… Партнерите во традиционалните врски најчесто избегнуваат решавање на проблемите што ги имаат како двојка, претпочитајќи целосно да ги игнорираат. Како и да е, повеќето луѓе во такви врски само бараат сигурност, па врската веројатно ќе остане иста засекогаш, а раскинувањето најчесто ќе се случи кога некој ќе реши посериозно да работи на себе.

2. Освестени врски

Таквите односи се јавуваат помеѓу две „сродни души“, што е можно само ако двајцата партнери го „постигнале“ својот емотивен и духовен раст самостојно, пред да се сретнат со другиот. Во свесните врски, фокусот е ставен на емоционалниот и духовниот раст на обете лица, но исто така и на растот на парот, а луѓето во такви односи постојано учат едни од други, со цел да постигнат своевидна спиритуализација. Двајцата партнери во освестената врска се толку активно вклучени во решавање на заедничките проблеми, имаат доверба и можат да се потпираат еден на друг: така тие се во можност да воспостават врска во која „ние“ е пред „јас“… Сепак, дури и овие врски не секогаш траат до крајот на нивниот живот, а односите обично се распаѓаат кога две лица веќе немаат простор за заеднички раст и развој или кога едното од нив веќе не може да ги задоволи основните потреби на другото…

3. Трансцендентни односи

Специфичноста на ваквите врски е дека партнерите се сакаат безусловно и двајцата веќе одамна го совладале прифаќањето на сопствената одговорност – така што сега заедно можат да создадат своја сопствена среќа и емоционална стабилност, без страв дека некој од нив ќе се „изгуби“ Бидејќи и двајцата целосно се реализирани и се свесни за својот идентитет, партнерите во оваа врска лесно прифаќаат дека врската ја прават двајца и создаваат заедница во која не се губи нивната личност, а целината е поголема од збирот на нејзините делови… Бидејќи тие го совладале безусловното прифаќање на себе и другите, во таквите односи, борбите за моќ и надмоќ не се чести, а партнерите целосно се поддржуваат еден со друг во животните желби и цели. Двајцата се водат еден со друг и доволно им е она што го имаат, а во врската се и повеќе од задоволни, така што можат лесно да се посветат комплетно еден на друг до крајот на животот… извор: Попара.мк

Експерт за љубовни врски открива 3 неочекувани знаци кои укажуваат дека вашата врска е осудена на пропаст

Христина Ѓоргиевска — Tue, 16 Feb 2021 13:02:54 +0000

Некои од знаците не е лесно да се препознаат и протолкуваат на вистински начин. Постојат многу причини поради кои што некоја врска може да успее, но исто така и да пропадне, а некои од нив навистина на прв поглед тешко е да се препознаат. Експерт за врски, Џорџ Кали, привлекол големо внимание со својот список на причини на кои што мора да внимавате и кои што укажуваат на крај.

Многу секс

Како е возможно да имате премногу секс, се прашувате. Па, Кали смета дека погрешна е претпоставката дека партнерот кога ќе престане да покажува интересирање за секс, пронашол замена на друго место. Вистината е друга - новото истражување покажало дека 40 отсто од луѓето кои изневеруваат имаат повеќе секс од вообичаено со партнерите затоа што дополнително ги возбудува и помислата за неверство. Доколку нешто се посомневате, Кали советува дека преку преминување на директна акција во кревет, директно треба да го прашате вашиот партнер откаде толкава енергија за секс. Совршен партнер Очигледно дека ниту совршенството не е доволно добро. Кали напоменува дека доколку слепо му верувате на партнерот и ги игнорирате неговите маани, тоа може да доведе до огромни проблеми. Од друга страна, зрелата љубов е рационална и оддржлива. Однесување во јавност Колку пати сте виделе парови кои што не можат да ги тргнат рацете еден од друг? Сигурно сте помислите - луѓе, изнајмете си соба! Но, нив не им треба соба туку советник за врски. Претераното покажување љубов во јавност е знак за несигурност, луѓето кои што се задоволни од својата врска немаат потреба да го докажуваат тоа и интимноста ја оставаат за себе. извор: точка.мк

Љубовни врски: Со кого ве запозна прво кажува многу за вашата иднина

Христина Ѓоргиевска — Mon, 17 Aug 2020 12:30:19 +0000

очетокот на врската е возбудлив сам по себе, а многу е важно како се запознавате со новиот партнер и кои личности од неговиот живот сте ги запознале први. Има нешто посебно во тоа кога партнерот за прв пат ве запознава со луѓето кои му се блиски – семејството, пријателите, колегите. Потајно се надевате дека ќе им се допаднете и дека добро ќе се вклопите во неговиот круг на луѓе. Дали прво ве запознал со членови на семејството, со друштвото или со најблиските колеги кажува многу за типот на врска што тој сака да ја изгради со вас.

Колеги од работа

Едно е сигурно – кариерата игра голема улога во неговиот живот. Голема е веројатноста колегите од работа да се неговите најблиски пријатели. Има уште една варијанта – се „изгорел“ во претходната врска и мислејќи дека тогаш избрзал, решава прво да ве запознае со колегите, како „побезболна варијанта“.

Пријатели

Неговиот најтесен круг на пријатели се луѓе кои најдобро го познаваат и нивното мислење за вас многу му значи. Ако ве запознал со нив на вечерно излегување во кафуле или дискотека, тоа значи дека или случајно сте налетале на нив или ја одбрал „помеката“ варијанта. Ако договори поинтимна средба со потесен круг на луѓе или ве запознава со (речиси) сите одделно, тоа значи дека сака убаво да се запознаете со луѓето кои му значат.

Семејство

Најретко се случува партнерот прво да ве запознае со членови на семејството. Позитивната страна е дека семејството му е важно и најверојатно е тип кој сака врски „на долги патеки“. Негативна страна би било дека без „одобрување“ од семејството не влегува во посериозна врска, што би значело дека тој не носи одлуки самостојно и зависи од семејството. извор: Курир.мк