љубовни проблеми – Вистина.мк

Зошто интелегентните луѓе почесто имаат љубовни проблеми?

Христина Ѓоргиевска — Tue, 02 Nov 2021 13:15:45 +0000

Интелигенцијата е одлична особина. Но, колку што е благослов, толку може да биде и проклетство. Колку и да интелигентните луѓе имале одлична меморија, размислувале зрело и биле многу способни во бизнисот, толку многу можат да страдаат во емотивниот живот.

Така велат експертите за врски.

– Нивното оценување на разумот и логиката доведува до пречки кога станува збор за спонтано однесување и чувства. Се разбира, овие факти не важат за сите интелигентни луѓе, но многумина, кои ги имаат овие карактеристики, имаат поголема веројатност да имаат конфликти во односите и им е потешко да го направат првиот чекор, особено кога станува збор за мажите, вели психологот Медлин. Мејсон и наведува дека интелигентните луѓе обично прават грешки.

1. Сè испитуваат

Нивниот мозок е многу активен, па премногу го набљудуваат и анализираат однесувањето на партнерот. Преиспитувајќи ги ситуациите и настаните, тие ја спречуваат појавата на сопствените стравови, но често тоа е причина за расправија со партнерот. Затоа е важно интелигентните луѓе да научат да се потпираат на своите чувства без никакво преиспитување.

2. Тие знаат сè подобро

Многу паметните луѓе ретко ги менуваат своите ставови и цврсто стојат зад своите одлуки. Тие со задоволство споделуваат знаење – често дури и кога никој ништо не ги прашува. Овој начин на размислување, сепак, им штети на врските, бидејќи емотивните односи тешко можат да се разјаснат со логични факти. Тие се објективни и често повеќе се грижат за тоа отколку за она што е субјективно – како чувствата, па често излегува дека тие го ставаат незнаењето на носот на партнерот.

3. Врската ја гледаат како наука

Во науката има точни податоци и процедури, но не и во љубовта. Сепак, ова не важи за интелигентните. Најтешко им е кога ќе наидат на непредвидливи ситуации.

4. Се сеќаваат на се

Речиси совршената меморија има своја црна страна. Исклучително интелигентните луѓе лесно ги вадат од ракави спомените и даваат докази во конфликтни ситуации, а префрлањето на партнер поради стари грешки доведува до катастрофална криза во врската. извор: курир.мк

Љубовни проблеми кои не треба да ги споделувате со пријателите

Христина Ѓоргиевска — Wed, 12 May 2021 13:15:32 +0000

Многумина од нас имаат потреба да им ги кажат своите проблеми на пријателите, но сепак експертите советуваат дека овие работи не треба да ги споделувате со никого. Без оглед на тоа каква природа има проблемот, се чувствуваме подобро кога ќе го кажеме пред оние коишто нè разбираат, а најчесто со пријателите разговараме за љубовните проблеми. Меѓутоа, експертите сметаат дека некои детали од врската сепак не треба да ги споделуваме со останатите.

1. Кавга со семејството на вашиот партнер

Сите понекогаш имаме некаква замерка на однесувањето на семејството од нашиот партнер, но таквите замерки сепак треба да ги задржиме за себе. На луѓето во природа им е да заземат став кога станува збор за нивното семејство, но вие никогаш не може да знаете дали коментарот којшто сте му го кажале некому ќе стигне до вашиот партнер или неговото семејство и ќе предизвика конфликт.

2. Сексуалните фантазии на партнерот

Фантазиите треба да претставуваат тајна поради тоа што станува збор за најинтимниот дел од вашиот сексуален живот. Понекогаш на партнерите потребни им се повеќе години за меѓусебно да си ги кажат сексуалните фантазии, а потоа тие очекуваат тоа да остане нивна заедничка тајна.

3. Приватни информации

„Те молам ова да остане меѓу нас“, е реченицата која што сите нè обврзува на чувањето тајни. Без оглед на тоа за што станува збор, доколку партнерот ве замоли за дискреција, тогаш сте должни да ја испочитувате неговата желба.

4. Лична непријатност

Коментарите за лошиот здив или пак непријатен мирис на нозете - задржете ги за себе. Поточно, на пристоен начин кажете му на партнерот што ви пречи поради тоа што тоа треба да го слушне само тој, а не и вашите пријатели. Станува збор за проблеми коишто можат да се решат и нема потреба за создавање непријатни ситуации, особено доколку станува збор за работи поради кои вашиот партнер се чувствува непријатно. извор: точка.мк

6 најголеми и најчести проблеми во љубовните врски и како да ги решите

Христина Ѓоргиевска — Fri, 22 May 2020 12:25:35 +0000

Светот ќе биде поубаво место за сите само да знаат како правилно да комуницираат. Ова е токму најголемиот проблем во врските – комуникацијата. Не знаеме како да го искажеме она што го сакаме, бараме изговори, не го контролираме тонот на гласот и едноставно погрешно се изразуваме, но не е дека некој на училиште не научил како правилно да комуницираме. Во текот на последните два месеци во изолација, комуникацијата во врските беше ставена во прашање повеќе од кога и да било, заради количината на стрес што го доживуваме и постојаното време поминато со партнерот. Луѓето се принудени да бидат дома и гледаат директно во очи кон работи што можеби ги избегнувале порано. Иако проблемите во комуникацијата во врските се вообичаени, тие не мора да бидат константни. Комуникацијата не мора да биде тешка, само треба да научиме кои алатки да ги користиме. Ви ги донесуваме шесте најчести проблеми во комуникацијата во врските и како да ги решите:

Недостаток на комуникација

Луѓето избегнуваат непријатна комуникација мислејќи дека проблемите ќе поминат, што на долг рок сериозно ја оштетува врската. За да се справите со ова, треба да започнете да зборувате за начинот на комуницирање и за кој посебен начин на комуникација ви значи. Поставете си ги прашањата: Што смета секој од нас како позитивна работа во нашата комуникација? Како можеме да го подобриме? Што ти е потребно од мене во комуникацијата? Само со поставување на овие прашања и постојано работење на тоа, вие ќе решите многу проблеми. Разговарајте за проблемите пред да ескалираат и нормалниот разговор да се претвори во кавга.

Се грижите дека работите ќе се влошат ако „копате” подлабоко

Честопати се грижиме дека ситуацијата ќе се влоши ако се поттикнеме во потрага по решенија за проблемите, но всушност е сосема спротивно – проблемите растат кога се игнорираат. Конфликтот е неизбежен и единствениот начин за успешно решавање на проблемот и намалување на тензиите е преку комуникација. Иако можеби е застрашувачко и срамно да се зборува и да се оди подлабоко во себе и во вашиот партнер, тоа е потребно.

Очекувате партнерот да ви ги чита мислите

Логично, не можете да очекувате вашиот партнер да ви го прочита умот, па затоа е важно тој да знае што се наоѓа во вашата глава, што сакате и што ви треба и да му искомуницирате за тоа. Одвојте некое време за себе да сфатите што сакате од себе и од другата личност. Запрашајте се зошто тоа што го сакате е важно и што точно ви треба, а потоа разговарајте со партнерот.

„Јас секогаш сум во право“

Се разбира, ова не е вистинскиот пристап кон кој било проблем со кој се соочувате. Секогаш има три вистини – ваша, на партнерот и објективната реланост. Треба да прифатите дека вашиот партнер може да има различно искуство или размислување од вас и дека тоа е апсолутно во ред. Можеби зборувате различни јазици на љубовта и само треба да научите доволно од јазикот на другата личност за да можете здраво да комуницирате.

Дефанзивен став и недостаток на слушање

Целта на здравата комуникација е разбирање, а не договор. Многу парови мислат дека треба да постигнат меѓусебен договор, што може да предизвика голем број проблеми. Можеби не се согласувате за многу теми, но обидете се да ја разберете другата страна. Навистина разберете, а тоа бара да слушате и да не се обидувате постојано да победувате во расправијата. Кога паровите се караат, тие често не се караат здраво, користат грди зборови, ја обвинуваат другата личност или ја засрамуваат. Ваквите кавги можат да наштетат и на вас и на врската, но ако кавгата ја видите како можност за меѓусебно разбирање и емпатија, учење, ќе ја подобрите и вашата врска.

Затворање и одбивање разговори

Честопати од желба да не се караат, луѓето знаат да се затворат за да не брзаат кон другата личност, што им штети и на вас и на вашата врска. За да избегнете такво затворање во иднина, договорете 20-минутна пауза за да му кажете на партнерот дека сакате да го продолжите разговорот, само дека треба да се ставите во подобра позиција во главата за да продолжите да комуницирате. извор: убавина и здравје

Неколку љубовни совети коишто треба да ги игнорирате

Христина Ѓоргиевска — Tue, 10 Mar 2020 14:15:27 +0000

Пронаоѓањето на вистинскиот партнер не е едноставна задача. Понекогаш губиме надеж и верба во љубовта. Во ваквите моменти бараме совет кој ќе ни помогне како да ја пронајдеме вистинската љубов. На интернет ќе прочитате сè и сешто, a според Cosmopolitan, ова се неколку љубовни совети коишто се апсолутна глупост. Не можете да ја најдете вистинската љубов на социјалните мрежи Луѓето сметаат дека на апликациите за запознавање партнери има само манијаци и очајни мажи коишто не знаат како да се однесуваат во врска. Овој совет во многу случаи се покажал како неточен. Бидете совршени на почетокот Сакате да оставите најдобар впечаток на почетокот од врската. Ова не значи дека треба да глумите или да се менувате себеси поради некого. Бидете опуштена и таква каква што сте, без маски и глума. Ќе го препознаете вистинскиот веднаш откако ќе го сретнете Апсолутно не. Може да бидете свесни за тоа дали некој физички ве привлекува во моментот откако ќе стапите во контакт со него. Дали е тој вистинската личност за вас – ќе покаже времето. Спротивностите се привлекуваат Убаво е кога некој ве исполнува и кога го има она што вам ви недостасува, и обратно. Но, доколку немате иста цел во животот, врската нема иднина. извор: Курир.мк

Романтична душа: Скопјанката Елеонора во „Задруга2“ си ја отвори душата пред Лазар и проговори за љубовните проблеми

Христина Ѓоргиевска — Thu, 08 Nov 2018 08:30:43 +0000

Претходната сезона на реалното шоу „Задруга“ ги сруши сите рекорди како во Србија, така и во регионот. По успешната прва сезона започна и втората, а во неа се најде и скопјанката Елеонора Миљковиќ која има завршено Правен факултет, а исто така се занимава и како блогерка. Во своето претставување пред да влезе во „Задруга2“, таа истакна дека не може да замисли врска внатре во реалното шоу. Елеонора овој пат за својата интима прозбори со Лазар Јеремиќ Јера со кого зборуваше за своите љубовни врски.

Скопјанката му призна дека имала момче кое многу го сакала, но и дека се уште го сака. „Јас на 25 години сакав да се омажам. Навистина се разочарав. Имав врска долга седум години. Прва и последна. Ние сме два различни света, но го сакам. Тој од мене е помлад шест месеци. Тој е многу љубоморан, а мразам што го сакам. Го сакам повеќе од себе“ вели Елеонора.

Потоа, и Лазар си ја отвори душата и прозбори за љубовната врска со партнерката за која многу тагувал. „Детска љубов. Влегов во реалити и запознав една црнокоса, па се “смував“ со неа. Таа ми кажа дека никогаш не била на море. Јас ги спакував куферите и заминавме на море 10 дена. Таа сакаше да биде манекенка, а јас знаев како се прави тоа. По 3,4 недели ми напиша: „не ми се допаѓаш повеќе“. Таа беше на час по математика и јас влегов и реков да ми повтори тоа што ми го пиша и ми кажа дека не и се допаѓам повеќе“ вели Лазар на Елеонора.

Ако судиме по она што го кажаа тие се романтични души, а кога повторно ќе најдат нова љубов останува видиме. фото: printscreen/pink