Љубовни грешки кои не смеете да ги направите на почеток на врската

Слаѓана Атанасова — Fri, 09 Dec 2022 14:00:15 +0000

Почетокот на врската е период во кој се дефинира како нештата ќе се движат понатаму. Воздржете се колку можете од грешки, бидејќи некои постапки едноставно не се простуваат и можат да ја згаснат љубовта. Иако сите сакаме партнери кои се грижливи, доверливи и кои прават сè за да нè расположат. Сакаме и да не се плашат да покажат колку им е важно што сте заедно. Сепак, понекогаш е подобро постепено да се откриваат емоциите и да не се претерува со грижата. Треба да внимавате и обидете се да не ги направите следниве грешки, особено ако сте на почетокот на нова љубовна врска.

Искажување љубов уште на самиот почеток на врската

Љубовта е прекрасно чувство, меѓутоа и за најпрекрасните работи постои вистинско време. Доколку премногу рано ги изговорите зборовите „те сакам“ може да постигнете спротивен ефект, можете да го избркате партнерот од себе. Тоа што всушност вие на почетокот на врската го чувствувате е заљубеност, а не искрена вистинска љубов. Зборовите дека конечно сте ја сретнале својата сродна душа и дека сте сигурни дека го сакате обидете се да не ги споменувате на почетокот, а за тоа време направете разграничување и добро размислете за своите чувства.

Изнесување премногу информации на првиот состанок

Интимните приказни за вас и вашето смејство, некои убави или неубави случувања, задржете ги за себе сè додека не бидете сигурни дека со таа личност сте во сериозна љубовна врска. Обидете се да ја почитувате и сопствената и туѓата приватност и никогаш немојте да кажувате буквално сè.

Претерано допишување

Секој почеток на врска е многу возбудлив период, но сепак мора да се обидете да се контролирате и да не претерувате со допишувањето. Ваквото однесување би можело да стане многу напорно за другата личност. И, да, не инсистирајте секој слободен момент да го поминувате заедно, сепак треба да имате и малку време за себе и за луѓето кои ви биле значајни пред почетокот на врската.

Големи ветувања

Ова не се однесува на ветување дека ќе одите во вашиот омилен ресторан, туку на ветувања како на пример: јас никогаш нема да те повредам, јас никогаш нема да ти направам нешто такво, јас никогаш нема така да те разочарам и слично. Со ваквите големи ветувања се доведувате во ситуација да ја разлутите и разочарате другата личност ако направите нешто за што веќе сте кажале или сте ветиле дека никогаш нема да го направите. Со своите дела покажувате каква личност сте, затоа немојте премногу да се расфрлате со зборови кои подоцна може да ги погазите.

Љубомора

„Премногу те сакам за да можам да замислам дека си со било кој друг освен со мене“. Речениците слични на оваа не само што ве претставуваат како љубоморна личност, туку може да оставите впечаток дека сте параноик кој се врзува за секого. Уште на почетокот обидете се да работите на меѓусебната доверба, бидејќи таа е еден од клучните фактори за успешна љубовна врска. Извор:Попара.мк

Мали, но опасни љубовни грешки во врската

Христина Ѓоргиевска — Fri, 19 Apr 2019 13:45:38 +0000

Лагите и неверството лесно можат да уништат било која врска. Но, некои помали работи, поради кои не сте ни свесни, исто така можат да бидат опасни за вашиот љубовен однос. „Малите грешки и лошите навики можат да доведат до чувство на страв, сомнежи и проблеми со довербата во врската. Ако не внимавате на своето однесување и не умеете искрено да се извините кога ќе згрешите, вашиот партнер може да почне да се сомнева во вашата посветеност и љубов“, предупредува Мајлс Скот, експерт за врски. Ако тие мали, опасни грешки се наталожат со текот на времето можат да го уништат вашиот однос. Еве дел од нив: Носите одлуки без партнерот „Се разбира дека не мора да го прашувате партнерот за мислење при носење на некои ситни, неважни одлуки, но носењето на некои одлуки без консултација со него може да прерасне од мал, добронамерен гест во голема караница“, предупредува психологот Кетрин Џексон. Имате навика да му упаѓате во збор Ова на сите ни се случува понекогаш, но ако постојано му упаѓате во збор и не му дозволувате да ја заврши реченицата, тогаш е лошо. „И двајцата треба да се чувствувате слободно да зборувате и изразувате мислење во текот на разговорот“, вели Мекензи Рајел, експерт за врски. „Упаѓањето во зборови може да доведе до беспотребни проблеми и обичниот разговор да се претвори во голема караница. Споделувате детали од врска со пријателите Нормално е да разговарате за љубовниот живот, но не треба да делите премногу интимни информации со други луѓе. „Мислам дека една од работите кои негативно можат да влијаат на врската се кога една личност не знае да постави граници во споделувањето информации за приватниот живот“, вели психологот Келси Латимер. „Некогаш не сфаќаме дека тоа што нам не ни е важно, на другите им е многу битно. Затоа отворен разговор во врската може многу да помогне истата да успее“, вели таа. Константно се жалите „Жалењето е кумулативно. Луѓето кои постојано се жалат целиот став го пренесуваат и на другите, а никој не се чувствува добро во друштво на личност која само се жали“, вели Скот Хадсон, експерт за врски. Тој советува жалбите да ги напишете на лист хартија или негативната енергија да ја исфрлите со вежбање. извор: кајгана.мк

љубовни грешки – Вистина.мк

Љубовни грешки кои не смеете да ги направите на почеток на врската

Мали, но опасни љубовни грешки во врската