љубовен – Вистина.мк

Дарко – Спејко и неговата нова девојка Хрисанта имаа „влажен викенд“: Среде зима се спремаат за лето или за… нешто трето? (ФОТО)

Антонио Димитриевски — Thu, 02 Dec 2021 08:57:15 +0000

По крајот на љубовнатароманса со струмичката модна блогерка Љупка Митрова, македонскиот ријалити учесник, машки модел, инфлуенсер, трапер, спортски директор... Дарко Петковски - Спејко долго ја криеше новата љубов. Дури летово 2021-ва, срамежливо сподели една-две фотографии со нова убавица, за која први пишувавме дека е неговата нова девојка. Раскошна убавица, онаква какви што Спејко отсекогаш преферирал, со долги нозе, бујни атрибути и многу необично име - Хрисанта! Пробиштипјанка која која студира на универзитет во Благоевград – Бугарија. Висока, згодна, атрактивна, сексапилна, вистинска убавица каква што на спејко и му доликува… Се позачестените заеднички летни фотографии од различни дестинации само ја потврдија тезата дека Спејко во љубовниот живот повеќе нема „дупка“, зашто маркантната Хрисанта го завзема местото на Љупка! Во меѓувреме Сејко се опроба самостојно во музиката, стама спортски директор на кошаркарски клуб од неговиот роден град, па дури проба да влезе и во политиката на последите локални избори... Но, дека харизматичниот кумановец е во новата сериозна врска која се' уште трае, малку кој знае, освен најблиските на вљубената двојка. Потврда дека кумановецот и пробиштипјанката се еден во друг „зацопани до уши“, покажуваат најновите фотографии на двете сродни души... На нив Спејко со Хрисанта на „влажен викенд“, овој пат во најпознатото кумановско спа. Топлата вода на убавиот спа центар покрај сите веќе добро познати предности е како создадена за романтика и споделување нежности во студените зимски денови. И се разбира за неколку заеднички селфи фотографии пред бањското огледалото, за да се покаже мускулестото тело во бели гаќички за капење кај него и сиот телесен раскош во танга леопард мини бикини кои ги истакнуваат бујните облини, кај неа. Воденото освежување како надоплнување или можеби само загревање за „влажниот љубовен викенд“ на вљубените гулапчиња. Впрочем, не попусто велат а фотографиите тоа најдобро го говорат, дека зад секоја среќна жена стои потентен маж и обратно... За секој успешен маж заслужни се прегратките на згодна, убава и сексапилна жена... Во секој случај, Дарко - Спејко и Хрисанта поминаа „влажен љубовен викенд“ заедно. Дали навистина се спремаа за лето или за нешто трето... ќе покаже времето?! Фото: Инстаграм принтскрин/spejko/hrisantam

Љубовен хороскоп за септември

Riste Zdravkov — Thu, 26 Aug 2021 10:07:27 +0000

Каков ќе биде септември за вас на љубовен план? Само неколку знаци ќе имаат совршен месец, додека другите треба да запаметат на што треба да обрнат внимание за да бидат среќни. Прочитајте го брзиот хороскоп за септември со преглед на најважните точки за секој знак, како и секси хороскопот! Овен Стабилен месец за љубов, особено од втората недела. Вие исто така може да бидете единствениот знак на кој ретроградниот Меркур од 27 септември нема да создаде хаос во животот. Ако сте во долга врска, ќе мора да се обидете да ја одржите интимноста, но тоа ќе ви се исплати. Бик Одличен месец за љубов! Младата Месечина е во вашата куќа на љубовта од 6 септември, а Венера на 10 -ти влегува во вашиот сектор на љубов. Очекувајте да се за вљубите на прв поглед, ќе бидете толку под влијание! Биковите што бараат партнери ќе доживеат попријатни изненадувања, практично ќе можат да избираат помеѓу нови луѓе што им се допаѓаат. Биковите кои се веќе во врска треба да очекуваат искри во кревет! Близнаци Љубовниот живот во септември ќе ви биде комплициран. Првите две недели, се ќе биде добро, но потоа на 14 септември Марс влегува во вашата петта куќа и ја поттикнува желбата за авантура. Ако сте во врска, може да фантазирате за личност од минатото, ако не сте, овој период ќе ве задоволи бидејќи носи нови познанства. Сите Близнаци треба да бидат внимателни кон крајот на месецот, кога ретроградниот Меркур ќе ги наруши комуникациските сигнали и можни се недоразбирања што доведуваат до кавги. Рак Ако поминете без голема кавга во септември, може да почувствувате дека сте се извлекле, бидејќи конфликтите демнат од сите страни. Првите две недели, ќе имате одлична самоконтрола, но потоа Марс влегува во вашиот домашен сектор на 14 септември и носи големи проблеми во куќата, семејството и љубовта. Не грижете се, сите тие недоразбирања се за општи разговори. Но, можно е некој разговор помеѓу вашиот партнер и членот на вашето семејство да создаде несогласувања за секого. Лав Септември нема да биде многу возбудлив во љубовта, ќе бидете премногу зафатени со работа и нови проекти. Се ќе оди како што треба, но можно е поради тоа да ја „заборавите“ loveубовта, внимавајте! Лавови, одвојте време за вашиот партнер без разлика дали сте заедно долго или неколку дена, тие ќе ве задоволат и ќе изградат подлабока врска. Не дозволувајте обврските да ве оддалечат! Девица Од младата месечина на 6 септември, до полната 20 септември, се ќе биде стабилно. Но, полната месечина ќе осветли нешто што не сте го знаеле за вашиот љубовен живот. Ѕвездите велат дека тоа ќе биде пријатно откритие, а не нешто за што треба да се грижите. Само бидете подготвени за тоа, може да донесе голема промена! Вага Марс влегува во вашиот знак на 14 септември и тогаш станувате буквално неодоливи! Ако сте во врска, вашиот партнер нема да може да ја „тргне раката од вас“! Ако барате партнер, знајте дека луѓето ќе се свртат кон вас и на улица. Доколку сте расположени за авантура, втората половина на септември е идеален период за тоа! Скорпија Венера влегува во вашиот знак на 10 септември и ви носи неверојатна сексуална енергија. Тогаш полната Месечина на 20 септември во вашиот љубовен сектор дополнително ја подобрува оваа енергија! Ќе се чувствувате како да живеете во романтична бајка цел септември, искористете го овој прекрасен период! Стрелец Други луѓе ќе се мешаат во вашата врска овој месец, и тоа ве нервира како ништо друго! Агресивниот Марс влегува во вашиот сектор за пријателство и можно е да разберете нечиј добронамерен коментар како удар на вашиот љубовен живот. Ѕвездите велат дека е можно да се излади односот помеѓу партнерот и некој близок. Од вас зависи да го „испеглате“ сето тоа за да се врати во нормала! Јарец Венера влегува во вашиот сектор за пријателство на 10 септември и вашиот љубовен живот во голема мера ќе биде поврзан со вашиот социјален круг. Ако не сте во врска, доаѓаат интересни нови познанства од сите страни! Ако сте во врска, копнеете уште за малку повеќе време насамо со партнерот. Водолија Септември е месецот во кој одново и одново ќе го преиспитувате љубовниот живот. Ова е делумно „вина“ на Меркур, но делумно имате впечаток дека долго време не сте се занимавале со некои работи. Ѕирнете во најдлабокиот дел од вашата душа, Водолија, дали во моментов живеете токму онака како што би сакале? И што можете да промените за да бидете среќни? Можни се големи промени! Риби Овој месец ви доаѓа нов почеток во љубовта. Младата месечина на 6 септември ќе ве турка кон промени. Марс е во вашиот љубовен сектор до 14 септември, па големите чекори што ги планирате мора да бидат преземени до тој датум. Се одеднаш ќе ви стане појасно и точно ќе знаете што треба да направите.

Љубовен хороскоп за ноември: Близнаците ги чекаат сериозни разговори, Водолиите непристојни предлози

Моника Манасиевска — Thu, 01 Nov 2018 14:30:53 +0000

Што ќе ви се случува на поле љубов во ноември? Дали нова краткотрајна авантура или стабилизирање на односите со партнерот? Овен Ако сте во врска: Ќе уживате во забавни активности со саканата личност на почетокот на месецот. Можно е понатаму да има некои несогласувања бидејќи ќе бидете повеќе посветени на излегувања со пријатели, но двајцата избегнувајте љубоморни сцени и испади. Ќе успеете да најдете компромис околу финансиите, а на крајот на месецот ќе имате повеќе согласувања и ќе остварите заедничка цел. Ако сте слободни: Вашите обиди да започнете емотивна врска со личноста која подолго време ви се допаѓа може да завршат неуспешно. Ќе бидете нерасположени и ќе изгубите мотивација, но кон средината на месецот ќе запознаете личност полна со енергија и идеи кои ќе ви привлечат внимание. Ќе ги прифатите предизвиците и добро ќе се забавувате. Бик Ако сте во врска: Во првата декада месецот ќе ви донесе несогласувања и конфликти, а силните страсти и љубомората ќе имаат удел за немирот во врската. Кон средината на месецот неопходен е компромис за да се реши ситуацијата. Се очекува да ги подобрите односите со саканата личност, но ќе мора повнимателно да пристапувате кон остварувањето на заедничките планови. Ако сте слободни: Ќе доживеете многу успеси со посакуваната личност, а вашето флертување ќе доведе до неколку заеднички излегувања, па вратата за почеток на нова врска ќе ви биде отворена. Сепак, може да имате преголеми барања, желби и очекувања, а потоа ќе следат и првите критики. Најмногу несогласувања може да има во врска со погледот на животот и секојдневните навики, па вие одлучете како ќе продолжите. Близнаци Ако сте во врска: Ќе имате многу идеи како да се забавувате со саканата личност и како да ја зачините љубовната врска. Ќе сфатите дека сте се запоставиле и дека има многу за истражување и разговори кои не сте ги направиле. Исполнувањето на заедничките цели и планови, како и зачестените излегувања ќе направат повеќе да се зближите. Ако сте слободни: Ќе бидете расположени за забава и нема да бидете заинтересирани за сериозни врски. Ќе посакате авантури и врски кои се без обврски и површни. Единствено ќе ви недостасува личноста која ги дели таквите интереси со вас, а ќе запознаете повеќе потенцијални, па ќе треба да го направите вистинскиот избор. Рак Ако сте во врска: Очекувајте повеќе разговори на сериозни теми со саканата личност кои ќе ве водат кон решавање на она што е приоритетно на љубовно поле. Ќе внесете повеќе забава и страст во врската, а тоа ќе придонесе за стабилност на истата. Втората половина на месецот може да биде постресна и напорна и потешко ќе се договарате околу заедничките обврски. Ако сте слободни: Личноста која ви се допаѓа ќе се однесува незаинтересирано и ладно. Тоа на почетокот ќе ве растажи и ќе се откажете од обидувањето да ја придобиете, но набрзо ќе забележите дека некој на кого не сте му обрнувале внимание, срамежливо ќе ви се додворува. На почетокот ќе игнорирате, но подоцна ќе дадете шанса и ќе се изненадите позитивно. Лав Ако сте во врска: Во првата половина на септември ќе бидете во можност да разговарате со партнерот повеќе од вообичаено и да решите многу работи кои сте ги притискале во себе периодов. Повеќе ќе се ангажирате околу заедничките планови, излегувања и забава и ќе знаете како да преземете иницијатива. Во втората половина можни се несогласувања, но ќе успеете да ја надминете кризата со заеднички сили. Ако сте слободни: Искористете ја што подобро можноста која во текот на ноември ви се пружа кога станува збор за влегување во емотивна врска. Тоа може да биде полн погодок и нешто што го чекате долго време. Ќе запознаете личност која е динамична, комуникативна, полна со иницијатива и практични идеи. За кратко време ќе почувствувате привлечност, па дајте сè од себе да успее. Девица Ако сте во врска: Бидете внимателни во првата декада на септември бидејќи партнерот може да се сомнева во вас без никаква основа. Доколку не го поправите однесувањето ќе оставате погрешен впечаток, па направете што можете за да нема недоразбирања. Постигнете компромис за да ги надминете несогласувањата, а во втората половина од месецот искреноста ќе има клучна улога, па ќе дојде до смирување на тензијата. Ако сте слободни: Личноста која ви се допаѓа не реагира така како што си замислувате со оглед на вашиот флерт. Наместо да ја промените тактиката, ќе се повлечете и ќе бидете подготвени да се откажете. Сепак, најдете начин да го надминете разочарувањето и да ја привлечете личноста и набрзо ќе успеете. Страста ќе биде силна и тоа најмногу ќе ве одржува, но бидејќи е тоа единственото што ве држи, може да ја прекинете врската. Вага Ако сте во врска: Првата половина на месецот ќе ви донесе зајакнување на страстите кои ќе предизвикаат конфликтни ситуации во односите со партнерот. Можно е да дојде до љубоморни сцени, па ќе ви биде неопходно повеќе дружење и забавување со цел да ја освежите врската и да ги надминете несогласувањата. Во втората половина работите ќе се одвиваат подинамично и вашите интереси ќе бидат изедначени. Ако сте слободни: Ќе се чувствувате разочарано од околината, а најмногу ќе ви пречи што во ваша близина нема да забележувате ниту една личност која би ве привлекла. Тешко наоѓате личности кои со вас ги делат интересите за тоа како треба да изгледа емоционална врска, а ќе ви недостасуваат добрите манири. Во втората половина може да дојде до промени што ќе ви донесат повеќе возбудливи авантури. Скорпија Ако сте во врска: Овој месец очекувајте подобрена комуникација со партнерот, заради што ќе почнете да планирате повеќе заеднички активности и да се дружите со заеднички пријатели. Избегнувајте посесивност и љубомора и впуштете се повеќе во интимни моменти кои ќе ве зближат. Кон средината на месецот можни се несогласувања, но немојте работите да ги заклучувате на своја рака без да имате издржани факти. Ако сте слободни: Забавата ќе ве привлекува многу повеќе од влегувањето во сериозна врска. Ќе имате шанса да влезете во авантура со личност со таков дух. На почетокот добро ќе се согласувате, но набрзо ќе откриете дека новиот партнер е премногу динамичен и немирен, дури и за вас. За кратко може да започнат повеќе несогласувања, па останете дали физичката привлечност е доволна за врска. Стрелец Ако сте во врска: Ве очекуваат повеќе заеднички активности во кои ќе уживате со партнерот во првата декада. Ќе имате идеи како да го уредувате заедничкиот простор за живот и ќе водите пријатни разговори на различни теми. Ќе ги подобрите заедничките финансии, но избегнувајте неискреност и криење некои факти што може да доведе до сериозни несогласувања. Ако сте слободни: Потребно ви е да се појави некој кој ќе знае како да ви ја крене енергијата и со кој ќе имате динамична врска, полна со заеднички активности и авантури. Потребни ви се патувања, излети, спортски активности во пар, како и разговор на разни теми. Сепак, вие ќе бидете склони кон личности кои се спротивни на ова, а на крајот на септември ќе имате шанса да запознаете некој со ваков профил. Јарец Ако сте во врска: Одлично би било месецов да го искористите за да изреализирате барем една заедничка цел која ја имате во договор со партнерот. Ќе имате погодни околности и ќе бидете мотивирани. Ќе ви годат заеднички излегување и забавата. Не дозволувајте работните обврски да ве одделат од него. Ќе имате внатрешен немир и ќе бидете емоционално затворени поради чувството дека врши преголем притисок врз вас. Ако сте слободни: Ќе имате неодолива желба за забава и работните обврски ќе ги ставите на второ место. Излегувањата со пријателите ќе ви овозможат да запознаете една прекрасна личност. Ќе има многу страст со неа, но може да заклучите дека нејзините ставови се премногу модерни за вас. Иако ќе сакате малку да паузирате од средбите, сепак ќе дојде личност која ќе ви го сврти умот со својата интелигенција. Водолија Ако сте во врска: Ќе се соочите со некои тешкотии во врската и ќе имате несогласувања со партнерот околу некои заеднички вложувања. Мора да ги избегнувате лагите во врската ако не сакате компликации. Вашата доверба ќе биде ставена на тест, но без оглед на пречките ќе успее да надвладее љубовта. Најважно е што двајцата сте мотивирани да ја одржите и зацврстите вашата заедница. Ако сте слободни: Некоја личност со својата привлечна надворешност ќе успее да ве маѓепса. Но, ќе се појави и трета личност која ќе ви предложи тајна врска. Наскоро ќе забележите дека околу вас ќе има многу интригантни ситуации, кои се закануваат да ви ја расипат репутацијата и ќе сфатите дека треба да се тргнете на страна од сè. Сепак, потоа ќе следува смирување на работите со личност која одамна ви се допаѓа. Риби Ако сте во врска: Вашиот партнер крие нешто од вас и веќе подолго време се сомневате во него. Ќе ја откриете неговата тајна и нема да ве се допадне, па односите меѓу вас ќе се заладат. Но, мора да прифатите компромис ако не сакате дополнителни конфликти. Посветете си повеќе време еден на друг за да ја размрдате заспаната романтика и страст во врската. На крајот од месецот работите ќе дојдат на свое место. Ако сте слободни: Сакате романтика и посветена врска, но една личност која од вас сака само краткотрајна авантура ќе ви го расипе расположението. Слободно дрско одговорете на непристојните понуди за тајна врска. Во втората половина од месецот ве очекува средба со личност, која е совршена според вашите критериуми. Ќе ја запознаете преку некој пријател и со неа ќе почувствувате инстантна поврзаност.