љубов моја – Вистина.мк

Тања Станковиќ се враќа со „Љубов моја“

Антонио Димитриевски — Mon, 22 Jan 2018 09:52:08 +0000

Со поп-баладата „Љубов моја“, некогашната македонска поп пејачка Тања Станковиќ по долги години повторно се враќа на домашната музичка сцена. Иако таа е секојдневно во светот на музиката, со оваа мелодија таа нѐ потсети на времето на 1990-тите години кога беше меѓу најуспешните македонски поп-пејачи. Наградите и видеозаписите се сведоштво за нејзините успешни ангажмани и пред сѐ за нејзиниот талент. Иако веќе две децении Тања со својот сопруг -гитаристот Игор и семејството живее и работи во Чикаго, САД, таа е нераскинливо поврзана со Македонија, а на повеќе домашни радиостаници веќе се емитува нејзината нова песна. „Сиве овие години работев претежно како студиска музичарка, a како композиторка повеќе бев фокусирана на спиритуалната музика, самата инспирација го насочуваше патот. Но песната ’Љубов моја’ едноставно дојде среде ноќ, како гром од ведро небо, комплетна сосе текстот и дел од аранжманот во глава. Го разбудив Игор и му кажав дека имам убава мелодија. Се разбира, не му требаше многу време за да стане и да се упатиме кон студиото во најдолниот кат од нашата куќа. Песната им е посветена на сите вљубени луѓе, кои сѐ уште веруваат дека љубовта е вистинска магија во животот и дека сѐ уште прави чуда“ - откри Тања во неодамнешен разговор за „Нова Македонија“, додавајќи дека пријатно е изненадена од реакциите на публиката.

„Македонската публика ме изненади многу пријатно. Надвор од Македонија сум нешто помалку од 20 години и кога по толку долг неактивен период на таа сцена некој ќе те поддржи со цело срце, за мене е тоа најголем комплимент како уметник. На Американциве им се допадна песната и ме форсираат да ја снимам и на англиски, па најверојатно и ќе го сторам тоа“- рече таа. Нејзината нова песна можете да ја слушнете во продолжение: https://www.youtube.com/watch?time_continue=141&v=tiUIp04kvfg

Шпанска љубов во еден кадар: „Ми амор“ е новата песна на Марко Логаут (ВИДЕО)

Антонио Димитриевски — Sat, 21 Oct 2017 06:33:27 +0000

„Ми амор“ или „Љубов моја“ е најновото музичко остварување на кралот на ноќните забави во Македонија, Марко Милановиќ или на повеќето од вас познат како – Марко Логаут.

Станува збор за шпанско-македонска песна која Марко ја исполнува со перуанецот Валентино Де Васко, а за која е снимен и видеозапис во кој се појавува убавата балерина Татјана Кипровска. Текстот за песната го направија Марко и Валентино, музиката е исто така на Марко, додека аранжманот е дело на Рубин Димкоски. Како режисер на видеото кое е снимено во еден кадар се потпишува Никола Китановски.

„Доколку треба да издвојам некој збор за новата песна, тие зборови би биле да уживате во наредните четири минути во еден лесен и необичен дует. Ова е само уште еден чекор кој мене лично ми е поттик да продолжам да творам нова музика. Очекувајте нови песни во иднина“ – вели Марко Логаут.

Инаку Марко Логаут важи за еден од најбараните забавни изведувачи во земјава, а доказ за тоа е атмосферата од неговите настапи, за која Марко вели дека кој не бил, не знае што пропушта … Слушнете и погледнете го видеото за неговата најнова песна:

https://www.youtube.com/watch?v=5iolqbx7t1o

Заљубен како никогаш: Александар Белов јавно и изрази љубов на саканата!

Антонио Димитриевски — Wed, 18 Oct 2017 11:52:52 +0000

Неготинчанецот Александар Белов е заљубен како никогаш до сега. Тој веќе подолго време е во врска со својата сакана Јелена, со која се неразделни.

Пред неколку денови на Јелена и било роденден, а Белов на романтичен начин и го честиташа роденденот на социјалните мрежи, каде пто постираше заедничка фотографија и напиша:

Среќен роденден љубов моја.