љубојна – Вистина.мк

Божиќен концерт на „Љубојна“ во Македонската филхармонија

Антонио Димитриевски — Mon, 09 Jan 2023 08:08:52 +0000

Етно групата „Љубојна“ во понеделник, на 9 јануари од 20 часот ќе одржи божиќен концерт во „Македонската филхармонија“. Ова е прв ваков концерт на македонскиот етно бенд, кој ќе настапи со традиционални празнични песни.

„Концертот ќе се одржи на трет ден Божиќ. Музиката е комплетно во рацете на Оливер Јосифовски, а по благослов и огромна љубов и посветеност на Бигорски манастир. На концертот ќе настапат и бројни пејачи од домашната сцена, врвни музичари, ревијален оркестар од автентични инструменти, хорот Козма Пречестански и сите заедно со многу музика и љубов, ќе бидат дел од свечената атмосфера на овој светол празник“, вели Вера Јосифовска, вокалот на „Љубојна“. Концертот е во организација на Бадникови поворки.

Голем музичко-спортски настан од 7-ми до 9-ти октомври на градскиот плоштад во Македонска Каменица

Антонио Димитриевски — Wed, 05 Oct 2022 11:37:50 +0000

Македонска Каменица најавува голем спортско-музички настан. На градскиот плоштад, на 7-ми и 8-ми октомври настапуваат: Петар Грашо, Игор Џамбазов и Гуру Харе, „Ареа“, „Љубојна“, „Нокаут“, КУД „Вера Јоциќ“ и група „Ајдара“. На 9-ти октомври ќе се одржат велосипедската тура Tour the Kalimanci Lake и првата градска ноќна трка на 5 и 10 километри Kamenica Night Run.

Настаните се во организација на КИЦ Романса, со огромна поддршка од Рудник „Саса“ и Општина Македонска Каменица.

„Љубојна“ и продуцентот Dulelud ги споија македонскиот мелос и техно вибрациите во заедничка – „Пустелија“ (ВИДЕО)

Антонио Димитриевски — Wed, 17 Nov 2021 12:41:04 +0000

Групата „Љубојна“ и продуцентот DULELUD го промовираат нивниот прв заеднички проект, „Пустелија”, во кој ги споија магичниот етно вокал на Вера и електронскиот звук. Оваа соработка е нешто на што DULELUD подолго време се фокусираше и вели дека му е огромна чест што токму со Љубојна го направи првиот чекор. „Кога две различни движења во доменот на музиката ќе ги спојат своите сили, резултатот е неизбежен – ремек дело. Така беше и овој пат. Инкорпорирајќи го македонскиот мелос изведен од ‘Љубојна’, успеав да се осознаам на поразличен начин и да креирам сингл според вибрацијата на моето срце”, вели DULELUD. Спотот за „Пустелија” комплетно го реализира Виктор Стоимиров, а е сниман на локацијата Силвер лејк сенд дјунс во Мичиген, САД. Синглот беше премиерно пуштен летово на островот Миконос, во елитниот клуб „Скорпиос”.

Музиката на „Љубојна“ за филмот „Стела“ на ЛП плоча

Антонио Димитриевски — Tue, 31 Aug 2021 12:20:06 +0000

Продукцијата која стои зад филмот „Стела“ објави дека наскоро ќе биде промовиран албумот со целата музика од филмот, и тоа на винил. Винилот ќе биде издаден за дискографската куќа ПМГ Џез. Музиката за првиот македонски детски филм ја работеше Оливер Јосифовски и „Љубојна“. Тие во јули 2020-та година објавија сингл „Љубов по Татунчо“, кој е само една од нумерите специјално подготвени за филмот на режисерот Стојан Вујичиќ. Наедно, „Љубојна“ со овој настап одбележуваат 20 години од своето постоење на музичката сцена.

„Љубојна“ и пријателите на 20-ти јули со концерт во Битола

Антонио Димитриевски — Mon, 19 Jul 2021 09:58:07 +0000

Еден од најреномираните македонски етно-бендови „Љубојна“, големиот јубилеј 20 години на сцената ќе го прослави онака како што најдобро знае – со концерт. „Љубојна“ и пријателите на 20-ти јули ќе одржи концерт на Ракометното игралиште во Битола со почеток во 21 часот. Билетите за престојниот концерт се во продажба од 7-ми јули, преку продажната мрежа на www.mktickets.mk и karti.com.mk.

„Funk Shui“ заедно со Вера – „Љубојна“ се најдоа во – „Не време“ (ВИДЕО)

Антонио Димитриевски — Tue, 16 Mar 2021 13:30:20 +0000

„Funk Shui“, важат за еден од најперспективните бендови во Македонија, кои со својот исклучителен талент и константната работа на својот израз, ја одбележаа 2020-та продуцирајќи два важни синглови во нивната кариера: „Метоери“ и „Ветер“, песни кои заедно со своите официјални видеа го разгорија медиумскиот интерес за нив. „Не време“ е новиот сингл реализиранво соработка со еден од најпрепознатливите и најавтентични женски вокали во поновата македонска историја, пејачката на „Љубојна“, Вера Милошевска – Јосифовска, кристалниот глас на групата која со годините се издвои како една од најавтентичните културни фигури на македонскиот мелос. Се работи за електична фузија во нова и своја стилска и жанровска рамка, онака како и прилега на бескрајната љубопитност на „Funk Shui“. Бендот во моментов е актуелен со номинациите за видеото „Метеори“ на „ADRIA MUZZIK VIDEO AWARDS 2020“ во дури 3 категории, тие се финалисти на „HEMI Music Awards“, држејќи го регионалниот медиумски и концертен интерес сосема буден и подготвен за следниот чекор. Музиката и стиховите на песната ги потпишуваат членовите на бендот, продукцијата и миксот се на Бен Милчев, со поош на групата. Видеото го снимил Борис Ралев, дрон камерата ја управувал Тео Ангеловски, а фотографииите се на Александра Костадиновска. Проследете како звучи и изгледа нивното „Не време“, во продолжение: https://www.youtube.com/watch?v=w1ilP63ZCRs

„Љубојна“ со преубаво видео ви ја преставува Божиќната песна – „Христос се раѓат, на светот радост“ (ВИДЕО)

Антонио Димитриевски — Thu, 07 Jan 2021 15:51:42 +0000

Традиционално, и овој Бадник, Здружението "Бадникови поворки" со благослов и сесрдна помош на Бигорскиот манастир, објавува Божикен спот како подарок за верниот народ. Со голема радост соопшуваме, дека и покрај строгите протоколи за работа и отежнатите околности што ги создаде пандемија на ковид-19, успеавме да ја исполниме нашата света должност и да оставиме за навек уште едно музичко дело. Најголема благодарност упатуваме до Епископот Антаниски и Игумен Бигорски Партениј, за неговата безрезервна духовна поддршка за целиот тим во текот на целиот процес на создавање на делото. Видео записот за ново-возобновената Божикна песна (каланда) “Христос се раѓат, на светот радост” е снимен во прекрасните предели на славниот Галичник и во манастирските одаи на Бигорскиот манастир. Оваа музичка творба потекнува од широките балкански простори од времето на Ромејското Царство, Византија и се пеела меѓу мијачкото население, заради што и сегашната верзија е отпеана токму на познатиот мијачки дијалект. Нејзиниот народен мелос, пак, е карактеристичен за нашите простори, како и за богатата традиција која сме ја сочувале како наследници на ромејската култура и духовност. Екипата, која со огромна љубов, радост и посветеност се собра за да го оствари овој историски потфат во чест и спомен на богатиот творечки дух на Мијаците, на нивната вера и ревносна борба за зачувување на православната вера и традиција и во најтешките времиња, е во состав на: Изведба: „Љубојна“ Соработници: Традицискиот оддел при ДМБУЦ “Илија Николовски – Луј”; Пејачи: Анастасија Илиевска, Матеј Тушевски и Стојанче Костов; Инструменталисти: Благојче Трајковски – кларинет, Тимко Чичаковски – канон, Петар Христов – кларинет и византиска лира, Оливер Настовски – ут, Игор Милевски – виолина, Оливер Јосифовски – византиски контрабас, џумбуш, византиска лаута, перкусии, контрабас. Аранжман: Оливер Јосифовски Музички инжинер: Ангел Ќосев Снимање, миксање и мастеринг: Студио „Подрумот“ Режија – Дејан Пројковски Директор на фотографија – Горан Наумовски Монтажа и камера оператор – Стојан Стојановски, Кристијана Ангелоска Продукција – 2С Студио: Јасмина Колоска, Стојан Стојановски Учесници: Љубојна, актер – Мето Јовановски, голем број на музичари и статисти. Голема благодарност до: Стручен соработник – Антонио Стојчески, Хотел Неда – Галичник, Ансамбл Орце Николов – Сашо Кузаревски, Ансамбл Етнос – Ване Наков, Ансамбл Македонија – Владо Јаневски, Александар Костиќ – Претседател на месна заедница Галичник, шминка Марга Миновски. Во продолжение, и текстот на песната: ХРИСТОС СЕ РАЃАТ, НА СВЕТОТ РАДОСТ! Христос се раѓат - на светот радост, на светот радост, на сите луѓе. Четириесет дни и толку ноќи Дева бдееше, топло молеше. На крај е дојде време да родит, та бргу барат баби да дојдет. Баби да дојдет, миро да носет, миро да носет, да е послужет. Дури се најдет, дури да дојдет, Марија Дева Христа Го роди. Христа Го роди, Господ на сите, Господ на сите - в пештера бедна. В пештера бедна, ширна полјана, ширна полјана, ко сонце блесна. Ко сонце блесна, ко сјајна луна, ко сјајна луна, на светот светлит. Нек’ светлит така и в’ оваа куќа и в’ оваа куќа, на сета рода. На сета рода мир да е дават, мир да е дават, да множит љубов. Да множит љубов за добри дела, за добри дела, за сите ближни. Христос се раѓат - на светот радост, на светот радост, на сите луѓе. https://www.youtube.com/watch?v=bjZAabuHXHY

Вечер полна љубов – ЉУБОЈНА во сосема поразлично издание

Слободанка Илиева — Tue, 25 Aug 2020 10:07:02 +0000

Средите во првиот и единствен музички бар кај нас веќе станаа вечери посветени на убавата музика, а, пред сè, вечери посветени на домашната музичка сцена. Овој пат Intermezzo music bar ја најавува дружбата со Љубојна и уникатниот глас на неповторливата Вера Милошевска. Оригинални како и секогаш Вера и Оливер и овој пат пред себе поставуваат нов креативен предизвик, ново изненадување за публиката која ќе ужива во нивниот совршен звук, нивното музичко патување низ уникатниот репертоар. Оваа среда се најавува како незаборавна акустична вечер, како вечер исполнета со музика за мерак, музика за душа... празник за сите сетила... Секој стих, секоја нота ќе бидат, како и секогаш, отпеани за и со љубов. Магија која не смее да се пропушти, зашто Љубојна е чиста љубовна креација. Од Intermezzo music bar и овој пат нагласуваат дека влезниците заради почитување на протоколите се во ограничен број, и велат: „Сакаме да ги увериме нашите посетители дека сите забави се организираат според протоколот и одредбите кои се донесени од Владата и МЗ.“

“Љубојна” и “Синтезис” на „Меѓународниот тамбурашки фестивал 2020“ во Куманово

Антонио Димитриевски — Sat, 15 Aug 2020 09:48:24 +0000

16-то издание меѓународниот тамбурашки фестивал – Куманово ќе се одржи од 28-ми до 29-ти август со почеток во 20 часот на Градскиот плоштад во Куманово. Фестивалот ќе се одржи по сите протоколи за превенција од Covid-19, со почитување на социјална дистанца и задолжително носење на заштитни маски. На првата фестивалска вечер (петок, 28.08.2020) ќе настапат: – Група “Боеми” од Битола; – “Синтезис” од Скопје. На втората фестивалска вечер (сабота, 29.08.2020) ќе настапат: – Група “На здравје” од Куманово; – “Љубојна” од Скопје. Фестивалот е во комплетна организација на Фондација за култура и спорт “Куманово” – Куманово, под покровителство на Градоначалникот и Советот на Општина Куманово и со поддршка од Министерството за култура на Република Македонија.

„Љубојна“ со „Љубов по Татунчо“ (ВИДЕО)

Антонио Димитриевски — Thu, 09 Jul 2020 10:50:37 +0000

Македонската етно група „Љубојна“, има нова песна и видео насловени „Љубов по Татунчо“. Всушност се работи за тема напишана од брачната двојка Јосифовски кои музиката која ја правеа за македонскиот игран филм „Стела“ на режисерот Стојан Вујичиќ, чија премиера се очекува наскоро, ја потпишаа со името на групата. Како композитор и аранжер се јавува Оливер Јосифовски, додека текстот на песната е на Вера Јосифовска. Видеото за темата е снимено во продукција на Dream Factory Macedonia и TulipPro, а музиката е снимана и продуцирана во студиото „Подрумот“ на Ангел Ќосев. Темата „Љубов по Татунчо“ е истовремено и најава за новиот албум на Љубојна на кој ќе се најде комплетната музика од филмот „Стела“. Во меѓувреме уживајте во темата која го најавува проектот - „Љубов по Татунчо“. https://www.youtube.com/watch?time_continue=1&v=pq0U1d4-QHY&feature=emb_logo