љиљана петровиќ – Вистина.мк

Менаџерката на Тоше сега одгледува лаванда, а кога во емисија ја прашаа за пејачот таа се збуни: „Не, не можеш да најдеш мир, само мораш да научиш да живееш со тоа“

Христина Ѓоргиевска — Tue, 29 Jun 2021 08:48:05 +0000

Maкедонскиот пејач Тоше Проески почина во 2007 година во сообраќајна несреќа на пат за Хрватска. По неговата смрт, неговата менаџерка Љиљана Петровиќ се повлече од јавниот свет и се посвети на одгледување на лаванда. Таа речиси никогаш не се појавува во јавност, а сега беше снимен за нејзината плантажа. Љиљана се вклучи во живо во емисија, а водителот и постави прашање за Тоше. „Вие бевте менаџерка на Тоше Проески, дали ова е ваш начин да најдете мир?“, праша новинарот. „Не очекував вакво прашање“, рече менаџерката, направи пауза, па продолжи: „Не можеш никогаш да најдеш мир, само можеш да научиш да живееш со тоа“, изјави Петовиќ во „Утро“ на Прва српска телевизија. Инаку, Љиљана од сообраќајната несреќа се здоби со полесни повреди, а за време на незгодата таа спиела, исто како и Тоше. Интервјуто погледнете го тука.

Љиљана Петровиќ 12 години по трагичната загуба на Тоше открива што и дал пред смртта

Слободанка Илиева — Tue, 15 Oct 2019 08:10:17 +0000

Љиљана Петровиќ, менаџерката која беше во автомобилот со пејачот на кобната вечер, вели дека во нејзиниот дом на ѕидовите се закачени нивните заеднички фотографии. Времето за Љиљана Петровиќ е бавно од смртта на Тоше Проески. Таа ја остави менаџерската работа веднаш по неговата смрт и целосно се повлече од јавноста. Утре (16.Октомври) навршуваат 12 години откако Тоше трагично загина во ужасна сообраќајна несреќа, но Петровиќ се сеќава на тоа секој ден. За неа, Тоше беше повеќе од соработник. Љиљана вели дека месец октомври за неа е најтажен месец во годината. - Се чувствувам лошо. Јас сум болна и не сум добро. Веројатно тагата го направи своето, целиот овој месец не се чувствувам добро и не сум расположена. И така секоја година во овој период. Тажна сум - вели Петровиќ, која започна да работи со Тоше во 2002 година. - Знаете, работевме толку напорно што во тие пет години од нашата соработка бевме неразделни, делевме ден и ноќ и секој момент. Ги чувам сите подароци од него, тие ми се омилени. Нашите фотографии каде сме насмеани висат на ѕидот. Таму сме среќни и весели и тука и ги чувам безбедни. Го сакам неговиот часовник што тој ми го подари за роденден, последен пат. Засекогаш ќе го чувам, вели таа. - Едноставно не сакам да прифатам дека го нема. Јас секогаш се чувствувам лошо во овој период затоа што ме потсетува дека навистина го нема. Не можам да објаснам!, завршува Љиља за еден српски портал.

Менаџерката на дело ги демантираше написите: Љиљана Петровиќ деновиве го посети Крушево и гробот на Тоше! (ФОТО)

Антонио Димитриевски — Mon, 20 Nov 2017 10:32:20 +0000

Помина една деценија без него... Без нашата најголема ѕвезда, беш нашата музичка легенда, без нашиот ангел Тоше! Во меѓувреме се плетеа разни приказни за тоа што се случи и како се случи тоа рано утро на патот кај Нова Градишка, се коваа разни теории на заговор, осамнаа стотици написи, шпекулации... но ниту една не ја поткрепи вистината со факти.

Набргу по неговото заминување, неговата менаџерка Љиљана Петровиќ целосно се повлече од шоу бизнисот. Едноставно ја снема, за подоцна да се дознае дека живее во околината на Ниш, дека се занимава со производство на лаванда... Во меѓувреме, а и потоа се плетеа и милон приказни околу неа и нејзините релации со Тоше, со неговото семејство, со фондацијата Проески, со фановите... Евидентно беше дека Љиљана Петровиќ не се појавуваше на одбележувањето на годишнините од заминувањето на Тоше. Ја немаше ниту на промоцијата на книгата со неговата биографија „Ова не е крај“ на новинарката Соња Алексоска - Неделковска.

Како што родителите на Тоше, Доминика и Никола никогаш не влегле во неговата спомен куќа во Крушево, исто како и Љиљјана Петровиќ по неговото заминување никогаш повеќе не влегла во нивната семејна куќа. Сите тагуваат одделно и не сакаат да се сретнат, бидејќи присуството им прави поголема заедничка болка. „Немам контакт со неговото семејство, ја затворив таа приказна. Се откажав од сè, секогаш го носам со мене и тоа е доволно за мене. Луѓето мораат да сфатат дека сум дел од животот на Тоше, дадов се од себе, и затоа бевме толку успешни. Со неговото заминување дел од мене отиде“ - изјави неодамна Петровиќ во интервјуто за „Србија Данас“ кое можете да го прочитате во целост подолу и на нашиот портал Вистина.мк. Но дали сето ова е баш така? Дали некој извртувајќи ја вистината, сака да профитира на туѓата болка? Веднаш по тоа интервју приказната ја демантираше самата Петровиќ на својот Фејсбук профил, тврдејќи дека тоа интервју е измислено од збор до збор и дека никогаш таа не го ни дала.

Дека работите не стојат така како што се пишува уште еднаш ќе потврди самата Петровиќ во интервјуто кое го даде по повод 10 годишнината од смртта на Тоше, неодамна за македонскиот портал „Женски магазин“.

Неколку постирани фотографии на профилот на Љиљана Петровиќ и еден статус од пред некој ден ја потврдија приказната! Имено таму осамнаа фотографии од Крушево и паметникот на Тоше, на кои до душа ја нема неговата менаџерка, но во статусот покрај нив стои: „Од мојата неодамнешна посета на Крушево...“!

Што значи дека менаџерката на Тоше сепак го посетува Крушево и неговиот гроб, а како што и самата вели, во контакт е и со неговото семејство со кое останала во коректни односи!