ливерпул – Вистина.мк

Шведска е победник на Евровизија 2023 – Лорин испиша историја (видео)

Слаѓана Атанасова — Sun, 14 May 2023 06:03:31 +0000

Шведска е победник на Евровизија 2023 во Ливерпул. Лорин (40) испиша историјата на Евровизија, бидејќи е првата изведувачка која двапати победила на овој натпревар - пред 11 години победи со песната „Еуфорија“, а овој пат со песната „Тетоважа“. На музичкиот натпревар се претставија 26-те земји кои влегоа во финалето на Евровизија. Шведска е победникот на Евровизија, откако ги додаде гласовите на жирито и публиката, со вкупно 583 поени. Финска е на второто место со 526, додека третото место го освои Израел со вкупно 362 бода. Вака гласаше светот кој од оваа година може да учествува во изборот на победникот на Евровизија. Шведска, настапуваше под реден број девет, а Лорин, која веќе победи на Евровизија во 2012 година, настапи со песната „Тетоважа“, песна за љубовната врска која е толку силна што се врежува засекогаш како тетоважа. Лорин доби огромни овации од публиката во арената уште на самиот почеток на настапот. Фото: Принтскрин/РТС

Социјалните мрежи „полудеа“: Велат дека таа е најубавата пејачка на Евровизија (фото)

Слаѓана Атанасова — Thu, 11 May 2023 06:15:45 +0000

Младата израелска претставничка на Евровизија ја остави публиката без здив. Ноа Кирел ја маѓепса публиката со занесен танц во првата полуфинална вечер на „Евровизија 2023“. Таа со своето појавување стана миленичка на машкиот дел од публиката и успеа да се пласира во финалето кое ќе се одржи во сабота на 13 мај. Настапот на Израелка беше секако еден од највпечатливите во Ливерпул, а тоа го покажуваат и социјалните мрежи. Фото: Принтскрин/Јутјуб/Инстаграм

Српскиот претставник ја откажа евровизиската проба: „Не можам да пеам!“

Слободанка Илиева — Mon, 08 May 2023 09:24:15 +0000

Српскиот претставник на Евровизија Лук Блек ја откажа пробата пред музичкиот фестивал откако дозна за масовните убиства во Србија. - Во мојата земја се случи страшна, страшна трагедија. Длабоко се потресов кога слушнав ваква страшна вест - изјавил Лук Блек, кој моментално е во Ливерпул, додавајќи дека ја откажал пробата на Евровизија поради лошите вести. - Толку се згрозив кога слушнав и ја откажав мојата евровизиска проба поради шокот. За мене беше незамисливо да пеам во време кога лекарите се борат за детски животи, додека родителите ги оплакуваат своите деца – истакна Блек, кој вели дека ако неговата песна „Само ми се спие“ не праќала порака за ужасите што се случуваат околу нас, од кого бегаме за да потонеме во сон, размислуваше за значењето на неговата изведба. Инаку, Лук Блек на свеченото отворање на Евровизија имаше црна лента на сината кошула во знак на жалост за трагичните жртви во родната земја. Првото евровизиско полуфинале ќе се одржи утре, 9 мај, кога ќе настапи српскиот претставник, а финалето е закажано за сабота, 13 мај. фото: Hollandse Hoogte / Shutterstock Editorial / Profimedia/Instagram

Како филмски вселенски брод: Еве како ќе изгледа сцената на 67-то издание на Евровизија (фото)

Слободанка Илиева — Thu, 02 Feb 2023 11:07:58 +0000

Би-Би-Си кој е домаќин на 67. Избор за песна на Евровизија, ја откри импресивната сцена на која 37 уметници ќе настапат во Ливерпул овој мај. Сценографот за ова музичко натпреварување, Хулио Химеде, го засновал својот сценски дизајн на принципите за „заедништво, славење и заедница“. -Архитектурата е инспирација од широката прегратка, отворајќи ги рацете кон Украина, изведувачите на шоуто и гостите од целиот свет. Се фокусирав на културните аспекти и сличностите меѓу Украина, Обединетото Кралство и конкретно Ливерпул. Од музика, танц и уметност до архитектура и поезија, вели Химеде. Хулио додава дека имаат должност како дизајнери да ги подобрат изведбите преку привлечен визуелен пејзаж, притоа доловувајќи ги срцето и душата на натпреварот за песна на Евровизија. На повеќе од 450 квадратни метри, овој неверојатен сет обединува уште 220 квадратни метри видео екрани кои независно се движат и се вртат, како и преку 700 видео плочки интегрирани во подот и повеќе од 1500 метри LED светилки. -Сакавме сценографија што луѓето ќе ја паметат со години, рече Ендрју Картмел, извршен продуцент на натпреварувањето. „Толку ни е важно делегациите да имаат најголем можен простор за работа. Сакавме да им дадеме сет што има многу опции за поставување. фото: Eurovision Song Contest 2023 - first stage renders BBC/eurovision.tv

Ливерпул ќе биде домаќин на „Евровизија 2023“

Антонио Димитриевски — Thu, 13 Oct 2022 12:54:35 +0000

По многуте шпекулации кој град во Обединетото Кралство би ја добил честа да биде домаќин на натпреварот во име на Украина конечно им дојде крајот. Вечерва, за време на емисијата „The One Show“ на Би-Би-Си, Греам Нортон откри дека Ливерпул ќе биде град домаќин на 67. Избор за песна на Евровизија! Објавен е и датумот – Големото финале ќе биде на 13 мај 2023 година! Ливерпул има население од 579.000 во градот а 2,24 милиони во целата област. Како потенцијална локација се смета M&S Bank Arena со капацитет за концертни седишта од 13.781. Познатиот дом на „Битлси“, музичката сцена на Ливерпул датира многу децении наназад, поради што го доби прекарот „Главниот град на попот“. Во 2008 година, Ливерпул беше европски град на културата, помагајќи да се трансформира неговиот имиџ, кој беше нарушен поради постиндустрискиот пад што се случи во последните децении на 20 век. Градот има хотелски простор за домаќин на натпреварот, а аеродромот има многу летови на Ryanair и easyJet од цела Европа за транспорт на повеќето фанови на натпреварот. M&S Bank Arena претходно беше домаќин на MTV Europe Music Awards во 2008 година.

Родила ќерка на играч на Барса па син на ѕвездата на Ливерпул: Лорена стана хит во Англија

Слаѓана Атанасова — Wed, 15 Jun 2022 08:13:38 +0000

Дарвин Нуњез пристигна во Ливерпул, а со него и неговата „поубава половина“. Ливерпул потврди - нивно ново засилување е Дарвин Нуњез, поранешната ѕвезда на „Бенфика“, поради што мораше сериозно да го „одврзат кесето“. Неговиот трансфер би можел да се искачи на 100.000.000 евра, а медиумите на Островот веќе „се грижат“ за неговата девојка. Новиот играч на Ливерпул се забавува со поранешната девојка на поранешниот фудбалер на Барселона! Нуњез е во врска со Лорена Мањас од Шпанија. Тие двајца веќе имаат дете, а Лорена му го дала името Дарвин, исто како и таткото на детето. Но, тоа не е нејзиното единствено дете. Лорена ја има и седумгодишната ќерка Клои, која ја доби со Алеис Видал, поранешен играч на Барселона. Видал не се снајде во тој клуб, а сега го носи дресот на градскиот ривал Еспањол. Лорена и Дарвин Нуњез се сретнаа додека Уругваецот играше за Алмерија, за да се преселат заедно во Португалија кога напаѓачот потпиша за Бенфика во 2020 година. Инаку, Лорена е девет години постара од 22-годишниот Дарвин, а не се сомневаме дека британските таблоиди ќе бидат воодушевени од нејзиниот изглед во Англија. фото:Принтскрин/Инстаграм/lorenaamanas/darwin_n9

Трагедија во фудбалскиот свет: Почина бившиот тренер на Ливерпул и селектор на Франција, Жерард Улие

Антонио Димитриевски — Mon, 14 Dec 2020 13:01:42 +0000

Поранешниот тренер на Ливерпул Жерард Улие почина на 73 годишна возраст, јавуваат англиските медиуми. Улие помина шест години на „Енфилд“, а беше тренер и на Лион и ПСЖ, како и селектор на Франција. Тој починал само неколку дена по операција на срцето. Веста за неговата смрт ја потврдуваат и угледните француски медиуми.