Скопските хард рок гусари „Lincoln Letter“ во „Череп и коска“ ќе ви раскажат својата музичка прикаска – „Skull and Bone“ (ВИДЕО)

Антонио Димитриевски — Sat, 29 Jul 2023 07:59:30 +0000

Скопскиот рок бенд Lincoln Letter с го објавија спотot за новата песна „Skull and Bone“– гусарска приказна за екипаж кој трага по својот капетан. По неколку години пауза поради географска оддалеченост на членовите, Lincoln Letter повторно се враќаат на сцената, овој пат со нова гусарска приказна. По минатиот спот и албум со каубојска – вестерн тематика, бендот одлучи да „заплови“ по нови води и како раскажувачи преку музика, а својата нова тема ја најдоа во светот на гусарските приказни. Skull and Bone е воедно и најава за нивниот нов албум кој ќе излезе на крајот на летото. Промоцијата на спотот се одржа деновиве во Public Room каде публиката го наполни дворот. Откако спотот беше прикажан, набргу членовите на бендот – Јаков Наумоски, Јулијан Мицевски, Борјан Гаговски, Андреј Ѓоршевски и Јан Стефановски, стапија на сцената и одржаа жесток концерт, а беа пречекани со голем аплауз. За крај, публиката повторно го гледаше спотот кој беше примен со позитивни коментари и критики. Погледнете го и вие во продолжение:

Скопскиот рок бенд „Lincoln Letter“ промовира албум со – „The Man Who Became Legend“ (ВИДЕО)

Антонио Димитриевски — Fri, 27 Dec 2019 11:15:19 +0000

Рок групата „Lincoln Letter“ ќе одржи концертна промоција на својот деби албум „Bedtime Stories“, во денсинг салата во МКЦ на 29 декември во 20 часот, со бесплатен влез за сите посетители. Рок музиката на младиот скопски бенд е инспирирана од музиката на вестерн филмовите. Албумот, кој е снимен во 2019 година во Скопје, содржи 12 песни кои функционираат како засебни вестерн приказни. На албумот „Bedtime Stories“ работеле музичките продуценти Ади Имери и Милош Краљевски, како и самиот бенд. „Ќе излажеме ако кажеме дека не сме возбудени пред нашиот прв самостоен концерт. Промоцијата на албумот е настан кој уште од почетокот на бендот ни бил една од главните цели и радости. „Bedtime Stories“ е нашиот прв албум и со нетрпение чекаме конечно да го споделиме со публиката и да ги чуеме нивните реакции, бидејќи до последен момент го работевме со сите наши креативни потенцијали. Ветуваме дека ќе е многу гласно“ – вели фронтменот Јаков Наумоски. Со силен фокус на раскажување приказни и решителност да „изрокаат“, бендот „Lincoln Letter“ е составен Јаков Наумоски, Јулијан Мицевски, Борјан Гаговски и Стефан Сајковски. По точно еден месец следува првата можност да се слушне целиот албум во живо во денсинг салата на МКЦ, а по концертот за слушателите ќе бидат достапни и бесплатни „download“ кодови за албумот. Погледнете го видео спотот за нивниот прв сингл „The Man Who Became Legend“.

Lincoln Letter – Вистина.мк

Скопските хард рок гусари „Lincoln Letter“ во „Череп и коска“ ќе ви раскажат својата музичка прикаска – „Skull and Bone“ (ВИДЕО)

Скопскиот рок бенд „Lincoln Letter“ промовира албум со – „The Man Who Became Legend“ (ВИДЕО)