лимонада – Вистина.мк

Чудотворен напиток кој го лечи цел организам – црната лимонада го чисти црниот дроб, го намалува холестеролот и го топи салото!

Слаѓана Атанасова — Tue, 20 Feb 2024 12:56:22 +0000

Ако планирате да го исчистите вашето тело од акумулираните токсини и да го обновите, едноставно да добиете повеќе енергија и да се чувствувате подобро, овој пијалок е токму за вас. Лимонадата е омилен летен пијалок за многумина, освежувачки е и многу вкусен, но кога ќе додадете активен јаглен во лимонадата, добивате совршен пијалок кој ќе го прероди вашиот организам. Токму заради активниот јаглен, овој пијалок има црна боја, додека вкусот останува непроменет. Црната лимонада ќе го исчисти телото од токсините, ќе го исчисти црниот дроб и ќе го намали холестеролот. Помага при надуеност, гас и аерофагија (несвесно голтање на воздухот за време на оброците), па дури и при проблеми со кожата. Ја регулира работата на дигестивниот тракт и со тоа го забрзува метаболизмот, што доведува до губење на тежината. Активниот јаглерод се добива со деструктивна дестилација на материјали од различни билки и кора од кокос и ги отстранува штетните материи и токсините од телото. За да се подготви ви требаат:

Сок од половина лимон или лимета
Чаша минерална или кокосова вода
Половина лажичка активен јаглен

Начин на подготовка: Во водата додајте го сокот од лимон и активен јаглен во прав. Добро измешајте и пијалокот е готов. Пијалокот се пие еднаш неделно, не почесто од тоа. Забелешка: Оваа лимонада може да го намали ефектот на лековите. Затоа, ако земате некои лекови, треба да обрнете внимание на двочасовниот интервал помеѓу земањето на лекот и пиењето на црна лимонада. Извор: Попара

Лимонада од краставица која ќе ве исчисти од токсини

Riste Zdravkov — Tue, 06 Jun 2023 11:12:55 +0000

Состојки: 1 голема краставица 7 лимони малку мед 3 чаши минерална вода 2 чаши обична вода Подготовка: Краставицата испасирајте ја во блендер, а течниот дел исцедете го низ сито, доколку сакате почиста лимонада. Ако сакате малку погусто, оставете го сето тоа надвор. Истурете ја краставицата во бокал, прелијте ја со сок од лимон и мед, додадете кисела и обична вода и на крајот измешајте. извор: popara.mk

„Лимонада“ од јагоди: Рецепт за хит пијалок кој е совршен за топлите денови

Слаѓана Атанасова — Mon, 24 Apr 2023 12:08:06 +0000

Agua frescas се популарни мексикански пијалоци за кои се вели дека уживале древните Ацтеки, а се омилени во текот на летото, кога сонцето пече. Се што ви треба за „свежата вода“ е овошје по ваш избор, вода и малку шеќер, но по желба можете да го искомплицирате рецептот со цветови кои се јадат, зачини или со додавање на алкохол како рум или вотка. Но, идејата е мексиканската вода да биде лесна, питка и да ја задоволи вашата жед. Поради оваа причина често се додаваат листови нане и малку сок од лимета. Лубеница, папаја, диња, хибискус, па дури и ориз се некои од омилените варијации на тема популарниот мексикански пијалок, а особено вкусна е „водата од јагоди“. Состојки: 300 гр јагоди 400 мл вода 2 лажици шеќер 2 лажички сок од лимета мраз Подготовка: Извадете ги стеблата од јагодите, пресечете ги на половина или грубо исечкајте ги. Во блендер ставете ги јагодите, водата, шеќерот и сокот од лимета и матете додека убаво не се соедини во изедначена смеса. Прилагодете ја количината на шеќер и вода на саканиот вкус и конзистентност. По желба процедете ја смесата и послужете со мраз. Извор: Курир.мк

Трик за лимонада која е толку вкусна што ќе ја пиете секој ден од летото!

Христина Ѓоргиевска — Thu, 29 Jul 2021 13:00:52 +0000

Ништо не е толку освежувачко како лимонадата од мраз, и ако сакате малку да ја „зачините“, навечер можете да додадете малку вотка, џин или бел рум и да си играте со сирупи од ѓумбир, цреша, јагоди или малини. Додадете неколку листови нане, босилек или гранче рузмарин – и ќе добиете пијалок како од бар. Но, за да го „исцедите“ најдоброто од лимоните, барајте непрскано овошје. На овој начин ќе можете да ја искористите кората и да добиете сензационален пијалок полн со вкусови и ароми. Исечете ги лимоните на четвртини и измешајте ги со рачен стап миксер, а потоа процедете го сокот. За 10 лимони можете да користите чаша шеќер и 6 чаши вода. Мешајте се додека шеќерот не се стопи, а потоа чувајте го во фрижидер три дена. Послужете со парчиња мраз и лимон. Ако сакате да набавите лимонада што може да остане подолго во фрижидер, направете концентрат. Ќе ви требаат 2 чаши шеќер и 2 и пол чаши исцеден сок од лимон. Загрејте го шеќерот и половина сок од лимон и мешајте додека шеќерот не се растопи и сокот не зоврие. Кога сирупот ќе се излади, измешајте го со остатокот од сокот од лимон и чувајте го во фрижидер. Истурете иста количина вода во половина чаша концентрат и додадете неколку коцки мраз. Концентратот може да стои до 3 недели во фрижидер или 5 месеци во замрзнувач.

Зошто треба да пиете лимонада со мед секој ден?

Христина Ѓоргиевска — Fri, 14 Feb 2020 13:20:48 +0000

Секојдневното пиење лимонада со мед носи големи здравствени предности за нашиот организам. Што под тоа разбираат докторите, односно на кој начин оваа комбинација е ефикасна ќе дознаете од следните факти. Веројатно сте слушнале за оваа комбинација од мед и лимонов сок, која освен што е вкусна, освежителна и здрава, многу е ефикасна во губењето килограми и подобрување на здравјето. Еве што друго треба да знаете:

1. Го подобрува здравјето на цревата

Еден од клучните чекори во одржување на здрав начин на живот е одржувањето здрави црева. Всушност, комбинацијата од мед и лимон овозможува подобра работа на метаболизмот. Исто така, лимоновиот сок е корисен кога станува збор за ублажување на надуеност и рефлукс.

2. Го подобрува имунитетот

Витаминот Ц кој се наоѓа во лимонот дава одлични резултати кога станува збор за ублажување на настинките и грипот. Екстрактот од лимон содржи состојки кои помагаат при лекување на оштетена кожа. Медот има антибактериски својства, ги отстранува бактериите кои предизвикуваат проблеми со грлото. Топлата вода исто така помага во чистењето на грлото.

3. Помага во губење на килограми

Лимонот содржи пектин и други влакна кои го намалуваат чувството на глад. Кога миксот од лимон и мед стигне до желудникот реакцијата меѓу катализаторот на панкреасот и медот ја зголемува брзината на метаболизмот и трошењето на мастите во телото со што се зголемуваат изгубените килограми. Комбинацијата од топла вода, свеж лимонов сок и мед ефикасно го чисти телото од токсини и поради тоа се препорачува кога сакате да ослабете.

4. Го подобрува изгледот на кожата

Црвенилото и воспалението на кожата се резултат на нечистотии во крвта. Со помош на медот крвта може да се прочисти и воспалението на кожата да се намали. Со тоа се одржува блескава кожа.

5. Ја намалува киселоста на организмот

Кога телото е претерано кисело поголема е веројатноста да добиете некоја инфекција. Откако ќе се разгради млечната киселина во организмот може да се наталожи до опасно ниво кое е лошо за организмот, правејќи го ранлив на сите видови инфекции. Поради тоа телото би требало да има рамномерно ниво на киселост во секој момент. Лимонската киселина е растоплива во крвта, за разлика од другите киселини.

6. Камен во бубрег

Недоволното внесување вода и прекумерното внесување калциум се само некои од причините за создавање камен во бубрег. За да го спречите тоа секојдневно консумирајте лимонада со мед. Лимонот го блокира калциумот така што телото не може да го апсорбира, а вишокот калциум се чисти од организмот. извор: Кајгана

Карлеуша и Поповиќ опасно се „препукуваа“ на снимањето на „Ѕвездите на Гранд“: „Срце мое ќораво и душо моја цицлеста“… (ФОТО)

Антонио Димитриевски — Fri, 14 Feb 2020 10:23:11 +0000

Претстојното издание на музичкото талент шоу „Sвездите на Гранд“ веројатно ќе биде емисија во кој членовите на жирито до сега најмногу се навредуваат едни со други и тоа на лична основа.

Како и секогаш, судирите беа поврзани со гласањето за кандидатите, па и овој пат, пердувите летаа меѓу Саша Поповиќ и Јелена Карлеуша. Двајцата се испонавредија, кој како стигне.

„Не знаев Јелена, дека ги пееш и овие лимонади“ - и рече Саша на пејачката, а потоа таа го уште пониско „му спушти“:

„Ова не е лимонада, срце мое ќораво, туку ова е најголемиот грчки хит“ - му возврати Jелена Карлеуша асоцирајќи на тоа дека саша носи очила за вид. Сепак, „боцкањето“ не заврши тука, бидејќи Поповиќ продолжи да и се спротивставува на Карлеуша.

„Душо моја цицлеста, ова е за мене лимонада, верувај ми...“ - и рече Саша, алудирајќи на нејзините природно мали гради, надувани со огромни силикони и насмеа многумина во студиото.

„Тој со оваа песна заработи скоро исто толку пари колку ти овде со Гранд“ - се трудеше да му објасни Карлеуша. Иако „препукувањето“ беше жестоко, никој од нив на крајот не се налути, а фокусот на шоуто се префрли на другите кандидати.

Нејзините родители се милионери и познати ѕвезди во Холивуд, а таа продава лимонада

Слободанка Илиева — Wed, 27 Jun 2018 09:46:53 +0000

Сури Круз, ќерката на славните Том Круз и Кејти Холмс, ја посети Парадата на гордоста во Њујорк која се одржа на 24-ти јуни, а таму продавала лимонада. Оваа вест се најде во сите американски медиуми, а пренесуваат дека 12 годишното девојче ја продавало лимонадата за два долари по чаша. -Беше многу слатка, се смешкаше кога некој ќе помине и на секој купувач му посакуваше да ужива во денот, вели еден од очевидците.

На девојчето сепак внимавала дадилка, со оглед дека нејзината мајка била спречена да и прави друштво.

Инаку, актерот Том Круз уште од 2012 година ја нема видено ќерка си, а кога го прашуваат медиумите за Сури, тој дава неодредени и скудни одговори.