лига на шампиони – Вистина.мк

„Лига на шампиони“ на МРТ: Вие одлучете кој натпревар да го емитува јавниот сервис, Ливерпул-Милан или Интер-Реал Мадрид?

Антонио Димитриевски — Fri, 03 Sep 2021 12:30:26 +0000

Македонската радио телевизија преку јавна анкета објавена во МРТ групата на Фејсбук, ги прашува гледачите кој натпревар од 1. коло од европската фудабалска елита да го емитува. Распоредот на УЕФА во исто време стави да се играат два натпревара кои привлекуваат огромно внимание. Во среда, на 15 септември од 21:00 часот, меѓу другите, се играат и натпреварите Ливерпул – Милан и Интер – Реал Мадрид. Во договор со ArenaSport нашата МРТ ќе има право да врши пренос од еден натпревар од секое коло, со македонски коментар. Но, 1. коло носи голема дилема: кој натпревар да оди низ директен пренос? Гласајте на страницата на МРТ на Фејсбук

На навивачите на Баерн им „пукна филмот“: Фрлаа пари на терен, судијата ги собираше

Антонио Димитриевски — Thu, 23 Nov 2017 10:29:42 +0000

Баерн на гостувањето во Брисел против Андерлехт во мечот од фудбалската Лига на шампиони сепак имаше поддршка од своите лути навивачи, кои незадоволни од високата цена на влезниците, го изразија својот револт на оргинален начин – фрлаа купчиња лажни пари на теренот испраќајќи порака до раководството на домашниот тим. Сто евра за еден натпревар е превисока цена дури и за германските навивачи. Иако по реакцијата на навивачите, цената на влезниците беше спуштена на „само“ 70 евра, баварските навивачи не ја пропуштија шансата да го изразат своето несогласување и за време на натпреварот од трибините на терен летаа „купчиња со евра“. Баварците му отворија дополнителна работа на помошниот судија, кој мораше да ги собира парите од теренот. Дел од навивачите на Баерн и покрај „изгор цените“ на влезниците допатуваа во Брисел да го бодрат својот тим изразувајќи го и својот револт. Но, голем дел од навивачите на Баерн го бојкотираа овој натпревар. „Дури и за високите стандарди на Лигата на шампионите ова претставува нова димензија за натпревар од групната фаза“ – стои во соопштението од клубот на навивачи на Баерн. „Дали вашата лакомост сега конечно е задоволена?“ – пишуваше на еден од транспарентите на трибината на која беа навивачите на Баерн. Инаку, германскиот тим го доби дуелот со Андерлехт со 1-2 со головите на Роберт Левандовски и на Корентин Толисо и ги задржа теоретските шанси за освојување на првото место во групата Б.

Вечер на евроголови: Луиз, Пјаниќ, Меси, Џеко или Нејмар – вистинско уживање за спортските фанови (ВИДЕО)

Антонио Димитриевски — Thu, 19 Oct 2017 11:24:44 +0000

Со осумте средби одиграни синоќа комплеторано е 3.коло во Лигата на шампоните. Прекрасни голови видоа вчеравечер фановите во фудбалската Лига на шампиони. Давид Луиз, Миралем Пјаниќ, Лионел Меси, Един Џеко, Нејмар ги воодушевија фановите. Сите голови беа вистински мелем за очи за фудбалските фанови.

Челзи во лоша форма ја дочека средбата против Рома во третото коло на Лигата на шампионите, изгуби во последните два натпревари против Манчестер Сити и Кристал Палас, но грижите на нивните фанови брзо ги тргна Давид Луиз.

Бразилецот во 11 минута на мечот против клубот од Рим на Стемфорд Бриџ, со опасен удар од 25 метри, стрелаше милиметарски прецизно покрај левата статива. Уште еднаш Луиз потврди колку е опасен со ударите надвор од шеснаесетникот, тоа му е шести гол надвор од казнениот простор од последните седум кои ги постигна за Челзи.

Но тоа беше само најава на убавите голови кои паднаа вчера вечер. Мирален Пјаниќ го изедначи резулатот во натпреварот на Јувентус и Спортинг, со прекрасен гол од слободен удар во 29 минута, го остави закопан за земја португалскиот голман Руи Патрисио. Предизвикот „погоди од слободен удар“ го прифати и Лионел Меси, кој во 61 минута од мечот против Олимпиакос го реши прашањето на победникот. Нанишани Аргентинецот преку живиот ѕид, а Силвио Прото не успеа да ја спаси топката да не оди во гол. Тоа беше гол број 100 во европските натпревари, со што стана втор играч кој има троцифрен број голови, позади Кристијано Роналдо кој има 113 гола. А посебно ефектен беше голот на Един Џеко од игра, во 64 минута од меот на Рома на гостувањето кај Челзи, со што донесе изедначување за Италијаните. Му асистираше Федерико Фацио, а Џеко со ефектен волеј од 15-тина метри ја искина мрежата на Тибо Куртоа. Шест минути подоцна даде уште еден. И ПСЖ има свој кандидат за гол на вечерта. Парижаните лесно поминаа на гостувањет кај Андерлехт, победија со 4:0, а третиот гол го даде Нејмар од слободен удар во 66 минута, мајсторски протнувајќи ја топката под живиот ѕид. Комплетни резултати: Група А: ЦСКА Москва – Базел 0-2 и Бенфика – Манчестер Јунајтед 0-1 Табела: Манчестер Јунајтед 9, Базел 6, ЦСКА Москва 3, Бенфика 0. Група Б: Баерн Минхен – Селтик 3-0 и Андерлехт – Париз Сен Жермен 0-4. Табела: Париз Сен Жермен 9, Баерн Минхен 6, Селтик Глазгов 3, Андерлехт 0. Група Ц: Карабах – Атлетико Мадрид (18 часот) и Челзи – Рома Табела: Челзи 7, Рома 5, Атлетико Мадрид 2, Карабх 1. Група Д: Јувентус – Спортинг Лисабон 2-1 и Барселона – Олимпијакос 3-1. Табела: Барселона 9, Јувентус 6, Спортинг Лисабон 3, Олимпијакос 0.