лига на нации – Вистина.мк

Фудбал: Натпреварите на Македонија против Грузија и Бугарија со пренос на МРТ

Антонио Димитриевски — Thu, 22 Sep 2022 13:05:38 +0000

Настапите на македонската фудбалска репрезентација во Лигата на нации на УЕФА во оваа и следната година ќе ги гледаме на МРТ. Потврда за ова стигна и од уредникот на спортската редакција на МРТ, Драган Николовски кој на социјалните мрежи објави кога ќе започнат преносите. Во завршните две кола од Групата 4 во лигата Ц, Македонија гостува кај Грузија, а потоа ја дочекува Бугарија. Гостувањето на Македонија кај Грузија е закажано за утре од 18 часот, а Бугарите на арената „Тодор Проески“ во Скопје, македонските рисови ќе ги пречекаат во понеделник. Натпреварот е со почеток од 20:45 часот. Билетите за натпреварот Македонија-Бугарија се пуштени во продажба од понеделникот која се одвиваисклучиво преку продажната мрежа на MKTickets. Продажбата на билетите ќе се одвива исклучиво со физичко присуство на купувачите. Електронска (on-line) продажба на билети нема да има. МАКЕДОНИЈА – БУГАРИЈА (Национална арена „Тодор Проески“, 26. септември) Цени на билети: Северна Трибина Блок 13, 14, 18, 19, 20 и 24 250 денари Блок 21 и 23 250 денари Јужна Трибина Блок 1, 2, 5 и 6 250 денари Блок 3 и 4 350 денари Едно лице може да купи најмногу четири (4) билети. Покрај неговите податоци (задолжително презентирање на документ за идентификација), клиентот внесува и податоци за други навивачи за кои купува билети.

Цел живот, Македонија… (ВИДЕО)

Антонио Димитриевски — Tue, 10 Nov 2020 12:41:28 +0000

Македонската фудбалска репрезентација во четврток против селекцијата на Грузија ќе го игра историскиот натпревар за прв пласман на нашата селекција на Европско првенство. Фудбалската федерација на Македонија, објави видео за поддршка на македонските репрезентативци. -Веруваме дека зборуваме и во ваше име кога со цело срце и почит ги изговараме овие зборови: „Цел живот, Македонија! Ви благодариме, момци”, пишува ФФМ во објавата.

Коронавирусот ќе го одложи натпреварот Македонија – Косово?

Антонио Димитриевски — Mon, 02 Mar 2020 12:58:52 +0000

Фудбалскиот натпревар помеѓу репрезентациите на Македонија и на Косово, за пласман на европското првенство, би можело да биде одложен. Иако УЕФА натпреварот го закажа за 26 март, сѐ погласни се гласините дека поради вирусот Корона средбата би се одложила за во мај. Се очекува конечната одлука да се знае по седницата на македонската влада на чиј дневен ред ќе се најде и оваа точка.