лидер – Вистина.мк

Почина Шејн Мекгоуан, лидерот и пејач на групата „Pogues“, предводници на ирскиот панк рок

Антонио Димитриевски — Thu, 30 Nov 2023 14:19:21 +0000

Шејн Мекгоуан, поранешниот фронтмен на Pogues , чија музика беше мост помеѓу традиционалната ирска фолк музика и панк рокот, почина денес, четврток, 30 ноември 2023 г. на 65-годишна возраст. Сопругата на Мекгован, Викторија Кларк, ја потврди смртта на музичарот во изјава.Би-Би-Си додаде дека: „Мекгован починал мирно во 3.30 часот утрово со сопругата и сестрата покрај него“. „Нема начин да се опише загубата што ја чувствувам и копнежот по само уште една негова насмевка што го осветли мојот свет“, напиша Кларк. „Благодарам, благодарам, благодарам, благодарам за твоето присуство на овој свет што го направи толку многу светол и им даде многу радост на толку многу луѓе со твоеето срце и душа и вашата музика“. Според Скај њуз, на Мекгован минатата година му беше дијагностициран вирусен енцефалитис, а претходно овој месец заврши во болница во Даблин за да добие третман за инфекцијата. Пред две недели, Кларк напиша на Инстаграм дека „се соочува со застрашувачки стравови“. Во изминатите четири децении, пејачот, текстописец и гитаристот го отелотворуваше ирскиот дух со традиционалните паб химни како: „Waxie's Dargle“ и „I'm a Man You Don't Meet Every Day“, како и „Dirty OldTown“ претворајќи ги во возбудливи рок химни со Pogues.Кога ги отпеа првите редови на најголемиот хит на бендот, неверојатниот божиќен производ, „Бајка за Њујорк“, неговата жестока реалност ве натера да се чувствувате дека сте токму таму со него, уапсен: „Беше Бадник,душо… . Последните децении, сè што Мекгоуан сакаше, беше да живее добар, неоптоварен живот, а најмногу го живееше според свои правила. „Немам амбиции“, рече тој во 1989 година. „Порано имав амбиции, но веќе немам.Сакам само да уживам во животот онаков каков што е и да дадам се од себе за да спречам да стане пекол на земјата“. Извор: RollingStone Фото: Инстаграм/shanemacgowanofficial/Youtube

Од ѕвезди до трње: Беше популарен пејач, фронтмен на познатата српска група со многу хитови, а денес вози такси (ФОТО)

Антонио Димитриевски — Wed, 02 Mar 2022 10:57:48 +0000

Горан Глухаковиќ, пејач и фронтмен на некогаш многу популарните „ОК бенд“ откри дека неговото време најмногу е сведено на таксирање, со оглед на тоа што е татко на седумнаесетгодишни близнаци кои почнале да излегуваат на места каде што некогаш пеел нивниот татко. „Порано пеев по клубови и сплавови, а сега се возам со такси! Ги носам ќерките на истите места кога излегуваат. За среќа во целата приказна ги познавам газдите, па секогаш сум во тек каде се и што прават. Не сум многу строг, но времињата се чудни“ - изјавил Горан за емисијата „Премиера“, па се осврнал на изминатиот период кога изгубил некои драги луѓе, кои починаа од последиците од коронавирусот. „Не бев исплашен до моментот кога почнав да губам драги луѓе околу мене. Доживеав неколку сериозни трагедии“ - рече тој, а потоа се осврна на кризата на сцената. Беше тежок период, се надевам дека е зад нас. Тоа е многу незгодно, особено за инструменталистите и другите членови на бендот. Имам некои варијанти покрај музиката, не живеам само од музика, инаку би бил во голем проблем“ - раскажа некогашниот лидер на „ОК бенд“. Фото: Промо

Новогодишно обраќање на Христијан Мицкоски: 2022 ќе биде година во која промените и проектите ќе донесат конечна победа и триумф на вистинските вредности

Антонио Димитриевски — Fri, 31 Dec 2021 12:16:07 +0000

Почитувани сограѓани, годината што заминува ни остави различни емоции. Ковид пандемијата, енергетската криза, економското уназадување, трагедиите во Тетово и Бугарија и неспособната и неодговорна власт предизвикаа тага и болка, голем револт, разочарување, неизвесност… Но и конечно освестување и одважување дека работите мора да ги промениме ние, самите. Заради нас, заради нашите семејства. 2021 беше година на големи предизвици, но и на големи промени. Промени кои ги донесовте – вие!, вели во Новогодишното обраќање на претседателот на ВМРО-ДПМНЕ, Христијан Мицкоски. -Промените кои носат нова, подобра и поубава иднина се наша голема обврска. Работата е темелот на нашиот успех. Проектите кои ги реализираме чекор по чекор ќе донесат развој, стабилност и успеси. Успеси и среќа за секој еден човек, затоа што Македонија е за сите луѓе. Да ја подобриме екологијата, да ја развиваме инфраструктурата, да го унапредуваме образованието, спортот и културата. Да бидеме подобри луѓе, повеќе да се почитуваме и да создадеме поубава иднина за нашите деца. Колку повеќе создаваме, толку повеќе ќе им олесниме на нив. Колку се тие посреќни, толку сме ние помотивирани. Децата на Македонија заслужуваат нова, среќна иднина во средена држава која ќе ги задоволи сите нивни потреби. 2022 година ќе биде година во која промените и проектите ќе ја донесат конечната победа, триумф на вистинските вредности. Да продолжиме заеднички и да ја завршиме работата. Да донесеме реформи, нормалност и сигурност. Да ги зачуваме и унапредиме здравјето и животот, тоа се најголемите подароци за секој човек. Да обезбедиме европска иднина, подобар стандард, повисоки плати. Повеќе радост, светлина и среќа во секој еден дом. Драги пријатели, ви ветувам дека со целата сила ќе се борам да биде подобро. Искрено и од срце, како ваш пријател, сосед, сограѓанин ви посакувам најубави празнични денови. Топол дом исполнет со ведрина и оптимизам. И многу љубов и насмевки со вашите блиски. Ви посакувам среќна, весела и успешна 2022 година, подвлекува Мицкоски.

На денешен ден почина Милан Младеновиќ, лидерот на култните ЕКВ: „Ти си сета наша болка… на една цела изгубена генерација“ (ВИДЕО)

Антонио Димитриевски — Thu, 05 Nov 2020 12:57:36 +0000

Легендата на југословенскиот рок, основач на неколку култни бендови што го одбележа растот на многумина и иницијатор на новиот бран во ЈУ музиката, Милан Младеновиќ, почина на денешен ден пред точно 26 години. „Момчето од водата“ е родено на 21 септември 1958 година во Загреб, а во најраното детство ја покажа својата љубов кон музиката. На шестгодишна возраст, со семејството се преселил во Сараево, а во 1970 година во Белград. Тој заврши во 11-тата гимназија во Белград, каде кон крајот на седумдесеттите години заедно со неговиот школски пријател Драгомир Михаиловиќ Гаги го основа својот прв бенд „Лимоново дрво“, а потоа и познатата група „Шарло Акробата“, за подоцна да се здобие со најголема регионална слава во бендот „ЕКВ “. Во 1986 година, беше издаден албум со песната „Ти си сета моја болка“, кој „ЕКВ“ ги лансираше директно кон ѕвездите. Тие станаа најпопуларниот бенд и останаа се' до 1994 година. Секоја девојка од поранешните ЈУ простори во тоа време беше за потајно вљубена во Младеновиќ и имаше многу шпекулации за неговиот љубовен живот, но јавно, малку се знаеше. Последните години од животот ги помина со Маја Маричиќ, која му беше најголема љубов во животот и на која и е посветена песната „Очи со боја на мед“. После спектакуларниот настап во Будва во 1994 година, Младеновиќ беше итно пренесен во болница, каде му беше дијагностициран рак на панкреасот, од кој почина на 5-ти ноември истата година во Белград каде беше погребан и почива на Новите гробишта во српската престолнина. Со неговата смрт, „Екатерина Велика“ престана да постои. Кога почина, Милан имаше само 36 години и 35 килограми, а неговата смрт беше проследена со многу контроверзии. Да потсетиме, сите членови на бендот ги следеа приказните за конзумирање наркотици, што во тоа време беше табу тема, а исто така многу се зборуваше за нивниот бурен приватен и љубовен живот. Зад себе оставија песни кои продолжуваат да живеат до денес. Проклетството на групата „ЕКВ“ не го однесе само Младеновиќ, туку за жал меѓу живите веќе не се ниту Иван Вдовиќ (1961-1992), Маргита Маги Стефановиќ (1959-2002) и Бојан Печар (1960-1998), а во 2013 година во Белград почина и долгогодишниот менаџер на ЕКВ, Небојша Гргиќ - Грга. https://www.youtube.com/watch?v=iuSthfwzjPs&feature=emb_logo

Почина Рајко Дујмиќ: Фронтменот на легендарните „Нови фосили“ ја изгуби битката со животот во сообраќајна несреќа

Антонио Димитриевски — Tue, 04 Aug 2020 15:20:25 +0000

Рајко Дујмиќ, познатиот хрватски композитор и долгогодишен лидер на легендарната група „Нови фосили“ почина денес, на 66-годишна возраст, во болница во Риека, јавува Вечерњи.хр. Тој се здобил со тешки повреди на главата минатата среда, 29 јули, во сообраќајна несреќа, кога слетал од патот и при тоа и самиот излетал од автомобилот. Веднаш по сообраќајната незгода, Дујмиќ бил пренесен во единицата за интензивна нега во болницата Сушак во Риека, а Клиничкиот болнички центар во Риека во истиот момент објавил дека фронтменот на „Нови фосили“ е во животна опасност. Веднаш по несреќата, Снежана Дујмиќ, сопруга на Рајко, се огласи на Фејсбук и објави дека музичарот е во кома. „Ве молам, молете се да се разбуди од кома“ - напиша тогаш Снежана Дујмиќ, а само неколку часа пред неговата смрт, на Фејсбук ја објавила неговата најдрага песна. Несреќата се случила на 29 јули, околу 17:15 часот, кога Дујмиќ заради неприлагодена брзина излетал од патот со својот џип Фолцваген - Тигуан и завршил на падината над бездната. Според информациите, во сообраќајната несреќа во која настрада сега починатиот Дујмиќ, не учествувало друго возило, а и тој бил сам во неговото возило, кое било со загребски регистарски ознаки. Хитовите на „Нови фосили“ и денес се пејат, а нивните плочи се продадени во неколку милиони копии со што станаа најуспешната дискографска група на сите времиња во регионот. Рајко Дујмиќ соработувал и со неколку познати и популарни вокални солисти, особено со Јасна Злокиќ и Јасмин Ставрос. Својот прв и единствен кантавторски албум „Низводно од рајот“ го издава во 1993 година. Тој е познат и како композитор на филмска музика, реклами, како и најавната шпица за телевизиското шоу „Добро утро, Хрватска“. Работел и на сценска музика за претставата „Дундо Мароје“ во 1995 година во Гавела, во режија на Крешимир Доленчиќ, а за претставата „Осум лесни парчиња“ во режија на Нина Кефлин. Свирел електрична органа во рок операта „Губец бег“ во која главвните улоги ги играа Бранко Блаже и Јосипа Лисац. Песната „Мојата татковина“, напишана заедно од Рајко Дујмиќ и Зринко Тутиќ, ќе биде запаметена особено во срцата на многу луѓе. Во овој своевиден „бенд еид“ учествуваа 150 музичари, кои ја отпеаја најубавата патриотска песна во 1991 година. Тој ја доби наградата „Порин“ за животно дело во 2013 година.

View this post on Instagram

#RetroThursday ? Prisjetimo se nekih dobrih starih vremena... i da - sretan rođendan Vladimir Kočiš Zec! ??

A post shared by Croatian Music Channel (@cmc_televizija) on May 7, 2020 at 9:00am PDT

Фото: Cropix/ Instagram принтскрин/#novifosili

Христијан Мицкоски кај Жаре во „1 на1“ математички пресметано погоди што ќе се случи на 12-ти април: „We will rock You“! (ВИДЕО)

Антонио Димитриевски — Thu, 16 Jan 2020 18:17:10 +0000

Христијан Мицкоски во недела, на 19-ти јануари во 18.30 на ТВ „Канал 5“ ќе му биде специјален гостин на Жаре Димитровски во шоуто „Еден на еден“. Во опуштена атмосфера, насмеан и расположен лидерот на ВМРО ДПМНЕ раскажува многу интресни нешта што луѓето за него до сега не ги слушнале и не ги знаат. За сопругата Рози, за синовите, за своите политички ривали и соработници. Отворено и одблизу со политичарот, лидерот, професорот, сопругот, родителот, граѓанинот... Христијан Мицкоски во едно поинакво светло, каков што досега не сте го знаеле. Затоа не пропуштајте да дознаете колку Мицкоски се разбира во музика, да видите кој ќе победи „1 на 1“ во фудбалче на маса, а кој на 12-ти април и која песна ќе се пее тој ден... И сетоа во „Еден на еден“ со Жаре, во недела, на 19-ти јануари во 18.30 на ТВ „Канал 5“.

„Бекстејџ“ на гости кај лидерот на ВМРО – ДПМНЕ, Христијан Мицковски: „Како семејство ја живееме реалноста, но децата ги учиме на вистинските вредности“ (ВИДЕО)

Антонио Димитриевски — Tue, 31 Dec 2019 08:40:46 +0000

Лидерот на ВМРО - ДПМНЕ, Христијан Мицковски важи за еден од најпочитуваните политичари на домашната политичка сцена. Неговата професионална биографија е полна со успешни подвизи. Покрај активностите во светот на политиката, Мицковски паралелно предава и на Машискиот факултет во Скопје, каде секојдневно разменува искуства со студентите и им го пренесува своето знаење. Со овоие зборови екипата на најгледаниот ТВ магазин „Бекстејџ“, го започнува воведот во интервју со лидерот на ВМРО - ДПМНЕ, Христијан Мицкоски, со кој во неговиот професорски кабинет на Машинскиот кабинет разговараше на многу теми, воглавно надовор од политиката иако и таа беше неизбежно да се спомене. За случувањата во годината што измина, за бракот со сопругата Рози, за семејството, децата, родителскиот однос, празниците, традицијата, воспитувањето, животните вредности, за професорувањето... Христијан Мицковски како човек и професор приватно, како политичар од еден поинаков агол, за многу нешта кои досега малку сте ги знаеле за него... Од ексклузивното новогодишно интервју со лидерот на ВМРО - ДПМНЕ во „Бекстејџ“... Погледнете го:

Замина уште една ѕвезда: Славниот рок музичар пронајден мртов

Антонио Димитриевски — Mon, 16 Sep 2019 09:30:00 +0000

Рик Окасек, фронтменот на рок-групата „Карс“ бил пронајден мртов во стан во Њујорк. Полицијата вчера соопшти дека властите реагирале на повик на телефонот 911, па кај 75-годишниот пејач само била констатирана смрт. Нема знаци на насилство и напад. Причината за смртта на рокерот ќе биде утврдена по обдукцијата. Меѓу најпознатите хитови на „Карс“ од крајот на 1970-тите и 80-тите, се „Just What I Needed“, „Shake it Up“ и „Drive“. Бендот лани беше поставен и во Рок-ен-рол салата на славните. Рик минатата година по 28 години брак се раздели од својата сопруга, некогашната манекенка и супер модел, паулина Поришкова. Двојката првпат се запознале додека „Карс“ го снимале музичкиот спот за песната на „Вози“ во 1984 година и биле заедно се до лани 74-годишниот Окасек бил примен во халата на рокенрол славните во Кливленд, Охајо. Рик Окасек зад себе остави и две деца кои ги има од бракот со Поришкова.