личност – Вистина.мк

Сакате личност која не сака да биде со вас? Заради ова патите по некој кој воопшто не му е грижа за вас!

Слаѓана Атанасова — Mon, 05 Feb 2024 13:45:19 +0000

Експертот за врски Сабрина Зохар откри зошто не можете да преболите некој кој не е заинтересиран за вас – тоа може да биде поради вашето детство. Во вирално видео што го објави на TikTok што е прегледано повеќе од 500.000 пати, таа објасни дека ставањето некого на пиедестал може да го отежне преболувањето. „Мислите дека сте безбедни само ако ја имате таа личност. Се однесувате како да сте ја ставиле таа личност на пиедестал и се вративте во односот дете-родител. Се чувствувате како да не сте доволно добри и дека никој веќе нема да ве сака затоа што ве научиле родителите дека многу ви требаат“, рече Сабрина. Таа тврди дека сте повеќе склони да барате неконзистентен партнер ако сте пораснале во семејство во кое родителите ве научиле дека љубовта мора да се заработи. „И сега велите: „Ох, чекај, морам да заработам љубов, морам да работам за тоа. Не може да биде толку лесно. Ако некој не ми ја даде, што не е во ред со мене? Сега мора да ја заслужам љубовта, сега мора да се докажам.“ Причината за ова е што мозокот не е дизајниран да ви помогне да растете, туку да ве заштити“, рече Сабрина.

@sabrina.zohar Why do you want someone who doesnt want you back? #limerence #datingadvice #corebeliefs #anxiousattachment #breadcrumbing #breadcrumbs #dating101 #movingon #breakup ♬ original sound - Sabrina Zohar

Таа предупреди да не ги бркате истите луѓе одново и одново додека не се чувствувате достојни. Сабрина додаде дека треба да гледате на вашата љубов како „нормална личност“ и да сфатите дека тие не се „најневеројатната личност“ што сте ја запознале – истакнувајќи дека тие само поттикнале нешто во вашиот мозок од детството. Луѓето ја пофалија Сабрина за овој совет. Едно лице напиша: „Вилицата ми падна на подот гледајќи го ова. Па, време е за терапија.“ Друга додаде: „Факти. Ова е нешто што требаше да го слушнам“. Извор: Попара

Мали сигнали: Како да препознаете дали ѝ се допаѓате на некоја личност?

Слаѓана Атанасова — Mon, 22 Jan 2024 13:30:20 +0000

Експертите процениле дека има 5 важни знаци кои треба да ги забележите! Џејмс Прис, познат како „гуру за љубовни врски“ и Александер Зиф, основач на страната за запознавање „Ciao“ велат дека ако ги забележите овие 5 знаци можете да бидете сигурни дека сте оставиле впечаток.

„Пробивање“ во личниот простор

Секој од нас се обидува да заджи свој персонален простор во друштво со друго лице. Ако тоа лице ја наруши физичката дистанца, ве допре за раката или рамото, го доближи столчето, тоа е сигурен знак дека му се допаѓате.

Зачестено трепкање

Се должи на продолжениот контакт со очите и возбудата, поради што очите побргу се сушат и доаѓа до зачестено трепкање Тука спаѓаат и наведнување кон Вас, барање причина за допир, поцрвенување, проширени зеници. 3.Зборува премногу и ве задева Тој што сака да ве импесионира ќе зборува многу за себе во обид да ве освои. Не значи дека не Ве слуша, но сака да остави впечаток. Ако ве задева и се шегува со Вас – тоа е сигурен знак дека му се допаѓате.

Ги забележува промените

Ако забележи дека имате нова фризура, промена во стилот на облекување, и го каже тоа – му се допаѓате. Ако не е така, не би ни знаел да направи разлика.

На почетокот глумат недостапни

Може да не ви одговара на порака со денови за да мислите дека има други опции. На почетокот, може да глуми недостапност за да има поголеми шанси за успех кај Вас! фото: FreePik Извор: Попара

Успешните мажи ги привлекуваат жени кои ги поседуваат овие 4 особини

Слободанка Илиева — Thu, 27 Apr 2023 12:00:20 +0000

Рускиот психолог Каролина Сафина која е специјализиран за женската психа и проблеми кои го мачат понежниот пол, неодамна се осврнала на честото тежнеење на дамите да бидат покрај успешен, самоуверен маж. Многу од жените се убедени дека е потребно да бидат убави, негувани и женствени за да привлечат внимание кај таков маж, вели Сафина, но всушност, како и во секој друг однос, нејзините внатрешни квалитети и ставови играат клучна улога во тоа. 1. Внатрешна светлина и добра енергија Жените кои немаат црни мисли за минатото, огорченост поради минати врски, бескорисна вина, стравови, категоричност... Сето тоа придонесува во одредена „тежина“ на личноста, умна сериозност и старост. Сите овие особини дури и од младите, убави девојки можат да направат жени уморни од животот. Дури и доколку има само 25 години, во неа се чувствува тежина и умор, како непрекинато да е заглавена во минатото, наместо да живее денес и да прави планови за иднината. 2. Цврст, изразен карактер Главната особина која во животот ни помага да направиме вистински избори и да одиме кон целта е рационалноста. Рационалните жени не носат одлуки врз основа на емоциите, туку во нив го вклучуваат и својот разум. Кога логиката е присутна, ние можеме да ги согледуваме критички работите, што значи дека се намалува можноста за разочарување. Односно, доколку мажот е лудо вљубен, паметната жена нема да му верува на зборовите туку на делата. 3. Здрава себичност Жените кои негуваат здраво ниво на себичност нема да го прават она што им е неисплатливо и непријатно, тие ќе го прават само она што знаат да го користат на подолги патеки и во иднина. Тие нема да ги возат роднините на аеродром во 6 часот наутро доколку мора да одат на работа во 8 часот. Тие сфаќаат дека тоа е непријатно, па без размислување и чувство на вина ќе им понудат да им викнат такси. 4. Јасен фокус кон целта Тие никогаш не размислуваат за тоа што другите мислат за нив, имаат свое мислење за себе и со тоа се задоволни. Свесни се дека само тие сами можат да си помогнат себеси, доколку нешто им се случи во животот. Затоа најпотребните мисли не одвлекуваат внимание. Тие не настојуваат да им се допаднат на другите затоа што тоа што си се допаѓаат самите на себе им е целосно доволно. извор:точка.ком.мк

„Од елеганција до латекс“ – Јована Јеремиќ ја прозва Сека Алексиќ (фото)

Слаѓана Атанасова — Tue, 14 Feb 2023 11:52:36 +0000

Водителката Јована Јеремиќ гостувајќи на ТВ Курир откри дека ќе почне да пишува текстови за народни песни, а првата песна ќе и ја подари на Александра Пријовиќ, а сега откри и на кого уште би можела да му помогне „бидејќи има криза на идентитетот“. "Се уште не сум почнала да пишувам. Доволно е да кажам дека првиот текст ќе биде за Александра Пријовиќ. По смртта на Марина Туцаковиќ, има место за жена која знае да пишува длабоки песни. Моите песни нема да бидат лесни за пеење. Јас сум познат оратор, сигурна сум дека ќе напишам барем една песна што ќе остане запаметена, а првата ќе и ја подарам на Александра Пријовиќ“. Водителката Јована Јеремиќ потоа изјавила што мисли за пејачката Сека Алексиќ, па дека ќе напише и ќе и подари една и на неа. „Да, би и дала текст и на Сека Алексиќ бидејќи е во голема криза. Таа е во криза на личноста, не може да се пронајде себеси. Брзаше, се бараше , од елеганција до латекс и црн лак. На неа еден хит, а можеби и само судбината ќе ме натера да и го напишам тој хит. Ако ме инспирира, можеби ќе и напишам песна, немам негативни емоции кон неа, иако ме нападна, и простувам “. Фото: Принтскрин/Инстгарам

Зошто личноста за која сте заинтересирани не одговара на вашите пораки? Можно е да е до вашиот пристап

Слаѓана Атанасова — Mon, 13 Feb 2023 12:15:23 +0000

Можеби има логично објаснување, а можеби се сведува на погрешниот пристап кон целата ситуација. Испраќањето пораки на личноста за која сте заинтересирани и чекањето со денови за одговор може да ве натера да се чувствувате вознемирено и загрижено за иднината на врската. Доколку постојано гледате во телефонот со надеж дека ќе видите порака од саканата личност и тоа е вашата единствена преокупација, тогаш навистина сте во неволја. Воздржете се од размислување за било што негативно, бидејќи има многу причини зошто некој не одговара со денови, а тоа не е секогаш поврзано со вас. Ако сте во слична ситуација, прочитајте за да дознаете кои се причините зошто луѓето за кои сте заинтересирани го прават тоа.

Преокупираност со работа

Урамнотежувањето помеѓу работата и личниот живот може да биде тешка задача за многу луѓе. Понекогаш постои преголем притисок на работа – присуството на состаноци, исполнувањето на рокови, држењето презентации итн. можат да го одземат целиот ден. Ако сте испратиле порака и не сте добиле одговор, тоа може да биде затоа што личноста е навистина зафатена на работа. А можеби се занимава со некои лични работи. Не го сфаќајте ова како лоша работа, особено ако сте биле на состанок само еднаш и не сте толку блиски.

Во режим на хибернација е

На некои луѓе им треба време со себе за да се подмладат и да се обноват. За интровертите, особено, е познато дека црпат енергија од себе, па често ќе ги видите како зјапаат во небото, читаат книга, гледаат филм или сами одат на прошетка за да се наполнат. Ако личноста не ви одговара, тоа може да биде затоа што и треба малку простор. Дајте ѝ го тоа и таа најверојатно ќе ви испрати порака во која ќе ја објасни ситуацијата.

Се прави неосвојлива

Ова може да биде точно ако неодамна сте почнале да се забавувате. Можеби сака да знае дали ви се допаѓа или не и како резултат ги игнорира пораките или остава долги празнини помеѓу одговорите. Покрај тоа, може да дава измешани сигнали како да сака да разговара со вас, но нема да иницира разговор или ќе исчезне со часови/дена пред да одговори. Тука исто така треба да играте паметно и да и дадете до знаење на личноста дека не сакате да играте топло/ладни игри.

Посветувате премногу внимание

Дали премногу се трудите да го привлечете вниманието на оваа личност? Дали сте ја бомбардирале со многу СМС пораки? Ако е така, тогаш тоа би можело да биде причината зошто не ви одговара. Природно е да бидете љубопитни да знаете сè за личноста што ја сакате, но ако сте премногу упорни, тоа може да оттргне некои луѓе. Можеби мисли дека сте премногу напорни и дека сето тоа се случува премногу брзо. Комуникацијата нека биде едноставна и избалансирана, не испраќајте пораки повеќе пати, не поставувајте премногу прашања во една порака, пишува „Pinkvilla“. Извор: Попара.мк

Знаци кои покажуваат дека се заљубувате во личноста со која повремено се гледате

Слободанка Илиева — Thu, 05 Jan 2023 13:34:55 +0000

Зимата полека си заминува, а пролетта ни чука на порти. Пролет, време за промени. Од некоја непозната причина, ова е период од годината кога нашите тела како да се програмирани да се заљубат. Кога сите пупки цутат и природата околу нас се раззеленува, изгледа и нашето срце почнува побрзо да чука. Понекогаш самата помисла на доаѓањето на пролета и напуштањето на досадната зимска рутина, буди нови љубовни чувства кај нас. Почестите излегувања, прошетки се причини за почести дружби и нови познанства. Некое од новите познанства, може ќе бидат причина за разлетување на пеперутките во вашиот стомак, заљубување и среќно започнување нова љубовна врска. Ако почнаа да ве наросуваат романтични чувства, ова се 10-те симптоми по кои ќе познаете дали сте заљубени. Прескокнување на оброците Ммм прекрасен начин за слабеење. Заборавањето на редовното внесување храна, не значи само дека сме расеани, туку и дека личноста на која не можеме да престанеме да мислиме, ја сакаме повеќе од храната. Може дополнителна причина за овој тип „гладување“, се пеперутките кои ни летаат низ утробата кога ќе помислиме на љубениот/а, па се чувствуваме како храната воопшто да не ни е ни потребна. Се фаќате себеси како се смешкате без особена причина Краткотрајното чувство на заљубеност може да предизвика значајни промени во вашиот организам. Љубовта, особено во првите денови, прави да се чувствуваме среќни, задоволни со сами себе, замечтаени во мислите и ни мами насмевка на лицето. Не можете да го/ја гледате во лице Одненадеж не можете таа личноста да ја гледате во очи додека разговарате, бидејќи се плашите дека ако ве погледне, ќе ги открие вашите чувства. Додека зборувате, пробајте да го/ја гледате во челото или околу носот. Побезбедно е. Мислите на него/неа додека наутро се облекувате Додека се спремате за излегување, во главата ви се вртат многу мисли: дали би му/ѝ се допаднале во оваа кошула, дали бојата добро ви стои на тенот, дали да вложите повеќе напор од вообичаеното во средувањето на косата, дали да се нашминкате како секој ден или пак да ставите малку повеќе шминка… Тоа е уште еден од показателите на заљубеност. Дотерајте се, во ниеден случај тоа не е погрешно постапување. Ви недостига кога не е во ваша близина Навикнати сте личноста која ви се допаѓа да ја гледате на одредено место на пример на работа, на предавања, во кафуле и доколку во одреден момент не е таму, почнувате да се чувствувате по малку разочарано и сте постојано во исчекување во секој момент да се појави од некаде. Станувате љубоморни за некои чудни работи Одредени моменти и ситуации кои до пред извесно време не ги ни забележувавте, почнаа полека да ви пречат. Се фативте себеси како станавте љубоморни при помислата: „Каде е, со кого е, зошто не се појавува, зошто не се јави…? Ја замислувате сликата на вашето дете Упс! Во одреден момент се фативте себеси како размислувате за тоа какво би било вашето заедничко дете. Тоа значи дека вашите чувства се искрени и почнуваат полека, но сигурно да стануваат сѐ посериозни. Луѓето ве забележуваат дека блескате Помислата на љубената личност ви измамува насмевка на лицето и задоволство. Необјаснивата среќа која блеска од вас, е доволно моќна да го привлече вниманието на луѓето околу вас кои забележуваат дека сјаете, изгледате физички подобро и посреќно. Потешко се концентрирате на работата Потребно ви е повеќе време од вообичаено, за да се концентрирате на задачата која треба да ја завршите. Поминувате половина час во психичка подготовка пред да почнете со работа, но и откако ќе почнете, вашите мечти и понатаму се насочени кон љубениот/а и тогаш сфаќате дека сте мноооогу заљубени. Одненадеж вашиот карактер се подобрува Без разлика дали сте машко или женско, заљубеноста буди некои подзаспани интересни карактеристики кај вас. Одеднаш почнувате да вложувате во подобрување на вашите кулинарски способности, ја преуредувате вашата соба, им нудите колачиња на сите колеги на работа, правите и некои измени во својот изглед. Станувате попримерни и поуредни. извор:попара.мк

„Мислев нема никогаш…“ Антониа Гиговска се реши на драстична промена, а од тоа ја извади другата во себе (фото)

Слободанка Илиева — Mon, 26 Dec 2022 08:08:07 +0000

Македонската поп пејачка Антониа Гиговска никако да го скроти својот темперамент. Немирна ко’ дете, постојано нешто работи, прави, приредува, менува… Овој пат, во прашање е ова последното. Така Антониа реши да проба, да изгледа поинаку. Ама доста поинаку… Па тргна од косата, односно фризурата. Кога промените во однос на косата е во прашање, тогаш безрезервната доверба Антониа ја има во нејзиниот стилист Даниел Николовски. Младата пејачка досега неколкупати има изјавено дека тешко би се решила да ја исече сојата долга коса која е нејзина слаба точка и заштитен знак, но се досега. Па така, старата Антониа замина во историја, кога е физичкиот изглед во прашање, а сега е комплетно нова, драстично поинаква, а за тоа како се доживува со новата фриузура вели: -Мислев дека никогаш нема да се шишам кратко и да ви кажам искрено уживам во промената. Што знам, јас си најдов некоја друга Антониа во себе со мојава нова фризура. Се надевам ќе ми помогне да носам и правилни одлуки, пишува таа во опсот на новите фотографии каде позира поинаква и освежена.

View this post on Instagram

A post shared by ANTONIA GIGOVSKA (@antoniagigovskaa)

Дека новата фризура ќе и донесе нова енергија и повеќе погледи и симпатии од нејзнините обожаватели, тоа е сигурно, а за останатото поважно е она што се има во главата, а не тоа на неа. фото: Инстаграм Антониа Гиговска

Како да одбиете некого, а да не им ги повредите чувствата?

Слободанка Илиева — Thu, 01 Dec 2022 13:50:55 +0000

Сите сме биле во ситуација кога личноста која ни се допаѓа не отфрлила. Може да биде многу тешко, но не треба да заборавиме колку може да му биде тешко и на некој друг кога не реагираме позитивно на неговите/нејзините чувства. Дали постои фер начин да одбиете некого? Експертите за врски не потсетуваат дека асертивниот начин на комуникација е секогаш добредојден, дури и во непријатни ситуации како оваа. Кога е време да му кажете на некого дека не ви се допаѓа, можеби мислите дека е во ред да кажете што било освен онаа позната реплика: „Јас не сум за тебе“. Но, како што пишува „TheList“, оваа реченица е она што треба да го кажете. Ако на пример сте излегле со некој кој се обидел да ве освои, но цело време тој зборувал само за себе, а сте сфатиле дека така ќе се однесува и во иднина, не му давајте лажна надеж. Наместо тоа, испратете јасна порака: „Добро си поминавме, но мислам дека нема да направиме добар пар. Ти посакувам се најдобро.” Бидете јасни и љубезни, не двоумете се и не губете време на „другата страна“. Не заборавајте дека не би сакале некој да ви ги „украде“ деновите, неделите и месеците, оставајќи ве „ни на небо, ни на земја“. Ако, пак, случајно ве покани на состанок некој што воопшто не ве интересира, „Гламур“ ве советува и вие да бидете директни, но не и сурови: „Ценам што бараш да се видиме, но ништо не ме интересира на темата емотивни врски“. Но, често се случува заинтересираниот да биде упорен и да не зема „не“ за одговор. Што да се прави во таа ситуација, а да не се повредат чувствата на „другата страна“? Само бидете упорни и одлучни, велат на веб-страницата „Hellorelish“. Со тоа што некому ќе му кажете „не“, не сте направиле ништо лошо. Останете доследни, и како што Лиза Џонс пишува за Magnoful, има голем број причини зошто мажите нема лесно да се откажат. Секоја од овие причини е дополнителна потврда дека не треба да се повлечете и да потклекнете. Почитувањето на границите во меѓучовечките односи, како и учтивоста да се одбие нешто или некого, се подеднакво важни во семејството, пријателството и работата, како и на потенцијално романтично поле. извор:popara.mk

Тест на личноста: Она што прво ќе го забележите открива многу за вашиот карактер и иднина

Riste Zdravkov — Tue, 12 Apr 2022 07:27:03 +0000

Дали гледате лице или куче кое лежи? Секојдневно на интернет кружат разни психолошки тестови. Некои се брзи и лесни, а други бараат време, внимание и концентрација. За оние кои сакаат да „ѕирнат“ во својата потсвест и да научат нешто повеќе за себе, избравме тест каде ќе успеете врз основа на само еден поглед. Овој интересен тест на личноста ја анализира вашата перцепција и начинот на кој го гледате животот и ја барате вашата животна цел. „Фрлете поглед“ и запомнете што најмногу ви го привлече вниманието на илустрацијата, а потоа дознајте нешто ново за вашиот карактер и иднина. Куче Ако прво забележавте куче, тоа значи дека имате „соколово око“. Кучето е симбол на лојалност, мир и стабилност. Фактот што сте го забележале покажува дека барате вакво друштво или партнер – за луѓе кои се лојални и подготвени вистински да ви возвратат на љубовта. Вие сте мирна и сталожена личност која покрај себе сака луѓе со кои ќе разменува само добра енергија. Ја цените почитта како особина и ја очекувате од другите. Потребен ви е сопатник со кој можете да ја споделите животната радост. Имајте на ум дека не треба да брзате со работите. Ја пронајдовте внатрешната среќа и треба да бидете задоволни со себе. Не брзајте да ја запознаете сродната душа, тоа ќе се случи кога ќе биде вистинско време. Лице Ако прво забележавте лице на илустрацијата, тоа значи дека секогаш ја гледате пошироката слика во животот. Кај вас се е на свое место. Знаете кон кои цели се стремите, ги разбирате вашите соништа, знаете како да ги постигнете и веројатно веќе сте на пат да го направите тоа. Сакате повеќе од животот, нешто што не се купува со пари, ниту се мери со материјални работи. Нека ве води срцето и ќе сфатите какви чуда барате. фото: igor lysenko

Тест кој го открива вашето тајно оружје: Она што прво ќе го здогледате ќе ви покаже со што ги фасцинирате другите луѓе

Христина Ѓоргиевска — Thu, 23 Sep 2021 12:00:36 +0000

Секој од нас има нешто на што другите му се восхитуваат и што го прави омилен во општеството Секој од нас има особина што го прави омилен во општеството и го прави сакан од другите луѓе, и која можеби нема да ја препознае и да ја искористи доволно за личен развој или напредок. Овој едноставен тест ќе ви открие која е вашата особина и зошто ја обожаваат вашите луѓе. Се што треба да направите е да ја погледнете сликата и да го кажете она што сте го виделе прво, а потоа да го прочитате објаснувањето. Коњи Ако прво ги видовте коњите, особината што ги освојува другите луѓе е вашиот слободен дух. Се разбира, можно е да работите од девет до пет, но начинот на кој ги почитувате обврските и начинот на кој им пристапувате ги плени луѓето од вашата околина. Луѓето кои поминуваат време со вас брзо учат дека слободата е она што најмногу го цените и дека сте еден од оние луѓе кои не можат без неа. Затоа, нека ве води таа страна на вашата личност. Вие сте свеж воздух каде и да се појавите. Луѓето ве сакаат и лесно ве прифаќаат и ве гледаат како природен лидер. Птица Ако прво ја видовте птицата, најомилената работа во вашата личност за многу луѓе е вашата внимателна природа. Вие сте пријател на кого секој му се обраќа, без разлика дали има потреба од совет или сослушување. Никогаш не ги осудувате другите и секогаш сте подготвени да им помогнете на оние што ви се драги да ја решат тешката ситуација доколку се појави. Луѓето ја сакаат вашата емоционалност и енергија. Лице на жена Ако прво видовте женско лице, на другите најмногу им се допаѓа вашата смисла за хумор. Иако можеби не сте толку гласни или отворени како некои од вашите духовити пријатели, вашиот тивок хумор обично доминира кога конечно ќе се отворите и ќе се чувствувате доволно удобно за да го споделите. Ве нервира кога ќе се најдете во центарот на вниманието поради тоа, но прифатете дека луѓето ве сакаат поради таа особина и научете да ја сакате и да ја користите на најдобар можен начин. извор: Курир.мк