ЛГБТ – Вистина.мк

Сека Алексиќ освен што ја подржува ЛГБТ популацијата ги повика и следбениците на Твитер да ги прифатат (фото)

Слаѓана Атанасова — Tue, 30 Aug 2022 08:37:47 +0000

Пејачката Сека Алексиќ во неколку наврати истакна дека ги поддржува припадниците на ЛГБТ популацијата, а сега ги повика и своите следбеници на Твитер да ги прифатат. - Имам среќа што имам толку многу прекрасни геј луѓе во мојот живот. Жал ми е што мораме да истакнеме дека некој е „педер, но добар човек“... - изјавила Сека, која е позната како некој што со месеци зборува на оваа тема.

Srećna sam što u svom životu imam toliko divnih ljudi koji su gay. Žao mi je što moramo da istaknemo da je neko “gay ali dobar čovek”…Sa druge strane toliko divnih ljudi koji su pravi mirjani, koji su pobožni i koji u sebi imaju toliku ljubav da neki od ovih što osudjuju…
— Seka Aleksic (@poslednjilet) August 29, 2022

- Од друга страна, има толку многу прекрасни луѓе кои се вистински лаици, кои се побожни и кои имаат толку многу љубов во себе што некои од оние што осудуваат никогаш нема да почувствуваат таква љубов, благост и пожртвуваност додека се живи. Гледано од сите страни, само едно е значајно... Се делиме на добри и лоши! Што не е во ред со вас момци?! – додаде таа на Твитер.

…nikada neće osetiti takvu ljubav, blagost i pozrtvovanje dok su živi. Gledano sa svih strana, samo je jedna stvar značajna…Delimo se na dobre i loše! Šta vam je ljudi?! 🙏🏼💜
— Seka Aleksic (@poslednjilet) August 29, 2022

Некои пејачки се создадени од педери, точка“, напиша Сека на споменатата мрежа пред десетина дена. - Ги сакам сите луѓе. Ги делам на добри и лоши. Да оставиме на Господ на кој кому и кога ќе му суди. Тука сме да се корегираме ние, а не другите – додаде тогаш таа. Фото:Принтскрин/Инстагарам/Сека Алексиќ

Соло „геј парада“ в црква: Лице кое се претставува како британски инфлуенсер го сквернавеше и навреди христијанското население во Македонија (ФОТО)

Антонио Димитриевски — Thu, 30 Sep 2021 07:51:31 +0000

Деновиве социјалните мрежи одново вријат, но не од политика, иако, политиката, оваа ваквата каква што е денешнава која владее, оддамна вмеша прсти во она еден странец во Македонија го направил, се фотографирал и го споделува на својот Фејсбук профил, а сето тоа е бизарно, екстремно, навредливо, одвратно... Имено, извесен таканаречен „инфлуенсер“, кој се претставува како танчар и кореограф и британски ЛГБТ активист кој на социјалните мрежи се потпишува како Џошуа Хабард неодамна ја посетил Македонија, ако е воопшто тоа тој?! При посетата на Македонија тој направил серија, најблаго речено скандалозни и навредливи фотографии на кои се гледа како гол по гаќи, во женски латекс чизми со високи потпетици се фотографира во параклисот посветен на Св. Ѓорѓија, кој се наоѓа на патот Прилеп-Градско кај селото Беловодица. Во скандалозната објава на Инстаграм тој го навредува, понижува, сквернави целото христијанско население во Македонија, религијата, црковното и културно наследство на една земја, еден народ, во името на некакви права на ЛГБТ заедницата во Македонија. Шокантен, гнасен, неморален, антицивилизациски чин на еден „безумен антихрист“! Експлицитни фотографии типот има направено и на таканареченото Мермерно езеро во Прилеп. Гол по танга, во истите чизми со „садо-мазо“ геј аутфит клекнат или легнат на мермерот... Реакциите за миг „ги зовреа“ социјалните мрежи кои буквално „експлодираа“ од коментари на незадоволство, револт, осуда, па дури и зборови кои не се за во јавност. Меѓу другите и некои од познатите личности го осудија „екстремниот безумен и навредлив егзибиционизам“ и сквернавењето. Некогашната манекенка, мисица и модел Сава Грачанин беше една од оние јавни личности кои први реагираа: И поп пејачот Роберт Вукелиќ не беше ништо помалку згрозен од гнасниот чин: Но и многу други од познатите личности или „обични“ луѓе, корисници на социјалните мрежи не останаа рамнодушни, па не можејќи да се воздржат, жестоко го осудија сквернавењето, имаа што да прашаат и порачаат:

View this post on Instagram

A post shared by Боемот (Втор профил) (@boemot2.0)

Остана прашањето дали „ликот“ навистина е британски граѓанин или се работи само за лажно преставување? Ако е она првото, на ред се Владата и Министерството за надворешни работи на Македонија, а и Британската амбасада да кажат и сторат нешто? Ако е „наш“ под лажен профил - МВР е на потег! А и МПЦ белким би требала да се огласи? Патем, ЛГБТ заедницата во Македонија која е најгласна за своите права, ниту збор да изусти кога се правата, честа, угледот, верата, чувствата... на мнозинството нарушени? Молчат како... знаете веќе што, за случајот! Веројатно оти „ликот“ е од „нивните“. А молчи и Хелсиншкиот комитет за човекови права кој на „различните“ им е „гратис адвокат“ секогаш кога ќе им затреба и загусти!? Единствено што експресно се реагираше е тоа што Фејсбук профилот на „ЛГБТ егзиибиционистот“ преку ноќ утринава (четврток, 30.09.2021) го снема од оваа социјална мрежа, што не значи дека останатите прозвани не се на потег! П.С. Прашање за премиерот Заев и министрите: „Дали им следуваат гратис лубриканти од наши пари и на странци во Македонија?“

Наташа Беквалац – „кумата“ на ЛГБТ парадата во Белград, со чудна изјава: „Јас не сум нивна поддршка, јас сум дел од нив“ (ФОТО)

Антонио Димитриевски — Tue, 21 Sep 2021 11:08:12 +0000

Наташа Беквалац по втор пат ја носеше титулата „кума“ на годинешната парада на гордоста во Србија што се одржа минатиов викенд во Белград! Пејачката во шоуто „Премиера - Викенд специјал“, откри како се чувствува, откако ја доби оваа титула.Облечена во розова комбинација, Беквалац гордо прошета со сите учесници на „Парадата на гордоста“, што се одржа во центарот на српската престолнина. По тој повод, Наташа откри дека не дошла да ги поддржи членовите на ЛГБТ заедницата, туку дека таа е дел од неа. „Навистина ми е голема чест и големо задоволство да сум годинешна кума на парадата на гордоста.Освен што ми е чест и задоволство, имам и голема одговорност и ќе дадам се' од себе за да бидам достојна за оваа прекрасна титула.Оваатитула не е само за мене, туку е и да речеме, потврда не само за мојата работа туку и за животот што го водев досега“ - изјави Наташа во емисијата со што ја заскокотка јавноста, дали можеби русокосата новосаѓанка не е со „мешовита“ сексуална определба? Или што би рекле, дали тоа Ната не е... „и на струја и на батерии“?

View this post on Instagram

A post shared by Nataša Bekvalac (@bekvalceva)

Славица Ќуктераш е без предрасуди: „Би можела да се бакнам со женско… има многу згодни риби на естрадата, Кија, Цеца, Брена…“ (ВИДЕО)

Антонио Димитриевски — Tue, 23 Jun 2020 11:55:57 +0000

Откако се разведе, фолк пејачката Славица Ќуктераш често може да ја слушнете како шокира со своите изјави. Исклучок не беше ниту емисијата „DeToxic“, каде пејачката изјави дека нема проблем да се бакне женско, особено ако не со некоја од нејзините колешки заради маркетинг или шоубизнис. „Би го направила тоа, што да не? Ех, сега, не сум размислувала за тоа, но има многу добри риби на естрадата.Кија, Анџелина, Цеца и Брена, па дури и Шемса... Има многу, долге е списокот“ изјави - Славица со смеа и објасни дека нема ништо против ЛГБТ заедницата.

Сексуален апартхејд: „Прц парада“ на нивната гордост, со наши пари, за наш срам!

Антонио Димитриевски — Wed, 06 Jun 2018 11:00:49 +0000

Во годишната програма на Министерството за култура за поддршка на проекти и манифестации во оваа 2018 година ќе одвои 327,250 денари за Коалицијата „Сексуални и здравствени права на маргинализирани заедници СЗПМЗ“ за организирање на настан: „Викенд на гордоста Скопје 2018“ - пишува порталот Инфомакс.мк!

Како да сексуалните и здравствените права на „виножитните“ некој да им ги брани? Лош параван за „прц парада“, зашто кога сакаш да водиш љубов со некого, изборот е твој и само твој. Од личноста, преку полот, расата, верата, нацијата... па се до локацијата! Море и Камасутра позите сам ги бираш, ако веќе одиме во детали. За здравствените услуги на системот да не зборуваме. Државното здравство, каво е - такво е, ама исто е за сите. Таму фаворизација и маргинализација (и да) има, сигурно не е според сексуалната определба!

Така што оттаму чуди идејата дека некој за мои, твои, за наши пари треба да добива екстра права, кои ионака ги има колку и сите ние!? А системот наместо тие пари, колку се - толку се, да ги насочи за подобрување на условите на истото тоа здравство, ние треба да ги фрламе за некој да парадира гордо кочоперејќи се, за да на убеди дека сексуалните афинитети не му се „грешка на природата“! А останатите кај им плаќаат за нивната „прц парада“ уште треба и да им аплаудираат на „храброста да ја покажат гордоста“... ако има што да покажат!

А кога една мала група... „маргиналци“, се обидува на мнозинството со сила да му наметне свои ставови, постапки, барања, убедувања... па уште и за наши пари, тоа не личи на ништо друго, освен на еден вид сексуален апартхејд!

Ама на оваа власт не и прв пат истиот да го поддржува! Уште претходно, минатата 2017 година, сега веќе бившиот министер за култура, сега актуелен национален советник за култура во владата на Заев, Роберт Алаѓозоски, го отвори „Скопје прајд викенд“ наречен „Транс-формации“, кој се одржа од 22 – 25 јуни. Настан на кој свое обраќање имаше и Никола Шиндре, кој јавноста ја брануваше со својата колумна во која се релативизираше педофилијата, трансформирајќи ја од кривично дело во небаре „Божја волја“, а за тоа беше уште и награден! Од наши пари, секако!

Тогаш медиумите пишуваа и како ЛГБТ центарот одликуваше промотор на педофилија, а на врачувањето на наградата на тоа Шиндре-то присуствуваше и учествуваше и премиерот Зоран Заев! Уште само што не му се извинија дека колумната му била погрешно разбрана, како што подоцна тврдеше самиот тој како и неговите медиумски и владини поддржувачи!

За жал, оваа влада општествените трансформаци очигледно ги сфатила само како „транс-формации“!