лежи – Вистина.мк

Знае да ужива: Лепа Брена лежи и пие додека лета во прва класа со луксузниот авион (фото)

Слаѓана Атанасова — Thu, 05 Jan 2023 09:35:14 +0000

Познато е дека пејачката Лепа Брена ужива во луксузот и богатството кои ги стекна преку работата и талентот во нејзината долга кариера. Пејачката иако не сака да зборува за тоа со колку пари располага, често со своите следбеници споделува фотографии и видеа како ужива на скапи места и луксузни места. Имено, Брена сподели видео од авионот на кое се гледа како лежи на кожените седишта пред телевизорот. Таа насмеано извади чаша вино од масата и покажа како ужива во летот во прва класа. Ова видео предизвика лавина коментари на социјалната мрежа Инстаграм: „Брена знае да ужива“, „Секоја чест“, „Таа изгледа прекрасно“, „Се восхитувам на неа „... се редеа позитивните коментари. Фото:Принтскрин/Инстаграм

Ова гратче во Германија лежи на 72 тони дијаманти, а сепак никој нема намера да го урне

Антонио Димитриевски — Sat, 15 Feb 2020 11:15:46 +0000

Жителите од гратчето Нордлинген во Германија знаат дека живеат на дијаманти, но немаат намера да го уништат ова преубаво гратче за да се збогатат.

Нордлинген се наоѓа во германската сојузна држава Бавариа, а настанало на дијаманти кои потекнуваат од пред 15 милиони години кога Земјата била погодена од астероид. Се проценува дека околу 72 тони дијаманти се наоѓаат на подрачјето на Нординген, пренесуваат медиумите.

Кога пристигнале првите жители таму, не знаеле дека нивните куќи ги градат на драгоцено тло. Научниците долги години верувале дека потеклото на кратерот во кој се наоѓа и овој град на дијаманти, е вулкансо, сè додека во 60-те години на минатиот век не дознале дека станува збор за астероид.

Суевитот го користеле како материјал за градежништво, не знаејќи дека се состои од ситни дијаманти. Па поради тоа, црквата на Св. Јуриј и средовековните ѕидини на градот се многу повредни отколку што изгледа на прв поглед. Иако количината на дијаманти е огромна, жителите за нив не би можеле да добијат добра цена поради тоа што се помали од 0.2 милиметри па засега не планираат да го разрушат гратчето за да стигнат до богатството.

Германскиот град профитира на други начини - туристите од целиот свет го посетуваат за да ја разгледуваат архитектурата и да ги посетуваат музеите односно музејот Рие Кратер во кој се наоѓаат “домашни“ примероци на дијаманти, но и светски.

Среде свадба, Лила во дилема: Да го фаќа бидермаерот или не, па брзо откри што и кој и лежи на срце?! (ВИДЕО)

Антонио Димитриевски — Mon, 21 Oct 2019 08:08:17 +0000

Лила Филиповска беше на свадба. Не на своја - кај свои пријатели. Еднаш, па уште еднаш... Сите бевме убедени дека и е доста од сопствени свадби. Арно ама, по се' изгледа дека не ќе е така. Водителката очигледно понесена од свадбената атмосфера и штимунгот што го направи музиката каде главна ѕвезда беше познатиот скопски забавувач Жаре - „Бербер“, почна да размислува поинаку од досега. Како и растеше расположението, така се' повеќе и работеа емоциите, па откако музиката и ја погоди песната, водителката среде чочек запеа заедно со „Береберот“, па несакајќи откри „што и лежи на срце“. Имено, како свадбата течеше се наближуваше и моментот кога невестата треба да го фрла бидермаерот, по кој Лила вообичаено „не трча“, ама сега... Како да и влезе некој црв, да и подзаигра срцето, па во неа почна да се буди желба за... „трета мајка“! Среде свадба Лила во дилема: „Да го фатам бидемаерот, или... не?“ Обавезно или никако? „Треќа - среќа“ или „мачка во вреќа?“ Вистинска желба или само моментална слабост на водителката? За да не биде дека донела погрешна одлука набрзина, Лила побара совет од своите обожаватели и следбеници на Инстаграм. Не дека веднаш ќе го добие одговорот, ама барем кога другиот ден ќе ги собере гласовите, да „не и е криво“! Во меѓувреме, Лила сепак реши да земе парче од „невестинската торта“, кое им следува на сите немажени девојки за „да ги фати маја“, па што побргу и ним да им дојде редот за мажачка. Своето парче торта Лила си го кркна како „поп сарма“, па кај мажите го запали црвениот аларм: „Земав торта, мислете му ја!“ До душа, некој ќе се радува, а некој нека му ја мисли... Зашто Лила си кажа „што и лежи срце“... Уште да каже и кој?! Всушност и кажа... Низ песна! Ти, ти, само ти...!!!

View this post on Instagram

????? #wedding #sunday #sundayfunday #happiness #love #friends

A post shared by Lila (@lilafilipovska) on Oct 20, 2019 at 12:27pm PDT

Каролина се качи скала погоре: Позирањето и „лежи“, а „му лежи“ и таа нему (ФОТО)

Антонио Димитриевски — Tue, 16 Apr 2019 07:31:02 +0000

Каролина Гочева во последно време е невобичаено активна кога се во прашања јавните појавувања. Паралелно со музичките збиднувања и концертните настапите, битолчанката со скопска адреса на живеење се' почесто и повеќе можеме да ја видиме и како заштитно лице на некои модни брендови. Очигледно на згодната Керол позирањето одлично и оди, а таа брилијантно се снаоѓа во улогата на модел. Од прикажаното на модните фотографии на Каролина, станува повеќе од јасно дека позирањето и лежи... А, „му лежи“ и таа нему...!

Имено, на нејзиниот Инсатаграм профил најпрвин осамна фотографија на која таа беше фотографирана на скали, каде во родео стил со крената нога на дрвениот ракофат, „лежи на гелендерот“, односно заштитната ограда! Во поза која одзема здив и заводлив поглед, тогаш Каролина ја разбранува машката фантазија и доби многу ласкави комплименти, а некои дури и беа изненадени од еластичноста на пејачката, која сепак не е тинејџерка.

Дека позирањето „и лежи“, ама и таа нему, доказ е уште една, понова модна фотографија на која македонското девојче одново лежи! Овој пат променета во црвена фустан со длабок шлиц, куси мрежести чорапчиња и елгантни црни чевли, Каролина лежерно испружена на софата со замислен поглед некаде во далечина, во интерактивна блискост помеѓу неа, моделот што го носи и рекламира и оние што ќе ја погледнат фотографијата.

Но згодната пејачка веднаш потоа отиде чекор понатаму... Или поточно, се качи скала погоре! Овој пат, позирање без лежење, ама сепак на ниво! Најновиот моден перформанс на Каролина подразбира елеганција и „висока“ мода. Елеганција заради моделот, „висока мода“ заради нивото на кое го презентира. Имено, облечена во тесни црни бермуди и елегантно црно сако, со во последно време, неизбежната црна плик-чантичка на колан, обуена во сребрени ниски чизмички, Каролина овој пат качена на скала „од високо“ ја демонстрираше својата елеганција. Па така покрај онаа во движење и лежење, сега ја покажа и оваа... подигната скала погоре!

Поза која можеби ќе инспирира некои да ја купат и на себе променат модната комбинација на пејачката или можеби ќе го инспирира уметникот за нова слика, ново уметничко дело инспирирано од неговата муза?!

Миа Костова отсега лежи исклучиво на грб: Помала тежина – поголема свежина… (ФОТО)

Антонио Димитриевски — Thu, 19 Jul 2018 08:14:38 +0000

Откако ги монтираше силиконите македонската водителка Миа Костова не само што има нова телесна визура, туку има и нов начин на одмор... Лежење исклучиво на грб! А има и зошто!

Долгото лежење на стомак со сета тежина на телото ги уништува силиконите. Не дека русокосата убавица е кој знае колку тешка, напротив, Миа имаше одлични подготовки во теретана, па пред летото „ги слизна“ килограмите, доведувајќе ја фигурата до совршенство, ама сепак...

Ем за да не одат фира парите, ем да не испадне фалш естетскиот зафат, па наместо да и штрчат напрчени, да се шета со сплескани, Миа реши да биде практична жена и повеќе да не ги „пресува“ новите силикони.

Лежењето на стомак го замени со лежење на грб, евентуално на бок... Освен во исклучителни случаи, се разбира, кога лежењето на стомак е неопходно. А и ако веќе мора да биде слатко, нека биде пократко. Што помала тежина - толку поголема свежина... на совршено извајаната силиконска предница на водителката.