леукемија – Вистина.мк

Почина хрватската пејачка и ријалити ѕвезда од „Парови“: Морена Марјановиќ ја загуби битката со опаката болест (ФОТО)

Антонио Димитриевски — Tue, 18 Apr 2023 09:25:53 +0000

Морена Марјановиќ, хрватската пејачка и учесничка во реалното шоу „Парови“, почина по битката со тешката болест, потврди нејзиниот поранешен сопруг. „Морена почина вчера во 10 часот во болница. Таа се бореше со тежок облик на леукемија. Привремено успеа да ја победи болеста, но за жал таа се врати. Не знам што да ви кажам. Тешко е за семејството. Отидов во болница да ја видам, но за жал Морено повеќе не е со нас“ – изјавил за српски Курир нејзиниот поранешен сопруг Мануел Цури. Погребот ќе се одржи во среда на 19 април во Мали Лошињ.

Златан Ибрахимовиќ скршeн пред камери: Опаката болест сега му зема уште една драга личност (фото)

Слободанка Илиева — Wed, 15 Feb 2023 12:33:38 +0000

Животот на Златан Ибрахимовиќ воопшто не беше лесен. На рана возраст го загубил братот кој починал од леукемија. Погоден од голема семејна трагедија, подоцна несебично им пружи поддршка на луѓето кои се соочуваат со истиот здравствен проблем. Така, славниот фудбалер беше крајно погоден од веста дека неговиот пријател, сега покојниот Синиша Михајловиќ се бори со леукемија. - Кога слушнав, немав сила да го свртам неговиот број. Му се јавив неколку дена подоцна, но не можев да зборувам. На крајот ме увери дека се’ ќе биде како што треба. Тоа беше посебно искуство бидејќи тоа обично им го правам на другите - изјави тогаш Ибрахимовиќ. Златан неодамна повторно се соочи со слично искуство, дури и заплака кога се приклучи во емисија за поддршка на познатиот холандски новинар Тијс Слегерс, кој долго време се лекува од рак на крвта. Тие се запознале додека Ибрахимовиќ настапувал за Ајакс. - Тоа секогаш ќе го паметам. Тој беше мојот единствен пријател во Холандија, кога бев изгубен, млад, збунет и мислев дека немам никој. Во тоа време новинарите не ми беа пријатели, а потоа се појави тој. Ме покани, набрзо се сретнавме на ручек и станавме многу добри. Заедно игравме тенис, се дружевме, многу ми помогна објаснувајќи ми како функционираат работите во Холандија. За Тијс пишував и во мојата книга, за се’ ќе му бидам вечно благодарен - изјави Ибрахимовиќ. Златан потоа се расплака, а емотивно реагираше и Слегерс. - Тој секогаш беше во моето срце. Тијс, единственото нешто што сакам да ти кажам сега е дека те сакам пријателе. фото:Profimedia/ printskrin Youtube

Ракавицата ја крие вистината: Доктор открива која е можната причина за смртта на кралицата Елизабета (фото)

Слободанка Илиева — Fri, 09 Sep 2022 10:44:00 +0000

Кралицата Елизабета Втора (96) почина вчера,08. Сптември во Балморал, Шкотска. – Кралицата Елизабета почина во замокот Баломорал. Сопругата на кралот и кралицата вечерва ќе престојуваат во замокот, а утре ќе отпатуваат за Лондон - објави Бакингемската палата. Тоа значи дека нејзиниот син Чарлс станува нов крал. Кралицата пред смртта лекарите ја советувале да се одмори. Цел ден била под надзор на лекар кој правел се’ што можел. За жал, смртта беше посилна. Некои портали наведуваат дека причина за се потешката здравствена состојба на кралицата може да биде и ракот. Приказните почнаа да кружат пред неколку месеци, кога дел од јавноста се запраша зошто нејзината рака била виолетова кога се сретнала со неколку достоинственици во Виндзор. Во интервју за една австралиска веб-страница, д-р Габриел Миркин рече дека тоа се всушност модринки кои можат да бидат симптом на леукемија. ‒ Кај постарите луѓе како неа, модринките не само што укажуваат дека нешто не е во ред со процесот на згрутчување на крвта, туку често се резултат на рак на крвта или малигни заболувања. Причината би можела да биде леукемијата – изјави д-р Миркин. Третманот за такви состојби вклучува хемотерапија и зрачење, што може да објасни зошто Елизабет се повлече не само од очите на јавноста, туку и од нејзината официјална резиденција, Бакингемската палата, во последните месеци. Инаку, Елизабета е родена во Лондон и била најстарата ќерка на војводата и војвотката од Јорк, подоцна кралот Џорџ VI и кралицата Елизабета. Нејзиниот татко станал крал по абдицирањето на неговиот брат Едвард VIII во 1936 година, а со тоа таа станала престолонаследник. фото: Guliver-Getty Images

Почина младата српска пејачка, учесничка во шоуто „Јас имам талент“: Леукемијата и го загорчи животот, коронавирусот ја докрајчи! (ВИДЕО)

Антонио Димитриевски — Fri, 24 Apr 2020 11:53:53 +0000

Младата пејачка Наталија Лазиќ од Обреновац почина во Институтот за онкологија на 29-годишна возраст. Наталија, поранешна учесничка во шоуто „Јас имам талент“, се борела со леукемијата, а фатален за нејзиниот живот беше коронавирусот. Најпрвин пејачката која боледуваше од леукемија била сместена во белградскиот Институт за онкологија, каде што, откако билатретирана со цитостатици кои влијааат на пад на имунитетот, се заразила и со коронавирусот во моментот на лекување, кога морала да биде целосно изолирана од опасноста. Наталија пееше и изворна музика и рок, а пееше и на француски. Колегите, пред се' од нејзиниот град, се збогуваа со Наталија на социјалните мрежи. Инаку, таа работела како професор по француски јазик во едно основно училиште во Обреновац. Потсетете се како некогаш пееше Наталија: https://www.youtube.com/watch?time_continue=2&v=FXnt8QoInoQ&feature=emb_logo

Британскиот двор крие тајна: Кралицата Елизабета умира од леукемија?

Христина Ѓоргиевска — Mon, 06 Apr 2020 10:37:06 +0000

Кралицата Елизабета моментално се наоѓа во изолација поради коронавирусот, меѓутоа во медиумите се појавија разни шпекулации за нејзиното здравје. Кралицата не се појавува во јавност поради Ковид19, а како што пренесува стори.хр претходните денови се зборува дека кралицата Елизабета има леукемија и полека умира. Имено, оваа вест прв ја објави National Enquirer “ при крајот на претходната година, тврдејќи дека палатата е во хаос поради дијаганозата на кралицата. „Со оглед на нејзините години, никој не верува дека и останува многу време“ изјави извор и тврди дека кралицата има модринки кои се симптоми на леукемијата. Според последните информации, кралицата Елизабета се чувствува добро. За потсетување, принцот Чарлс исто така беше заразен од коронавирус, но тој се излечи за една недела и го инзесе своето искуство.