летување – Вистина.мк

Федерер покажа на дело дека сите ѕвезди не се исти: Најбогатиот тенисер наместо јахта избра педалинка (фото)

Слободанка Илиева — Tue, 25 Jul 2023 08:00:52 +0000

Швајцарскиот тенисер, Роџер Федерер моментално престојувал на прекрасниот шпански остров Палма де Мајорка со сопругата Мирка, тенисерот Томи Хас и уште неколку пријатели. Она што на сите им го привлекло вниманието, е тоа што најбогатиот тенисер на светот се забавувал на начинот на кој големиот дел од Југословените растеле и летувале во текот на 70-тите и 80-тите – на педалинка. Него не го интересираат скапи јахти, лежалки, коктели и приватни клубови. Речиси никогаш Роџер не бил забележан вака опуштен, а Мирка изгледала подобро од било кога. Најбогатите дефинитивно сфатиле дека среќата е во малите нешта и дека само оние кои „трчаат“ по богатството или само го „сонуваат“ одат на плажа бидат видени, оставаат пола плата на лежалки итн. фото:sportsmanor.com/twitter/инстаграм

Не им е грижа за туѓите ставови: Хајди Клум и нејзиниот 17 години помлад сопруг се препуштија на плажа (фото)

Слаѓана Атанасова — Thu, 13 Jul 2023 10:50:33 +0000

Манекенката Хајди Клум и нејзиниот сопруг Том Каулиќ се фотографирани на Сардинија, додека Хајди беше во минијатурно црно бикини. Имено, славниот пар моментално ужива на одмор, а папараците ги фотографираа како се гушкаат и бакнуваат во плитко и не се грижат што сите гледаат во нив. На почетокот на овој месец тие беа видени како се гушкаат и во Венеција. На парот во Венеција им се придружи нејзината 13-годишна ќерка Лу, која ја има со поранешниот сопруг Сила. Хајди и Том се венчаа во 2019 година. На манекенката ова и е трет брак, а рокерот од групата „Токио хотел“ е помлад од неа дури 17 години. Фото: Принтскрин/Профимедиа

Седната на маса и со чаша вино во раката: Лепа Брена ужива на јахта вредна шест милиони евра (фото)

Слаѓана Атанасова — Thu, 22 Jun 2023 11:59:04 +0000

Пејачката Лепа Брена летува со семејството на луксузната јахта што ја купи со сопругот Боба Живојиновиќ. Тие цело лето го поминуваат крстарејќи по јадранскиот брег, а Брена неодамна сподели фотографија од јахтата на која се гледа како ужива на масата со чаша вино во рака. Како што претходно пишуваа медиумите, јахтата на Живојиновиќ вреди околу шест милиони евра, а Брена во една прилика објасни за каква инвестиција станува збор. „Па, тоа е убав мал брод од околу 100 стапки, со пет, шест спални соби. Тоа не беше само подарок за нашите души. Сакавме да си дозволиме нешто бидејќи тоа беше специфична ситуација“, изјави Брена. „Не можевме да се дружиме, можевме само да пловиме. Така барем имав една година пауза и одмор за да го правам она што навистина го посакував цел живот, да пловам и да бидам на вода. Ги сакам морето и водата. Сакам бродови. Секако дека не стигнав да посетам се што сакав“, изјави Брена во претходното интервју за Курир.рс Фото: Принтскрин/Инстгарам/Лепа Брена

Милан Калиниќ раскажа неверојатна приказна од летувањето: „Мојата жена секој ден плачеше на плажа“

Слободанка Илиева — Fri, 16 Jun 2023 10:01:12 +0000

Весна Дедиќ го промовираше својот 16-ти роман „Само тебе вредеше да те сретнам“. На промоцијата говор одржа Милан Калиниќ, кој по тој повод ги откри деталите од познанството со Весна Дедиќ. - Во 2010 година ја однесов сопругата во Дубровник, двајцата сами отидовме на одмор. Се беше убаво и Сандра плачеше секој ден на плажа, ја прашав што и е? Плачеше поради книгата на Весна Дедиќ, тогаш сфатив колку добра писателка е Весна Дедиќ - изјави Милан, а со тоа јавно умешно и поласка на Весна. фото: Инстаграм принтскрин

Ем заради мода, ем галиба од мака: Иако календарски се’ уште е лето, Лила во чизми замина на море! (ФОТО)

Антонио Димитриевски — Fri, 09 Sep 2022 08:06:24 +0000

Најпознатата македонска ТВ водителка Лила Филиповска како сиот господски свет, одмор ќе тера и во септември. Новата сезона снимања на „Се или нешто“ се' уште не е започната, па водителката може да си приушти да чепне уште некој ден од летото, кое рака на срце, таму каде што тргнала во септември е најубаво. Спакувана во голем куфер, како секоја жена што кога летува со себе носи гардероба небаре ќе векува, во придружба на нејзиниот верен компањон и колега, прогнозерот - презентер на временската на „Сител“, познат под прекарот Спасе - „Рола до бола“, фатија правец скопски аеродром, па со авион кон Турција и познатиот Бодрум! „Изгуби нѐ најди нѐ, ние на аеродром ! Во очекување на новите работни предизвици уште еден краток одмор во омилениот ни Бодрум“ - сподели Лила на својот Инстаграм покрај фотографиите направени на заминување. И чисто онака, колку ние да не останеме без теми за работа, односно за порталите и весниците да имаат за што да пишуваат, како што напишал (без)временскиот Спасе на својот Фејсбук, на нивното испраќање за Турција во очи веднаш паѓа една работа, а тоа се две нешта: На Спасе чорапите и обувките на Лила. Презентерот на временската со полувисока „зечена чарапа“ на бела патика, а Лила со полувисоки чизми. Не дека ќе ја коментираме модата, туку чисто само онака, колку за обајцата да имаат што да читаат на порталите додека се сончаат и да муабетат на плажа, ние ја забележавме позата на двајцата патници пред нивниот лет! До душа, зелената боја на чорапите на Спасе, повеќе би одела со зеленото на маичката на Лила, ама сеедно... Важно да е удобно... и воочливо! Лила пак никогаш не заостанувала зад модата, па така и сега, дури и кога е онака спортски облечена додека патува. некои до душа забележаа дека чизмите можела да ги замени со папучи или евентуално патики, ама водителката има зошто на себе ги носи! Ема заради мода, ем од мака! Имено, пред да тргнат на пат, Лила доживеа мала куќна незгода... Вистинска „уметничка гребаница“ на левата нога и тоа баеги позамашна. И ако мислите дека некаде паднали или се удрила, апсолутно сте во заблуда! Па тогаш гребаницата не би била уметничка... А „уметникот“ затоа останал дома по казна... Да, неговото име е Рагнар. Црно белиот мачор на Лила, кој својата газдарица ја „обележал“ со џиновска гребаница! Можеби и затоа, за да ја скрие гребаницата, Лила на море замина во „летни“ чизми! Единствено остана дилемата за имиџот на колегата: Зошто баш „зелена чарапа“ е изборот за летот кон одморот? Можеби Спасе ќе одговори штом се врати од летување, дали и изборот на чорапите беше дел од... „едицијата за патување?“ Фото: Инстаграм и Фејсбук принтскрин/Rolla Do Bolla/ lilafilipovska/

Колку време би требало да трае идеалното летување?

Слаѓана Атанасова — Thu, 21 Jul 2022 13:00:51 +0000

Иако се чувствувате дека би можеле да бидете на одмор засекогаш, всушност постои одреден број на денови кој е идеален за вашето здравје. Седум до единаесет дена е идеално траење на годишниот одмор. Истражувачите од финскиот Универзитет во Тампери соопштија дека оваа должина на одмор одговара на нивото на работниот стрес со кој тргнувате на пат. Ако бидете на одмор кој трае ден или два немате доволно време да се исклучите од работниот режим. Ако одите на две недели или подолго ќе почнете да се грижите за работата и обврските кои биле завршени додека сте отсутни. -Одморите преставуваат најдолг период на отстуство од работа и со самото тоа се сјајна прилика да се релаксирате на вистински начин. Нашите резултати покажуваат дека летувањето се подобрува општата здравствена состојба и оти идеално траење е 8 дена, се вели во заклучокот од студијата.

Бекамови летуваат на Јадранот ѝ и го слават роденденот на својата ќерка во луксузна вила (фото)

Слаѓана Атанасова — Tue, 12 Jul 2022 10:06:22 +0000

Викторија и Дејвид Бекам се одмараат во Хрватска со своите деца, а според локалните медиуми, славниот пар престојува во луксузен комплекс во Лопуд. Таму го прославија и 11-от роденден на својата ќерка Харпер, а на Инстаграм објавија фотографија од прославата. Дубровничкиот весник пишува дека пред комплексот “Лопуд 1483“ каде што престојуваат има и чувар. Тоа е поранешен францискански манастир што го обновила грофицата Франческа фон Хабсбург и денес е еден од врвните локации на Јадранот. Во рамките на комплексот има и Света градина. Изнајмувањето на луксузен комплекс за еден ден чини 10.000 евра за десет лица, а цената на едно ноќевање е околу 1.400 евра. Познатиот пар неодамна посети и еден ресторан на островот Шипан. Фото:Принтскрин/Инстаграм/Профимедиа

Тања Савиќ со децата на плажа далеку од сите: Пејачката крие каде летува, се плаши од сопругот?!

Riste Zdravkov — Thu, 26 Aug 2021 06:45:07 +0000

Пејачката Тања Савиќ е решена да го посвети целото внимание на своите деца и да поминува време со нив на најдобар можен начин, а бидејќи не сака никој да знае каде отишла, особено не нејзиниот сопруг Душан Јованчевиќ, не објавува каде престојува. Тања ги одведе своите синови Максим и Ѓорѓе во вистинска дивина, за никој да не знае каде летува. Пустата и карпеста плажа и овозможи на пејачката целосна интимност. Очигледно, Савиќ се крие како никој не би знаел каде е со нејзините синови и би се обидел да ја најде. Таа објави многу фотографии од плажа, но не откри каде летува. Сепак, беше откриено дека ги однела синовите во Будва, но не и на која плажа: – Среќата ја прават малите нешта – напиша пејачката во описот на фотографиите на кои е со синовите. Да се потсетиме, Тања Савиќ долго се бореше да ги врати своите синови во Србија, откако нејзиниот се уште легален сопруг Душан Јованчевиќ, според неа, ги однел во Австралија без нејзина согласност.

Елеонора Миљковиќ е најсекси ријалити ѕвезда: Нашата „задругарка“ во ултра-мини бикини ги сонча бујните облини (ФОТО)

Антонио Димитриевски — Wed, 12 Aug 2020 07:39:32 +0000

Скопјанката Елеонора Миљковиќ ова лето го оправда статусот најатрактивна ријалити ѕвезда. Оваа Македонка која стана позната преку учеството во регионалната релана шоу програма, навистина ја заслужува титулата најсекси „задругарка“, па дури и повеќе од тоа. Откако неколку пати го „истури“ сиот свој телесен раскош и сексапил, јавно споделувајќи го на својот профил на социјалните мрежи, Нора потврди дека е и сродна душа со една Јелена Карлеуша, на пример. https://arhiva.vistina.com.mk/radio-mileva/eleonora-miljkovikj-srodna-dusha-so-karleusha-vo-istite-mini-bikini-istata-poza-samo-namesto-golem-sladoled-na-stapche-nora-lize-dzambo-lizavche-foto/ Ако минатиот пат нејзиниот летен избор на костими за капење и завземената поза сосема „случајно“ се совпадна со оној на белградската „скандал дама“, овој пат скопјанката со српски корени, направи уште неколку промени што неодоливо потсетуваат на бикини изборот на русокосата поп - фолк дива. Имено, нашата „задругарка“ и покрај корона пандемијата заедно со момчето замина на егзотично патување, па провокативните фотографии од нејзиното летување Нора ги сподели на својот Инстаграм. Совршената фигура и бујните облини, се телесните особини што ја красат оваа убавица, а изборот на ултра секси мини бикини само дополнително го потенцира сиот нејзин телесен раскош со кој природата ја надарила, а естетската хирургија понешто надградила. Нејзините фотографии од под тушот или песочната плажа никого не оставаат рамнодушен. Дамите љубоморно посакуваат да имаат таква телесна конфигурација, додека мажите малку поинаку ја доживуваат оваа ситуација. Кај нив глетката на различните летни пози на разголената „задругарка“ прави адреналинот и тестостеронот да го „пробијат плафонот“...! Елеонора очигледно со својот неодолив сексапил е желба по која копнеат многумина, но убавицата покрај себе веќе ја има својата посилна половина, нејзиното момче Чедо, со која го минува летувањето. Токму затоа гледајќи ги овие летни фотографии прашањето што многумина мажи си го поставуваат често е... „Што би дале да с(т)е на негово место?“ Фото: Инстаграм принтскрин/-elle.m-

Подготвени за одмор: Ова се најчестите пет прекршоци за кои се казнува

Христина Ѓоргиевска — Thu, 13 Jun 2019 12:45:56 +0000

Годишните одмори веќе почнаа, а со тоа и заминувањето на море. Грција, Црна Гора, Хрватска, Бугарија… се дестинациите каде што најчесто се оди и кои се најпопуларни кај туристите од Балканот. Голем дел од туристите патуваат со свои автомобили, а кога се во прашање сообраќајните прописи се однесуваат како да се во сопствената држава. Сепак, тоа може да ги чини скапо. Затоа е многу важно да се знаат некои работи и особено да се нимава на нив. Кршењето на истите може да бидат причина за голема казна, па место одмор да се дојде до несакани нервози. Во секоја држава казните изнесуваат различно, а петте најчесто кршени правила ќе можете да ги видите во продолжение. Меѓу државите е и Македонија која е меѓу поевтините кога се во прашање казните. 1.ВОЗЕЊЕ СО ПОГОЛЕМА БРЗИНА ОД ДОЗВОЛЕНАТА МАКЕДОНИЈА – од 20 до 300 евра ГРЦИЈА – од 40 до 750 евра ЦРНА ГОРА – од 450 до 2.000 евра ХРВАТСКА – од 40 до 2.029 евра БИХ – од 15 до 511 евра БУГАРИЈА – од 5 до 76 евра или одземање на дозволата 2.ВОЗЕЊЕ ПОД ДЕЈСТВО НА АЛКОХОЛ МАКЕДОНИЈА – од 250 до 400 евра ГРЦИЈА – од 78 до 625 евра (во зависност од промилите) ЦРНА ГОРА – од 70 до 2.000 евра или одземање на дозволата. ХРВАТСКА – од 135 до 2.029 евра БИХ – од 200 до 500 евра БУГАРИЈА – од 102 до 306 евра или 1022 евра (повторен прекршок). 3.ВОЗЕЊЕ БЕЗ БЕЗБЕДНОСЕН РЕМЕН МАКЕДОНИЈА –20 евра ГРЦИЈА – 350 евра ЦРНА ГОРА – од 40 до 100 евра ХРВАТСКА – од 67 евра БИХ – од 30 до 70 евра БУГАРИЈА – од 25 до 50 евра. 4.КОРИСТЕЊЕ НА МОБИЛЕН ТЕЛЕФОН ЗА ВРЕМЕ НА ВОЗЕЊЕТО МАКЕДОНИЈА – 45 евра ГРЦИЈА – 100 евра ЦРНА ГОРА – 60 евра (или во зависност од расположението на полицаецот) ХРВАТСКА – 67 евра БИХ – 50 евра БУГАРИЈА – 25 евра. 5.НЕПРОПИСНО ПАРКИРАЊЕ МАКЕДОНИЈА – 45 евра ГРЦИЈА – од 40 до 80 евра и носење на автомобилот ЦРНА ГОРА –60 евра и носење на автомобилот. ХРВАТСКА – 60 и носење на автомобилот БИХ – 40 евра и носење на автомобилот. БУГАРИЈА – од 5 до 30 евра. Извор: 24auto.mk