Брус Спрингстин со нов албум: „Шефот“ има „Писмо до тебе“ (ВИДЕО)

Антонио Димитриевски — Wed, 16 Sep 2020 12:25:21 +0000

Американската рок ен рол легенда Брус Спрингстин за оваа есен најави нов албум, под наслов „Letter to you”. Официјалниот датум на излегување е 23 октомври. По тој повод е објавен и видеоспот за насловната песна. Албумот „Letter to you” (Писмо до тебе) ќе биде објавен непосредно пред овогодишните претседателски избори во САД, каде што постојниот претседател и кандидат на Републиканската партија, Доналд Трамп, и кандидатот на Демократската партија, Џо Бајден – инаку поранешен потпретседател на САД, ќе ги одмерат своите сили. Спрингстин, инаку, никогаш не ги криел своите политички погледи и ставови и наклонетоста кон Демократската партија. Сѐ ова потсетува на една од најпознатите погрешно сфатени песни – „Born in the USA“, која ако се слушне само рефренот, делува како величање на американскиот национал-патриотизам. Поради тоа, пред неколку десетлетија беше прифатена како своевидна химна на Републиканците. Но, тука всушност, Брус Спрингстин јасно ги критикува САД и воената интервенција во Виетнам. Според западните медиуми, можно е „Шефот“ како што е прекарот на Брус Спрингстин, повторно да има своја порака преку „Letter to you”, во овие бурни времиња за неговата земја. https://www.youtube.com/watch?v=AQyLEz0qy-g&feature=emb_logo Извор: МИА

Letter to you – Вистина.мк

Брус Спрингстин со нов албум: „Шефот“ има „Писмо до тебе“ (ВИДЕО)