летиција – Вистина.мк

Кралицата Летиција во стилот на Кејт Мидлтон: Оваа комбинација е полн погодок (фото)

Слободанка Илиева — Thu, 03 Dec 2020 12:17:37 +0000

Шпанската кралица Летиција отпатува во Валенсија за да присуствува на церемонијата на доделувањето на престижната награда "Rei Jaume I". Оваа награда е основана во 1989 година и се доделува на научници кои постигнале успех во својата област на истражување. Во моментов има шест различни категории, а на добитниците им се доделува златен медал и парична награда од 100.000 евра, со обврска да реинвестираат дел од тие пари во истражување. Сосема неочекувано, Летиција пристигна на доделувањето на наградите во многу елегантно издание. Таа носеше комплет на дизајнерката Каролина Херера, кој веќе го имаше носено во неколку прилики, но повеќе потсетуваше на комбинациите на облека на војвотката Кејт Мидлтон, отколку на смелите фустани на кои сме навикнати кога станува збор за шпанската кралица. Сивиот фустан и палтото со виолетова постава од старата колекција за есен 2016 година, кралицата ги искомбинираше со класични сиви салонкии уште еднаш ги воодушеви модните критичари и јавноста со својот софистициран стил на облекување.

Шпанската кралица Летиција со модниот избор ја засени војвотката Кејт Мидлтон на нивното прво заедничко појавување (фото)

Слободанка Илиева — Wed, 19 Jun 2019 10:25:41 +0000

Кралицата Елизабета II го назначи шпанскиот крал Фелипе VI за посебен витез од специјалните најстари британски витези - редот кој во 1348 го основал британскиот крал Едвард III. По церемонијата во капелата на Свети Јуриј, кој се наоѓа во замокот Виндзор, имаше миса на која се собраа голем број на членови на европските кралски семејства. Меѓу нив, како што и се очекуваше, исто така беше и шпанската кралица Летиција, која не можеше да го пропушти овој важен настан во животот на нејзиниот сопруг. Нејзиното доаѓање во Виндзор особено ги воодушеви љубителите на модата, а Летиција за првпат се појави во јавноста до војвотката од Кембриџ, Кејт Мидлтон.

Кејт и Летиција никогаш досега не биле фотографирани заедно, а според мислењето на многумина, Летиција со нејзиниот стил ја засени Кејт бидејќи титулата на кралица не ја спречи да експериментира со модата.

Кејт се одлучи за оваа прилика за бел фустан од дизајнерката Кетрин Вокер, чии креации најчесто носи на такви настани. Комбинацијата ја спои со црна шапка и црни салонки на модната куќа Прада.

Летиција пак одлучи да облече шпански моден бренд - Черубин. Моделот наречен "Диди" е инспириран од модата од крајот на 70-тите и 80-тите години, а кралицата го заокружи со високи потпетици од Маноло Бланик и впечатливо венче на главата.

Сите ги фасцинира со својата појава: Кралицата Летиција се заканува да и ја земе титулата модна икона на Меланија Трамп (фото)

Кристина Петрушевска — Tue, 11 Sep 2018 13:30:33 +0000

Нејзиното величество кралицата Летиција беше во посета на градот Ковадонга во Шпанија, со своето семејство, кралот Фелипе и нивните ќерки, но фоторепортерите сепак целото внимание го посветија кон неа. Таа секогаш ги воодушевува сите со гламурозниот изглед, па често се наоѓа рамо до рамо со првата дама на САД, Меланија Трамп, чии модни комбинации се споредуваат. Кралицата Летиција често се одлучува за фустан и топ, па така и сега се појави во совршена нијанса на црвена боја. На нозете имаше шилести штикли, што дополнително визуелно ги издолжија нејзините нозе, додека како аксесоар имаше чанта во иста боја со комплетот. Шминката и косата пак како и секогаш беа беспрекорни. Косата виткана, додека со шминката ги истакна своите очи, а усните ги остави во боја на кожата.