летање – Вистина.мк

Теа Таировиќ предвидела авионска несреќа: „Видов црвен аларм и излегов од авионот пред полетување“

Слободанка Илиева — Thu, 26 Oct 2023 07:17:15 +0000

Теа Таировиќ призна дека има страв од летање, а потоа проговори за непријатна ситуација која и се случила на аеродромот. Иако остава впечаток на исклучително силна и независна жена, пејачката Теа Таировиќ еднаш призна дека се уште има стравови кои тешко ги надминува. Пејачката откри дека нејзиниот најголем страв е летањето, а потоа го сподели своето искуство од германски аеродром.

View this post on Instagram

A post shared by Tea Tairović (@tea_tairovic)

-Колку често летам, правев шаблон за кога ќе седам на десната страна да биде добар лет, а на левата најмногу да е турбулентен. Имам и апликација која го покажува времето и каков ќе биде летот, како и потенцијалните турбуленции - изјави пејачката која еднаш излегла од авионот пред полетувањето.

View this post on Instagram

A post shared by Tea Tairović (@tea_tairovic)

- Се случи пред еден лет во Штутгарт да видам дека силно дува ветер и да реков дека нешто ќе се случи. Штом видов дека доцни полетувањето, реков дека нема да полета. Влегов во апликацијата и таму видов се црвено. Кога влеговме во авионот, само бев исплашена. Станав и реков дека не одам. Пријателите се обидоа да ме смират, но немаше начин. Им велам да останат, но јас одам. Во авионот имаше и Русин кој кога ме виде, стана и излеговме. По 45 минути ми се јавува колега и ми вели дека авионот нема да полета - изјави еднаш Теа за медиумите. фото: Инстаграм принтскрин

Лила откри колку чини адреналинската авантура да се лета со балон во Кападокија (видео)

Слободанка Илиева — Sun, 28 Mar 2021 07:04:16 +0000

Лила Филиповска неодамна се врати од патувањето во Турција, поточно од Кападокија и Истанбул, а по пристигнувањето дома во Скопје имаше многу да раскаже. Всушност, оттаму посртојано беше активна на Инстаграм за да покаже како си поминува таму, ама сега се реши да одговара на многуте поставени прашања од следбеницте кои ја бомбардираа на различни теми поврзани со патувањето. https://arhiva.vistina.com.mk/radio-mileva/lila-na-krstarenje-po-bosforot-vo-bogatiot-del-na-istanbul-kade-se-snimaat-turskite-serii-foto/ Особено доби доста прашања поврзани за доживувањето од летањето со балон во Кападокија кое претходно таа го опиша вака:

View this post on Instagram

A post shared by Lila (@lilafilipovska)

-Дури денес ми стана јасно зошто луѓето од целиот свет доаѓаат во Кападокија. Постојат многу начини да се доживее адреналин, но тврдам дека ова е еден од најубавите. Изгрејсонце на кое според легендата играат самовилите во “Долината на љубовта” нестварен поглед на чудото на природата и чувството дека лебдиш е причина ова доживување никогаш да не го заборавиш. Најбитни се временските услови. Најголем непријател ветрот. Пред две години со мојот другар Спасе не успеав да летам ама овој пат ме посака среќата. Времето беше идеално како пролет и многумина како мене уживаа. Во моментов тука има 250 балони од 25 компании а сѐ започнало со само еден балон на еден шведски брачен пар во 1991. Останатото е историја....Да , има многу причини да се посети Кападокија ама ова е една од најубавите, напиша Лила во описот. Едно од поинтересните прашања од следбениците кое го доби беше: Која е цената за летање со балонот? -Цената по човек е 150 евра, а летот трае околу еден час, гласеше одговорот, па се надоврза и следното: Прашање што ме мачи. Како се спушта балонот? -Па, полека без нагли движења, долу чекаат луѓе кои помагаат при спуштањето и единствено кога слетува на земја има мал тресок од ударот кој е релативно благ, а луѓето треба малку да потклекнат и да ги свиткаат малку колената, детално објасни Лила. Доколу се „загреавте“ за едно вакво поинакво доживување и адреналин од летање со балон- одговорите ги добивте од прва рака.

Сите овие работи мора да ги знаете ако летате со авион, имате права кои досега никој не ви ги кажал

Христина Ѓоргиевска — Thu, 30 May 2019 11:15:15 +0000

Голем број на луѓе не ги знаат своите потрошувачки права во случај ако летот им доцни или е откажан. Кога дојдов на аеродром, сфатив дека мојот лет е одложен. Што можам да направам? Имате право на грижа од страна на авионската компанија. Тоа подразбира дека имате право на освежување, оброци, два бесплатни телефонски разговори, телефакс пораки или електронска пошта, сместување и превоз од аеродромот до местото за сместување ако донцењето е: – 2 часа или повеќе за летови до 1.500 километри; – 3 часа или повеќе за летови подолги од 1.500 километри во ЕУ или за други летови меѓу 1.500 и 3.500 километри; – 4 часа или повеќе за летови подолги од 3.500 километри надвор од ЕУ. Ако летот ви доцни повеќе од пет часа и вие се одлучите да го одложите патувањето, имате право на поврат на парите за билетот и лет до местото од каде што сте го почнале патувањето. Предупредување! Ако сте стигнале до конечната дестинација со доцнење од три или повеќе часа, имате право на ист надомест како и кога летот ви е откажан, освен во случај ако авионската компанија може да докаже дека доцнењето е предизвикано од вонредни околности. Постојат и фирми како што е refundd.com која ги средува тужбите место вас. Бидете активни! Веднаш контактирајте го персоналот на авиокомпанијата на аеродромот и побарајте право за заштита и надомест. Поднесете приговор до авиокомпанијата при доаѓање дома, ако мислите дека правата ви биле нарушени. Кои се моите права во случај ако не ми се дозволи да летам? Авиокомпанијата е должна прво да побара доброволци кои би се откажале од резервациите во замена за одредена поволност. Дополнително, компанијата мора да им понуди на доброволците избор меѓу целосно враќање на парите и промена на рутата. Ако се најде доволен број на доброволци, тогаш компанијата може да ви го откаже летот против ваша волја. Во тој случај, имате право на надомест од 250 до 600 евра, додека ако превозникот ви понуди заменски лет имате право на надомест од 125 до 300 евра. Исто така можете да се одлучите за враќање на парите за картата и летот во местото од кое сте пошле да патување или заменска рута до крајната дестинација. Имате право и на заштита од страна на авионската компанија. Кои се моите права во случај на откажување на лет? Имате право на ист надомест како и во случај ако не ви се дозволи да се качите во авион. Тоа право го немате ако сте известени за откажувањето најмалку 14 дена пред летот, ако ви е понудена променета рута со сличен ред на летање или ако авиокомпанијата може да докаже дека откажувањето на летот е предизвикано од вонредни околности, како што се лоши временски услови. Предупредување! Ги имате тие права ако полетувате од кој било аеродром во ЕУ, или доаѓате во ЕУ со превозник од ЕУ или од Исланд, Норвешка или Швајцарија. Морате однапред да бидете информирани за тоа која авио компанија управува со вашиот лет. Кои се моите права во случај на проблем со багажот? Ако вашиот багаж е изгубен, оштетен или ви доцни, имате право на надомест до околу 1.220 евра. Меѓутоа, авиокомпанијата нема да биде одговорна ако ги презела сите разумни мерки да ја избегне штетата или ако не било можно да спроведе такви мерки. Бидете активни! Веднаш на аеродромот пријавете изгубен или оштетен багаж. Поднесете пишан приговор до авиокомпанијата во рок од седум дена од добивање на багажот. За багаж доставен со задоцнување тој рок изнесува најдолго 21 ден. Дали сум исто така заштитен кога патувам со друг вид на превоз, не само со авион? Да, заштитени сте со закон на ЕУ и кога патувате со воз, автобус или брод. Имате право на информации и помош пред и за време на патувањето. Во случај на откажување или доцнење имате право на замена на рутата или враќање на парите и надомест. Правата на патниците во железничкиот сообраќај се применуваат на сите услуги на меѓународниот железнички превоз во ЕУ; правата на патниците во автобускиот превоз се применуваат на поголеми далечини на пример подолги од 250 километри; правата на патниците во бродскиот сообраќај се применуваат кога се патува по морски и копнени пловни рути. Совети за паметно патување: 1. Барајте информации за своите права Авиопревозникот мора да ве информира за вашите права ако нештата тргнат на лошо во аеродромот. 2. Поднесете приговор ако вашите права се нарушени. Прво треба да ја контактирате авиокомпанијата. Употребете образец од ЕУ за приговор за надомест или враќање на пари. Достапен е на сите европски јазици. 3. Чувајте ги сметките Ако имате какви било трошоци поради доцнење или откажување на летот, чувајте ги сметките и испратете нивни копии до авиокомпанијата, заедно со приговорот. извор: сител

Трик кој ќе ви помогне да уживате во авионскиот лет

Христина Ѓоргиевска — Fri, 05 Apr 2019 13:15:18 +0000

Добро е познато дека од изборот на седишта во авион може да зависи не само удобноста на патувањњето, туку и неговото комплетно доживување. На некои луѓе можеби тоа и не им е толку важно, додека други без размислување ќе платат дополнително за да добијат место до прозорец или повеќе простор за нозете. Од друга страна, оние кои редовно патуваат со авион, најчесто се жалат на родители со бебиња и мали деца чија врева и/или однесување на децата доста влијае на останатите патници. Колку и да можат да бидат симпатични малите деца, малкумина би рекле дека не им е проблем да слушаат плач на бебе за време на лет со авион.

Едно од решенијата на овој пробле може да биде избор на седиште во кабина, пренесува британскиот „San“. Кое е тогаш местото на кое може да се седи што е можно подалеку од гласните деца? Искусниот екипаж на авиони, наведува дека во тој случај надјобро е да седите подалеку од „преградата“ на авионот, односно од предниот дел на авионот, кој ја одвојува класата во кабината, или деловите од кабината кај поголемите авиони.

Бидејќи не постои начин во целост да ги избегнете, или да обвините мало дете кое плаче или вришти, можете да ги намалите шансите да седите покрај некој кој со себе носи и дете, така што ќе седнете подалеку од преградата. Ова е затоа што овие прегради, односно седишта, се единствените места во авионот, каде родителите можат безбедно да ги сместат децата. Тоа воедно се и места каде децата кои се помали од една година најчесто се сместени. извор: точка.мк