лекари – Вистина.мк

Лекарите излегоа со прогноза: Откриено во кој стадиум е ракот кај кралот Чарлс

Слободанка Илиева — Wed, 07 Feb 2024 12:06:43 +0000

Британскиот крал Чарлс има рак, беше објавено вчера. Оваа дијагноза била откриена при интервенција на простатата што кралот неодамна ја имал. Според информациите, тој засега ќе ги одложи сите свои обврски, чувствува позитивна енергија и ќе продолжи да биде на чело на монархијата. Лекарите велат дека веруваат во позитивен исход што се однесува до понатамошното лекување, а Бакингемската палата вчера објави дека лекарите откриле неодреден облик на рак за време на лекувањето на бенигната состојба на простатата. Семејството и пријателите велат дека се воодушевени од неговата решеност да продолжи да ги извршува своите должности како што обично прави. Во овој момент се чини дека ракот е дијагностициран во рана фаза и прогнозата е добра, пишува DailyMail.

View this post on Instagram

A post shared by The Royal Family (@theroyalfamily)

Чарлс се јавил за да ги извести блиските членови на семејството, вклучувајќи го и отуѓениот син Хари, кој доаѓал од Калифорнија да го види својот татко. Не е познато каде ќе престојува војводата од Сасекс кога ќе ја посети Велика Британија. На Хари му треба претходна дозвола од Бакингемската палата за да остане на кралскиот имот. Британските медиуми потсетуваат дека летово морал да ги врати клучевите од колибата Фрогмор кога Хари и неговата сопруга Меган Маркл го напуштиле имотот. Неговото барање да остане во замокот Виндзор беше одбиено од палатата кога последен пат ја посети Обединетото Кралство во септември, а Хари на крајот остана во хотел. Ова ќе биде првпат тие да поминат значително време заедно во повеќе од 18 месеци. Кралските набљудувачи сега се прашуваат дали тоа би можело да навести „затоплување“ во односите.

View this post on Instagram

A post shared by The Royal Family (@theroyalfamily)

Кралот Чарлс вчера во утринските часови пристигна во Лондон од својот имот во Сандрингам. Со него е и неговата сопруга Камила, а се очекува кралот да започне со лекување. Камила одлучила да биде покрај својот сопруг, иако тој инсистирал да продолжи со работните обврски. Останатите членови на кралското семејство сега ќе мора да преземат некои должности, меѓу кои и принцот од Велс, кој наскоро ќе се врати на јавниот живот, иако неговата сопруга Кејт исто така има сериозни здравствени проблеми.

View this post on Instagram

A post shared by The Royal Family (@theroyalfamily)

Дејли Мејл пишува дека кралот дознал за неговата дијагноза на почетокот на минатата недела, но инсистирал да оди во црква во Норфолк во недела и топло да им мавне на граѓаните. фото:Instagram printscreen/ theroyalfamily

Марија Луиса Тодоровска не е баш (качена на) толку „јака штикла“: Пејачката се пофали дека ќе им отвори работа на адвокатите и лекарите, арно ама испадна дека работа ќе имаат само чевларите! (ФОТО)

Антонио Димитриевски — Fri, 08 Dec 2023 08:00:05 +0000

Марија Луиса Тодоровска „не е жива“ ако не и се случи некоја догодовштина. Динамиката на настапите и е секојдневна, па пејачката едвај постигнува да стигне секаде, а патем уште и на секој настап поразлично да изгледа. Естрадната професија тоа си го бара, па затоа Марија голем дел од заработката троши на гардероба, облека, обувки, накит и разни акцесоари... И тоа не било која или било какви, туку строго брендирани парчиња, зашто сакпиот изглед отсекогаш ти ја кревал цената. Особено ако си таму горе, на сцената! А кога така дотерана и „скоцкана“ ќе се појави на бината, па уште кога ќе запее и заниша со колковите, замеша со карлицата и почне да врти со задницата втурнувајќи му го бујното истурено деколте, некому онака в лице... Е тогаш бакшишот сам излегува од џебот, па додека пее Марија колку повеќе заведува и провоцира, валутата се повеќе се мултиплицира... во нејзините раце или каде веќе. Свесна за тоа, Марија Луиса и тоа како се подготвува за своите настапи. „Упицанета“ од глава до петици, во латекс комбинација и брендирани високи потпетици, сексапилната битолчанка со скопска адреса на престој и привремена работа, тргна во својата секојдневна акција - поход на бакшиш! Самоуверена до максимум, убедена дека оваа вечер ќе пружи таква забава што ќе им отвори работа на многумина... Најмногу на лекарите и адвокатите. Арно ама... Додека онака распеана и разиграна, вешто „им го молзеше бакшишот“ на расположените гости, среде „кеш жетва“ и самата стана „жртва“! Имено, само еден „погрешен чекор“ и скапите брендирани сандали се направија „партали“... Високата потпетица во која е интегрирано името и логото на самиот светски бренд, во еден момент се скрши, откачи, одлепи... сеедно! Ама на Марија Луиса воопшто не и беше сеедно, зашто мораше остатокот од вечерта да го „пее на прсти“, што е тешко изводливо или барем никако не е лесно! Се' на се', излезе дека Марија Луиса Тодоровска не е баш (качена на) толку „јака штикла“. Пејачката се пофали дека ќе им отвори работа на адвокатите и лекарите, арно ама испадна дека работа ќе имаат само чевларите! Фото: Инстаграм принтскрин/luisa.todorovska

Почна зимското сметање на времето- еве на што треба да внимавате

Слободанка Илиева — Mon, 30 Oct 2023 13:00:40 +0000

Денеска почна зимското сметање на времето, при што стрелките се поместија еден час наназад. Иако многумина сметаат дека ова „зимско – летно“ сметање е штетно по здравјето и веќе со години се залагаат тоа да се укине, во многу земји сѐ уште е актуелно. Според лекари и стручњаци, постојат одредени здравствени проблеми поврзани со промената на времето. Имено, истражувањата покажуваат дека тоа ги нарушува природните циклуси на спиење на телото, што може да влијае на психо-физичкото здравје. Според клиниката „Мајо“, на пр. човечкиот мозок има „биолошки часовник“, наречен и „деноноќен ритам“, којшто работи на 24-часовен циклус. Без разлика дали станува збор за дополнителен час или губење еден час сон, тоа го изместува циклусот на спиење и може на некои луѓе да им го наруши или отежни нормалниот распоред. Имено, нарушениот сон може да доведе до поголема опасност од срцеви болести, сметаат стручњаците. Губењето на еден час сон во пролетните временски промени е поврзано со зголемување на срцевите и мозочните удари. Испитување од Убиверзитетот Харвард го проучува влијанието на помалку сон врз срцевите заболувања кај глувците. Откриено е дека по 16 недели, кај глувците со нарушен циклус на спиење се развиле поголеми артериски плаки во споредба со глувците со нормално спиење. Глувците лишени од сон, исто така, имале двојно повеќе циркулирачки нивоа бели крвни зрнца и помали количини хипокретин, хормон битен во регулирањето на спиењето и будноста. Истражувањата покажаа и зголемување на сообраќајните несреќи во постудените месеци бидејќи возачите се прилагодуваат на времето. Исто така, важно е да се истакне дека зголемените часови на темнина може да резултираат со лошо расположение кај многумина, како и замор, болки во мускулите и ослабени коски поради недостаток на витамин Д којшто се добива од Сончевата светлина. Некои луѓе доживуваат сезонско афективно нарушување како резултат на пократките денови. Симптомите на ова нарушување вклучуваат постојано лошо расположение, губење на задоволство или интерес за нормални дневни активности, раздразливост, чувство на очај и спиење подолго од вообичаеното. извор:курир.мк

Докторите денес соопштија каква е моменталната состојба на Саша Ковачевиќ откако во саботата заврши во болница (ФОТО)

Антонио Димитриевски — Mon, 22 May 2023 11:33:56 +0000

Саша Ковачевиќ во саботата беше итно примен во Ургентниот центар во Белград, откако се пријавил во оваа здравствена установа поради нарушено здравје. Тој во текот на викендот беше задржан во болница, а денеска е пуштен на домашно лекување. Здравствената состојба на пејачот се уште не е одлична и бара постојано следење, пишуваат српските медиуми. “Саша повеќе не е во болница. Си замина дома со препораки од докторот. Тој е фино и културно момче, сите имаат само пофални зборови, а и самиот призна дека не се грижи доволно за себе. Веруваме дека се ќе биде во најдобар ред и ќе се стави себеси на прво место“, изјави близок пријател на Саша Ковачевиќ. Пејачот во саботата дошол во Ургентниот центар видно ослабен, а по првите анализи било констатирано дека неговата крвна слика не е добра, поради што лекарите размислувале дали да го задржат во болница до понеделник, што и го направиле. “Го видов Саша кога дојде. Се чинеше дека е лошо. Веднаш му го отворија досието и го испратија на тестови. Му беа направени детални тестови. Крвната слика не му е баш добра и лекарите расправаат дали да го задржат во болница и да почекаат до понеделник, тоа го слушнав кога коментираа“, рекол извор кој тогаш бил на местото на настанот. Фото: Инстаграм принтскрин/sashakovacevic

Четката за заби треба да се смени по настинка или грип

Слаѓана Атанасова — Wed, 17 May 2023 11:04:48 +0000

Лекарите советуваат дека е добро да се исчисти целата куќа по времето минато со настинка. Препораките се однесуваат на менување на постелнината, перење на алиштата, пребришување на сите површини во домот – сѐ со цел да се отстранат непожелните бактерии. Но, истото важи и за четката за заби. Четката за заби е еден од оние предмети што биле во директен контакт со микроорганизмите на настинката. Според американскиот стоматолог Гери Лиу, особено е важно да се земе нова четка, при присуство на заболувања како херпес, грип, болки во грлото, па тука спаѓа и обичната настинка. Бактериите можат да живеат на четката и до неколку седмици, зависно од видот на микроорганизмот. Затоа, важно е четката да се смени, просто поради можноста од нова зараза. Зошто не треба да се менува четката додека човекот е болен? Користењето на истата четка додека сте болни нема да ја продолжи лошата здравствена состојба. Исто така, погрешно е и да се покрива четката, бидејќи бактериите умираат во присуство на кислород. Извор: Курир.мк

Ја задржувате кивавицата по секоја цена? Лекарите откриваат зошто тоа може да биде опасно по здравјето!

Слободанка Илиева — Mon, 03 Apr 2023 11:06:11 +0000

Истражувањата покажуваат дека кивањето може да биде опасно, што во некои случаи доведува до сериозни компликации. Телото кива за да ги отстрани надразнувачите во носната шуплина и да ја ресетира околината во носот, но респираторниот рефлекс не е без ризици. Во медицинската литература нашироко се пријавени случаи на крварење во мозокот и руптура на тапанчето, главно поради наглото зголемување на притисокот при исфрлање на воздухот. Според еден експерт, држењето кивавица може да го зголеми ризикот од три опасни компликации. За време на кивање, телото доживува нагло зголемување на притисокот во синусите, носната шуплина и грлото. Сепак, задржувањето на респираторниот рефлекс предизвикува овој притисок дополнително да се зголемува – ставајќи ги во опасност крвните садови. Според д-р Стјуарт Сандерс, општ лекар во Лондон, кивањето може да биде доволно силно за да предизвика аневризам на мозокот. На прашањето дали кивањето е „опасно“, д-р Сандерс даде три причини зошто би можело да биде: – Прво, држењето кивавица може да предизвика нагло покачување на крвниот притисок со потенцијални последици. Второ, како што притисокот на воздухот во задниот дел на носот се зголемува кога се држи кивавицата, постои ризик од туркање на слуз и инфекција во средното уво. Ова може да предизвика акутна глувост, инфекција (отитис медиа) или дури и пукање на тапанчето во исклучителни околности. Тоа е затоа што цевката за изедначување на притисокот сместена помеѓу задниот дел на носот и средното уво, позната како Евстахиевата туба, се отвора за време на експлозивно кивање. Третата главна причина за избегнување на кивање е ризикот од акутен синузитис. Ова може да се случи ако зголемувањето на притисокот ја принуди инфекцијата во параназалните синуси, што може да доведе до инфекција – објасни д-р Сандерс. Најдобрата практика за да се избегне некој од горенаведените исходи е да се дозволи притисокот да се ослободи за време на кивањето. фото:profimedia извор:курир.мк

Лекарите се согласуваат: Ова е убедливо една од најдобрите намирници за здравјето на срцето

Слаѓана Атанасова — Fri, 24 Mar 2023 12:38:12 +0000

Здрави закуски се пофалени за високото ниво на влакна, протеини и витамини. Секојдневното консумирање јаткасти плодови може да биде добро и за срцето, сугерира студија на научници од Шведска и Норвешка. Според „Дејли мејл“, консумацијата на грст или околу 30 грама јаткасти плодови дневно е поврзана со пониско ниво на холестерол и помал ризик од кардиоваскуларни болести, покажа студијата во која учествуваа речиси два милиони луѓе. Исто така, редовното консумирање јаткасти плодови го намалува ризикот од смрт од срцев или мозочен удар за една четвртина, тврди тим од Универзитетот во Осло и Институтот Каролинска во Стокхолм. Но, се забележува дека малку луѓе јадат оваа количина на јаткасти плодови дневно. Според истражувањата, Британците јадат само шест грама јаткасти плодови дневно, додека Американците само еден грам. Истражувачите прегледале 60 студии, во кои учествувале 1,9 милиони учесници, за да утврдат дали постои врска помеѓу консумирањето јаткасти плодови и ризикот од кардиоваскуларни болести, срцеви заболувања, мозочен удар и дијабетес тип 2. Една од нив, објавена во списанието Food and Nutrition, била пренесена да придонесе за новите нордиски насоки за исхрана. Резултатите покажуваат дека луѓето кои консумирале многу јаткасти плодови, околу 30 грама дневно, имале 19 отсто помали шанси да заболат од кардиоваскуларни болести и 23 отсто помали шанси да умрат од тоа во споредба со оние кои јаделе помали количини и намирници. Љубителите на јаткасти плодови исто така имале 18 отсто помали шанси да страдаат од срцеви заболувања и 25 отсто помали шанси да умрат од тоа. Ерик Арнесен, научник од Универзитетот во Осло и еден од главните автори на студијата, вели: „Ако јадете грст јаткасти плодови секој ден, што е околу 30 грама, ќе имате 20 до 25 отсто помал ризик од кардиоваскуларни болести.” Извор: Курир.мк

Живее во страв: Рада Мнојловиќ се плаши да не и се случи судбината на нејзината мајка

Слободанка Илиева — Mon, 25 Jul 2022 10:29:34 +0000

Пејачката Рада Манојловиќ го загрижи целото семејство поради нејзината здравствена состојба. Имено, бидејќи има генетска предиспозиција за најтешката болест, Рада исто така одбила да се вакцинира против коронавирусот од страв дека ќе и го ослабне имунитетот.

View this post on Instagram

A post shared by RADA MANOJLOVIC (@radamanojlovic)

- Рада со право е исплашена. Мајка и имала рак на јајниците, се борела, но за жал, не можела да ја добие битката и во 2004 година починала. Кога била млада, Рада одела по болници, разговарала со лекари и сите и велеле дека мора сериозно да се грижи и да оди на редовни прегледи. Истото важи и за сестрата Марија, бидејќи ако мама имала рак, и двете се подложни на болеста и мора цел живот да се грижат за тоа- изјавил изворот за „Свет“ и додал: - Тие двете преживеале секакви работи, па не чуди што Рада се плаши и не верува во се’ што кажуваат некои лекари.

Лекарите не знаат што и е: Кија Коцкар ја нашле оснесвестена во гаражата

Слободанка Илиева — Thu, 16 Jun 2022 11:08:00 +0000

Веста дека на пејачката Кија Коцкар и се слошило и дека се онесвестила покрај автомобилот во гаражата каде ја нашле и ја однеле во болница да и` укажат лекарска помош, ја разбранува јавноста и ги загрижи нејзините фанови. Зборувајќи со hello.rs Кија раскажа што всушност се случило тој ден, како се чувствува, но и кога ќе се врати на активниот деловен и приватен живот. - Имав голем здравствен проблем. Ме најдоа без свест покрај автомобилот во гаражата. Колабирав од физичка болка - започнува Кија и додава:

View this post on Instagram

A post shared by KIJA KOCKAR (@kijakockar)

-Притисокот ми скокна, а кога по вторпат ми измерија, буквално се споија горниот и долниот. Докторите сè уште не знаат точно што не е во ред со мене. Се сомневаат во песок во бубрезите, но најверојатно тоа е стрес поради се што ми се случи во претходниот период. Коцкар вели дека била многу исплашена, дека цел живот и поминал низ глава и дека буквално мислела дека ќе умре. - Животот ми помина пред очи. Мислев на мајка ми, дека ќе умрам. Во оваа ситуација сè ме погодува, сама сум и станав многу поемотивна, претпоставувам дека тоа доаѓа со годините, но не сакам да патам - вели пејачката. Кија рече дека лекарите ја советувале да мирува и да ја следи ситуацијата. - Два дена се чувствувам лошо. Притисокот се уште скока, а според советите на докторот морам да се смирам и да ја следам целата ситуација бидејќи се уште не ми е препишана терапија. Не можев ни да возам сама, а сега другарка ми ми помага околу работите што ми требаат за дома.

View this post on Instagram

A post shared by KIJA KOCKAR (@kijakockar)

Иако била исплашена, Кија заклучува дека ова пред се е предупредување дека мора да забави и да се посвети на своето здравје. - Ќе бидам добро, ќе одморам во следниот период и морам повеќе да се посветам на себе и на моето здравје. Имав многу обврски во претходниот период, се оптоварував со се и сешто, а здравјето го запоставив. Во контакт сум со докторот, се грижам за исхраната, го гледам притисокот и одмарам. Ќе си легнам, ќе одморам неколку дена, се ќе биде добро. Наскоро ме чека турнеја со Лукас - го заврши интервјуто Кија за Ало. фото:Инстаграм

Час и половина лекарите се обидувале да го реанимираат Балашевиќ, но срцето не покажало реакција

Слободанка Илиева — Sun, 21 Feb 2021 09:51:47 +0000

Извори за Курир.рс велат дека одговорните лекари се обидувале до последно да го спасат животот на легендарниот Ѓорѓе Балашевиќ, но попусто. Тие се труделе со реанимација час и половина, а му биле давани електрошокови, адреналинот бил даван во големи количини. -Спас немаше. Правата линија не се помрдна. Иако на сите им беше јасно дека го изгубија, тие не се предадоа. Даваа и само додадаваа адреналин, но на крајот, скршени, мораа да запрат. Неколку часа после тоа, сите плачеа, вели изворот на српски Курир. За потсетување, Балашевиќ десетина дена, со пневмонија, се лекуваше дома од ковид-19, а од средата во болница, каде што почина во петокот.

View this post on Instagram

A post shared by Balasevic Official (@djordje_balasevic_official)

На Ѓорѓе Балашевиќ му откажа срцето, а ниту респираторот, ниту сите медицински напори на лекарите од Клиничкиот центар во Војводина не можеа да му помогнат. Според објавените информации од медиумите во соседството, штом го ставиле на апарати за дишење, срцевиот ритам отишол под 50 отчукувања во минута. Лекарите веднаш му вградиле пејсмејкер, кој го регулира срцевиот ритам. Но, за жал, по половина час, срцето му застана.