лејди гага – Вистина.мк

Лејди Гага нема комплекс да го покаже лицето без шминка, филтри и корекции (ведео)

Слободанка Илиева — Mon, 11 Sep 2023 09:08:01 +0000

Лејди Гага на Инстаграм објави видео во кое нанесува коректор од познат бренд. Таа на своите следбеници им покажала како изгледа нејзиното лице без шминка. Видеото им се допаднало на повеќе од половина милион луѓе, а обожавателите на пејачката биле воодушевени.

„Навистина ценам што како голема ѕвезда го покажуваш лицето без никакви филтери“, „Одлично, вака го покажа вистинскиот ефект на коректорот“. Филтерите би уништиле се“, „Убава си. Снимањето без филтери за многумина треба да стане навика“, се дел од коментарите. фото:Инстаграм принтскрин/Лејди Гага

Лејди Гага банкрот: Пејачката останала без скршен денар без да знае

Слободанка Илиева — Tue, 30 May 2023 09:51:08 +0000

Поп ѕвездата Лејди Гага неодамна се присети на турнејата „The Monster Ball“ поради која банкротирала, откривајќи дека не ни знаела дека нема пари. Таа одржа турнеја во 2010-та година, кога беше надалеку позната како светска ѕвезда, сето тоа благодарение на хитовите кои беа меѓу најслушаните во тој период. Полнеше стадиони и сали ширум светот. Музичката ѕвезда истакна дека не била свесна за она што се случуваше. -Јас всушност банкротирав откако за прв пат ја продолживме турнејата „The Monster Ball“. И беше смешно затоа што не знаев, призна таа. Таа ги дозна лошите вести од нејзиниот тим: -Се сеќавам дека им се јавив на сите и реков: „Зошто сите велат дека немам пари? Ова е смешно, имам пет синглови број 1.“ И ми рекоа „Па, должиш 2,6 милиони евра“. Да потсетиме, пејачката неодамна ја прекина двегодишната врска. Извори за светските медиуми објавија дека причина за пропаѓањето на долгата врска била нејзината желба за брак и семејство, додека нејзиното поранешно момче Мајкл Полански ги немал истите амбиции. фото:Инстаграм принтскри/Лејди Гага

Бизарна и морничава до срж: Лејди Гага како да избегала од дното на пеколот (фото)

Слаѓана Атанасова — Thu, 06 Apr 2023 08:54:51 +0000

Дури и за некој со прекар „Мајка чудовиште“, како што е поинаку позната поп-ѕвездата Лејди Гага, сепак е шокантно да се види колку морничаво изгледа пејачката во улогата на Харли Квин во продолжението на Џокер „Folie à Deux“. По 15 години кариера, фустан од месо, излегување од јајце на доделувањето, тафтувани фустани, огромни штикли и најбизарни можни модни комбинации, Лејди Гага сепак успева да шокира со својот изглед. Сега сепојавиа фотографии од неодамнешното снимање на продолжението на Џокер во Њујорк, на кои поп ѕвездата е со разбушавена коса и шминка како Харли Квин. Комплетен со размачкан црвен кармин насликан преку манијакална насмевка, заедно со психотичен сјај во очите надополнет со црна дијамантска сенка за очи, изгледот на Гага може да се опише нешто како „ шик кловн “. Исто така, дел од костимот на Гага за проектот се црно-бела карирана кошула, блејзер со риги со црвени украси и пар искинати црни хулахопки. Покрај неа, на отвореното скалило во Бронкс, кое го прослави првиот Џокер, е и Хоакин Феникс, кој го игра насловниот лик на филмот. И тој беше снимен во шминка за кловн - изгледот на неговиот лик - и разбушавен блејзер додека двајцата колеги ја снимаа динамичната сцена заедно. Фото: Принтскрин/Инстаграм/tuleshov/Профимедиа

Лејди Гага во фокусот на Оскарите: Првин го украде вниманието со фустанот, а потоа и со гестот кон фотографот (видео)

Слободанка Илиева — Mon, 13 Mar 2023 11:39:10 +0000

Лејди Гага воодушеви многумина на 95-тото доделување на Оскарите во театарот Долби во Лос Анџелес. Познатата музичка ѕвезда го украде вниманието на Оскарите, најпрвин со црниот фустан од последната колекција на Версаче, а потоа и со гестот од кој покажа дека е човек пред се'. Лејди Гага на свечениот тепих на доделувањето на Оскарите се појави во елегантен црн фустан транспарентен кај задникот, а потоа се пресоблече за настапот во едноставна кежуал комбинација. На фотографите им им позираше во многу елегантно издание, а му помогна на еден фотограф да сопна поминувајќи покрај неа.

На сцената се појави во поопуштено издание – искинати фармерки, „старки“ и обична маица. Вака Лејди Гага ја отпеа песната од филмот „Top Gun: Maverick“: фото: Твитер принтскрин/ Јутјуб

На Лејди Гага и ги украдоа кучињата пред две години, а сега дури треба да плати и отштета (фото)

Слободанка Илиева — Mon, 27 Feb 2023 12:12:05 +0000

Џенифер Мекбрајд ја тужи пејачката Лејди Гага затоа што го прекршила ветувањето дека ќе понуди награда од 500.000 долари за да ги најде нејзините кучиња откако и биле украдени пред две години, пишува TMZ. Џенифер тврди дека Лејди Гага јасно ставила до знаење дека „без прашање“ ќе плати голема сума доколку нејзините кучиња бидат вратени неповредени. Пејачката во февруари 2021 година најави дека ќе понуди награда доколку и ги вратат кучињата Коџи и Густав, но Џенифер вели дека ги вратила кучињата на 26 февруари 2021 година, два дена откако биле украдени и не ја добила наградата што ја добила Лејди Гага.

Иако Гага понудила половина милион долари за наградата, Џенифер сега бара отштета од 1,5 милиони долари од пејачката поради наводно објавување на погрешна награда. Пејачката се уште не се изјаснила за овие наводи. Мекбрајд, инаку, наводно била во врска со таткото на еден од луѓето одговорни за нападот на шетачот на кучињата на Гага, Рајан Фишер. Таа доби двегодишна условна казна.

Да потсетиме, на 24 февруари 2021 година, Рајан Фишер ги шеташе трите кучиња на Гага во Лос Анџелес кога неколку мажи го нападнаа и му ги украдоа двете миленици на пејачката. Притоа, Фишер бил застрелан во градите и завршил во болница. За среќа, тој преживеа. Џејмс Хауард Џексон, кој беше идентификуван како главен виновник, се изјасни дека не го оспорува обвинението за обид за убиство. Тој доби 21 година затвор. фото:EPA/Instgram

Банкротираше Лејди Гага: Еве зошто светската ѕвезда има долг од три милиони долари (фото)

Слаѓана Атанасова — Thu, 23 Feb 2023 12:30:42 +0000

Лејди Гага банкротираше на самиот почеток на кариерата. Поп сензацијата призна дека по втората турнеја била долг од три милиони долари. И покрај тоа, славната пејачка успеа да излезе од кризата и да создаде успешна кариера, а освои и голем број престижни награди, меѓу кои и бројни Греми, како и Оскар за најдобра музика во филмот „A Star is Born“. Оттогаш зад себе има неколку успешни албуми и турнеи. И покрај тоа, славната пејачка успеа да излезе од кризата и да создаде успешна кариера, а освои и голем број престижни награди, меѓу кои и бројни Греми, како и Оскар за најдобра музика во филмот „A Star is Born“. Оттогаш зад себе има неколку успешни албуми и турнеи. Таа за „Фајненшл тајмс“ откри дека на сè му пресудила нејзината втора турнеја „The Monster Ball“:

-Банкротирав по првото продолжение на турнејата ’The Monster Ball‘, која беше помеѓу 2009 и 2011 година. Беше смешно, бидејќи не ни знаев за тоа – рече таа и додаде: Пејачката потоа објаснила како била задолжена три милиони долари, но поради нејзината тогашна популарност успеала брзо да се извлече.

Последната турнеја на Лејди Гага „The Chromatica Ball“ беше нејзината шеста турнеја на која имаше дури 20 концерти. Започна на 17 јули во Дизелдорф, а заврши на 17 септември 2022 година во Мајами. Фото: Принтскрин/Инстаграм

Човекот кој го застрела шетачот на кучињата на Лејди Гага е осуден на 21 година затвор

Слаѓана Атанасова — Tue, 06 Dec 2022 12:41:55 +0000

Човекот кој пукаше во шетачот на кучињата на Лејди Гага и ги киднапираше двете миленици на пејачката во февруари 2021 година, е осуден на 21 година затвор за „ладнокрвен и насилен напад“. Џејмс Хауард Џексон е еден од тројцата мажи вклучени во нападот во февруари 2021 година. За време на инцидентот тој го застрелал Рајан Фишер со пиштол калибар 40 додека се шетал по француските булдози на поп-ѕвездата во Лос Анџелес. Фишер е тешко ранет во градите, а по пукањето напаѓачите и ги киднапирале двете миленици на Гага. Џексон пред судот рече дека не оспорил ниту една точка од обвинението за обид за убиство, објави во понеделникот Окружното обвинителство на Лос Анџелес. „Денеска беше постигната спогодба во случајот против Џејмс Хауард Џексон“, изјави портпаролот на обвинителството. „Г-дин Џексон рече дека не оспорува ниту една од обвиненијата за обид за убиство и го призна обвинението за нанесување тешка телесна повреда. Осуден е на 21 година затвор“, рече тој. „Џексон одговара за извршување на ладнокрвен чин на насилство, што значи правда за нашата жртва. Окружното правобранителство се стреми да ги повика на одговорност секој што ќе изврши насилни дејствија во нашата заедница“. Џексон беше ослободен од притвор на 6 април 2022 година, по административна грешка, но повторно беше уапсен во август. Обвинителството соопшти дека соучесникот во инцидентот, Харолд Вајт, во понеделникот изјавил дека не го оспорува обвинението што го товари за поседување оружје, поради што следната година ќе биде осуден. Полицијата претходно соопшти дека врската со Лејди Гага била случајна, а мотивот за грабежот била вредноста на француските булдози, раса вредна неколку илјади долари. Гага понудила награда во износ од 500.000 долари на тој што ќе и ги врати милениците. Неповредените киднапирани булдози беа предадени на полициската станица во Лос Анџелес неколку дена по инцидентот од Џенифер Мекбриџ, која исто така е обвинета за учество во злосторството. Фото:Пинтскрин/Профимедиа

Лејди Гага низ солзи им се извини на обожавателите: „Морав да го завршам настапот, но беше опасно“ (фото+видео)

Слаѓана Атанасова — Mon, 19 Sep 2022 12:28:48 +0000

Поп-ѕвездата и актерка Лејди ГаГа (36) се расплака откако го прекина настапот во Мајами поради опасен дожд и грмотевици. Во видеото кое го објави на Инстаграм, таа низ солзи се извини што го прекина концертот и призна дека нејзините обожаватели се надевале дека ќе настапи на дожд. - Навистина напорно се трудевме да го завршиме настапот во Мајами, но не можевме, бидејќи дури и кога дождот некако престана, молњите паѓаа право во земјата толку блиску до нас - изјави Гага. - Знам дека навистина долго време отсекогаш сум сакала да бидам таа хардкор „лоша кучка“, но она што навистина го сакам е да бидам одговорна и полна со љубов и не знам што би направила ако некому нешто се случи во публиката или кој било член на мојот тим или мојот бенд или моите танчери - објасни таа. Таа се извини што не го изведе нејзиниот сингл „Rain on Me“ од 2020 година на дождот, но рече дека прекинот на настапот среде бура „беше здрава одлука“ и дека безбедноста на луѓето сè уште се нејзин прв приоритет. - Жал ми е што не можев да го завршам настапот бидејќи беше премногу опасен бидејќи молњите беа непредвидливи и се менуваа од момент во момент - вели пејачката во посебно писмено соопштение. - Видете, некои од вас со години ме нарекуваа „мајка чудовиште“, јас во моето срце знаев дека е подобро да се грижам за вас. Ви благодарам што верувавте во мене – рече таа.

Фото:Принтскрин/Инстаграм/Лејди Гага

Ја нарекуваа изрод, а сега сите сакаат да бидат како неа: По, злоставувањата и силувањето ги дочека своите пет минути (фото)

Слаѓана Атанасова — Tue, 09 Aug 2022 10:51:14 +0000

Лејди Гага оваа година на сите им покажа дека е актерка вредна за Оскар, кога ја одигра една од главните улоги во филмот „House of Gucci“. Многумина коментираа како Лејди Гага го спасила филмот „House of Gucci“ со нејзината феноменална изведба на ликот на Црната вдовица, т.е. Патриције Реѓани. Сега го очекуваме нејзиниот втор настап, бидејќи е најавено дека ќе глуми во филмот Џокер и Харли Квин. Но, пред се да се потсетиме која е Лејди Гага? Стефани Џоан Анџелина Германота е целосното име на Лејди Гага, која ја знаеме по нејзиниот неверојатен музички талент. Но, како тинејџерка, Гага била погрешно разбрана од нејзините врсници. „Почнав да свирам пијано на четиригодишна возраст. Многу луѓе им велеа на моите родители дека сум чудо од дете бидејќи ги изведував исклучително најтешките композиции на Бах, Бетовен и Шопен, но не веруваа. Мислеа дека со мене нешто не е во ред и дека сум чудна затоа што никогаш не ме интересираше да поминувам време со другите деца. Бев тивка, повлечена, едно време дури ме носеа кај детски психолог да види што се случува со мене. После една година, сфатија дека е подобро да ме остават на мира и да се грижам за мојата работа бидејќи се можам да правам сама“, изјави еднаш Лејди Гага. Но, проблемите продолжиле и кога започнала средно училиште каде се соочила со различни видови на психичко насилство. Во тоа време дури и се создаде група на Фејсбук „Стефани никогаш нема да бидеш ѕвезда“. „Не сакам да се навраќам во минатото бидејќи мислам дека тоа е губење време. Живеев ужасни денови како тинејџер бидејќи преку ноќ се соочив со најстрашната форма на психичко малтретирање од децата во средно училиште. Секогаш бев поинаква и не се вклопував во рамките. Имав само неколку пријатели и ја сакав музиката. Сигурена сум дека многу млади луѓе поминале низ сличен пекол, но молчат за тоа бидејќи се срамат. Поради мојата различност, паднав во длабока депресија на петнаесет години“, Раскажа пејачката во интервју за Опра кога откри и дека била силувана на 19 години. „Ме плукаа и ми рекоа дека мирисам лошо, дека сум изрод, грешка на природата... Се затварав во куќата и свирев непрекинато седум часа за да се ослободам од сета негативна енергија и омраза што ја чувствув кон другите. Грдо е кога некој мразиш, а јас го мразев целиот свет. Денес се каам за тоа“, рече еднаш таа. А потоа, на 19-годишна возраст го запознала продуцентот Роб Фусари, кого го воодушевила, а набргу потоа потпишала договор со продуцентската куќа „Деф Џем“. Ја сними песната „Boys, boys, boys“, популарноста почна да расте со неверојатна брзина, а се останато е историја. Фото:Принтскрин/Инстаграм/Лејди Гага/Профимедиа

Ограбена пејачката Лејди Гага! Насилниците се уапсени: Го застрелале чуварот, а нема да верувате што украле (фото)

Слаѓана Атанасова — Fri, 05 Aug 2022 08:25:21 +0000

Судот во Калифорнија осуди еден од тројцата обвинети за вооружениот грабеж на шетачот на кучиња на пејачката Лејди Гага (36), во кој беа украдени два француски булдога, на четири години затвор.

Џејлин Кишаун Вајт (20) призна дека бил дел од бандата која го застрелала Рајан Фишер додека ги шетал своите три булдози во Холивуд во февруари 2021 година. На судското сослушување во Лос Анџелес во средата, Вајт се изјасни за виновен за грабеж од втор степен и доби четиригодишна затворска казна. На снимката од надзорните камери од местото на нападот се гледа како автомобил застанува во близина на Фишер и две лица скокаат од него.

На видеото се слуша истрел, по што шетачот со кучиња врескајќи паѓа на земја. Напаѓачите ги грабнале двата булдога, а Фишер повикал помош. Третото куче, Мис Азија, истрчало кај Фишер откако крадците заминале. Фишер во нападот се здобил со повреди на градниот кош, а еден месец подоцна на Инстаграм напишал дека има и колабирано белодробно крило. Пејачката понудила награда од 500.000 долари за да си ги врати булдозите. - Кучињата на Лејди Гага се предадени на локалната полициска станица. Тие беа пронајдени неповредени и предадени на претставниците на нивниот сопственик – објави на Твитер полициската управа на Лос Анџелес (LAPD). Полицијата во Лос Анџелес во моментот на грабежот соопшти дека не верувале дека кучињата биле цел поради сопственикот, туку поради нивната расна вредност на црниот пазар.

Фото:Принтскрин/Инстаграм/Лејди Гага