Како ништо да не се случило: Како би изгледала принцезата Дијана денес?

Антонио Димитриевски — Wed, 10 May 2023 11:40:51 +0000

Трагично загинатата сопруга на сегашниот крал Чарлс Трети, принцезата Дијана доколку денеска би била жива би се подготвувала да го прослави својот 62 роденден и и според некои уметници и понатаму би била многу убава.

Поранешната принцеза од Велс загина многу млада, на само 36 години, а на многумина им е тешко да замислат како би изгледала денес. Додека во јавноста се уште се зборува за свеченото крунисување на кралот Чарлс Трети и сите детали поврзани со церемонијата и односите во британското кралско семејство, фановите на неговата покојна поранешна сопруга Принцезата Дијана не можат а да не се сеќаваат на неа. Да испаднеше се поинаку, принцезата Дијана денеска ќе беше кралица и ќе седнеше на тронот, што секако би ја задоволила британската и светската јавност и ќе го подобреше имиџот на кралското семејство. Поради тоа што станува збор за според јавноста најомилената членка до сега и жената која ја нарекуваа Народна принцеза, англиската роза... Сеќавањето на мајката на принцовите Вилијам и Хари не избледува ниту денес, повеќе од четврт век по нејзината смрт, а многумина се прашуваат како би изгледала Лејди Ди да останела меѓу нас. Затоа многу уметници се обидоа да направат реалистичен портрет на Дијана како жена во шеесетите, а на официјалната страница на руското издание на магазинот Hello пред неколку дена се појави една таква слика. Турскиот дигитален уметник Алпер Јесилташ неодамна создаде сличен портрет на принцезата Дијана како дел од неговиот проект „Како ништо да не се случило“. Лејди Ди е родена на 1 јули 1961 година, што значи дека оваа година би го прославила својот 62 роденден. За жал, на крајот на август 1997 година, таа доживеа сообраќајна несреќа во тунел во Париз, додека се обидуваше да побегне од папараците со своето момче милијардерот Доди ал-Фајед, а потоа почина на 31 август во болница.

Меган Маркл на кралското семејство „му го плесна в лице“: Стајлингот за свеченоста на која сите беа заедно собрани и го посвети на Лејди Дијана (ФОТО)

Антонио Димитриевски — Wed, 11 Mar 2020 10:24:11 +0000

Одбележувањето на Денот на Комонвелтот во Вестминстерската опатија не можеше да помине незабележано, најмногу затоа што се најдоа Кејт, Вилијам, Хари и Меган на истото место, иако се знае дека односите во кралското семејство во моментов не се воопшто идилични. Сепак, покрај семејните судири, фустаните кои носеа јатрвите Кејт Мидлтон и Меган Маркл беа во фокусот на вниманието! Стајлингот на Меган Маркл беше особено коментиран и забележан заради еден детал. Поточно, таа беше целосно облечена во зелена боја, а стајлингот го „зачини“ со зелена дамска шапка. Додека многумина се прашуваа зошто се облекла токму во зелена боја, други докажаа дека ништо не е случајно кога станува збор за стилот на дамите од кралското семејство. Имено, судејќи според коментарите, со овој стајлинг, Меган сакаше да и оддаде почит на покојната свекрва, принцезата Дајана. Пред неколку дена Кејт го направи истото. Тоа е стајлинг на Лејди Ди од 1982 година, па многумина тврдат дека зелената комбинација направила Меган дискретно да потсети Дијана, сега кога нивните кралски должности завршуваат.

лејди дијана – Вистина.мк

Како ништо да не се случило: Како би изгледала принцезата Дијана денес?

Меган Маркл на кралското семејство „му го плесна в лице“: Стајлингот за свеченоста на која сите беа заедно собрани и го посвети на Лејди Дијана (ФОТО)