лажен профил – Вистина.мк

„Немам Онли Фанс“: Марија Луиса се соочи со непријатност – фолкерката тврди дека некој си поигрува на нејзина сметка (фото)

Слаѓана Атанасова — Tue, 28 Mar 2023 08:38:48 +0000

Mакедонската фолкерка Марија Луиса Тодоровска која гордо ја носи титулата „кралица на бакшишот“ популарноста до толку и е зголемена што овој пат се соочи со една непријатност која веројатно и ја очекувала. Имено, една нејзина „секси“ фотографија заврши на новоотворен Инстаграм профил, за кој таа тврди дека не е нејзин туку некој само ја злоупотребил и си поигрува со нејзиниот идентитет. Битолската убавица со привремена адреса на живеење во македонската престолнина поради работата, очигледно со нејзините фотографии со кои го провоцира посилниот пол и на кои е само по секси долна облека најчесто во еротска поза, обзнани дека некој направил ваков профил со скриен идентитет преку нејзиниот лик. „Немам Онли Фанс, немам друг Инстаграм, освен овој што го користам. Што и да ви пишуваат во мое име од друг профил не сум јас. Ви Благодарам на разбирањето“ - појасни пејачката. Фолкерката за да реагира брзо го сподели лажниот профил кај вистинскиот, а напиша уште еден текст со кој им сугерираше на нејзините следбеници дека таа не стои зад тоа.

„Луѓе ова не е мој профил, да знаете не сум јас. Единствениот мој профил е овој на кој што ме следите. Што и да ви стигне не сум јас“. Па, така освен „хејтери“ кои постојано ѕиркаат во возбудливата голотија на Марија, овој пат некој ја злоупотребил нејзината личност преку лична фотографија. Бидејќи секоја професија си има своја тежина, така е и со естрадната. На пејачките работата колку и да изгледа лесна и весела, ни одалеку не е баш така, а тие често знаат да бидат злоупотребени и на ваков начин, па сведоци сме дека ваквите нивни реакции се сѐ почести. Фото: Принтскрин/Инстаграм/Марија Луиса Тодоровска

Игор Џамбазов на Инстаграм „го поздрави“ со закана „Игор Џамбазов“ на ТикТок: „Имаш 24 часа да престанеш да бидеш јас, тоа никогаш не можеш да бидеш…“

Антонио Димитриевски — Sat, 02 Apr 2022 07:48:22 +0000

Дефинитивно живееме во време на арамии. Краде кој стигне, кај ќе стигне, колку може и се' што може! Крадат политичарите на ангро, тоа оддамна ни е јасно, крадат тие околу нив од трошките што останале, крадат по супермаркети, ама не крадат и трговците, крадат бензиски пумпи, ама не крадат и на гориво, крадат банки, ама и оние од банките со ненормална лихва и измислени провизии... За ситни арамаии по автобуси, куќи и станови и да не зборуваме... Едноставно се краде на секој чекор, се' и сешто, а ако мислиш дека нема што да ти украдат - си згрешил! Има и кога нема! Така на најпознатиот македонски актер, ТВ водител, шоумен, блузер... Игор Џамбазов на пример му го украдоа идентитетот! И тоа на една од најпопуларните социјални мрежи во моментов - ТикТок! Едноставно оној Игор Џамбазов од ТикТок, не е овој Игор Џамбазов што го познаваме. Не е вистинскиот, туку само некој што му го „дрпнал“ идентитетот и на конто на неговиото име, слава, популарност, минат труд, прави циркузи... А можеби и парички, лажно претставувајќи се! Бидејќи на „лагата и се куси нозете“, а во меѓувреме може да и биде и „длабок џебот“, вистинскиот, „риал“ Џамбазов реши да преземе акција, па на Инстаграм „го поздрави“ со закана лажниот „Игор Џамбазов“ од ТикТок, дека наскоро „ќе му го испразни џебот“, доколку не престане да биде ТОЈ, за што се претставува, а НЕ е! Џамбазов - вистинскиот преку својот Инстаграм на Џамбазов - лажниот, му порача: „Ти, што се претставуваш во мое име, објавуваш во мое име, комуницираш во мое име, тебе ти се обраќам. Ако си некое размазено детиште, набргу ќе ти ја земам играчката, а татко ти ќе плати казна. Ако си полнолетен глупак, пак ќе ти ја земам играчката, ама сам ќе си ја платиш казната. Кој и да си, имаш 24 часа да престанеш да бидеш јас. Тоа никогаш не можеш да бидеш... П.С. Уше тик-ток ми фали...“ - му напишал Игор, па споделил јавно сите да знаат и видат со кого имаат работа на ТикТок! Дали оваа „закана“ кај оној Игор од „ТикТок“ предизвика шок или само слатко го изнасмеа и уште повеќе го мотивира за нови „мајмунлоци“ од неговото ТикТок „арамиско гнездо“, ќе каже наскоро билтенот на МВР!? Фото: Инстаграм принтскрин/pansionprespav/igordzambazov

Фудбалскиот дијамант и музичката ѕвезда сепак ништо емотивно не ги врзува: Зад наводните Инстаграм симпати на Елиф Елмас кон Мартија Станојковиќ и обратно, се крие лажен профил! (ФОТО)

Антонио Димитриевски — Mon, 28 Feb 2022 13:17:18 +0000

Иницирани од објавените фотографии со лајкови, пораки и љубовни емотикони, откако објавивме напис, прашувајќи дали помеѓу Елиф Елмас и Мартија Станојковиќ има некоја „тајна врска“, или само можеби само еднострани симпатии, пристигна пристигна реакцијата од луѓето кои се грижат за кариерата на македонскиот фудбалски дијамант. Имено, претставниците на таборот на Елмас реагираа демантирајќи во негово име било каква, наводна љубовна или емотивна врска на македонскиот фудбалски ас со македонската пејачка Мартија Станојковиќ, тврдејќи дека профилот на Елиф Елмас - by.elmass е лажен, на кој осамнаа фотографиите со емотивни пораки и љубовни емотикони, кои божем фудбалерот на некој начин и ги испраќал на пејачката, а таа дел од нив и објави. Имено, тие велат дека на социјалните мрежи постојат креирани десетици лажни профили на Елмас, од кои понекогаш се злоупотребува името на ѕвездата на „Наполи“ и Македонската фудбалска репрезентација, при тоа потенцирајќи дека еден и единствен вистински профил на Елмас е оној официјалниот: elifelmas24 При тоа истакнуваат дека постојат и многу негови фан страници. По ова станува јасно дека фудбалскиот дијамнат и музичката ѕвезда од Македонија сепак ништо емотивно не ги спојува ниту врзува. Зад наводните симпати на Елиф Елмас кон Мартија Станојковиќ и обратно, едноставно се крие лажен профил и ништо друго! Останува секогаш отворена можноста на нашата редакција обајцата и лично да се изјаснат дали некогаш лично се запознале и што мислат еден за друг како познати и популарни спортско - естрадни ѕвезди, а и да дадат свој коментар за нивната „наводна афера“! Друго прашање е кој тоа во име на фудбалската ѕвезда јавно и искажува отворени симпатии на пејачката преку социјалните мрежи и зошто го прави тоа? Заради немање храброст или од некакви други намери, некому од нив двајца да им наштети?!

И Миа Костова „фалсификувана“, со украден идентитет на Фејсбук, како Каќа од Горњи Милановац: „Да не е на Заев бившата, бе?“ (ФОТО)

Антонио Димитриевски — Fri, 29 Oct 2021 07:35:19 +0000

Миа Костова, македонската ТВ водителка и позната инфлуенсерка доби лажна двојничка на Фејсбук. Имено, таа се пожали дека некој и го украл идентитетот на популарната социјална мрежа, па лажен профил со фотографии со нејзиниот лик, но со сосема друго име осамна неодамна. На него ликот на нашата инфлуенсерка Миа, а името и презимето на извесна, Катарина Каќа Вукадиновиќ, ако таква воопшто и постои, од Горњи Милановац, Србија, со брачен стаус разведена? Миа веднаш јавно повика да биде пријавен лажниот профил, на оној или онаа што се обидел(а) да и го украде идентитетот и тоа го обзнани на својот автентичен личен Фејсбук профил. Коментарите, ама и мајтапот и шеговитеите и довитливи „јадачки“ и опаски, најмногу од нејзините пријатели вреднаш тргнаа. Најдуховит оној кој приказната ја врза со премиерот Зоран Заев. „Горњи Милановац? Да не е бившата на Заев, бе?“ - прашаува пријателката на Миа. Имено, како што се сеќавате, тој неодамна самиот во јавноста изјавуваше дека токму во Горњи Милановац ги заработил првите пари, ама во тој град и за прв пат се заљубил: „Моето име потекнува од Србија, мојата младост е врзана за Србија, се што сме правеле, целиот наш семеен капитал е поврзан со Србија. Првата девојка ја имав во Горњи Милановац. Ја запознав едно лето додека продавав лубеници, пиперки, патлиџани и краставици во тоа место. Првиот екстра профит го заработив продавајќи прашок за алишта од Србија, а првите милиони кога во Србија ја продадов сувата пиперка...“ - раскажуваше Заев. Откако крена врева, само неколку дена потоа, Миа објави дека нејзината „лажна двојничка“, го затворила фалсификуваниот Фејсбук профил. „Да ве известам дека Кача ќе ја затвори ординацијата. Фала на сите!“ - обзнани Костова. А кога сме веќе кај Миа и Заев, русокосата има уште нешто да ви каже. Поточно да ви пренесе, како го доживела гостувањето на Зоран Заев на една од националните телевизии, односно да го искоментира „бранењето на неодбранливото“ на еден познат „аналитичар“ и уште попознат „увлекувач“, знаете веќе каде, на премиерот, кога овој говореше за локалните избори помеѓу двата круга на гласање.. Имено, најпрвин коментарот на „аналитичарот“ за настапот на Заев на ТВ Сител, на кој ни самиот Заев не би му поверувал дека тоа што овој го кажува е вистина: А потоа и забавно-зајадливата пародија на Миа Костова на неговиот коментар, во вид на мала компарација со нејзините случки од животот: Па, кој бил „базично чесен“, а кој ќе остане „базично пока*ан“ после изборите, ќе кажат гласовите на граѓаните! Фото: Инстаграм и Фејсбук принтскрин/miandrija

Бившата српска кошаркарка споделуваше „послободни“ фотографии на Инстаграм, па и „залепија етикета“… и цена: Милица Дабовиќ е „ескорт дама“? (ФОТО)

Антонио Димитриевски — Wed, 30 Jun 2021 10:44:59 +0000

Поранешната кошаркарка Милица Дабовиќ неодамна беше нападната на социјалната мрежа Инстаграм поради разголените фотографии што неретко ги споделува, а сега повторно ја заинтригира јавноста, откако се најде среде скандал, иако не по своја вина. Таа повторно се најде во центарот на вниманието поради нејзиниот лажен профил на социјалните мрежи. Имено, на Инстаграм се појави профил во кој се вели дека Милица е „ескорт дама“ односно „девојка за придружба“, додека цените на нејзините наводни услуги исто така се напишани подолу. „Половина час 150 евра, еден час 250 евра, цела ноќ 500 евра ...“ - пишуваше во описот на профилот, што ја шокираше и јавноста, но најмногу самата Милица. Во оваа прилика, таа брзо се огласи на социјалните мрежи и ги замоли своите следбеници да го пријават профилот бидејќи некој го искористил нејзиното име за да искреира лажен профил. „Ве молам пријавете го ваквиот профил!“ - напиша таа во една од своите приказни на Инстаграм. Фото: Инстаграм принтскрин/stefanovamama13

И Хелена Роза се најде во „Јавна соба“… само приватна: Разголени еротски фотографии на профил со нејзиното име (ФОТО 18+)

Антонио Димитриевски — Fri, 19 Feb 2021 07:36:36 +0000

Поранешната македонска ТВ водителка Хелена Роза веќе неколку години заедно со своето семејство живее на Нов Зеланд. Иако оддамна ја нема на ТВ екраните како водител, таа е активна на социјалните мрежи, каде знае да објави по некоја скокотлива фотографија, како онаа од неодамна, кога Хелена покажа како ужива на плажа среде јануари со истурени гради во гро план, во бикини секако. https://arhiva.vistina.com.mk/radio-mileva/za-nea-nima-zima-helena-roza-gi-isturi-gradite-vo-prv-plan-na-plaza-vo-nov-zeland-foto/ Во меѓувреме социјалните мрежи експлодираа, откако на нив или поточно на Инстаграм профилот: helenaroza.private осамнаа разголени еротски фотографии ... До душа подзаматени, но во позадина се гледа голо женско тело како лежи, прави селфи или ги соблекува гаќичките... И додека едни со неверување се чудеа, други „забуљено“ се сладеа обидувајќи се „да го докажат“ идентитетот на личноста од голите фоотографии се огласи самата Хелена, која објасни дека и нејзе и се случило нешто слично, на она што кај нас беше познато како „Јавна соба“. Некогашната водителка на приказните од својот вистински Инстаграм профил: helena.roza сподели соопштение во кое појасни дека деновиве била мета на хакерски напад на несовесно лице, кое креирало лажен профил на Инстаграм со нејзиното име и разголени подзаматени фотки, а личноста од сликите е преставена како Хелена Роза. Водителката брзо реагираше дури од Нов Зеланд и ги замоли блиските, пријателите и следбениците да го пријават лажниот профил со експлицитните фотографии. Покрај веќе споменатата „Јавна соба“, ова не е прв пат јавни македонски и балкански личности да бидат мета на сајбер криминал со еротска содржина и злоупотреба на туѓ идентитет... Впрочем такви страници постојат и на најпознатата социјална мрежа - Фејсбук, но за тоа како се викаат страниците, која се' од познатите Македонки ги има таму и на какви фотографии... ќе читате деновиве во следниот напис на Вистина.ком.мк!

Има проблеми со социјалните мрежи: Ана Михајловски мета на психопати

Христина Ѓоргиевска — Thu, 05 Jul 2018 09:36:54 +0000

Ана Михајловски има проблеми со социјалните мрежи и секој ден се појавуваат лажни профили на Инстаграм. По тој повод се огласи и познатата водителка. Ана им објасни на нејзините следбеници дека профилот кој се појавил со нејзиното име и презиме со датум на ражање, не е нејзин профил.

I ni ovo nisam jaaaaa iako bih volela da sam rodjena 1989 god. cak 7 godina kasnije, ali niiisaaaam ipak sam 82’ godiste... ne znam jel su ovo deca ili psihopate u svakom slucaju je zastrasujuce koliko su ljudi odlepili...

A post shared by Mihajlovski Ana (@an_amihajlovski) on Jul 4, 2018 at 3:37am PDT

„Прекрасно! Јас сум насмеана на фотографијата затоа што морам да се занимавам со психопати.Беше интересно неколку дена, но мене тоа ми помина, но дали е реално некој друг да пишува глупости во мое име? Не сакам да читам коментари, пораки, објави итд, напиша Ана и додаде:

„Деца читајте книги! Не се правете некои кои не сте, посебно не ја, а најважно бидете тоа што се, напиша водителката.

Divno! To sam ja nasmejana zato sto moram da se bavim psihopatama.. stvarno me mrzi da se bavim instagramom. Bilo je zabavno par nedelja i mene generalno to brzo prodje ali da li je realno da mooram da ga imam da neko drugi ne bi lupao gluposti u moje ime?? Cupava sam, boli me zub i stvarno mi ne treba da se sada bakcem sa ludacima. Ne zelim da citam komentare, poruke, itd. Ali ajd evo ga profil pa nek stoji.. pozz.. mada mogli bi svi da prihvatimo da sam 89’ godiste, to mi se svidja, necu da se svadjam ????✌?ps. Deco citajte knjige! Ne pretvarajte se da ste neko drugi pogotovo ne ja ima mnogo zabavnijih ali ipak je najbolje da budete ono sto jeste.

A post shared by Mihajlovski Ana (@an_amihajlovski) on Jul 4, 2018 at 4:06am PDT

фото:принтскрин

Елена Велевска побара помош: „Пријавете го“ – пејачката на удар по приватноста!

Слободанка Илиева — Sun, 06 May 2018 00:39:42 +0000

Да се биде популарен не е лесно како што изгледа, а многу познати личности се соочуваат со разни проблеми, но пред се на оние на социјалните мрежи. Неодамна ТВ водителката Лила Фиповска беше мета на хакери кои на кратко успеаја да го избришат нејзиниот профил на социјалната мрежа Инстаграм, а сега пак и пејачката Елена Велевска има проблем со тоа што некој отвара лажен профил со нејзиното име на Фејсбук. На лажната страница осамнаа некои од нејзините најнови фотографии, а таа веднаш се пожали и побара од своите пријатели и следбеници да го пријават ваквиот профил за да биде тргнат од Фејсбук заедницата.

Објавата ја дополни со извичници како и благодарност однапред за оние кои возвратиле на нејзиното барање. фото:фејсбук