лазар бараков – Вистина.мк

Актерите од „Македонските народни приказни“ ја „шизнаа публиката“ во новиот спот на „SAP Brothers“ – „Шизни си“ (ВИДЕО)

Антонио Димитриевски — Wed, 26 May 2021 12:36:22 +0000

Браќата Сапламаеви познати и како SAP Brothers вчера, 25 мај 2021 год. ја промовираа својата најнова песна насловена „Шизни си“, која е проследена со многу едноставен, но мошне креативно осмислен и реализиран видеоспот. По нивната дебитанстака песна и прво видео за блуз баладата „Љубов си ти“ од мината 2020 госина, во која што на многу позитивен и хумористичен начин успеаја да ги расположат сите кои што ја слушаа песната и го гледаа видеото, браќата овој пат на уште подуховит и интересен начин ја визуелизирале нивната нова тема, која музички звучи прилично свежо и модерно, а сепак македонски. Едноставно во истиот дух во кој започнаа, „SAP Brothers“ пренесуваат уште една животна приказна. Не секому му е лесно да го опише својот живот во неколку минути. Истото е и со Бранко и Влатко. Според Бранко оваа е песна за сите браќа, помали и поголеми. Таа е кратка и јасна и само повикува на насмевка и малку шизнување. Влатко најубаво знае дека после тоа сѐ е полесно. Музика и аранжманот се на самите SAP Brothers, текстот за песната го напишал Тино Костадиновски, а Режијата, снимањето и монтажата на видеото ги потпишува Ѓорги Вацев. Аудио снимањето и миксот исто така се на Ѓорги Вацев, а аудио мастерот го изработил Ангел Ќосев во тонското студио „Подрумот“. Придружните вокали во песната ги пејат Коста Хаџикојчев, Ѓорги Вацев, Драган Сапламаев, а кореографијата во видеото е дело на Ивана Балабанова. Во самиот спот покрај браќата Влатко и Бранко Сапламаеви, учествуваат и двајца легендарни македонски актери, познати од многу македонски ТВ серии и филмови, но најмногу препознатливи по нивните улоги во „Македонските народни приказни“ - актерите Кирил Андоновски и Лазар Бараков. Обајцата маестрално ги одиграле своите улоги снаоѓајќи се во сите животни ситуации, најмногу комични, во кои ги става сценариото на видеоспотот за „Шизни си“ во кој ја „шизнаа публиката“ на прво гледање со својата феноменална актерска вештина. Покрај нив во видеото учествува и Оливер Настовски - Батка. Како сето тоа звучи и изгледа, проследете во продолжение: https://www.youtube.com/watch?v=KHkqEqI9zoQ

Снеже Велков не потсети на омилените реплики од „Македонските приказни“: Ако не знаете кој е царот, прашајте ја? (ФОТО)

Антонио Димитриевски — Tue, 10 Nov 2020 08:34:40 +0000

Има ли некој кој не ги гледал, кој не ги знае, кој не ги памети? Од старо до младо, од дете до родител, баба, дедо... сите ги знаат, зашто тие се едни од најгледаните ТВ проекти на сите времиња. Особено, оние, првите, оригиналните, од времето на „царот“ на ТВ екраните... „Македонските народни приказни“ или само „Македонски приказни“ како што беа насловени се култниот ТВ серијал кој остана за навек да се гледа одново, раскажува и прераскажува, чии реплики и ден денес се паметат и употребуваат и во секојдневието на нашиот говор. Своевиден микс на историја, јазик, фолклор, традиција, обичаи, народни носии, народни верувања, преданија, народни поговорки, мудри мисли, корисни поуки... Сите обележја што ја сочинуваат една нација и повеќе од тоа! Но и софистициран хумор, гледлива забава, врвни актерски остварувања сведени на нивото на обичниот човек. Во нив, ликовите кои не се забораваат: царот, царицата, султанот, екимот, кадијата, меанџијата, чорбаџијата, измеќарот, попот, клисарот... па се до обичиниот селанец, преставени во ликовите на богатиот и сиромавиот или домаќинот и домаќинката. А зад нив врвна актерска екипа на чело со големиот, единствениот, неприкосновениот, царот... Ќе погодите ли за кого се работи? Ако не ви текнува, погледнете ја фотографијата. На неа се тие двајцата - „царот и царицата“, во млади години, пред да ги остварат своите маестрални улоги, незаборавните ликови во прикаските... Ѓорѓи и Шенка Колозови, како заштитен знак, како своевиден „трејд марк“, олицетворение на приказните, кои ги направија и големи и познати, а тие на серијалот му го посветија сиот свој живот, играјќи го незаборавните улоги, изустувајќи ги незаборавните реплики кои и ден денес се паметат и кажуваат. Секако списокот на актери кбез кои приказните немаше да бидат тоа што се е долг: Ванчо Петрушевски - Рамче, Гоце Тодоровски, Лазар Бараков, Владимир Дади Ангеловски... и уште цела една плејада доајени на македонското глумиште. Како и повеќето од нас, растена со „Македонските приказни“, ТВ водителката и пилатес инструкторка Снеже Велков, преку приказните на својот Инстаграм профил реши да не потсети на „Македонските приказни“... И себе си и другите, па направи своевидна анкета, за тоа која реплика од приказните му е омилена на народот? „Ај да видам кој се сеќава на овие царцки убаини?“ - праша Снеже на својот Инстаграм. Одговори стигнаа многу: „Ја сакам царе'ата ќерка, Еким - лечам од разни болести, Пиј си каве, пиј си тутун - азното само ќе си дојди, Господ да ме чува од женска белја, Икономија да праиш - за старост да мислиш, Стрижена е, бричена е“... И сите подеднакво потсетуваат на на јдобрите епизоди од оние поубави и посреќни времиња. Денес е нешто друго... Прикаски се' уште има, иако ќе се согласите, не се тоа што беа некогаш. Како и многу други нешта! Особено не без царот Колозов, Дади, Рамче... сега веќе покојните македонски актерски легенди кои како и „Македонските приказни“ одбележаа една цела „епоха“, годините на нашето детство, растење, созревање, младост... Новите генерации имаат свои јунаци, свои херои, идоли... Но, се чини дека никој не е како царот, царицата, екимот, кадијата, чорбаџијата, попот.... од првата генерација на „Македонските приказни“. Или барем така ни се чини? Можеби треба малку да почекаме? Па нели „царот“ ви рече: „Седи си, пиј си тутун, пиј си каве - азното само ќе ти дојде“!

Лазар Бараков се прости од колегата Гоце Влахов: „Почивај во мир мој скап другар и соборец!“

Слободанка Илиева — Sun, 28 Jul 2019 13:00:35 +0000

Македонската публика најмногу ги памети заедно од улогите во Македонските народни приказни, а денес на голема жалост едниот мораше да се прости од другиот. По смртта на актерот Гоце Влахов, неговиот колега Лазар Бараков преку социјалните мрежи напиша последен поздрав до својот драг и како што вели скап другар. „Брат, жалосно но вистинито, не успеавме за последно да се испонаприкажеме, замина без збогум во ова проклето време…Почивај во мир мој скап другар и соборец во нашите заеднички премрежија. Твојата добрина и ведрина е неизбришива од нашите срца“, напиша тој.

Не беше цар во приказните, ама цар е по дома: Лазар Бараков в куќи има матичен лекар… за масажа! (ФОТО)

Антонио Димитриевски — Tue, 05 Mar 2019 08:34:10 +0000

Него најмногу го знаете до телевизија. А го познаваат и млади и стари и деца и дедовци и баби, и татковци и мајки, тетки, стринки, вујни... Буквално сите! Го знаат како сиромавиот, просјакот, слугата, меанџијата, аскерот, ѓаолот... Зашто, има ли некој кој не гледал македонски народни приказни на телевизија? Особено оние, од старите добри времиња кога во нив играа царот Колозов, Ванчо, Гоце, Дади, Стојна, Шенка... а, со нив и тој Лазар Бараков кој во Приказните мина повеќе од 20!

Денес. за жал се помалку или речиси воопшто не се снимаат нови продолженија од веројатно најгледаниот ТВ серијал на сите времиња во македонија, а и тој повеќе не е дел од „новосоздадените“ приказни и кога ги има.

Лазар Бараков денес е во седмата деценија од животот, кој како што вели го натерал да работи најразлични работи, а никогаш да не се срами од тоа. А работата како и животот оставаат траги на сите нас. Траги кои некогаш знаат да заболат, па затоа актерот од приказните реши малку да ги размрда старите коски, да ги раздвижи плеќите, грбот, р'бетот, телото... со масажа!

Во моментот никој да се најде при рака! Ниту сопруга Лилјана, ниту некое од трите деца, за кои вели дека се неговото најголемо богатство. Неговата ќерка Македонка која е психолог, ќерката Викторија - архитект, а синот Александар, се' уште студент.

Ама Лазар не би бил „ѓаолот“ во приказните ако не умее да се снајде. Познат како голем љубител на животните, и самиот велои дека: „Животинките троструко враќаат со својата љубов...“! И види, Бараков покажа дека навистина да ти било така!

Кога старите коски и плешките ќе заболат, тој не оди на лекар, зашто дома си има матичен лекар... за масажа!

Неговиот куќен миленк, малиот пинч кој обожува нештата да ги набљудува од високо! А местото и позицијата на плешките на газдата - идеални. И за него и за Лазар!

Тој е единствениот македонски глумец за кој напишаа песна: Жал ми е, ама Лазар Бараков сите „ги шие“… (ВИДЕО)

Антонио Димитриевски — Wed, 24 Oct 2018 07:06:43 +0000

Со старите македонски народни приказни израснаа многу генерации. Времето врви, генерациите се менуваат, а приказните чиниш како да се направен денес. Се' уште атрактивни и уникатни и по својата содржина, реализација, актерска изведба... Ги гледаат и се потсетуваат на нив и повозрасните, им се радуваат и учат од нив и поновите генерации.

Се разбира, денес повторно се снимаат нови серијали, со нови помлади актерски ликови, иако се чини дека најзаслужни за нивната популарност се токму актерските легенди како Ѓорѓи Колозов, Ванчо Петрушевски, Шенка Колозова, Гоце Тодоровски, Стојна Костовска, Кире Печијаревски, Лазар Бараков....

За жал, некои не се повеќе меѓу нас, други се' уште се дел од приказните, додека трети пак гордо се сеќаваат на времето кога ги играа едни од највпечатливите улоги во „македонската играна ТВ лектира“.

И сите тие заслужуваат слава, почит и пиетет, но сепак, само за еден од нив е напишана песна, која му е посветена токму нему - на Лазар Бараков!

Актерот кој за жал, повеќе не снима приказни, ама кого сите го паметиме како еден од највпечатливите ликови на селанецот, меанџијата, ѓаконот, ѓаволот, сиромавиот...

Нема лоша улога за Лазар. Затоа и доби своја песна. Не дека некои други не ја заслужуваат, ама авторот, и самиот актер и дел од поновите серијали на „приказните“ - Горан Трифуновски - Пајак, инаку лидер на македонската рок група „Пеперминт“ е дефинитивно... „Фан на Лазар Бараков“. Па му посвети и песна!

„Ни Мерилин Монро, ни Џејмс Дин, ни Елвис Присли, ни Чарли Шин, ни Бен Афлек, ни Линдзи Лохан... ниту уште цела плејада светски ѕвезди... Жално за овие, ама Лазар Бараков другите ги шие... И секој може да е славен, ама Лазар Бараков за мене е главен“ - пеат „Пеперминт“ во нивниот хит.

А Бараков, онаков каков што го дал Господ, скромен и повлечен, без да се фали, вели дека еден ден му се јавил колегата Горан и му кажал дека има напишано песна за него, па му ја пуштил да ја слушне, а Лазар без поговор му рекол дека нема проблем да ја сними и пушти во етерот!

Така, македонската легенда од народните приказна стана уникатен. Многу македонски актери запеале, некои дури и сериозно се занимавале и се занимаваат со музика, ама Лазар Бараков сите ги шие. Само нему му е посветена песна, па затоа, еден - единствен ни е! https://www.youtube.com/watch?v=QCNr23lrbBQ

Лазар Бараков и Стојна Костовска им го разубавија денот на обожавателите со специјална посвета!

Слободанка Илиева — Wed, 01 Nov 2017 08:34:22 +0000

Многу генерации израснаа со старите македонски народни приказни кои и денес се уште ја имаат својата атрактивност и уникатност и за поновите генерации. За тоа беа заслужни големите актерски легенди, некои не се повеќе меѓу нас, а пак други гордо се сеќаваат на времето кога ги играа едни од највпечатливите улоги во приказните. Дел од нив се и актерите Стојна Костовска и актерот Лазар Бараков. Шармантната и талентирана Стојна, како и неповторливиот Бараков, се во чекор со новите трендови на денешницата, а освен тоа што некогаш беа постојано заедно на снимањата, денес се уште се добри пријатели и колеги, па дури и на социјалните мрежи каде деновиве прославија седум години пријателство.

По тој повод Лазар го сподели тој момент на нејзиниот Фејсбук ѕид и се заблагодари на својата колешка и пријателка за искреноста и тоа што е скап учител и другар.

Ваквата објава им го разубави денот и на нивните следбеници кои не пропуштија да искоментираат за оваа емотивна објава.