лав – Вистина.мк

Се породи Маја Беровиќ – eве кое име го одбра за наследникот (фото)

Христина Ѓоргиевска — Mon, 21 Feb 2022 12:56:55 +0000

Пејачката Маја Беровиќ на све донесе машко дете. Маја заедно со својот сопруг Ален, на својот син му го дадоа името Лав. Сите беа среќни за бебето во нејзината фамилија. Имено, Маја неодамна откри зошто баш сега посака да стане мајка. -Градев кариера, да се посветев на мајчинството немаше да го постигнам тоа што денес го постигнав. Генерално го остварив тоа што го посакав во животот. Пред неколку дена објавивме видео од концертот во „Арена“. Сега се разбуди желбата да го имам тоа нешто што во моментов е дел од мене, изјаив неодамна пејачката.

20 животни принципи до кои се придржува секој Лав

Ивана Стојанова — Mon, 04 Feb 2019 13:30:29 +0000

Лавовите се великодушни и околу себе сакаат да гледаат среќни луѓе. Тие се целосни личности затоа што поседуваат убавина, интелигенција, друштвена способност и самодоверба. Кога некој ќе ги повреди, тие целосно се затвораат во себе. Имаат гордост и не прават работи кои се во спротивност со нивните убедувања и морал. Ова се 20 принципи кои се најважни во нивниот живот: Ако сакате да ги запознаете, морате малку да почекате. Тие внимателно ги избираат луѓето со кои го минуваат своето време. Ако некој мора да биде главен, тоа ќе бидат тие. Тие се друштвени, но само неколку луѓе им се навистина блиски. Не сакаат форсирани разговори, врски и пријателства. Мразат работи кои се форсирани. Ако не се на иста бранова должина со некого, нема шанси да се дружат со нив. Не се плашат од неуспесите, а сакаат успех по секоја цена. Не сакаат да ги разочаруваат луѓето, па затоа често велат „ДА“ наместо „НЕ!“. Често се заљубуваат во личност во која никој не би очекувал дека ќе се заљубат. Нивните правила се едноставни: Почитувај го нивното време. Ценете го нивниот труд. Исполнувајте ги ветувања. Секогаш бидете искрени. Останете доследни. Сакаат да го имаат вниманието само на луѓето кои ги сакаат. За другите не се грижат. Кога е потребно знаат да бидат нежни. Ги даваат најдобрите совети и секогаш ги решаваат проблемите на другите луѓе, но никако не успеваат да го поправат својот хаос. Кога некој ќе ги исфрли од ритам, го убиваат во својата глава најмалку три пати. Сакаат врска во која со другата личност ќе се борат против светот. Ако запознаете Лав, тој/таа ќе остави печат во вашиот живот. Сигурно нема да ги заборавите, било за добро, било за лошо. Ако повредите некој кој им е близок, ќе ве натераат да платите за тоа. За себе велат дека не се љубоморни, само си ја заштитуваат територијата. Нивната теорија е дека љубомора е кога сакате нешто што не е ваше, за територијалност е значи дека сакате да заштитите нешто што веќе го имате. Не простуваат лесно. Имаат весела природа и добро срце, но одвреме-навреме ја покажуваат својата силна страна за да не им дозволат на другите лесно да ги користат. Она што е претерано однесување за другите, за Лавот може да е сосема соодветно однесување. Мотото на Лавот е: „Совршеноста е недостижна, но ако се трудиме да одиме кон неа, ќе постигнеме извонредност.“

Тој е најголем заводник меѓу хороскопските знаци, но е вистинско разочарување во кревет

Ивана Стојанова — Mon, 24 Dec 2018 11:36:16 +0000

Тие сакаат кога некој им се восхитува и кога се во центарот на вниманието. Обожуваат комплименти и најдобри се во освојувањето, меѓутоа во кревет се вистинско разочарување. Ведри, шармантни, страствени, за нив се смета дека се најмоќни во секое поле, но сепак не се во сексот. Кога се додворуваат имате впечаток дека следува искуство во кревет кое ќе го паметите целиот живот, но во пракса не е така. Обично, најголемиот дел се разочаруваат од партнерите кои се во знакот на Лав. Лавот сака само да биде во центарот на вниманието, па така се однесува и во кревет. Посветен е на себе, а доколку се најдете во иста постела во овој хороскопски знак, ќе останете незадоволени. Како шлаг на тортата, Лавот ќе очекува по сексот, да го пофалите и опишувате дека никогаш не сте биле со некој подобар. Лавот секогаш мисли дека е најдобар во кревет и дека дава се од себе за да го задоволи партнерот. Доколку сакате некој кој ќе се потруди околу вас во креветот, тоа не е Лав.

Два хороскопски знаци на кои им е најтешко да кажат „те сакам“

Ивана Стојанова — Tue, 27 Nov 2018 14:10:36 +0000

Овие два хороскопски знаци делуваат по малку ладно, но тоа е само на прв поглед. И наместо да се нервирате бидејќи не можат да се натераат да ви кажат „те сакам“ можеби подобро би било да научите да ги прочитате знаците со кои тоа ви го покажуваат. Јарец „Ладен“ е првиот впечаток за личностите кои се родени во овој хороскопски знак. Тој изгледа како непробојна тврдина која ништо не ја погодува, но кога ќе ги процесираат нештата во состојба се да плачат цела ноќ. Секако ако се сами дома. И таман кога ќе помислите дека срушивте еден ѕид, тој крева друг и така во недоглед. Стравот од повредување е тој кој го спречува Јарецот да ги покаже своите чувства и затоа ги закопува длабоко во себе. Но сепак неговата фасада паѓа во вода кога ќе му покажете дека навистина ви значи. Само треба да имате трпение и челични нерви. Лав Она со што Лавот не може да се избори е суетата која го спречува да се отвори и да ја покаже својата ранливост на друга личност. Никогаш нема да признае дека од нешто се срами, секогаш ќе имате впечаток дека за него знаете помалку од што тој знае за вас. Со леснотија ќе ве остави на цедило и тешко ќе прифати своја грешка. „Извини“ е збор кој нема да го каже лесно, ако воопшто некогаш успеете да го натерате да каже. Во својата глава тој е совршен. Полесно ќе му извадите заб отколку зборови со кои ќе ги покаже своите чувства.

Нивната гордост е посилна од сè: Три хороскопски знаци од кои не треба да очекувате извинување

Христина Ѓоргиевска — Tue, 02 Oct 2018 12:40:50 +0000

И кога ќе сфатат дека не се во право и дека погрешиле, тие тешко се извинуваат. Главната причина за тоа е секако нивната гордост, како и егото кое не им дозволува да го изустат зборот "извини".

Погледнете од кои три хороскопски знаци не треба да очекувате извинување: Овен Овенот речиси никогаш не се извинува. Кога го прави тоа, станува збор за вонредна ситуација односно кога нештата се толку комплицирани што тој би сакал веднаш да излезе од своја кожа. Во спротивно, кога знае дека е виновен, Овенот продолжува по своето, а доколку продолжите да го иритирате, бидете спремни за кавга.

Лав Кога ќе дојде до конфликт, Лавот со сите средства ќе се бори да победи и моќно да ги одбрани своите ставови. Сепак, кога ќе сфати дека погрешил, тој ќе биде спремен на разговор, а тогаш театрално ќе го одржи својот говор при што проникливо ќе ги изговара своите зборови со цел да излезе како победник од целата ситуација. Шкорпија Сите конфликти со Шкорпијата можат да се решат, освен ако сте го повредиле нејзиното его и сте направиле таа да се чувствува лошо. Во случај да се виновни за одредена ситуација, припадниците на овој знак ќе се извинат без проблем, а при тоа ќе бидат многу објективни и ќе внимаваат да не испаднат понизни во очите на другиот. извор: точка.мк

Го обожуваат сите иако пoнекогаш е незгоден – ова е најдоминантниот хороскопски знак

Христина Ѓоргиевска — Sat, 16 Jun 2018 09:25:44 +0000

Тој секогаш ќе се труди да биде најдобар, што можеби и не е толку лошо, затоа што ќе настојува да биде најдобар партнер, најдобар пријател, најдобар љубовник. Станува збор за доминантниот лав. Адреналинот и забавата се составен дел на кралскит живот на еден Лав. Нема да ви дозволи да упадете во секојдневие. Тој го сака животот и луѓето, а најмногу се сака себе си. Ќе гледа прво да си угоди себе си, за да биде среќен, а потоа ќе биде подготвен да ги усреќи и другите. Неговиот ентузијазам е заразен. Доколку сте го сфатиле неговиот егоцентризам на вистински начин, неговите шеги и постапки ќе ви делуваат симпатично. Овој знак е романтичен и сака мали знаци на внимание. Шармира и заведува се околу себе си. Лавот е одговорен и ако му значите ќе се грижи за вас. Секогаш ќе се труди да биде најдобар, што и можеби не е толку лошо затоа што ќе настојува да биде најдобар партнер, најдобар пријател, најдобар љубовник. Нема да ве изневерува, затоа што нема да има сила да се труди околу секоја личност, туку само за оние посебните за кои што ќе направи се. Доколку имате среќа Лавот да се вљуби токму во вас, ќе се чувствувате посебно, затоа што тој тоа ќе ви го овозможи.

фото: глам Лавот е најдоминантен и најекстровертен од сите знаци во Зодијакот. На посебен начин, со држењето и со племенитоста на личноста, тие се монарси меѓу луѓето како што лавот е крал на животните. Тие се амбициозни, храбри, доминантни, со силна волја, позитивни, независни, самоуверени и не постои зборот сомнеж во нивните речници, затоа што тие се држат под контрола. Тие се родени лидери, било во мир или во побуната против статус кво ситуацијата. Тие се најефикасни кога се во позиција на команда, нивниот личен магнетизам и вродената љубезност ја извлекуваат најдобрата и најголемата лојалност од подредените. Тие едноставно, знаат точно што сакаат и ја користат целата нивна енергија. Амбициозноста на нивните планови и идеализмот понекогаш ќе ги заплаши нивните следбеници, нивната практична интелегенција и способност да одат директно во срцето на било кој проблем уверувајќи ги оние што зависат од него дека тоа е најдоброто решение. извор: сител

Приказна за една битолска легенда: Петар Милошевски – лав пред голот, јагне во животот

Антонио Димитриевски — Wed, 14 Mar 2018 13:41:15 +0000

Приказните се за легендите и за легендите се кажуваат приказни за да си останат легенди. Во приказните им е местото затоа што во нив се зборува за големите човечки дела на тие кои заслужиле за нив да се кажуваат приказни. Ние кои сме имале привилегија да ги познаваме треба да сведочиме за нив за да не се заборават, за да останат за идните генерации . Оваа приказна е за една од правите битолски легенди, ова приказна е за Петар Милошевски првиот голман на македонската фудбалска репрезентација. Беше нејзин генерален директор кога трагично, во сообраќајна незгода го загуби животот на излезот од Куманово ноќта на 13.03.2014… Како брат на Петар не би раскажувал за неговите професионални успеси кои сите ги знаат, туку за неговата човечка големина, која јавноста не ја познава многу, исто како и за нашиот приватен живот и нашето детство, од кое носам многу анегдоти и убави спомени од едно време кое не е толку далечно и различно од денес. Ние сме деца сирачиња растени со многу љубов и малку пари. Растевме на ул.Солунска каде баба и дедо не чуваа како очите, додека нашата мајка беше на работа. Нашето детство беше многу убаво и како сите деца од тоа време, игравме сѐ и сешто на улица која не беше асфалтирана.

Петар и Јован

Личевме на Лаурел и Харди . Петар беше ситен и многу бесен, а јас бев кроток и многу дебел. Покасно испадна обратно, но тогаш беше така. Од многу мал тој беше со топката во рацете. По цел ден ги бранеше шутовите и на многу повозрасните со кои игравме на улица. Немаше страв од ништо и кога многу ќе удреше никогаш не плачеше. Се сеќавам дека ми купија бел костум со машна, за да учествувам на детски фестивал каде што пеев. После некое време мајка ми не строса двајцата за излегување на шеталиште и му го стави белиот костум на Петар. Не помината пет минути тој се врати со костумот пола зелен. Мала работа, се фрлил на трева по некоја топка. Кога имавме 9 и 10 години се преселивме во РЕМО 2. Се беше ново за нас. Во тоа време тој започна да оди на тренинг во младите на Пелистер. И јас отидов, ама фудбалот не беше за мене. Тој се враќаше од тренинг и пак одеше да игра фудбал со другарите. Со топката во раце беше по цел ден. Малку подоцна не само што го покажа својот талент во Пелистер, туку беше повикан во Југословенската репрезентација суб 21. Полека преминуваше во професионалец и додека јас се обидував да ја разберам тешката литература која ја читав, тој лежеше на својот кревет и ја одбиваше топката од ѕидот. Во тие години знаеше да ги донеси дома неговите другарчиња од на фудбал, кои не беа од Битола, да каснат нешто, а нашата мајка да ги подзакрпи тренерките на сите. Ако брат ми не донесеше никој, од дома ќе земеше некоја тегла ајвар и сирење и ќе отидеше кај другарите. Јас на 19 заминав Шпанија и не бев свесен за огромната преобразба на Петар се додека тој за прв пат не дојде во Шпанија да ме посети. Сите мои книги од филозофија и историја, новели и религија ги прочита и ме надмина во сѐ. Во ’98 година ми се јави да одам Германија затоа што Борусија Дортмунд и ПСВ Ајдховен беа заинтересирани за трансфер. Во меѓувреме влезе во преговори со Трабзон Спорт и иако му беше многу тешко да отиде од Македонија потпиша и замина за Турција. Имаше многу повреди и како секогаш, никогаш не се пожали. Ќе излезеше на вечера со луѓе кои ќе го посетат, ако не го оставеја да плати, тој ќе застанеше кај првиот кој проси на улица и му ги даваше сите пари што ги имаше во џеб.Таков остана цел живот.Скромен, ненаметлив и авторитетен. Ние бевме разделени многу години и се гледавме само кога можевме. Ги памтам многу добро сите наши средби, но последната беше специјална. Последниот пат јас дојдов како изненадување.

На оро со баба Анца

На свадба на нашата братучеда. Никој не ме чекаше, само братучеда ми знаеше дека ќе дојдам и мајка ми имаше претчуство и им велеше на сите дека Јован ќе дојди, а никој не и веруваше. Овие моменти беа едни од најубавите кои ги памтам со целата фамилија. Баба ми Анца стана на оро да игра со нас. Со радосни солзи во очите не гледаше оти тогаш бевме заедно сите. Тоа беше вистинско и незаборавно и чувство во 25-те заеднички години со цела фамилија .

Со братучеда Маика

Следниот ден беше последниот ден. Тој ден зборувавме со голем ентузијазам за проектот за стадион во Битола и за колку многу можи да сѐ направи за младите и за спортот во Битола и тоа со многу малку средства. Имаше извонредни идеи. Како вчера се сеќавам беше недела кога зборувавме последниот пат по телефон. Ми рече: “Бато знајш, го запознав Влатко Стефановски”…

Петар и Влатко Стефановски

За мене Влатко секогаш бил пример на голем човек и музичар. Тој се вратил дома и на својата жена за Петар и рекол: “Да ти кажам каков човек запознав, “ЧУДО” од човек.” Анегдоти и сведоштва Во една прилика двајца кабадаи решиле да видат колку сила има голманот Петар и почнале безпотребно да го провоцираат. Тој ладен камен, не возвраќал. Решиле физички да го нападнат и го удриле. Петар се вратил дома и рекол дека паднал, а во себе мислел “Прости им Господи оти не знаат што прават”. Двајцата насилници насекаде се фалеле дека Петар Милошевски го истепале. Подоцна некој кој ги слушнал им рекол: “Што ако сте двајца, ако Петар сакаше да ви врати тоа ќе беше друга приказна.” Некои луѓе кои имале мака му биле потребни пари за операција на нивното дете во странство. Му се обратиле на Петар за помош. Петар се распрашал кај сите доктори кои ги знаел и им дал толку пари колку што му требале со напомена да не биде спомнат никаде… Поминувајќи некое време нашата мајка се движеше по улица. Од една страна и пријде едно непознато дете кое ја гушна и му рече ” Тетке, вашиот син ми го спаси животот, цел живот ќе му бидам благодарен и ќе се молам за него “… Нашата мајка и ден денес не ги познава луѓето на кои Петар им помогна. Сеуште многу не се знае што правел, за кој и како… Вакви сведочења има и наоколу во светот каде што бил. Турција , Кипар или каде и да е ќе најдите по нешто. Света Гора одеше со душа, за да се моли и и да бара божји благослов, кој секогаш го бараше кога сакаше нешто да направи. Беше сакан заради својот талент работа и невидена скромност како и човечки вредности кои не постојат ден денес . Се сеќавам кога стигнав пред Соборен Храм во Скопје. Ја фатив мојата мајка за рака која во тој момент имаше тешка болест.Таа храбро ми рече : Синко да бидиме мирни и соземни. Ноќеска сон видов: “Сакав свеќа да запалам за брат ти, а тој беше толку високо што не стигав, Господ да ми даде сила да издржам на нога, оти има многу луѓе . Имаше 40 свештеници на опелото, бројни делегации од Кипар и од Турција кои дојдоа за последен пат да се поклонат пред него. Другиот ден после погребот, утрината во шест сатот, газдата на еден од фудбалските клубови за кои играше во Турција, ако муслиман, беше забележан како со отворени раце се моли пред неговиот гроб. Малку се тие кои во своите четириесет години на овај свет направиле толку многу во сета смисла на животот… ВЕЧНА ТИ СЛАВА БРАТЕ ! Би Ве замолил вас, сите вие кои го мислите истото како мене, го сакате и чувствувате, да се придружите на иницијативата за името на стадионот во Битола. Тоа мислам е единствен начин Битола да му се оддолжи на Петар Милошевски кој е вистински пример за човечка големина. Текст и фотографии Јован Милошевски-брат на Петар Милошевски Извор: БабамБитола.мк

Погледнете зошто календарот на магазинот „LOVE“ е „најжешкиот“ календар на светот! (ВИДЕО)

Антонио Димитриевски — Sun, 03 Dec 2017 08:56:48 +0000

Слаби, буцкасти, голи, облечени, намачкани со масло, извалкани во брашно... и сите се страотно секси! Календарот на списанието "LOVE (Љубов)" е попровокативен од кога и да е досега, а видеото од снимката со неговата најава е толку скокотливо што никого не остава рамнодушен.

Од најпознатите "сајз плус" модели како Ешли Греј, преку убавиците Емили Ратајковски, Кендал Џенер, Џиги и Бела Хадид, па се до Хејл Болдвин и Дјусен Крос...

Во 104-секунди снимка, се менуваат секси кадри преплавени со еротски убавини кои ги дразнат сетилата.

Како и секоја година, обожавателите веќе почнаа да ги избираат своите омилени сцени.

Погледнете го видеото со најавата за календарот на "LOVE", па самите одберети си ја својата омилена... сцена:

https://www.youtube.com/watch?v=vR3GJcsKwzE