лара иванова – Вистина.мк

Лара Иванова не е сама: Ова е момчето на македонската поп пејачка со кое е во четиригодишна љубовна врска

Антонио Димитриевски — Fri, 09 Feb 2024 11:01:53 +0000

Младата пејачка Лара Иванова по макфестовската дует-песна „Бела“ со Пајак која стана не само мегахит туку и видеофеномен со над 25 милиони прегледи на Јутјуб и самата се вивна кон врвот на популарноста во друштво на најголемите македонски поп ѕвезди од помладата генерација. Зачестија радио и ТВ гостувањата, нејзиниот лик осамна насловниците на порталите, се почесто почна да дава изјави и интервјуа, рапидно порасна бројот на нејзините настапи, а потоа се појавија и нејзините нови песни... Со еден збор Лара после „Бела“ естрадно се етаблира. И додека јавноста, особено онаа во која помладата публика го наоѓа својот интерес, почна да открива и дознава многу работи за кариерата на „распеаната балерина“, љубопитноста ја надмина професијата, па многумина, особено помлади момчиња почнаа да се интресираат и за приватноста на долгоногата поп пејачка. Оние што ја знаат одблизу и се во нејзиното најтесно опкружување многу добро знаеја дека Лара Иванова не сама кога се емотивното дружење и љубовта во прашање. И тоа не е сама оддамна, зашто пејачката е во во четиригодишна врска иако истата не ја споменува и не сака многу јавно да ја експонира. Токму деновиве таа и нејзиното младо момче Александар Војнески прославија четири години од нивната „љубовна романса“ со фото-колаж на Инстаграм, на кој се собрани фотографиите од најразличните заеднички моменти кои ги вљубените гулапчиња ги поминале заедно. Фотоколажот осамна на Инстаграм профилот на младиот љубовник кој на „важниот датум“ го објави на своето стори и шеговито напиша: „4 години ја трпам“! При тоа изразувајќи ја својата љубов со додаден емотикон на срце! Инаку момчето на Лара е исто така музичар, виолинист и со пејачката се во емотивна врска отприлика од нејзината 16-та година. Тој своето музичко образовние го започнал на седум годишна возраст во ДМБУЦ „Илија Николовски Луј“ во Скопје. Првите години од изучувањето виолина станале клучни за тој не само да развие огромна љубов кон музицирањето, туку и понатаму да одлучи дека патот на музиката преку виолината е токму неговата идна професионална и животна определба. Тој сега е на студии по виолина при Музичката академија во Љубљана, Република Словенија. Праксата еден на друг јавно да си ги честитаат значајните датуми со колаж заеднички фотографии преку нивните Инстаграм профили, всушност не е познато која ја започнал, иако и Александар на Лара, а и таа нему на сличен начин му го честиташе роденденот... „Роденденско момче, те сакам“ - напиша тогаш Лара која неодамна објави две нови песни. Едната со наслов „Ме сакаш кога ме немаш“ и оваа последната, дуетот со Јосиф „Сите светла“. А што се однесува до љубовта со колегата, која сега е на преточена во љубов на далечина... Белким километрите нема да бидат причина да се случи она непишано правило: „Далеку од очите - далеку од срцето“, па оваа принудна дистанца само ќе ја зацврсти нивната љубовна романса! Фото: Фејсбук и Инстаграм/aleksandarvojneskii/_lara.iv_

Лара Иванова и Јосиф Ристовски заедно ги запалија – „Сите светла“ (ВИДЕО)

Антонио Димитриевски — Tue, 06 Feb 2024 13:50:06 +0000

Лара Иванова и Јосиф Ристовски го објавија нивниот прв дует „Сите светла“. Станува збор за трендовски хит, затоа што за само неколку дена има илјадници прегледи и лава позитивни коментари и реакции од македонската публика, но и од регионот. Автори на текстот и на музиката се Лара и Јосиф, за аранжманот се погрижи единствениот Дарко Димитров, а за видео записот Томислав Живковиќ, кој и овојпат целосно ја долови пораката на песната и на целиот музички проект му даде ексклузивна нота. „Сите светла“ се вперени кон Лара Иванова, затоа што во новиот видео запис се појавува во уникатно и впечатливо издание, а Јосиф одлично ја дополнува со својата улога. Диско ритам, младешка енергија и гламур, „Сите светла“ претендира да стане нов хит, кој ќе остане запаметен во македонската дискографија. „Песната излезе многу спонтано. Работевме во студио и после две-три демо снимки ја направивме „Сите светла“. Јас сум презадоволна од оваа соработка. Коментарите од публиката се позитивни и тоа многу ме радува. Јосиф е доста флексибилен за работа и многу е креативен, па затоа беше задоволство да се соработува со него. Секако не застанувам тука, работам на многу нови проекти, што значи дека во многу скоро време повторно може да очекувате нешто ново од мене“, вели Лара. Лара Иванова е редок пример на артист кој неуморно работи и во континуитет создава музика за својата публика и за домашната музичка сцена. Освен тоа, нејзината посветеност и ентузијазам резултираат со успеси, а еден од нив допрва треба да го потврди и дуетот со Јосиф, над кој сега се вперени „Сите светла“:

Лара Иванова во нова љубовна приказна – „Ме сакаш кога ме немаш“ (ВИДЕО)

Антонио Димитриевски — Mon, 18 Dec 2023 07:31:04 +0000

Лара Иванова стана машироко позната по макфестовскиот дует со младиот македонски пејач „Пајак“ и нивната песна „Bella“, која стана регионален балкански хит и достигна над 35 милиони прегледи на Јутјуб. Оттогаш наваму кариерата и е во константен подем иако останува впечатокот дека младата пејачка се' уште е недоречена и има уште потенцијал во неа за многу поголеми достигнувања. По годинешната летна песна „Нека гори“ дело на Иван Јованов - Ивајо, Лара решила да го смени и авторот на музиката и на стиховите, обидувајќи се и самата да се промовира како коавтор на новото музичко остварување, „Ме сакаш кога ме немаш” како што гласи новата песна на младата пејачка. Музиката и тектот се на Лазар Цветковски и самата Лара, продукцијата и арнжманот на Лазар. Промена заради промена или обид да се чепне од богатата хитовска ризница познатиот македонски хитмејкер, но и да се промовираа сопствениот талент за авторство, знае само самата пејачка и тимот кој стои зад неа. Времето ќе покаже дали Лара има капацитет она што како кредит го „заработи“ во дуетот со Пајак и нивната „Бела“, сега самата како соло артист да го претвори во влог за квантен скок во кариерата или обидувајќи да биде сама свој мајстор ќе го потроши и прокоцка заради лоша проценка? Темата „Ме сакаш кога ме немаш” ја промовираше на својот YouTube канал заедно со видеоспот кој го потпишува Томислав Живковиќ, видео кое помалку наликува на оние ретро македонски видеа од 90-те години, но сепак е доволно функционално за да ја следи и визуелно да ја долови атмосферата во целата мелодија. Вообичаена љубовна приказна која многу повеќе ќе ја придобие тинејџерската публика, отколку играта на карта на сексапилот на Лара, која сепак послатко и поубедливо делува како наивна тинејџерка отколку како некаква секси риба во друштво на екипата статисти како машкиот модел Филип Додевски и девојките, Миа Ристеска, Анастасија Синадинова, Јована Лалчевска, Калина Александар и Тина Димковска. Тајмингот за промоција на песната не случајно е избран да биде пред Нова Година, што може да биде и плус и минус во сета таа новогодишна еуфорија. Во продолжение погледнете го видеото и преслушајте ја лара Иванова и нејзината најнова тема „Ме сакаш кога ме немаш”…

Панче Касапски ја визуелизираше макфестовската балада која не само што одлично помина, туку и ќе остане – „Помини“ (ВИДЕО)

Антонио Димитриевски — Fri, 10 Nov 2023 13:46:53 +0000

Еден од најперспективните македонски композитори и изведувачи од новата поп генерација, пејачот Панче Касапски го претстави својот нов видео запис за баладата „Помини“ која премиерно ја изведе годинава на Фестивалот за забавни мелодии Макфест 2023 во Штип. Спотот е направен на познати локации во Стокхолм, Шведска, изработен под директна палка на Мерт Арслани. Композитор и аранжер на оваа прекрасна балада е самиот Касапски, текстот е на Робин Зимбаков, младата пејачка Лара Иванова ги пее пратечките вокали, а миксот и мастерингот е на Роберт Билбилов. „Помини види колку те сакам, помини види колку се лажам дека без тебе сѐ уште можам, а добро знам дека ти си ми под кожа“ е дел од текстот на баладата што ги освои срцата и симпатиите на публиката. Касапски за првпат на македонската музичка сцена се појави на Макфест во 2013 година и оттогаш бележи голем успех со бројни хитови, како „Наивно“, „Намини ноќва“, „Уште си ми ти“, каде Касапски се потпишува како композитор. Значаен успех Панче Касапски постигна со авторската композиција во соработка со Лара Иванова во дуетот „Само сврти се“. Оваа песна беше на врвот на сите топ листи во Македонија. Тандемот Касапски-Иванова ја продолжуваат традицијата на создавање автентичен македонски поп сензибилитет, преточен во современ светски звук актуелен на денешното време и светската поп продукција и композиција. Во продолжение погледнете го видео спотот за макфестовската „Помини“:

Доколку не беше пејачка еве што би била: Лара Иванова одговараше на Инстаграм прашања и ги откри своите амбиции (фото)

Слаѓана Атанасова — Wed, 04 Oct 2023 09:50:26 +0000

Младата пејачка Лара Иванова која ги освои срцата на публиката особено со фестивалскиот хит „Бела“ испеан во дует со Пајак на минатогодишниот „Макфест 2022“, е се' повеќе барана меѓу естрадните имиња. Доказ за тоа се позитивните коментари кои ги добива, но и многубројните прашањата од нејзините обожаватели кои со нетрпение и пишуваат и ја прашуваат кога и каде ќе пее, преку Инстаграм прашањата на кои таа се одлучи да им одговори и јавно да ги сподели. Меѓу нив имаше и доста лични прашања со цел следбениците што подобро да ја запознаат пејачката. Таа сподели и една стара фотографија кога ја сними нејзината прва песна за детскиот фестифал „Супер Ѕвезда“на свои 5 години и беше јасно дека Лара допрва ја чекаат големи нешта. Потоа откри и што би била доколку не беше пејачка, на што таа кратко и јасно одговори дека нејзиниот избор би бил балерина или актерка. Затоа откри дека токму тоа и го студира: „На ФМУ, балетска педагогија“. Пејачката кажа дека е висока 172 сантиметри, споделувајќи и фотографија на која позира како вистинска манекенка. Тука се најде и прашањето за нејзините усни, дали се природни, а таа гордо потврди дека нема направено никакви естетски корекции. Но, на интимното прашање дали има момче, таа одговори само со еден емотикон во облик на срце. Секако, подготвена е за голема љубов , но најмногу од сѐ, бескрајно ги сака нејзините фанови. Фото: Принтскрин/Инстаграм/Лара Иванова

Се топи до неа додека таа му пее и го мази: Тој има посебно место и третман кај Лара Иванова (видео)

Слободанка Илиева — Sat, 16 Sep 2023 07:03:54 +0000

Девојката која ја разбуди и раздвижи македонската музичка поп сцена пред две години, Лара Иванова, станува се поактуелна, попопуларна и барана меѓу естрадните имиња. Таа е меѓу оние што се уште не го веривицирале профилот на Инстаграм, иако има доста следбеници, Лара е млада и скромна, па токму поради тоа можеби и публиката ја сака, а несомнено тука е и талентот кој таа го поседува.

View this post on Instagram

A post shared by Lara Ivanova (@_lara.iv_)

Неодамна за своите следбеници постави видео на кое ја пееше баладата „What was i made for?“ од Били Ајлиш, а за нежната и емотивна изведба доби грст пофалби и ласкави коментари за светка на пеењето.

View this post on Instagram

A post shared by Lara Ivanova (@_lara.iv_)

Сепак, оној што го украде вниманието беше оној што таа го мази, а тој се кроти и преде во нејзините раце, шарениот мачор кој очигледно и дава позитивна енергија и топли вибрации. Лара е љубител на животните и не ретно ја гледаме во друштво на крзнени пријатели, но овој домашниот е пред секого и сите, со особена привилегија зад четири ѕида. фото:Инстаграм принтскрин/Лара Иванова/@gogorzr

Ова малечко девојченце денес е ултра позната македонска ѕвезда и рамо до рамо со своите идоли од детството (фото)

Слободанка Илиева — Sat, 02 Sep 2023 07:44:35 +0000

Таа е млада, талентирана, харизматична и со ѕвезда над себе која ја следи во патот кон успехот од нејзината музичка карира. Од детски фестивалчиња, па се до избор на песна за Евровизија и хитови кои и станаа омилени на тинејџерската публика. Лара Иванова некогаш фан на своите идоли како Елена Ристска и Ламбе Алабакоски, а денес рамо до рамо на иста сцена со нив, само порасната тинејџерка која сигурно чекори по патот до успехот.

View this post on Instagram

A post shared by Lara Ivanova (@_lara.iv_)

Лара ги има сите асови во рака, а кога во игра ќе влезат уште неколу хитови, тогаш публиката се множи, а кога ќе се спомене Лара, веќе сите почнуваат да знаат за кого станува збор. Како публиката, така и медиумите веќе будно ја следат Лара Иванова која уште од мали нозе ги покажувала своите музички афинитети. „Бела“ која ја отпеа со Пајак веќе ја знае речиси секој, а брои и милионски прегледи на Јутјуб.

View this post on Instagram

A post shared by Lara Ivanova (@_lara.iv_)

Оваа згодна и атрактивна талентирана убавица, пред своите следбеници покажа фотографии од многу малечка, па и такви каде е рамо до рамо со Елена Ристеска и Ламбе. Токму пред неколку дена таа настапи на „Струмица опен“ каде пееше и нејзиниот поискусен колега, а некогашен идол Ламбе. Моментот вредеше да се овековечи, а истиот осамна на социјалните мрежи. Самата за себе вели дека нејзиното време допрва доаѓа, а и ние веруваме во истото. фото: Инстаграм принтскрин/Лара Иванова

Речиси сите ги видовме во бикини, а овој пат дојде редот на Лара Иванова: Бујните гради на стројната убавица стиснати прелеваат од лево и десно (фото)

Слободанка Илиева — Thu, 03 Aug 2023 07:29:32 +0000

Летото е време кога неминовно осамнуваат разголени фотографии од сите, но оние во фокусот се најчесто познатите. Предност имаат оние поатрактивните, а особено тоа место е резервирано за побујните дами. Ова лето 2023-то вакви видевме доста, а овој пат редот и дојде на младата и популарна пејачка Лара Иванова.

View this post on Instagram

A post shared by Lara Ivanova (@_lara.iv_)

Откако беше работно посветена на издавањето на новата песна „Нека гори“, па си доби и позитивен фитбек, Лара задоволна се спакува и замина на одмор и релаксација.

View this post on Instagram

A post shared by Lara Ivanova (@_lara.iv_)

А кога нештата се под конец, особено на нејзина возраст, тогаш се' оди како подмачкано. Лара на својот Инстаграм профил објави фотографии од одморот, а на истите позира во портокалово бикини со кое ја покажа нејзината извајана фигура. Бујните гради стиснати во горниот дел ѕиркаат од страните и прелеваат од лево и десно.

View this post on Instagram

A post shared by Lara Ivanova (@_lara.iv_)

Во денешно време влез на сцената нема без барем мала доза на првокација, а Лара веројатно тоа добро го сфатила. Пејачка под фотографиите доби пофални коментари, а дел од нив се: „Моја божица“, „Гориш“, „Сирена“, „Преубава и презгодна“, „Топ тело, топ вокал“... Се на се' млада, талентирана, згодна и подготвена на работа која досега и донесе само успех. фото:Инстаграм принтскрин/Лара Иванова

Лара Иванова е убедена дека ова лето е нејзино – „Нека гори“ (ВИДЕО)

Антонио Димитриевски — Mon, 17 Jul 2023 06:41:58 +0000

Лара Иванова, девојката која ја разбуди и раздвижи македонската музичка поп сцена пред две години, продолжува со засилено темпо и ова лето. Нејзиниот талент, амбициозност и желба уште еднаш покажаа дека нештата кои се работат со посветеност и многу љубов вродуваат со плод. Нејзината нова тема „Нека гори“ ја има моќта да ве подигне и натера да танцувате и да се препуштите на убавината на звуците и енергичниот бит, кој наговестува уште еден музички летен хит. „Нега гори” е дело создадено од македонскиот музички продуцент Иван Јованов – Ивајо и Робин Зимбаков. Како важен дел од музичката кариера на Лара Иванова е дуетот со младиот македонски пејач „Пајак“ и нивната песна „Bella“, која стана регионален балкански хит и достигна над 22 милиони прегледи на Јутјуб. Тие минатата година се претставија со овој хит на најголемиот музички македонски фестивал „Макфест“. Овој дует е најсериозниот кандидат за добивање на наградата најслушана песна помеѓу две изданија на фестивалот. Покрај настапот на „Макфест“, минатата есен Лара беше номинирана за регионалните Mac награди во две категории со песните „Ремек дело“ и „Јас против целиот свет“ кои се во соработка со македонскиот пејач, продуцент и композитор Роберт Билбилов. За каков музички талент зборуваме, Лара го покажа со добивање на наградата за „Најперспективен артист“ на 26. издание на „Златна бубамара на популарноста“. Се надеваме дека овој нов музички производ ќе биде уште еден нејзин хит кој ќе го продолжи патот на нејзината успешна музичка кариера.

Христијан Настески – Пајак: „Песна како ‘Бела’ се случува еднаш во цела кариера“ (ВИДЕО)

Антонио Димитриевски — Thu, 02 Feb 2023 11:42:15 +0000

Христијан Настески во јавноста познат под уметничкиот прекар „Пајак“ е талентирано момче кое ни доаѓа од убавиот Охрид, а пополека но сигурно го освојува Балканот. Инаку тој е студент во прва година на студиите по информатика. Со музика започнал да се занимавам уште од негова шестгодишна возраст, талентот го наследил од неговиот татко кој е поранешен гитарист и љубител на рок музиката. На минатогодишното издание на Фестивалот на забавни мелодии „Макфест 2022“ во Штип, младите и атрактивни Христијан Настески-Пајак и Лара Иванова заедно во дует на сцената ја претставија нивната најнова заедничка песна „Bella“, која што верувале или не, за кратко време стана тотелен хит буквално во целиот регион. Песната стана вирална, после нивниот настап на YouTube веднаш беше промовиран и постиран и официјалниот видеоспот за истата, која веќе ја знаат и во соседна Србија, Црна Гора, Бугарија, Хрватска… во целиот екс-ЈУ регион и пошироко... Речиси насекаде низ Балканот. Во ексклузивно интервју за естрадниот ТВ магазин “Бекстејџ”, Пајак откри дека “Бела” е песна која еднаш се случува и дека следува уште еден дует со Лара, а во меѓувреме наскоро излегува и дуетот со познатиот српски изведувач МС Стојан. Што се' друго кажа Пајак, проследете во видеоинтервјуто во продолжение (КЛИКНИ ТУКА):