Сите и се смееја: Водителката на „Гранд“ направи лапсус на снимање од кој едвај се извлече

Слободанка Илиева — Thu, 05 Nov 2020 10:44:07 +0000

За време на емисијата „Ѕвездите на Гранд Специјал“, во која гости беа Неда Украден, Жељко Васиќ, Тијана еМ и Александар Милиќ Мили, водителката Весна Милановиќ направи лапсус кој ги насмеа сите во студиото, а еден член на жирито малку и забележа. После една игра започна приказна за поп музиката, па Весна сакаше да каже дека гостувале сите поп-пејачи, па и се обрати на Неди Украден и направи лапсус. - Брено, ти си ... - ја започна реченицата Весна и предизвика громогласно смеење. - Се збунив, сакав да го кажам Недо. Но, што не е во ред да се биде Брена. Скоро и двете славевте родендени, па ве измешав – проба да се извлече водителката.

Марјана Станојковска со нов „бисер“: Пред 10 години ја повика на сцена да прими награда покојната Сашка Петковска, а сега наместо уредничката на МТВ Мери Попова да додели награда, водителката на сцената покани покојна актерка! (ВИДЕО)

Антонио Димитриевски — Mon, 21 Sep 2020 08:28:48 +0000

Помина уште еден „Макфест“... Јубелејниот 35-ти, и покрај сите тешкотии, проблеми, недоумици и ризици заради Ковид -19 епидемијата, организаторите го истуркаа во најдобар ред... Со оглед на околностите - повеќе од задоволително. Важно беше традицијата да не се прекине токму на јубилејот, да не се заборави огромното творештво и сета музичко-културна оставштина што штипскиот фестивал на забавни песни и ја остави на Македонија и нејзините поколенија и да се чекаат подобри денови, за уште поблескави и понеаборавни мигови, за нови хитови и евергрини. А „Макфест“ несомнено произвел и зад себе оставил стотици такви. Затоа и беше важно без оглед на се', да се одржи и да го има! И бидна, а на него учествуваа и старите проверени македонски музички ведети и новите „деца“, младите пејачки имиња кои допрва доаѓаат, а од нив за некоја година поединци ќе им се приклучат на првите. Од водителските ведети секако сите ја паметат Вера Јанковиќ - некогаш неизоставната домаќинка на сцената на фестивалскиот Штип и сегашната, последниве години водителска алтернатива, моделот и лото девојка Марјана Станојковска. Убава, згодна, сатрактивна, секапилна... Арно ама, модната писта е едно, а фестивалската сцена нешто сосема друго. На првата доволна е само естетиката, додека на втората харизмата, шармот, умеењето со микрофонот, владењето на говорот, динамиката на најавите, сценскиот ритам и гестикулациите во однесувањето... и уште многу други нешта ја создаваат „водителската магија“ на она нешто што еден водител „го има или нема“, го носи или не во себе, нешто што го прави уникатен, специфичен, единствен, различен од другите. Без претензии да правиме компарации помеѓу некогашната и сегашната, ама и овој „Макфест“ не помина без „бисери“. Највоочлив оној водителскиот на Марјана, на која и по повеќе од една деценија „историјата и се повторува“. Имено, Марјана во една од најавите презентирајќи го името на наа која треба да додели една од наградите наместо уредничката ка Културно-уметничката програма на МТВ, Мери Попова, на сцената ја покани да се појави покојната актерка. Марјана и го погоди името на уредничката, ама и го утна презимето, па наместо Мери Попова, испадна дека ја повикува некогашната македонска актерска легенда, покојната Мери Бошкова! Да не е „трагично“ би било смешно, зашто веќе по втор пат на Маријана во водителска улога и се повторува „сценски викенд на мртовци“! Имено, на лото девојката во улога на водителка пред повеќе од десет години на една манифестација и се случи истото. Тогаш Марјана на сцената ја повика легендарната македонска пејачка на забавни песни да прими награда, иако истата беше покојна, откако трагично загина во сообраќајна несреќа 25 и кусур години претходно: „Ја повикувам на сцената Сашка Петковска да го прими признанието“, најави тогаш водителката Марјана Станојковска на промоција на цедето „Кирилицо испеана“ во МОБ. Тогаш младата водителка и манекенка се збуни, па на сцената ја повика легендарната македонската пејачка која трагично загина во сообраќајна несреќа кај Свети Николе во 1983 година. Нејзиниот колега на сцената Александар Блажевски набрзина ја извади ситуацијата, и рече дека признанието за испеаните хитови ќе го прими нејзината ќерка Сандра Липша. Станојковска веднаш се извини за грешката, па на сцената го повика и авторот на евергринот "Бакни ме", сега исто така веќе покојниот Тодор Бојаџиев да ја прими наградата. Маријана Станојковска другиот ден изјави дека многу и е жал за грешката. Таа тогаш рече дека се надева оти семејството на Сашка Петковска ќе и прости и прогледа низ прсти. „Во сценариото, кое беше пред мене, за сите наградени го пишуваше истото: 'Плакетата оди за'... Затоа настана мала забуна и наместо да речам ја повикувам ќерката на Сашка Петковска, Сандра Липша, јас го изговорив името на покојната пејачка. Јас сум млада и ова ми беше прво искуство да водам програма во живо. Родена сум во 1984 година, па не знам многу за кариерата на Сашка Петковска, која на почетокот ја мешав со Нина Спирова. Во оваа пригода сакам да му се извинам на семејството и се надевам дека ќе ми простат и ќе ми прогледаат низ прсти. Луѓе сме, грешиме"- изјави тогаш Марјана. Сега не е ниту така млада, во професијата секако, ниту и е ова прво фестивалско и воопшто сценско искуство... Годините минуваат, а грешките за жал, одново се повторуваат. Останува да чекаме само на ново извинување на водителката, кое од Марјана Станојковска не го слушнавме вечерта на макфестовската сцена, а нејзиниот гаф го прокоментираа и некои од колегите новинари! Кликнете ОВДЕ за да го видите ВИДЕОТО со моментот на ВИСТИНА(ТА):

Тања Савиќ за своите лапсуси: Не е „вокабулатор“ – крива е ракијата

Слободанка Илиева — Thu, 30 Aug 2018 07:41:53 +0000

Пејачката Тања Савиќ е позната по урнебесните лапсуси кои и се прилепуваат со години. Во прашање е трема, односно ракијата која ја пие поради трема. -Кога давам интервју на диктафон, нема проблем. Меѓутоа, кога ќе се вклучи камерата јас во ист момент се блокирам. Имам преголема одговорност кон себе и кон семејството, размислувам за илјада нешта и секогаш се случува карамбол, вели Тања за „Хит информер“ и додава: -Кога гостував кај Огнен Амиџиќ, знаејќи како тип на емисија е и дека може да се случи некој лапсус, јас испив три ракии на екс и тоа беше грешка, верувајте ми. Кога ќе се помешаат тремата и промилите добиваш инцидент, од типот на „вокабулатор“, вели пејачката.

Кралица на лапсузот: Тања Савиќ повторно се избламира

Христина Ѓоргиевска — Thu, 26 Apr 2018 11:25:29 +0000

Пејачката Тања Савиќ во јавноста е позната по своите лапсузи. А сега тоа уште повеќе го потврди. На прашањето што користи за опуштање пред настап Тања даде шокантен одговор: - Лепеза да ме олади, изјави Тања низ смеа, а кога го сфати прашањето одговори: -Не конзумирам алкохол додека настапувам.

Исто така Тања ја прашаа каде е нејзинот сопруг, дали се во ред или можеби се дестанцирани, а потенцираше дека само си ја работи својата работа и нема потреба да ја прашуваат за сопругот. фото: Дамир Дервишагиќ, Драган Кадиќ

лапсус – Вистина.мк

Сите и се смееја: Водителката на „Гранд“ направи лапсус на снимање од кој едвај се извлече

Тања Савиќ за своите лапсуси: Не е „вокабулатор“ – крива е ракијата

Кралица на лапсузот: Тања Савиќ повторно се избламира