Аца Лукас, Бојана и Ламбе на „Каменичко културно лето 2023“

Антонио Димитриевски — Tue, 22 Aug 2023 12:32:34 +0000

Во склоп на Каменичко културно лето 2023, а по повод Денот на Општина Македонска Каменица и Денот на рударите, српската турбо фолк ѕвезда Аца Лукас ќе одржи концерт на оваа позната регионална манифестација. Организатор на манифестацијата е Општина Македонска Каменица и Културно-информативен центар ,,Романса”. Покрај настапите на културно-уметнички друштва и спортските натпревари, музичката програма започнува на 26-ти август со Силви Бенд и Наум Петрески, на 27-ми август на програмата се Зуица Лазова и Дамјан Стојановски, а на 28-ми август пред Лукас ќе запеаат Бојана Скендеровски и Ламбе Алабакоски.

„Вечниот Бог“ со Антониа, Ламбе и Златно Славејче

Антонио Димитриевски — Mon, 26 Dec 2022 10:07:06 +0000

Третата верзија на „Вечниот Бог" со Антониа Гиговска, Ламбе Алабаковски и Златно Славејче - е снимена! Инструменти, вокали, хорче - мелодијата на најпопуларната божикна песна кај нас, со освежен аранжман, е комплетирана! За доживувањата во студио ќе Ви раскажеме деновиве низ видео, а сега вредно продолжуваме со работа во Охрид, каде што започнува снимањето на спотот. Каква божикна приказна скрои генијалниот ум на нашиот режисер Дејан Пројковски и неговите соработници, ќе видите за само неколку дена.

Наближуваат Бадник и Божик, нашите обврски, но и радоста се множат! Низ цела наша држава, во 50 градови и населени места во тек се подготовките за Бадниковите поворки на радоста што на 6-ти Јануари ќе чекорат низ улиците на Скопје, Охрид, Струга, Кичево, Прилеп, Крушево, Штип, Струмица, Велес, Кавадарци, Неготино, Гевгелија, Битола, Тетово, Гостивар, Дебар, Куманово, Крива Паланка, Македонски Брод, Виница, Кочани, Св.Николе, Радовиш, Делчево, Пробиштип, Македонска Каменица, Валандово, Берово, Демир Капија, Велгошти, Дебрца, Враништа, Ростуше, Банско, Ново Село, Зубово, Сушица, Ново Коњарево, Гази Баба, Кисела Вода, Аеродром, Центар, Ѓорче Петров, Чаир, Бутел, Илинден, Петровец, Чучер Сандево и Бардовци. Во тек се редовни проби, но и работилници за изработка на ѕвездички, за ниедно дете да не остане без божикна ѕвезда.

Да потсетиме! Децата во поворките ги симболизираат ангелите што го најавуваат Христовото Раѓање, а ѕвездичките што радосно ги веат над своите озарени лица се водилка кон местото каде што се раѓа Богомладенецот. Симболично прикажано, кај нас тоа е патот до божикната пештера во која е претставен целиот настан на Божик.

Во текот на овој подготвителен период, се поставуваат и божикните пештери и подготвуваат малите божикни концерти што ќе се одржат на плоштадите во поголемите градови во Републиката, како и хуманитарните акции што најдоцна до 5-ти Јануари треба да снабдат што повеќе семејства со храна за празниците.

ламбе – Вистина.мк

Аца Лукас, Бојана и Ламбе на „Каменичко културно лето 2023“

„Вечниот Бог“ со Антониа, Ламбе и Златно Славејче