ламбе алабаковски – Вистина.мк

Ламбе долго време ја криеше сопругата, а сега откри каде лежи зајакот за среќа во бракот (фото)

Слободанка Илиева — Thu, 07 Dec 2023 09:00:17 +0000

Ако до пред седум години речиси и заборавиме на поп пејачот Ламбе Алабаковски кој живееше во Америка, денес постојано го гледаме на телевизија, концерти, социјалните мрежи... Ламбе е на домашен терен, сеприсутен, предан на семејството и секако на музиката на која и се врати како порано. Ова е особено изразено откако се случи скандалот со подметнатиот пожар во бугарскиот клуб „Ванчо Михајлов“ во Битола. Преспанчанецот со битолка адреса, си се врати на стара и позната територија, а со него и сопругата и децата. Иако многумина кои тргнале во потрага по подобар живот не им текнало да се вратат назад, Ламбе е меѓу ретките повратници на млади години. Во една емисија неодамна кажа дека не сака неговите наследници да растат и да се градат според тамошните вредности, туку да го научат она што им е свое, во корените – македонското. -Дома чувството е неописливо со зборови. Благодатно, исполнето, душата на место и секако носталгијата е побиена, ја снема! Среќни сме сите многу , кога си отсутен повеќе време учиш сè повеќе да цениш што е татковина и дом“, изјави Ламбе во едно интервју. Поддршка во одлуките како семеен човек очигледно има од сопругата Магдалена. Пејачот не преферира да ги меша приватноста и јавниот живот, така што заеднички моменти со саканата одамна не сме виделе, се досега. Без повод, но веројатно со причина, Ламбе и Магдалена направија една заедничка фотка за на Фејсбук. Слика и прилика на среќна брачна двојка, стиснати еден до друг, насмеани, особено таа. Во оваа насмевка Ламбе ја откри и едноставната шема за поубав и хармоничен брачен однос кој е видлив на прва и тоа кај Магдалена. -„Happy wife, happy life“ или во превод од „среќна жена, среќен живот“, толку едноставно, друри со рима, но веројатно силно комплексно до крајниот среќен исход. Ламбе очигледно си ја научил лекцијата од поодамна, а со оглед на тоа дека цела деценија функционираат заедно покрај сите промени, адаптации, одгледување и воспитување деца, Ламбе и Магдалена го имаат клучот за складен брак и хармоничен однос. За потсетување, Ламбе Алабаковски околу седум години заедно со сопругата живееше во Детроит . Магдалена по потекло од Битола и по професија медицинар, а на американско тло му ги роди двајцата наследници Михаил и Димитриј. фото: Facebook/ Ламбе Алабаковски

Распеани и прегрнати во кафеана: Ламбе Алабаковски и Стефан Лазаров од тајната што ја открија и самите се изненадија (фото)

Слаѓана Атанасова — Fri, 24 Nov 2023 11:56:55 +0000

Јутјуберот Стефан Лазаров замина во Љубојно и од таму го најави својот нов проект за кој како што кажа одамна не се почувствувал толку исполнето и верува дека на сите ќе им се допадне. Лазаров со камерата од мобилниот телефон гордо ја сними природната убавина наоколу со цел да покаже дека во Македонија има прекрасни места кои треба да ги чуваме. Сепак покажа и како ние (не) си ја негуваме историјата и нашите вредности снимајќи го руинираното училиште „Петар Влахов“, оставено на забот на времето иако е второ во Македонија во кое што македонскиот јазик бил службен . Но, она што ги изненади следбениците е дека обајцата токму во родното Љубојно на Ламбе Алабаковски се сретнале и заедно заминале во кафеана каде расположени запеале македонски песни. А, токму од оваа дружба, излезе на виделина и една тајна која тие за прв пат ја открија и гордо ја споделија со јавноста каде Стефан напиша: „Замисли блиски роднини, а животот дури сега не спојува и тоа во родното село на мојата баба... Така требало да биде“. Веднаш на фотографијата го тагна и Ламбе , а потоа и пејачот ги сподели убавите моменти. Покусо не останаа ниту нивните следбеници кои изненадени од веста ја споделија и на нивните Инстаграм профили, а некои и коментираа дека и двајцата се македонски легенди. Животот редовно не изненадува, а пронаоѓањето на своја крв, близок роднина е големо задоволство за секого, па иако на многумина досега им се има случено да се пронајдат, поради темпото во кое што живееме, сепак при ваквите средби и откритија, секогаш е интересно и возбудливо. Фото: Принтскрин/Instagram/_lazarovv/lambealabakovski

Ѕвездата ја врати ѕвездата на естрадната сцена: Ламбе Алабаковски и Врчак со заеднички настап ги израдуваа фановите (видео)

Слаѓана Атанасова — Tue, 10 Oct 2023 11:55:46 +0000

Ламбе Алабаковски и Раде Врчаковски Врчак вчера после подолг период повторно застанаа еден до друг и заедно ја испејаа песната „Спасете ме другари“. Таа песна тие ја снимија заедно во далечната 2006 година, а сега после толку години со тон емоциии се споија повторно. „Моите молитви се остварија. Ти благодарам Боже, вчера тоа ми се потврди! Верувам дека човекот се враќа во полн и поголем сјај! И да испишиме уште едно време и ера на Македонската сцена и музика“ - напиша Ламбе под видеото кое Ламбе го објави на социјалната мрежи Инстаграм, по повод враќањето на Раде Врчаковски - Врчак на естрадната сцена, по неговото долгогодишно отсуство.

View this post on Instagram

A post shared by Ламбе Алабаковски (@lambealabakovski)

Тие двајца заедно пееја и ги забавуваа гостите на една свадба, а под видеото се редеа позитивни коментари каде многубројните обожаватели оставаа пораки дека би биле пресреќни Врчак повторно да се врати на музичката сцена. „Испишете уште една ера“, „Пораснавме со неговите предобри хитови во 2000-тите“,„Не можам да верувам“ , „Врчак те сакаме“, Врати се“ - беа дел од многубројните пораки. Фото: Принтскрин/Инстаграм/Ламбе Алабаковски

Ламбе со „Оган да го гори“ е првата нумера од пректот „Македонијо во срце те носиме“ (видео)

Слободанка Илиева — Mon, 12 Jun 2023 10:45:44 +0000

„Оган да го гори“ во изведба на Ламбе Алабаковски е првата од предвидените дванаесет нумери што јавноста ќе има можност да ги чуе како дел од проектот „Македонијо во срце те носиме“. „Оган да го гори“ е песна со потписите на две фолк легенди Војо Стојаноски, како автор на музиката, и Гоце Николовски, кој го потпишува текстот. Аранжманот е на Николче Мицевски, кој со огромна одговорност застана пред предизвикот да напише нови аранжмани за сите 12 композиции. „Гоце Николовски е мојот омилен пејач и од детството имав желба да препеам некоја негова песна, со овој проект оваа моја, дамнешна желба конечно станува реалност. Горд сум што сум дел од „Македонијо во срце те носиме“, горд сум што ја отпеав „Оган да го гори“, вели Ламбе. Зад видеото, како и комплетната реализација на проектот, во чии рамки се преработени меѓу најубавите македонски патриотски песни, стои Скендеровски продукција. Идејата за реализацијата на проектот во кој на едно место се собрани 12 песни, 12 изведувачи, а со единствена цел - во овие турбулентни времиња кога често сме негирани како народ кој има своја историја, свое творештво, песни во кои се крие вистината на нашата земја – е да се возобноват најубавите македонски патриотски песни, да им се продолжи векот и да ги приближиме до младите генерации. Освен Ламбе меѓу изведувачите се и Наум Петрески, Сузана Спасовска, Миле Кузмановски, Бојана Скендеровски, ДНК, Огнен Здравковски, Андријана Јаневска, Александар Тарабунов, Мина Блажев, Марија Спасовска, Зуица Лазова, а на списокот песни се „Заветна“, „Налеј, налеј“, „Народе македонски“, „Едно име имаме“, „Земјо македонска“, „Ој, Вардаре“, „Оган да го гори“, „Послушајте патриоти“, „Ми заплакало село Ваташа“ ... Во склоп на проектот наесен планиран е и концертен караван кој под истото име ќе ја обои Македонија во најубавите звуци. Да ја обоиме Македонија со најубавите звуци и да го зачуваме највредното – музичкиот аманет кои ни го оставиле генерациите пред нас. Уживајте во изведбата на Ламбе Алабаковски:

„Радосен и среќен сум што го направив тоа“: Ламбе Алабаковски искрено во „Бомбакис поткаст“ (фото+видео)

Слаѓана Атанасова — Fri, 21 Apr 2023 08:41:21 +0000

Пејачот Ламбе Алабаковски за прв пат јавно се огласи на темата за подметнувањето пожар во културниот центар „Иван Михајлов“ во Битола. Тој гостуваше кај Кристијан Станковски во „Бомбакис поткастот“, и изјави дека бил среќен и радосен за направеното. „Кога ќе имаш такви чувства, собрани повеќе години во себе од љубов спрема татковината и гледаш како се случуваат неправди, тоа беше кулминација на сите чувства, патриотски, кои сите во нас ги имаме, но не ги искажуваме. Не толку експлицитно. Сите ги имаме и ги искажуваме на различни начини. Тоа е тоа, наплив на емоции. Да не ја должам темата. Од денешна перспектива сум многу радосен и среќен од тоа што го направив, бидејќи на крајот од денот, сега после толку време, сето тоа излезе во полза за нашиот народ – дека никој не смее да те провоцира во сопствениот дом и да ти поставува ултиматуми“, рече пејачот Алабаковски. За подсетување, пејачот ланското лето, поточно во јуни беше уапсен за подметнување пожар во културниот центар „Иван Михајлов“ во Битола. Алабаковски за време на истрагата го призна делото, а условната осуда е со утврдена казна затвор во траење од шест месеци, доколку во период од една година не стори ново кривично дело. По пресудата, на пејачот му се вратени двата пасоша, македонскиот и американскиот. Целосното гостување на пејачот Алабаковски во „Бомбакис поткастот“ проследете го во продолжение: Фото: Принтскрин/Јутјуб/Бомбакис Подкаст

Ламбе Алабаковски му беше гостин на битолскиот јутјубер Мими Марковски, а овој бидејќи во емисијата нема спонзори, му подари нешто што пејачот „го запали“ (ВИДЕО)

Антонио Димитриевски — Thu, 13 Apr 2023 07:24:49 +0000

Она што е Стефан Лазаров за Скопје, тоа е Мими Марковски за Битола. Обајцата популарни македонски јутјубери. Овој вториов можеби се' уште не толку познат како првиот, ама затоа е на добар пат да го стигне... или престигне!? Мими Марковски, композитор, музички продуцент и јутјубер, кој како и Лазаров ва своите соло почетоци, има сопствено „драјв шоу“ во кое му доаѓаат познати ликови. Само што Мими ги вози во неговото ЈУГО, испрашувајќи ги седнати на совозачкото седиште како на сослушување. Вообичаено, кариерата, приватноста, онаа на гостинот и на некои од познатите личности - нивни сограѓани и пошироко и релациите и оносите на гостинот со нив се тема на „шоферските муабети“ на Мими. Најчести гости и во Југото, а и надвор од него, разбирливо му се познатите Битолчани или оние кои не се родени, но живеат во Битола... Или пак познатите кои се дојдени по работа и некој друг повод на гости во градот под Пелистер. Низ неговото Југо минале многумина на возење и испрашување, а еден од совозачите на муабет на битолскиот јутјубер му беше и македонскиот пејач Ламбе Алабакоски. Иако не е роден битолчанец, Ламбе по конечното враќање од Америка со семејството сега живее во Битола. Во фокусот на јавноста како што знаете не се врати со песна, туку со „оган и пламен“, откако револтиран ја запали влезната порта на сега веќе избришаниот и непостоечки бугарски (наводно) културен клуб во Битола, со „фашистичко име“. Имено, Ламбе седна во ЈУГО-то на Мими на “гратис таксирање“ низ битолските улици и околината, а јутуберот како што е редот, го прошета и прорешета својот „совозач“ со интересни прашања. Но, покрај муабетот, Мими Марковски, кој патем во емисијата нема спонзори, сепак на пејачот му подари нешто што „го запали“... Или барем може да му послужи за слични дејанија... Како на пример за свеќичките на роденденската торта!

View this post on Instagram

A post shared by Mimi Markovski (@mimi4u16)

Како изгледаше нивниот комплетен Југо муабет, што се' Мими го праша, а што Ламбе кажа, проследете од видеото во продолжение (КЛИКНИ ТУКА):

Ламбе Алабаковски со празнична честитка ги покажа потпораснатите наследници и сопругата (фото)

Слободанка Илиева — Tue, 10 Jan 2023 09:36:49 +0000

Пејачот Аламбе Алабаковски празничниот период беше еден од најактивните изведувачи на македонската естрада, беше во редот и на фолкерите, а заедно и со колегите од забавната сцена. Пееше на сцени на отворено, по клубови, на новогодишни емисии или буквално го имаше секаде.

View this post on Instagram

A post shared by Ламбе Алабаковски (@lambealabakovski)

Откако се врати од Америка, каде со семејството живееше околу седум години, Ламбе и се врати на родната Македонија, но и на музиката. Додуша, како се уште да се бара дали е само за забавно или може и народно, па затоа настапи и на „Валандово фест“, а потоа и на „Макфест“.

View this post on Instagram

A post shared by Ламбе Алабаковски (@lambealabakovski)

Настанот за кој се уште го поврзуваат, а се случи во месец јуни од годината што измина, e тоа што Ламбе беше осомничен за потпалување на вратата на бугарскиот културен центар „Иван Михајлов“ во Битола, издржуваше осумдневниот притвор кој му беше одреден и заменет со куќен, а потоа му беше одземена патната исправа со образложение дека постои можност за бeгство затоа што пејачот има двојно државјанство, македонско и на САД.

View this post on Instagram

A post shared by Ламбе Алабаковски (@lambealabakovski)

Со овој настан народот повеќе го зборуваше, па доби и на актуелност по враќањето од Америка. Алабаковски сега си тера по старо кога е музиката во прашање, има нстапи заедно со бенд и очигледно решил дека најдобро му е на домашен терен.

View this post on Instagram

A post shared by Ламбе Алабаковски (@lambealabakovski)

Сега не е реткост да се ѕирне и во неговата приватност, па така неодамна за своите следбеници на Инстаграм објави и семеен пртрет со своите сакани. Тој позираше заедно со сопругата Магдалена и потпораснатите синчиња Михаил и Димитриј. Иако е реткост да се слушне дека некој од дијаспората се вратил на тукашниот живот, Алабаковски е пример за спротивносто, а за него како дома никаде не е на друго место. фото:Инстаграм/ламбе алабаковски

Во општина „Гази Баба“ се одржа голем музички настан по повод 8-ми Септември

Антонио Димитриевски — Thu, 08 Sep 2022 08:43:22 +0000

Општина Гази Баба по повод 8ми Септември, Денот на независноста на Македонија организираше голем музички настан. Настанот се оддржа вчеравечер, среда, на 07.09.2022 година со почеток од 20:00 часот на плоштадот во Автокоманда. На преполниот плоштад настапија: Некст Тајм, Ламбе Алабаковски, Бојана Скендеровски и Влатко Миладиновски.

Утрово на својата официјална страна на Фејсбук, градоначалникот Бобан Стефковски сподели објава и неколку фотографии. Во својата објава градоначалникот Стефковски пишува:

Моја Гази Баба, Ви благодарам од срце. Повеќе од 5000 граѓани на плоштадот во Автокоманда порачаа: Ние сме Македонци и нашата татковина е Република Македонија. Нека е вековита самостојна, суверена и независна Македонија. – напиша Стефковски.

Заврши куќниот притвор за Ламбе, сега пејачот веќе има план за спој со колегите

Слободанка Илиева — Fri, 24 Jun 2022 07:42:12 +0000

Македонскиот пејач Ламбе Алабакоски кој ја шокираше јавноста откако како осомничен за опожарување на влезната врата на културниот центар на Бугарите во Битола, „Иван Михајлов“ беше приведен, а потоа доби и седумдневен притвор кој беше заменет со куќен прирвор што заврши пред неколку дена. На Ламбе му е одземен пасошот со одобразложение дека постои можност за бeгство затоа што пејачот има двојно државјанство, македонско и на САД. Ламбе не оди никаде, тука е во Битола, само ќе се придвижи неколку километри до соседниот град – Прилеп каде ќе има настап. Популарниот фестивал во Прилеп, Пивофест годинава ќе се одржи од 14 до 17 јули. Акцентот е ставен на македонската музичка сцена. Наум Петрески, Миле Кузманоски, Елена Велевска, Елена Петреска, Вера Јанковиќ, Нокаут, Игор Џамбазов и Гуру Харе, Љубојна, ДНК, Некст Тајм, Лозано, Ареа, Владо Јаневски, Џамбо Агушев, Суперхикс, се дел од имињата кои ќе настапат оваа година. Но, дел од програмата е и пејачот Ламбе Алабаковски, кој за прв пат по инцидентот во Битола ќе се појави во јавноста. Алабаковски е предвидено да настапи на 16.07 (сабота). фото:Фејсбук

Ламбе го крштеваше помалото синче – повод за да ги покаже своите најсакани (фото)

Слободанка Илиева — Tue, 17 May 2022 06:00:55 +0000

Ламбе Алабаковски уште минатото лето од САД се врати во родната Македонија и во неколку наврати изјави дека е особено среќен што е повторно дома и тоа заедно со целото семејство. Откако се откажа од музиката и замина да живее во Америка каде се занимаваше со транспорт, Ламбе ретко беше активен и на социјалните мрежи, па неговата приватност беше далеку од очите на јавноста. Сега сите заедно се во Битола, па Ламбе заедно со сопругата Магалена решија на неколу дена пред вториот роденден на синчето Димитриј да му направат и крштевка. Тато Ламбе го објави овој среќен семеен момент и во коментар цитираше дел од Библијата: “Вие кои во Христа се крстивте во Христа се облековте” (Гал. 3:27) Крштевка на помалиот син Димитриј. Од фотографијата може да се види дека наследниците на пејачот потпораснале, Михаил веќе има седум години, додека Димитриј наскоро ќе наполни две. Двете дечиња на пејачот и неговата избраничка се родени во Америка. За потсетување, Ламбе откако е дома, решен е да и се врати на музичката кариера, па најави дека наскоро ќе издаде и нови песни. фото: Фејсбук принтскрин/Ламбе Алабаковски