ламбе алабакоски – Вистина.мк

Ламбе Алабаковски со своја верзија на една од неговите омилени македонски песни – „Дејгиди луди млади години“ (ВИДЕО)

Антонио Димитриевски — Mon, 25 Dec 2023 13:31:25 +0000

Ламбе Алабаковски оваа успешна музичка година ја заокружува со својата верзија на една од, како што вели, неговите омилени македонски песни „Дејгиди луди млади години“, која веќе е пуштена во етерот. Аранжманот е со потписите на Дарко Димитров и Никола Мицевски, Димитар Андоновски беше задолжен за виолините, додека Нина Јанева ги пее придружните вокали. Видеото, пак, кое носи една убава и емотивна приказна и е снимено во националниот парк „Галичица“ е со потписот на „Зага продукција“. „Песната е една од моите омилени и морам да признаам дека стоеше спакувана во фиока околу 12 години, некако ми требаше време и таа, но и јас да созреам. Ете некако сега мислам дека е вистинското време за да ѝ ја претставам на мојата публика, но и на сите оние кои ја сакаат македонската традиционална песна“ на денешната промоција во кафулето „Минт“ и откри дека токму со ова песна сакал да ја заврши оваа успешна музичка година, но и да го најави сето она што ќе следува во годината пред нас. „Веќе се крчка новиот материјал, а мислам дека на крајот на следната година ќе ве поканам сите на еден убав концерт по повод мојот голем јубилеј – 20 години од почетокот на професионалната музичка кариера“, додава Ламбе. Меѓу присутните на промоцијата освен медиумите беа и голем број колеги и пријатели на Ламбе (меѓу кои Александар Тарабунов, Бојана Скендеровски, Николче Мицевски, Марија Спасовска, Мики Црнокрак, Иво Јанковски, Стефан Лазаров, водителот Димитар Атанасовски...) кои не го криеја задоволството од новиот проект, но и фактот дека публиката секогаш знае да го препознае квалитетот и дека кога нешто е добро - трае.

Јутјуберот има нов проект: Стефан Лазаров ќе ве води низ се’ што е подзаборавено, а е важно да се знае во Македонија (ВИДЕО)

Антонио Димитриевски — Fri, 01 Dec 2023 12:55:04 +0000

Откако упсеа да наниже 100.000 сабскарјбери кои го следат неговиот Јутјуб канал и за тоа доби признание, односно „клуч“ за нови уште поголемио можности од каналот, најпознатиот македонски јутјубер Стефан Лазаров покрај своите поткасти најави уште еден нов проект. „Во недела во 18:00 започнуваме во нов проект на мојот канал чија цел ќе биде промоција на македонски села, промоција на историски моменти, прикажување на цркви, реки, планини и се што е подзаборавено, а е исклучително важно да се знае. Сметам дека младите имаат потреба од ваков проект, а повозрасните ќе се потсетат на сите убави места кои ги има во Македонија… Јас и мојот тим се надеваме дека ќе ви се допадне замислата во првата пилот епизода, па доколку не поддржите, после празниците започнуваме со редовно снимање“ - споделил јутјуберот на својот Фејсбук профил заедно со промо видеоисечокот на кој со пејачот Ламбе Алабакоски седат во кафеана, каде пеат македонски патриотски песни. Тоа несомнено значи дека првата епизода е снимана во родното место на Ламбе, преспанско Љубојно! Фото: Фејсбук/Stefan Lazarov

Откако на „михајловистите“ им ја запали портата, Ламбе се фати и за пушката: Комита, партизан, санданист или само… обичен турист?

Антонио Димитриевски — Thu, 09 Nov 2023 08:47:46 +0000

Македонскиот пејач Ламбе Алабакоски откако се врати од Америка не престанува да биде во фокусот на јавноста. Не само по песните и настапите, туку и по патриотското срце и душа и неизмерната љубов кон татковината, мајката земја Македонија, која на различни начини ја манифестира. И додека од душманите не престанува да добива смртни закани, неговиот патриотизам заврши дури и во песна, која Игор Џамбазов му ја посвети или поточно името му го вметна меѓу илинденските херои во неговата верзија на познатата италијанска, партизанска песна, „Бела чао“!

View this post on Instagram

A post shared by Ламбе Алабаковски (@lambealabakovski)

Не мина долго откако на „михајловистите“ им ја запали портата, Ламбе се фати и за пушката... Така барем го личи на Инстаграм профилот, на кој Алабакоски осамна на една фотографија сликан со пушката в раце... И уште не стигна да објасни, веќе тргнаа нови приказни дали тоа Ламбе е комита, партизан, санданист или... нешто сосема петто? Арно ама, ако ја погледнете целата слика ќе видите дека со пушката на фотографијата оди и големиот шешир, мексиканското сомбреро и чинијата со локалниот специјалитет, а тоа што Ламбе се сликал како Панчо Вила, да ти била друга работа. Можеби револуционер во душа, ама позата никако не е од револуционерни побуди... Туку од чисто туристички! Овој пат Ламбе ни комита, ни партизан или санданист, туку само како... обичен турист! Спомен од ресторанот на една егзотична локација во Средна Америка. Значајна туристичка дестинација во Мексико позната како Канкун, градот е на Карипското море, северно од одморалиштето на карипското крајбрежје, познато како Ривиера Маја. Божествен рај на земјата каде ви треба сосема друго „оружје“ за да се „фатите во костец со искушенијата“ во кои ве стават сексапилните латино убавици кои ќе ве маѓепсаат со своите бујни облини... Та било тоа на некоја од бисерно-песочните плажи, базен-шанковите, езготичните ували или при случајна средба со нив на хотелските скали. Е тогаш „машкото херојство“ до израз доаѓа најмногу! Дали и колку “херојски“ Ламбе се покажа или остана само со пушката в раце за сликање, ќе мора самиот да ни одгатне... До душа, овој пат ако смее... да признае?! Оти ваквото „машко херојско дело“, дома би му го сметале за „тешко кривично“, па казната би била многу повеќе од само... условна?! Фото: Инстаграм/lambealabakovski/CANCUN

Додека Ламбе Алабакоски од душманите добива смртни закани, Игор Џамбазов во песна го прогласи за народен херој (ВИДЕО)

Антонио Димитриевски — Mon, 06 Nov 2023 10:47:24 +0000

Ламбе Алабакоски не само дека е одличен пејач, туку и голем македонски патриот и родољуб, веќе знаат и врапчињата. „Гемиџијата од Љубојно“ деновиве повторно беше на суд во Битола, но не како обвинет, туку само во сојство на сведок на Обвинителството во судскиот процес против Љупчо Георгиевски, поранешен претседател на згаснатиот бугарски клуб, чии порти како што е познато, Ламбе ги запали. Ламбе во судницата облечен со маичка со македонското знаме, а обвинетиот Ѓоргиевски со ликот на Ванчо Михајлов. „Имаше закани и навреди и ден денес ги има. Најчесто се, по мое мислење, од бугарски граѓани и луѓе кои живеат тука, а се чувствуваат како Бугари или од измислени ботови на Фејсбук и Инстаграм, кои најчесто ги добивам во директна порака со смртна закана кон мене и кон моето семејство“ - рекол Алабаковски во судницата. И додека Ламбе Алабакоски од душманите добива смртни закани, Игор Џамбазов на себесвојствен начин го прогласи за народен херој... И тоа во песна! До душа песната не е ниту нова, ниту непозната, а стана одново актуелна за време на короната. Италијанската партизанска песна „Бела чао“ (Збогум убавице) која потекнува од времето на италијанската граѓанска војна. Низ светот се користи како химна на слободата и отпорот. Песна која била пеена од анти-фашистичкото движење на отпорот во Италија меѓу 1943 и 1945 година. Авторот на стиховите не е познат, а музиката и духот на песната се врз основа на народната песна што ја пееле работници покрај реката По на почеток на 20 век – „Само што станав утрово“. Токму неа Игор Џамбазов ја искористи да направи своевиден римејк на истата и во неговите нови стихови на „оние - другите“, кои му се закануваат на Ламбе уште еднаш „да им ја плесне вистината в лице“, вметнувајќи ги Илинденските херои како: Гоце Делчев, Даме Груев, Питу Гули, Јане Сандански... а меѓу сите нив и Ламбе Алабакоски! Оваа верзија на „Бела чао“ е на репертоарот на Игор Џамбазов и Гуру Харе на нивните живи настапи, па делчето од еден таков некој го споделил на ТикТок, а Ламбе го преземал на својот Фејсбук... Колку за потврда „кој е кој“... Или како што вели Џамбазов во песната: „О партиџано - тоа сме ние, вие сте тие - другите“! Проследете како сето тоа изгледа и звучи...

@user5639685110396 ♬ original sound - enidze vardar

Ламбе Алабакоски: „Со тоа што го направив не се прославив, но луѓето разбраа зошто тоа го сторив, за што и ден – денес добивам закани“ (ВИДЕО)

Антонио Димитриевски — Mon, 09 Oct 2023 09:12:47 +0000

Некогашното талентирано момче кое произлезе од музичкото натпреварување „Потрага по ѕвезди“ за кусо време и самиот се вивна меѓу нив. Ламбе Алабакоски беше пејач кого младите го обожаваа, имаше хитови, дуети, настапи... И кога сите очекуваа дека ќе го направи финалниот чекор да го освои музичкиот трон и суверено да завладее со него, тој направи еден друг, сосема неочекуван чекор. Се ожени за Македонка која веќе живееше во Америка и заедно со неа замина за САД. оформи семејство, се родија дечиња, работеше и живееше преку големата бара се додека еден ден македонската јавност одново „прку ноќ“ не ја изненади со нова одлука - се вратил засекогаш во татковината. Не помина долго, името на пејачот од Љубојно одново се најде во фокусот на јавноста... Но, овој пат не заради песните и музиката, туку заради нешто сосема друго и неочекувано, нешто заради кое од многумина беше прогласен за „македонски патриот на д патриотите, современ гемиџија со храбро срце“, од некои други за пироман, откако ја запали вратата на бугарскиот клуб со фашистичко име во Битола. За сите горливи теми и горчини, за животот во Америка и враќањето во Македонија, за патриотизмот и заканите, за музиката и заработувачката, очекувањата и разочарувањата, за сите животни премрежја и оние приватните и професионалните, Ламбе Алабакоски говори одговарајќи на прашања, седнат на „Жешко столче“ во подкастот кај неговиот домаќин Никола Трпковски. Што кажа и раскажа популарниот пејач, проследете од видеото подолу:

Ламбе Алабаковски: „Кога влегов во затворот, цимерите мислеа дека е скриена камера“ (ВИДЕО)

Антонио Димитриевски — Tue, 23 May 2023 06:07:34 +0000

Некогашната тинејџерска поп ѕвезда Ламбе Алабаковски денес е сериозен маж, татко и сопруг. По седум години живеење во Детроит, тој со сопругата Магдалена и двата сина се врати во Македонија. „Ние сме од ретките што се вратиле. И порано ќе си дојдевме да не беше пандемијата. Во Детроит работев сешто, бев обезбедување на аеродром, возев ‘убер’, но јас и тука искрено би работел сè“, открива Ламбе и додава: Најголемата причина поради која се вративме беше тоа што не можев да се помирам децата да учат на туѓ, а не на својот мајчин јазик“, открива Алабаковски во интервјуто за „Репортер“. Лани како бомба одекна веста дека Ламбе го запалил бугарскиот клуб „Ванчо Михајлов“ во Битола. „Спонтано и трезвено го направив тоа, но ете, иако сум мирен и не сум насилен човек, и кај мене излегоа тие родољубиви чувства оти сметам дека на тој клуб местото не му беше таму. Никој не знаеше за ова, ни сопругата, па дури и кога ги прегледуваа камерите, не им се веруваше дека сум јас“, искрен е Ламбе. За деновите минати во затвор, приказната ја сврте малку и на шега, иако вели: во самица најмногу размислуваш што си направил и колку ти недостига семејството“. За цимерите во затворот, за деновите таму, за нивната реакција кога влегол, дали биле фини или не, дознавме во разговорот. Во брак е 10 години со Магдалена, која му најголемата поддршка, среќен е што повторно ѝ се врати на музиката и планира голем концерт. Има своја градина во Битола, која ја средува, а откри и дека е голем домаќин, па сака да готви. Зборуваме за синовите, за детството во Љубојно, за името што го наследил од дедо си Ламбро, за времињата на популарноста, за животот во Америка. Зборуваме за инцидентот со клубот, за чувствата тогаш, но и за деновите во затворот. Искрено за ова и за многу други нешта со Ламбе Алабаковски во видео - интервјуто во продолжение (КЛИКНИ ТУКА):

„На Велигден“ не е само Џокси: Некои наши пејачи ја преработија неговата легендарна тема, а кај други големиот христијански празник е вткаен во нивните песни (ВИДЕО)

Антонио Димитриевски — Mon, 17 Apr 2023 07:45:52 +0000

Кога е еден од најголемите христијански празници во прашање, секогаш во пресрет на Велигден покрај се друго, на памет ни паѓа и песната... И тоа онаа, најпознатата, легендарната која тогаш радијата најчесто ја вртат... „На Велигден“, напишана и испеана од македонскиот кантавтор Ѓорѓе Васиќ, алиас Џина Папас Џокси како што го познава јавноста по негвиот уметнички прекар. Но, со текот на годините „На Велигден“ испадна дека не е само синоним за Џокси... Прв кој го преработи неговиот евергрин беше тогаш младиот Ламбе Алабакоски, излезен од музичката работилница на Дарко Димитров и М2 продукцијата и нивното македонско музичко талент шоу - „Портага по ѕвезди“. Младиот пејач иако во свој стил, сепак речиси идентично ја донесе преработката на „велигденската поп химна“. По него уште една македонска пејачка во 2017 година влета во обид да ја долови и на себесвојствен начин да ја донесе „празничната песна“. Песната доби своја женска верзија кога во студиото „Ентерпрајз“ на Валентино Скендеровски ја испеа пејачката Пепа Димитрова, а аранжманот го направи Дамир Имери. Нејзината интерпретација во смут џез варијанта со етно елементи сосема поинаква, а сепак препознатлива на оригиналот. Самиот Џокси на манифестацијата „Златна бубамара на популарноста“ во 2020 година во живо заедно со членовите на хорот на АКУД „Мирче Ацев“ донесе уште една малку поразлична верзија на сопственото „животно остварување“. За време корона пандемијата, додека траеа деновите на карантинот, Џокси одново зедно со голема група од 60 помалку или повеќе познати охридски музичари, пејачи и аматери наречена „Охрид биг карантин бенд“ ќе донесе сосема нова, поинаква, необична „онлајн“ верзија на големиот хит. Конечно, „На велигден“ не е само Џокси... Покрај оние наши пејачи кои ја преработија неговата легендарна тема и кај некои други македонски поп и фолк ѕвезди големиот христијански празник се споменува и во нивните песни! Така на пример во прекрасната „Километри“ на Влатко Лозаноски од 2018-тата, стихот кој е поврзан со големиот христијански празник гласи: „Ми фали за Велигден јас да си дојдам, ми фали да сум дома...“! Македонскиот фолк пејач Ѓоко Јовиќ пак, исто така има песна во чиј наслов е вткаено името на големиот христијански празник - „За Велигден“. Излезена во 2019 година, иако во неа се споменува големиот христијански празник и несомноно дека истата токму тогаш и е најмногу во фокусот и ја достигнува кулминацијата на својата популарност, сепак македонскиот фолкер неа ја правел наменски, зашто пред се’ се работи за печалбарска песна која во себе ја крие патината на македонскиот печалбар, неговиот живот во туѓина и тагата по родниот крај. Уште една позната македонска фолк пејачка, Елена Георгиева исто така има своја наменска песна за празникот што го слави Христовото воскресение и победата на животот над смртта. Нејзината тема е насловена „Молитва за Велигден“. И македонската фолк легенда Благица Павловска исто така има испеано велигденска песна и тоа заедно со познатиот музичар Цане Петров („Биоритам“), која исто така е наменска, празнична и носи наслов: „Хрисистос воскресна“ . На тема „Велигден“ песни посветени на еден од најголемите христијански празници има уште... Но за нив, задравје Боже догодина, во следната велигденска прилика! Христос воскресна - навистина воскресна!

Антониа, Ламбе и Златно славејче со трета верзија на – „Вечниот Бог“ (ВИДЕО)

Антонио Димитриевски — Thu, 05 Jan 2023 11:08:31 +0000

Со најголема љубов и доверба, Ви го подаруваме спотот за третата верзија на „Вечниот Бог“ снимена јануари 2023 во режија на Дејан Пројковски, Горан Наумовски - директор на фотографија и Стојан Стојановски - камера и монтажа, а во изведба на Антониа Гиговска, Ламбе Алабаковски и „Златно славејче“. Создадовме дело што треба да го предизвика вниманието на новата генерација деца, на коишто имаме света должност да им ја пренесеме нашата православна традиција на празнување Бадник и Божик, онака како што нашите претци ни ја оставиле нам во предание. Едноставноста на амбиентот и скромната трпеза во спотот, сведочат за вистинските вредности на Христијанинот и за миг ни ги ослободуваат сетилата од пренатрупаноста на секојдневието, за да можеме да го почувствуваме Божик во срцето, да се Роди Христос во јаслите на нашите души. Низ ова визуелно дело, ги поучуваме нашите деца, наместо кон обилна телесна гозба, да стремат кон ангелската храна, кон слатката гозба на верата, на правдата, на христијанската радост. Па така, на Божик, да ги посетиме и прегрнеме ближните, заборавените, немоќните, да споделиме, да си простиме! Останатиот дел од екипата што го создаде ова аудио-визуелно дело за да остави трајна вредност во нашата колективна меморија, е составена од: Актери: Крсте Јовановски, Петар Мирчевски, Валентина Грамосли Лука Николоски, Јордан Цветкоски, Теофанија Костоска, Јустина Петреска, Лука Аритоновски, Петар Танески, Јована Блазеска, Теодора Бпреслиева, Марија Филипов Илиева, Ристе Филипов. Владимир Димовски - аранжман и оркестрација, Владимир Цветковски – виолина, Владимир Димовски – виола, Кирил Јосифов – виолончело, Митко Иванов – контрабас, Иван Еминовиќ - клавијатури и синтисајзер, Симона Богоевска – харфа, Кристина Љушкоска – флејта, Петар Христов – сопран, саксофон, алт саксофон, Мојца Седеу - тимпани, чинела. Хор - Златно славејче, Снимано во студио „Алшар“ кај Ивица Јанкуловски. Маргарита Миновски – шминка, Викторија Бурсаќ – стилист, Венко Пашовски, Летка Филипова, Ромео Петрески, Аце Ставрески, Горан Ангелоски, Дејан Донески, Здружение за грижи и воспитување на деца на Охрид. Да му благодариме на Бога што после двегодишна пандемија, конечно можеме да го прославиме Божик сите заедно, со небесна радост и да се помолиме со Христовото раѓање, во нашите срца да се родат добри дела! Христос се Роди! Погледнете го видеото за третата верзија на „Вечниот Бог“ (КЛИКНИ ТУКА):

Општина Илинден ќе го прослави патрониот празник 2-ри Август со Ламбе Алабакоски и Ибуш Ибраимовски

Антонио Димитриевски — Fri, 29 Jul 2022 12:41:30 +0000

Општина Илинден ќе го одбележи патрониот празник – Илинден (2-ри Август) со настап на Ибуш Ибраимовски и Ламбе Алабаковски

На ден 28.07.2022 година (четврток) со почеток во 20:00 часот, во амфитеатарот во комплексот на Домот на култура „Илинден“, во населба Илинден на свечен начин ќе биде одбележан патрониот празник на Општина Илинден и националниот празник на македонскиот народ.Манифестацијата по повод одбележувањето на Денот на Општината ќе ја отвори оперскиот пејач Никола Стојчески со интонирање на државната химна, а подоцна ќе настапат добро познатите македонски музички изведувачи, Ибуш Ибраимовски и Ламбе Алабаковски.

Ламбе Алабакоски го направи првиот чекор од своето естрадно враќање со – „На чекор од брегот“ (ВИДЕО)

Антонио Димитриевски — Tue, 12 Jul 2022 12:48:12 +0000

По осум години пауза Ламбе Алабакоски, поп-пејачот кој минатата година со семејството се врати од САД во Македонија, денес на пладне, објави новата песна. Ламбе на Инстаграм напиша дека излегува „На чекор од брегот“, и кажа дека изманитиов период бил тежок за него. „Мили мои, со многу љубов и ентузијазам работевме изминатиот тежок период на новиот проект „На чекор од брегот”. Нова песна и ново видео! Останете добро и очекувајте наскоро, 12/07/2022, 12:00 напладне“ - напиша Ламбе во објавата како најава на новиот проект. Песната е снимена е кај Димитар Андоновски, а музиката ја компонирал Александар Тарабунов - Тара кој заедно со колегата Димитар Андоновски го потпишуваат и аранжманот на песната. Текстот е на Зоран Стојановски - Зонде, познатиот уметнички фотограф и режисер кој го режирал и видеото за песната. Во неа покрај самиот Ламбе се појавува и Тара како артист кој ја свири акустичната гитара, која оригинално во темата ја отсвирил Александар Таушанов, додека трумпет делниците ги свири Сенад Усеин. Тој исто така е дел од видеото во кое уште свои улоги имаат танчарите Дора Китановиќ и Илија Кардакоски. Инаку музички темата делува мошне зрело и напревена е во латино стил, правец кој во последно време Александар Тарабунов како автор и изведувач и самиот го ползува и негува. „Оваа песна се направи во еден здив од сите, и така ќе ја пеат сите, верувам“ - изјави кусо Ламбе кој своето враќање на сцената го одбележа со, за едни инцидентот, за други „патриотски чин на покажување национална гордост и пркос“ со палењето на вратата на бугарскиот културен клуб „Ванчо Михајлов“ во Битола, за што се чека судската разврска. Во меѓувреме, премиерно проследете ја „На чекор од брегот“, новата повратничка песна на Ламбе Алабакоски: