Немате ацетон дома? Искористете го овој трик за брзо и лесно отстранување на лакот од ноктите

Христина Ѓоргиевска — Thu, 13 Jan 2022 14:00:57 +0000

На многу жени им се случило многу пати да мора веднаш да го отстранат лакот, а во тој момент да немаат ни ронка ацетон во домот. Постојат неколку начини да го направите ова, користејќи ги овие мали трикови: Дезодоранс во спреј Напрскајте малку и брзо, додека ноктот е уште влажен, отстранете го лакот со памук. Обратниот процес, ставањето дезодоранс на памучна вата, нема да ги даде посакуваните резултати, како ни дезодорансите на природна основа. Лак за коса Постапката е иста како со дезодорансот, само што не користите памучна вата, туку салфетка, бидејќи лакот се лепи за памучната вата. Парфем Постапката е иста, но важно е да користите парфем, а не тоалетна вода. Нов слој лак Нанесете нов, дебел слој лак и тоалетна хартија – притиснете силно и избришете. Новиот слој се врзува за стариот и го отстранува. Извор: попара.мк

Правила за користење гел лак

Ангела Димитрова — Thu, 21 Nov 2019 14:30:33 +0000

Гел лакот е вистински спас ако немате многу време за класичен маникир, а сакате ноктите да ви изгледаат беспрекорно. Додека обичниот лак трае 5-7 дена пред да почне да се лупи, гел лакот може да издржи две до три недели. Освен тоа, обезбедува и заштита на вашите природни нокти. Правете паузи Бидејќи вадењето и нанесувањето на гел лак им штети на вашите нокти, дајте си простор помеѓу две нанесувања. Доколку ставате гел лак на секои две недели, го гушите вашиот природен нокт - тоа може да доведе до негова дехидрација и кршење. Важно е да побарате совет до техничар за нокти кој ќе ја оцени состојбата на вашите нокти и ќе одреди кога да ги одморите. Не носете го гел лакот предолго Сигурно ви изгледа практично што гел лакот трае со недели, но препорачливо е да не се носи повеќе од две недели за да се избегне оштетување на плочите и кутикулите. Долгото носење на гел лакот не само што ќе допринесе за слаби нокти, туку им отвора врати и на потенцијално опасни бактерии. Не отстранувајте стар маникир без професионална помош Најбезбеден начин да отстраните гел лак е тоа да му го препуштите на стручно лице. Доколку не сте во можност, внимателно излупете го горниот слој за да го отстраните сјајот - тоа ќе му дозволи на ацетонот полесно да навлезе и да го разгради гелот. Натопете топчиња памук во ацетон, ставете ги на секој нокт засебно и замотајте ги во алуминиумска фолија. Оставете ги така 10 до 15 минути, а потоа употребувајќи дрвена алатка за кутикули, избуткајте го гелот од ноктите. На крајот нежно поминете со турпија и нанесете масло за кутикули. Користете масло за кутикули Нормалните нокти се малку флексибилни, но колку се поцврсти, толку се посклони на кршење. Ладното време, ацетонот и други препарати што ги користите може да го исушат ноктот, па затоа пожелно е секогаш со себе да имате масло за кутикули.

лак – Вистина.мк

Немате ацетон дома? Искористете го овој трик за брзо и лесно отстранување на лакот од ноктите

Правила за користење гел лак