ладни раце – Вистина.мк

Доколку дланките и стапалата постојано ви се ладни тоа може да укажува на овие заболувања

Христина Ѓоргиевска — Fri, 26 Mar 2021 13:45:58 +0000

Успорената работа на штитната жлезда може да доведе до успорување на метаболизмот, а често е проследена со ладни екстремитети или пак чувство на студенило. До чувство на ладно доаѓа поради процесите со помош на кои што се одржува температурата на виталните органи. Меѓутоа, доколку рацете и стапалата постојано ви се ладни, тоа може да укажува на некои здравствени проблеми. Анемија Доколку освен студените раце чувствувате и некои други симптоми, како на пример умор, главоболка и малаксаност, проверете го нивото на железо во крвта. Железото е главна состојка на хемоглобинот, молекула која пренесува кислород во крвта и дава црвена боја. Дијабетес Студените дланки и стапала можат да бидат прв знак за дијабетес. Дијабетесот остава последици на крвотокот, како и на нервниот систем, па често е проследен со оваа појава. Постојано сте жедни, многу јадете, а не се дебелеете или пак слабеете, задолжително проверете го нивото на шеќер во крвта. Штитна жлезда Успорената работа на штитната жлезда доведува до успорување на метаболизмот, а често е проследена со ладни екстпремитети или пак чувство на студ. Уморот, летаргијата, поспаноста, успореноста на зборувањето и движењето, како и неподнослива висока телесна температура се јасни знаци за ова пореметување. Стрес Стресот исто така може да биде причина за студените раце и стапала. Тој го зголемува адреналинот, хормонот кој се произведува во надбубрежната жлезда кој што ги стеснува крвните садови, па циркулација е послаба, а рацете и стапалата ви се поладни. извор: точка.мк

Што кажуваат ладните раце за вашето здравје?

Кристина Петрушевска — Wed, 04 Jul 2018 21:35:30 +0000

Изреката “ладни раце, топло срце“ е симпатична, но тоа не е она на што ладните раце можат да укажуваат. Кога се ниски температурите нормално е да ви се ладни рацете, бидејќи системот на циркулација ја регулира целокупната телесна топлина. Меѓутоа постојат некои симптоми на кои треба да обратите внимание. Знаци на предупредување Овие симптоми се знаци на предупредување дека постои некаков проблем со вените и цирклацијата и дека треба да е обратите кај вашиот доктор: 1. Упорно ладни раце и нозе 2.Промена на бојата на кожата 3.Вкочанетост 4.Пецкање 5.Рани и Пликови 6.Затегната кожа На што укажуваат Болести кои обично се поврзуваат со ладни раце се : анемија, Бургер болест, дијабетис, заболување на периферните артерии (PAD), Раинаудова болест, и склеродерма. Тоа се сите пореметувања кои можат да ја намалат циркулацијата на крвта во екстремитетите. Докторот може да диагностицира каде е основниот проблем и да предложи соодветен третман.Исто така, постојано ладните раце и нозе може да биде реакција на одредени лекови како што се бета – блокатори и лекови за штитната жлезда и мигрената. Смрзнатини Смрзнатините се последица на многу ладните раце. Кога телото е изложено на температура под точката на мрзнење подолго време, кожното ткиво може да замрзне и да помодри.Смрзнатините најчесто се јавуваат на рацете, стапалата, носот и ушите. Може да осетите трнење или пецкање, а вашата кожа може да изгледа бела како восок. Во потешките случаеви на кожата можат да се појават пликови. Доколку мислите дека имате смрзнатини, одете на лекар или на итна помош за непосредна евалуација.