ладна вода – Вистина.мк

Научниците согласни: Ова се придобивките од туширањето со ладна вода

Слаѓана Атанасова — Mon, 11 Dec 2023 10:54:11 +0000

Терапевтот Џејмс Мур истакнува дека туширањето со ладна вода може да донесе придобивки како што се повеќе енергија, подобар сон и некои други. Иако многу луѓе сакаат да се тушираат со топла, па дури и жешка вода, истражувањата покажаа дека всушност ладната вода носи многу повеќе придобивки. Она што е важно да го знаете е дека, доколку сакате да ги искусите сите придобивки што ќе ви ги донесе ладниот туш, не треба наеднаш да го стресувате вашето тело. За почеток, доволно е да ја намалувате температурата на водата секој ден, во споредба со онаа на која сте навикнати, додека не стекнете одредена рутина. Ладниот туш не мора да трае долго, доволни се само пет минути за да го „разбудите“ вашето тело. Терапевтот Џејмс Мур, кој споделува различни здравствени совети со своите следбеници, ги откри четирите најважни здравствени придобивки што ќе ги доживеете кога ќе почнете да се туширате со ладна: – повеќе енергија – подобар сон – помалку стрес – подобро расположение Кога се соочува со ниска температура, телото ослободува ендорфин за да се справи со шокот, промовирајќи чувство на еуфорија. Кога нивото на ендорфин е високо, чувствуваме помалку болка и помалку негативни ефекти од стресот.

Рецепт за зајакнување на имунитетот за 15 секунди

Слободанка Илиева — Mon, 01 Aug 2022 12:45:20 +0000

Професор д-р Сергеј Бубновски, познат специјалист за кинезитерапија , препорачува едноставен метод за зајакнување на имунитетот. Секоја вечер, кога се враќате дома после напорниот работен ден, ставете во када или леген 10-15 сантиметри ладна, ледена вода. Никако не додавајте топла вода! Потоа влезете боси и тапкајте ги стапалата по ледената вода само 10-15 секунди! Потоа излезете од кадата или легенот и избришете ги нозете со груб фротирски пешкир и облечете волнени чорапи. Така правете секоја вечер и значително ќе го засилите вашиот имунитет. Ако веќе имате грип, тоа е причина повеќе од одлучно да го зајакнете вашиот имунитет. Во тој случај тапкајте со боси нозе по ледената вода на секои 4 часа. Универзитетот во Вирџинија открил дека ладната вода помага во подигање на хормоните кои го зајакнуваат имунитетот. Ладната вода ги има следните предности: Се бори против депресија Ги ублажува болките во мускулите И дава сјај на косата Го подобрува здравјето на кожата. извор:курир.мк

Како чаша ладна вода влијае на нашиот организам?

Слободанка Илиева — Fri, 17 Jun 2022 13:03:51 +0000

Иако на почетокот е пријатно и ви се чини дека се чувствувате подобро штом ја испиете, вистината за студената вода и нејзиното влијание врз организмот со години ги загрижува лекарите. Имено, студената вода има низа лоши ефекти врз организмот и докажано слабеење на веќе ослабен имунитет. Покрај тоа, ги стеснува крвните садови, што може да доведе до сериозни здравствени проблеми. Исто така, ладната вода е многу лоша за нашите заби и може да ја оштети забната глеѓ. Како ладната вода влијае на телото? Ладната вода е секогаш повкусна бидејќи нејзината ниска температура може да го „маскира“ лошиот вкус. Конзумирањето ладна вода има негативно влијание врз организмот, може да предизвика респираторни проблеми, да коагулира и да го отежне исфрлањето на слузта. Покрај тоа, може да предизвика главоболки, настинки, стомачни проблеми, голтање храна. Студијата од 2001 година на Одделот за невронаука на Универзитетската болница во Упсала во Шведска, покажа дека 7,6 отсто од жените имале симптоми на главоболка откако консумирале 150 ml ледена вода. Пиењето ладна вода може да го ослаби имунолошкиот систем и да ја намали способноста на телото да се бори против бактериите и вирусите. Конзумирањето ладна вода влијае на забите, крвниот притисок, грлото, респираторниот систем, нервите, желудникот, дигестивниот и имунолошкиот систем. Ладната вода може да го отежне голтањето храна и да има проблеми со варењето. Кај луѓето кои веќе имаат стомачни проблеми, може да се појават проблеми по консумирање ладна вода. Ладна вода се препорачува за спортисти, деца со прекумерна тежина, лица со мултиплекс склероза и пациенти со хипотензија (низок крвен притисок). Физичката или спортската активност ја зголемува телесната температура и предизвикува замор. Конзумирањето ладна вода, пак, ја намалува телесната температура. Постарите луѓе и бебињата не треба да пијат ладна вода, бидејќи се верува дека нивниот имунолошки систем може пожестоко да реагира на студената вода. извор:попара.мк

Еве зошто не треба да пиете ладна вода во текот на топлите денови

Христина Ѓоргиевска — Tue, 31 Aug 2021 13:40:58 +0000

Кога надвор температурата е над 35 степени Целзиусови, многу од луѓето често посегнуваат по чаша ладна вода од фрижидер. Иако ни се чини дека тоа е идеален начин на кој може да се освежиме, сепак истото носи повеќе штета отколку корист. Веројатно ќе ви биде тешко да поверувате, но чаша со вода со умерена температура може да биде покорисна за вашето тело отколку ладната вода. Иако туширањето со ладна вода е препорачливо, експертите на тоа поле не советуваат да посегнете да пиете ладна вода. Ви ги откриваме негативните својства на ладната вода, а воедно и позитивните на топлата вода. Ладната вода е лоша за варењето на храната Ладната вода, како и сите ладни напитоци - сокови, шејкови, газирани пијалаци и слично, влијаат на стеснувањето на крвните садови. Тоа не би било толку страшно доколку не влијае на храната која претходно сме ја внеле, односно отежнато или ограничено нејзино варење, а и самата хидратација на телото е значително побавна.

Телото останува без енергија

Кога ќе се напиеме ладен пијалак, во нашето тело доаѓа до спречување на апсорбирање на нутриентите кои ни даваат енергија. Нашето тело во тој случај својата постоечка енергија ја троши за да ја регулира температурата во самиот организам, иако ние мислиме дека соодветно сме го разладиле и сме му помогнале. Таквото однесување може да доведе до опаѓање на нивото на водата во организмот, што е спротивно на тоа што сакаме да го постигнеме.

Предности на топлата вода:

- Чаша вода со умерена температура ја подобрува и забрзува хидратацијата на организмот. По истата, вашиот организам не троши дополнителна сила и вие ќе се чувствувате посвежо. - Воедно се стимулираат и природните ензими за варење на храната, па организмот се ослободува од непотребната енергија. Храната која сте ја изеле, многу полесно се преработува и не создава тегоби во стомакот. - Експертите советуваат секое утро да пиете една чаша млака вода со малку капки свежо исцеден лимон за да бидете подготвени за предизвиците кои следат во текот на денот. Можеби на почеток ќе ви биде тешко да ја замените ладната вода со топла, но по краток период вашето тело ќе се навикне и ќе ги почувствувате промените. извор: точка.мк

Неколку одлични причини да почнете да се туширате со ладна вода

Слободанка Илиева — Wed, 04 Mar 2020 13:45:13 +0000

Кога последен пат сте се истуширале со ладна вода? Веројатно кога вашиот бојлер бил расипан или сте ја потрошиле целата топла вода. Но, сè повеќе луѓе ги менуваат своите навики и се откажуваат од удобната, примамлива, топла бања. Абигаил Рикард, професорка на универзитетот Гринич, вели дека туширањето со ладна вода има многу здравствени придобивки. „Има позитивен ефект врз кардиоваскуларниот систем, респираторниот систем, мускулно-скелетниот систем, го подобрува имунитетот, менталното здравје, го забрзува нашиот метаболизам, потенцијално согорување на маснотии и дури може да ве направи уште поубави“, рече таа за HuffPost UK. Првото нешто што ќе забележите кога ќе застанете под ладен млаз е тоа што ќе добиете нагон да земете длабок здив. И покрај почетниот шок, срцевиот ритам ќе започне да забавува. „Вашето тело ќе обезбеди доста кислород, што значи дека мозокот, срцето и белите дробови ќе функионираат во најдобар ред“, објасни Рикард. Но, туширањето со ладна вода, исто така, влијае и на вашиот изглед. „Туширањето со ладна вода ќе ги затвори порите на вашата кожа и ќе направи кутикулите во вашата коса да бидат прави, така што вашата коса ќе биде сјајна и здрава“, објаснува Др. Рикард. извор:попара.мк

Русите секоја вечер под тушот го прават ова: Ако пробате, ќе зажалите, ако не пробате, пак ќе зажалите!

Христина Ѓоргиевска — Thu, 19 Sep 2019 12:30:12 +0000

Ако не го пробате овој трик, грипот и настинката ќе ви се одолговлечат, а ако го пробате, ќе зажалите што не сте почнале порано. Познатиот руски специјалист Сергеј Бубновски препорачува едноставен метод за зајакнување на имуниот систем – тапкање на стапалата во ладна вода. „Секоја вечер, кога ќе се вратите дома по напорниот работен ден, ставете во леген 15 сантиметри сосема ладна вода. Никако не додавајте топла вода. Потоа ставете ги стапалата 15 секунди и обидете се за тоа време да направите 48 брзи, кратки чекори. Потоа избришете ги нозете со груб пешкир и облечете волнени чорапи. Правете го тоа секоја вечер и ќе си го зајакнете имунитетот. Ако ве фати грип, тапкајте со боси нозе во студена вода на секои 4 часа“, советува докторот. Една холандска студија покажала дека лицата кои практикуваат наутро да се тушираат со ладна вода помалку се разболуваат. Забележено е и дека имаат многу повеќе енергија во однос на оние кои се тушираат со топла вода. Ако не го пробате овој трик, грипот и настинката ќе ви се одолговлечат, а ако го пробате, ќе зажалите што не сте почнале порано. извор: Курир.мк