кулинарско шоу – Вистина.мк

Весело во студиото: Марк веќе неколку сезони готви во „Брза кујна“, а сега дојде моментот и кога запеа (видео)

Христина Ѓоргиевска — Tue, 07 Dec 2021 08:30:50 +0000

Секој работен ден имаме прилика да го гледаме кулинарското шоу „Брза кујна“ кое се емитува на Сител телевизија. Веќе неколку сезони, готвачите, шефовите Марк и Никола подготвуваат разни специјалитети од намерниците кои ќе ги донесат натпреварувачите. Тие имаат 20 минути да подготват јадења, а кога ќе го сервираат на масата изгледаат многу вкусно и оригинално. Шеф Марк веќе неколку години во кујната на „Брза кујна“ ја покажува својата дарба за готвење. Меѓутоа, говтвачот го покажа и својот талент за кој многумина не знаат ни дека го поседува. Имено, зад камеритте на кулинарското шоу, во месецот на празниците и желбите, пред нова година, шеф Марк запеа заедно со македонската поп, фолк и оперска пејачка со италијанско потекло Серафина Фантаузо. На фејсбук профилот на „Брза кујна“ осамна видео на кое готвачот и Серафина заедно пејат. -Во месецот на желбите , кога сите посакуваме многу радости и убави моменти за сите, кога срцата ни бараат уште повеќе љубов и топлина, тимот на Брза Кујна ќе се потруди да ви ја зголеми радоста и да ве расположи во очекување на новите почетоци кои ни пристигнуваат со Новата година. И по толку успешни сезони , дојде моментот кога и ШЕФ МАРК ЗАПЕА Можеби повеќе позади камерите, но сепак ни приреди вистинско уживање А ,Сања се тоа го снимаше за и вие да уживате. Покрај тоа што заедно пееаја, тие заедно и готвеа на оперски начин. За потсетување, од претходната сезона, водителката Александра Илиевска замина на породилно отсуство, а на нејзино место дојде Сања Савеска која се покажа како одличен домаќин во кулинарското шоу. фото: фејсбук/брза кујна/сител телевизија

Ќеркичката на шеф Никола од „Брза кујна“ порасна во преслатко девојче (фото)

Христина Ѓоргиевска — Fri, 12 Mar 2021 08:40:25 +0000

Шеф Никола имаме прилика да го гледаме секој ден во кулинарското шоу „Брза кујна“ кое се емитува на Сител телевизија. Никола заедно со својот колега – шеф Марк се вистински мајстори за разни специјалитети. Шеф Никола и неговата сопруга Стефанија станаа родители во септември 2019 година. Тие уживаат во секој заеднички моменти со малата наследничката и се полнат со љубов и позитивна енергија. Никола е активен на социјалните мрежи, но најчесто на својот „Фесјбук“ објавува разни подготвени јадења, специјалитети или некое селфи од снимањата на „Брза кујна“. Сепак, деновиве неговата сопруга Стефанија се пофали со гестот на нивната ќерка, односно се пофали дека првиот подарок за 8ми март го добила токму од неа. Стефанија сподели неколку фотографии и покажа колку пораснала наследничката на неа и Никола. Дали малото и слатко девојче ќе тргне по стапките на татко и, па и еден ден ќе биде таа одличен готвач рано е да знаеме, но едно е сигурно – ќерката на шеф Никола изгледа преслатко. За потсетување, шеф Никола од првиот брак го има синот Дарин.

Расположени за критика: Ова се коментарите за новата водителка на „Брза кујна“…

Слободанка Илиева — Wed, 04 Nov 2020 08:33:36 +0000

Од оваа недела на телевизија Сител започна да се емитува 6-тата сезона на кулинарското шоу „Брза кујна“ кое низ изминатите сезони стана доста популарно кај гледачите. Во оваа нова сезона веќе знаете дека има нова водителка, односно домаќинка во црвената и зелената кујна, Сања Савеска, која за старт одлично се снајде во новата улога со оглед на тоа што работата на телевизија пред камери е нејзина примарна професија години наназад. Велат дека на народ е многу тешко да му погодиш. На Фејсбук страницата на шоуто секогаш пристигнувале разни критики поврзани со се’. Додека Александра ја водеше „Брза кујна“, осамнуваа коментари дека треба да биде сменета, дека прави доста грешки, не знае да готви и сл... Токму за ваквите реакции Александра неодамна зборуваше за Вистина.ком.мк и кажа дека е жално колку луѓето лесно осудуваат и критикуваат. -Интересно е колку сме расположени да критикуваме и да даваме ум за се. Жално е колку луѓето лесно осудуваат и критикуваат, уште пожално е колку омраза и гнев има. Кога ќе одлучите да работите на медиум треба да имате слух, да умеете да се поправите и подобрите секој ден во секој сегмент, да работите на себе и она што го работите да биде најдоброто од вас. Убавите зборови и комструктивни критики секогаш ги помнам и ме поттикнуваат да сум подобра, а на лошите се насмевнувам… и тие треба да ги слушнеме или прочитаме, вели Александра која доби замена во новата сезона бидејќи е во блажена состојба и го очекува своето прво дете. https://arhiva.vistina.com.mk/lice-v-lice/aleksandra-ilievska-za-vistina-mk-gi-otkri-detalite-zoshto-vo-novata-sezona-ne-e-del-od-brza-kujna-na-pat-e-najubavoto-neshto-shto-go-posakuvame-so-soprugot/ Кога сме кај критиките, ниту Сања Савеска уште од првите епизоди не помина без критики, а во дел од нив се вели: „Девојката воопшто не е за ваков тип емисија. Тотален промашај“, „Ма Александра никој не може да ја замени“, се дел од рекциите на фан страницата. Сепак имаше и такви кои беа расположени да напишат и убав збор: „Нови успеси ви посакувам во новата сезона на Брза кујна и честито за новата водителка, поздрав од вашиот пријател, пишува друг. Дека коментари ќе се нижат и во иднина е и повеќе од јасно, а кога те зборуваат важи и дека те слаедат, е сега кој до каде е со нивото за оставените коментари е друго прашање, а пак за вкусовите воопшто и не треба да се коментира, нели?

Откако во „Брза кујна“ се појавија нови готвачи, откриено дали Марк и Никола ќе бидат дел од кулинарското шоу

Христина Ѓоргиевска — Tue, 29 Oct 2019 07:59:01 +0000

Од неодамна стартуваше петтата сезона на популарното кулинарско шоу „Брза кујна“ на ТВ Сител, заедно со водителката Александра Илиевска и шефовите Марк Де Јонг и Никола Мишковски. По цели четири сезони продуцентите на барање на гледачите кои бараа да се воведе некаква промена, но бидејќи шоуто е под франшиза, за истото немаше многу простор за додавање или одземање на зацртаната шема во кујната на доматите и пиперките. Како што објасни Александара на почетокот на неделава, без да направат отстапки од концептот, се решиле за едно големо изненадување за гледачите, односно да ангажираат нови шефови на местото на Марк и Никола. https://arhiva.vistina.com.mk/radio-mileva/mark-i-nikola-smeneti-od-brza-kujna-ova-se-novite-shefovi-vo-popularnoto-kulinarsko-shou-foto/ Имено, во новата сезона заедно со учесниците ќе готват и Филип Поповски и Бобан Симоновски. Филип е познат како популарниот „Готвиме со Фичо“, кој постојано изненадува со примамливи рецепти, а Бобан е познат како шеф во еден скопски ресторан. Откако, Боби и Фичо се појавија како нови готвачи, се поставуваше прашањето дали тие ќе бидат единствени готвачи, или пак ќе се менуваат со Марк и Никола. Како што пишува сител.мк, тимот на „Брза кујна“ се проширува односно наместо двајца готвачи, во петатта сезона ќе има четири, Марк, Никола, Фичо и Боби. Концептот на емисијата ќе биде ист односно врвните мајстори во кујна заедно со учесниците од тимот на доматите или тимот на пиперките ќе готват одредени специјалитети за 20 минути. Како се тоа ќе изгледа може да ја гледате емисијата „Брза кујна“ секој ден во 17часот на Сител телевизија.

Ред пофалби, ред критики за „Брза Кујна“ ама водителката го извлече подебелиот крај

Слободанка Илиева — Tue, 19 Jun 2018 07:53:58 +0000

Во кулинарското шоу „Брза кујна“ постојано се нагласува дека се отворени како за пофалба, така и за критика, па сугестиите ги прифаќаат без резерва. Фејсбук страницата на емисијата во која се готви за 20 минути со шефовите Марк и Никола е отворена за секакви коментари од гледачите, кои еден период водителката Александра ги закачуваше на табла во емисијата, а не ретко знае да сподели и некој негативен коментар. Но, тоа најчесто е за специфичното готвење на Марк. Како не пример дека „местото му е толку живо што може да ја изеде и салатата“.

Сепак, покрај многуте пофалби за готвењето, периодов Александра го извлече подебелиот крај кога се во прашање негативните коментари од гледачите. Па така, многумина ја критикуваа дека многу зборува, дека не говори литературно, а згора на тоа се најдоа и такви на кои не им се допаѓа нејзината шминка и фризура. Сепак, шоуто трае веќе неколку сезони, а тоа ја покажува неговата популарност. Веруваме дека критиките кои се најдоа на нивната Фејсбук страница ќе бидат само мотив за да станат се подобри.