куќен притвор – Вистина.мк

Сите чекаат нова сезона на „Преспав“, но состојбата е вонредна бидејќи инспектор Томе е уапсен (видео)

Слободанка Илиева — Fri, 09 Sep 2022 09:08:29 +0000

Продукцијата „ОХО“ најави дека наскоро ќе започне да се емитува нова македонска серија насловена „Куќен притвор“ која е „spin-off “ серија на најпопуларната ТВ серија „Преспав“. На социјалните мрежи веќе е објавен трејлерот за серијата која ќе се прикажува на Македонската телевизија, а во главна улога е инспектор Томе, односно актерот Горан Стојаноски. Виш иснпектор Томе ќе биде уапсен во пансионот на браќата Бузалевски, но наместо затвор ќе му биде одреден 30 дневен домашен притвор. Покрај Горан Стојаноски, ќе ги гледаме и актерите Сашко Коцев, Зоран Љутков, Денис Абдула, Ирена Ристиќ... Засега не е објавен точниот датум на прикажување, но се очекува тоа да биде наскоро.

View this post on Instagram

A post shared by Куќен притвор (@kukjenpritvor)

фото:Принтскрин Инстаграм/Куќен притвор

На Цеца карантинот не и паѓа толку тешко: Пејачката веќе има искуство со куќниот притвор уште од 2011. година, па открива што и дава сила да истрае (ФОТО)

Антонио Димитриевски — Fri, 17 Apr 2020 06:58:35 +0000

Цеца Ражнатовиќ вели дека отсекогаш била побожна, но признава дека му се посветила на Бога уште во 2011 година, додека била во куќен притвор, кога беше осудена заради познатата афера со затајување данок од парите за трансфери на фудбалери од тогаш нејзиниот фудбалски клуб „Обилиќ“. „Тогаш почнав да ја читам Библијата и уште појасно ги почувствував благодетите од верата. Постепено почнав да се подобрувам, се обидував секој ден да бидам се' подобра личност. Почнав и да постам редовно за време на сите четири големи пости: Божиќниот, Петровденскиот, Богородичниот и Велигденскиот“ - открива Цеца и додава дека особено му се радува на Велигден: „Синот Божји Исус Христос го даде животот за сите нас и денот кога ќе го прославиме неговото воскресение во мене ги буди најубавите чувства. Ја почитувам жртвата на Исус, ја ценам љубовта што ја чувствува тој кон секој човек, а најмалку што можам да му вратам е да ги почитувам неговите совети и начела. Јас живеам според нив и тоа не ми паѓа тешко. Вербата во Бога ми даваше сила кога паѓав, а така е и денес“ - се исповеда Цеца.

Осудениот син на покојниот Синан Сакиќ побегнал од куќен притвор: Рашид ја скршил притворската алка и исчезнал (ФОТО)

Антонио Димитриевски — Fri, 31 Jan 2020 10:27:59 +0000

Рашид Сакиќ (42), синот на починатиот фолк пејач Синан Сакиќ, избегал од куќен притвор вчера, откако бил осуден од 14 август минатата година. Како што дознава Курир, тој ја скршил својата електронска алка на ногата и избегал од куќата каде што престојувал. Вчеравечер во 5.40 часот, системот регистрирал штета на предавателот, односно на електронската алка која ја носата осудените. По теренскиот увид, утврдено е дека тој не се наоѓа на адресата на која се извршува казнената мерка и за тоа веднаш бил известен надлежниот суд - потврдиле за српски Курир од Управата за кривични санкции при Министерството за правда. Проблематичниот син на музичка фолк легенда од вчера го бара полицијата, но тој се' уште не е уапсен. Инаку, Рашид Сакиќ е повеќекратен повратник, а последен пат беше уапсен во јануари минатата година под сомнение дека со неговиот пријател Милан Ц. (36), го претепале и ограбиле кројачот Владица М. во центарот на Лозница. Тој беше приведен и притворен се' до средината на август, кога беше префрлен во куќен притвор со електронска алка околу ногата, откако му беше изречена казна затвор од седум месеци. На Сакиќ не му било дозволено да ги напушти просториите на куќата во која престојувал без одлука на судот во Лозница. Рашид, патем, е најстариот син на Синан и има „богато“ полициско досие. „Како малолетник тој бил приведен за насилно однесување, обид за убиство и изнуда. Продолжил по истиот пат и како возрасен. Приведен е за време на акцијата „Сабја“ во 2003 година, а последен пат беше пуштен од затвор кон средината на април 2018 година, откако издржа казна од 12 години на пресуда од Вишиот суд во Шабац за обид за убиство“ - објаснува соговорникот. Само неколку недели откако ја издржа казната и го напушти затворот, неговиот татко Синан Сакиќ почина во јуни 2018 година во Белград. Наводно, пред неговата смрт, таткото и синот се смириле, иако додека Рашид бил зад решетки, Синан јавно го обвинил синот за патот по кој тргнал. Тој признал дека само еднаш го посетил својот син во затворот.