куќа – Вистина.мк

Еве што земале крадците од родната куќа на Тома Здравковиќ (фото)

Слаѓана Атанасова — Tue, 09 Jan 2024 12:18:42 +0000

Веста дека е ограбена куќата на легендарниот пејач шокираше многумина. Пред неколку дена беше ограбена семејната куќа на Тома во лесковачкото село Печењевце. Крадците на новогодишната ноќ ја искинале влезната капија и ја фрлиле во калта. Екипата на Курир.рс стапила во контакт со човекот задолжен за реставрација на куќата на легендарниот пејач и со него разговарале за тоа што е одземено од куќата и колкава е штетата.

View this post on Instagram

A post shared by Tomislav Toma Zdravković (@tomislav_toma_zdravkovic)

- Се обидов и дадов се од себе куќата на Тома да биде култно место и се обидов да го реновирам она што остана од старата, трошна куќа и да ја направам музеј. Факт е дека југот на Србија и селото Печењевце станаа попатна станица за сите што одат во Грција, Бугарија и Македонија благодарение на него. Сите веќе знаат за ресторанот, но сега сакавме да создадеме музеј. Откако на средба на жителите од ова село предложив сите да се заложиме и вложиме во реновирање на куќата, за моја среќа, многумина се одзваа и го поддржаа овој проект - вели тој и продолжил: -Почнавме полека да собираме пари, а како што ги собиравме, така и ги вложивме. Го променивме покривот, ја бетониравме терасата, занаетчиите работеа бесплатно, а она што го земаа тие паметни беше цементот со кој се бетонираше дворот, како и струјните кабли за замена на старите во куќата. Најбизарно од се е што ги земаа и алатите на мајсторот. Никој од нашите жители не го направил тоа, можам да потпишам. Ова е некој од соседното село и точно знаел каде е се. Само не разбирам дека мораа да ја срушат капијата и да ни направат уште еден трошок - вели Станиша за Курир. Фото: Printskrin/Instagram/tomislav_toma_zdravkovic

Куќата од „Сам дома“ и по 30 години е атракција за обожавателите на филмската божиќна класика (видео)

Слободанка Илиева — Thu, 04 Jan 2024 12:44:33 +0000

Обожавателите сè уште го посетуваат местото, особено за време на празниците. Пред две години, „Ер-БНБ“ понуди можност за еднодневен престој во самата куќа на Кевин и неговото семејство. Тогаш домот беше уреден исто како во филмот. И по повеќе од 30 години, божиќниот серијал филмови „Сам дома“ (особено првите два филма) важат за класика. Обожавателите, меѓу другото, се воодушевени од изгледот на семејната куќа на Кевин Мекалистер (Меколи Калкин). Имено, првите два дела делумно се снимени во раскошна куќа во Винетки, близу Чикаго во САД. Куќата има 10 спални соби и шест бањи. Агентот за недвижности Мариса Хопкинс објави и Јутјуб-видео од куќата и нејзиниот изглед внатре и надвор. Од внатрешноста на оваа куќа за снимање биле користени дневната соба и големите скалила во ходникот… Зданието повторно стана интересно за јавноста пред неколку години, кога семејството Абендшиен реши да го продаде, за 2,4 милиони долари. Тие таа куќа ја купиле во 1998 година, за 800.000 долари помалку. Обожавателите сè уште го посетуваат местото, особено за време на празниците. Пред две години, „Ер-БНБ“ понуди можност за еднодневен престој во самата куќа на Кевин и неговото семејство. Тогаш домот беше уреден исто како во филмот. фото: Printscreen/YouTube

Ограбена родната куќа на Тома Здравковиќ: Разбојниците го уништиле имот и направиле голема материјална штета (фото)

Слаѓана Атанасова — Thu, 04 Jan 2024 09:20:30 +0000

Пред новогодишната ноќ ограбена е родната куќа на Тома Здравковиќ во селото Печеневце кај Лесковац. Во пресрет на Нова година непознати сторители ја скршиле влезната капија, која потоа ја фрлиле во калта, пишува Телеграф. Исто така, во оваа прилика го оштетиле и хидрофорот на бунарот, како и влезната врата од куќата. Да потсетиме, минатата година почна реновирањето на куќата на Тома во селото Печеневце во Лесковац. Куќата била во лоша состојба, кога мештаните презеле иницијатива да го зачуваат овој објект и да спречат рушење на покривот. Местото Печењевца и куќата на Тома Здравковиќ станаа атракција на овие простори. Фото: Printskrin/YouTube

Целосно изгоре куќата во која Бијонсе го поминала своето детство (видео)

Слаѓана Атанасова — Wed, 27 Dec 2023 12:47:11 +0000

Семејната куќа на светската ѕвезда Бијонсе, во која го поминала своето детство, изгоре на Божиќ. Пожарникарите од Хјустон се бореа со огромен пожар во блокот 2400 на улицата Розедејл во раните утрински часови на Божиќ. Им биле потребни 10 минути да го изгаснат пожарот откако пристигнале пред нејзината куќа три минути по повикот. Брачниот пар кој живее во куќата и нивните две деца во тој момент биле внатре, но за среќа успеале да се спасат и да поминат без повреди. Не е познато што го предизвикало пожарот во двокатната куќа. Инаку, во оваа куќа Бијонсе го поминала своето детство, но тие се иселиле од куќата во далечната 1986 година. Семејството Ноулс, чија најстара ќерка Бијонсе стана меѓународна поп ѕвезда и најнаградуваниот уметник во историјата на Греми, плати 64.000 долари за домот во Хјустон во 1981 година, според ТМЗ. Извор: Printskrin/Instaram/beyonce/YouTube

Ѕирнете во луксузната вила на Јоксимовиќ: Вака изгледа скапиот дом на Жељко и Јована (фото)

Слаѓана Атанасова — Mon, 11 Dec 2023 08:46:08 +0000

Во 2018 година, водителката Јована Јоксимовиќ и нејзиниот сопруг пејач Жељко Јоксимовиќ се преселиле од стан во Врачар во прекрасна куќа во Сењак, која ја купиле од нивни блиски пријатели.. Според информациите од добро упатени извори, брачната двојка за овој имот издвоила дури 2,5 милиони евра, а потоа вложиле дополнителни средства за да го украсат по свој вкус, пренесува Курир.рс Куќата во Сењак зрачи со луксуз и елеганција и секое катче е уредено до најмал детал. Подот е поплочен со мермер, а внатрешноста е опремена со скап и модерен мебел.

View this post on Instagram

A post shared by Mina Joksimović (@minajokssimovic)

Особено се издвојуваат елегантното бело пијано и пространата, модерно опремена бања со големи огледала, која е омилено место за правење селфи на ќерката на Јоксимовиќ, Мина. Во склоп на вилата има и огромен базен во кој ужива целото домаќинство, особено Мина која често споделува моменти од овој луксузен дом на социјалните мрежи. Семејната куќа на Јоксимовиќ често ја посетуваат членовите на потесното семејство на Жељко, а трпезаријата со широки прозорци долж едната страна и ѕидови од тули е местото за собирање.

Kuća Željka i Jovane Joksimović pic.twitter.com/oqsFLTCqxB
— Malagaravaa (@vaskekopirinac) February 23, 2023

Инаку, Жељко Јоксимовиќ е во хармоничен брак со водителката Јована, со која ги има ќерките Ана и Срна и синот Коста, додека Мина ја доби од првиот брак со поранешната сопруга Весна. Фото: Printskrin/Instagram/Paparazzo Lov/ Jutjub/minajokssimovic/X

Жителите на Житораѓа го разврзаа јазикот за Цеца Ражнатовиќ, а како и секогаш имаат да кажат нешто ново…

Слободанка Илиева — Tue, 07 Nov 2023 09:57:41 +0000

Екипата на емисијата „Премиера викенд специјал“ отиде во Житораѓа, родното место на пејачката Светлана Цеца Ражнатовиќ. Таму го поминала детството, а талентот за музика го покажала веќе на 5-годишна возраст. Веќе на влезот во ова мало место, екипата на споменатата емисија разговараше со нејзините соседи. - Од мали нозе беше амбициозна... Сега со години е најголема ѕвезда. Таа владее со шоуто. Нека ѝ е со среќа, таа е гордоста на нашето место, рече еден сосед. - Цеца им помага на сите... нејзините родители се одлични луѓе, добро семејство, а таа е и прекрасна баба! Камерата ја снимила и нејзината семејна куќа која ја реновирала, па сега изгледа како замок од американските филмови. Учела во основното училиште Топлички херои, а тамошните наставници до ден денес ја паметат како среќна, насмеана, ведра девојка која постојано пеела. Таа се истакна и во спортските активности. Да потсетиме, од ова гратче на југот на Србија, покрај Цеца е и Александра Младеновиќ, која неодамна помина низ агонија поради своето поранешно момче. фото:Премиера викенд специјал/Пинк ТВ/АТА Имиџис

Ова е џакузито од базенот во кој Метју Пери трагично го загуби животот: Тука асистентот го пронашол безживотното тело на актерот (фото)

Слободанка Илиева — Mon, 30 Oct 2023 09:23:49 +0000

Веста дека актерот Метју Пери трагично го загуби животот кога се удави во џакузи го потресе целиот свет. Како што е познато, актерот прво играл „Пиклбол“, по што испратил асистент да направи нешто додека се капел во џакузито. Меѓутоа, кога асистентот се вратил, го чекала неочекувана сцена која променила се’, безживотното тело на познатиот актер било во џакузито. Сега се објавени слики на кои се гледа базенот во чиј агол се наоѓа џакузи каде актерот го загуби животот. Покрај базенот има и бел форензички шатор, а полициските автомобили ја опколија неговата куќа. Луксузниот автомобил што го користел Метју е паркиран пред влезот, а вратите се ширум отворени, што јасно покажува дека истрагата е во тек. фото:The Image Direct / Profimedia/nobyline@backgrid / BACKGRID / Backgrid USA/

Дарко Лазиќ парите од венчавката ги вложи во куќа: Пејачот купи луксузен имот во Златибор, а еве кој му е прв комшија (фото)

Слаѓана Атанасова — Fri, 27 Oct 2023 06:27:45 +0000

Пејачот Дарко Лазиќ пазарел луксузен имот на Златибор. Како што тврди момчето на Бранка Лазиќ, Драган, открил дека вилата е веднаш до нивната. - Купија вила која е веднаш до нашата. Тоа е многу убаво место за него и за Катарина - изјави Драган. Локацијата е вистински доказ дека Дарко е во одлични односи со Драган, што докажуваат и фотографиите кои кружат на социјалните мрежи. На фотографиите можете да видите како сите го поминуваат времето заедно како семејство, а не е тешко да се заклучи дека уживаат во семејна идила. Да потсетиме, мајката на Дарко Лазиќ, Бранка Лазиќ, среќата во љубовта ја најде покрај Драган Пауновиќ. Двајцата планираат врската да ја крунисаат и со брак, што и тој го потврди претходно. Фото: Принтскрин/Петар Алексиќ/Филип Плавчиќ

Најтешкиот удар од кралскиот двор: Нема крај на понижувањата за принцот Хари

Слободанка Илиева — Thu, 28 Sep 2023 09:22:26 +0000

Принцот Хари е во центарот на вниманието во последните неколку недели. Повторно остана во Европа, но остана подолго во Германија отколку во својата татковина. Кратко застанал покрај Велика Британија, во спомен на баба му. Првата годишнина од смртта на кралицата Елизабета беше одбележана низ целата земја, но само членовите на семејството можеа да го обиколат нејзиниот вечен дом во Виндзор. Војводата од Сасекс е фотографиран во комплексот на палатата, каде што ја посетил „Капелата Свети Ѓорѓи“ и кралската гробница. Тој ја напушти зградата во расположение кое не може да се нарече добро. Покрај тоа, тој изгледаше некако тажен и скршен. Дали поради бабата или поради некои други причини? Пред неколку месеци, кралот Чарлс донесе одлука официјално да ги пресели Хари и неговата сопруга Меган Маркл од нивната резиденција Фрогмор во Виндзор. Со други зборови, тие веќе не поседуваат ниту една куќа во Британија, што се покажува како голем проблем. Според медиумите, принцот сакал да спие за време на посетата, но неговото барање било одбиено, со образложение дека ниту еден имот во рамките на комплексот не може да се подготви за толку кратко време. Требаше да се објави, велат тие. Се разбира, секогаш постои опција наречена хотел. Сигурни извори тврдат дека татко му го поканил да му се придружи во замокот Балморал во Шкотска, каде што почина кралицата, но Хари не се согласил бидејќи брзал во Дизелдорф, на Игрите Инвиктус, кои тој ги спонзорира. Следниот пат кога ќе посака да се види со својот татко, ќе треба да се огласи, односно да испрати официјално барање. Сепак, тој сега не е постар член на семејството. Додека некои сметаат дека Хари добил премногу удари, други воопшто немаат симпатии кон него. Тој е оној кој го напушти семејството, се откажа од своите должности и јавно ги критикуваше во своите мемоари. Сега само ги трпи последиците. фото:Getty Images/Profimedia

Уривањето на домот на Мерлин Монро во Лос Анџелес привремено одложено (фото)

Слаѓана Атанасова — Mon, 11 Sep 2023 12:11:38 +0000

По одлука во Градскиот совет на Лос Анџелес, следи привремено одложување на уривањето на домот на американската уметница Мерилин Монро во Брентвуд – луксузен дел од Лос Анџелес. Советничката Трејси Парк побрза да го спаси последното живеалиште на славната русокоса откако во средата дозна дека сопствениците – креативната интернет-страна „Глори оф д Сноу траст“ (Glory of the Snow Trust), побарале дозвола да ја урне култното здание во шпански колонијален стил, објави „Лос Анџелес тајмс“. – Јас и мојот тим веднаш тргнавме во акција… Но, за жал, Секторот за градежништво и безбедност издаде дозвола за уривање пред мојот тим и јас да можеме целосно да интервенираме и да го решиме ова прашање, рече Парк непосредно пред седницата на Градското собрание во петокот. Таа одржа говор најавувајќи предлог за разгледување на статусот на домот на американската пејачка и глумица како историски споменик на културата. – Денеска сум тука со вас како чувар на областа во којашто се наоѓа последната резиденција на Мерилин Монро. Денеска сум тука и како бранител на богатата историја и наследство на нашиот град, рече Парк. Предлогот претставен пред Советот бара итен почеток на разгледување домот да биде прогласен за историски и културен споменик. Натаму се наведува дека со тоа нема да му се одземат никакви права на сопственикот на куќата, но оти треба да се проценат историските и културните вредности на имотот. Фото: Принтскрин/Epa Mario Ruiz