кучиња – Вистина.мк

Сопствениците на домашни миленици на двојна мака: И кучињата и мачките ќе мора да патуваат со пасош со „Северна“

Антонио Димитриевски — Sat, 09 Mar 2024 07:44:27 +0000

Сопствениците на кучиња и други животни во Македонија за кои е задолжителна патна исправа за патување во странство треба да имаат патни исправи со „Северна“ место Република Македонија. Ветеринарните амбуланти, кои ги издаваат овие документи, засега немаат добиено известување дали тие што имаат патни исправи за милениците со старото име задолжително треба да ги сменат. Но, за разлика од проблемите на граѓаните со налепниците НМК, испаѓа дека државата била поорганизирана за патните исправи на кучињата, мачките и останатите животни, па патни исправи за нив со „Северна“ се издаваат повеќе години.

Научно докажано: Кои се најпаметните раси кучиња?

Слободанка Илиева — Thu, 29 Feb 2024 13:15:14 +0000

Испитувањата опфатиле илјадници кучиња од различни раси. Обемно лабораториско истражување за интелигенцијата на кучињата коешто го спроведоа научници од Универзитетот на Хелсинки во Финска, ги именува најпаметните раси. На првото место е белгискиот малиноа овчар кој освои 35 од 39 поени – оваа раса често е користена од полицијата. Меѓу нив имало единки од граничарски шкотски овчар, белгиски овчар, англиски кокер шпаниел, германски овчар, златен ретривер, лабрадор и голем број мешани раси. За да дојдат до своите научни заклучоци, стручњаците спроведоа низа од 10 когнитивни и бихејвиорални тестови. Меѓу другото, тие ги проучувале способностите на животните „да читаат“ човечки движења, да решаваат проблеми и да помнат информации. Испитувањата опфатиле илјадници кучиња од различни раси. Така, еден од тестовите има цел да провери колку кучињата се независни… Тука животните имаа задача да најдат начин да земат храна од запечатена кутија. Според истражувањето, второто место го зазеде шкоткиот овчар (бордер коли) – доби 26 од 39 поени. На место број 3 се најдоа кучињата од расата ховаварт (25 поени). (МИА) фото:Freepik

Важни совети за сопствениците на кучиња: малку треба да направите за голема среќа на вашето милениче

Слаѓана Атанасова — Tue, 26 Sep 2023 12:30:23 +0000

Секој сопственик на куче разбира колку може да биде предизвик да се справи со непослушното однесување на својот четириножен пријател. Скокање, лаење, копање – сето тоа се активности кои можат да го исцрпат сопственикот. Дали некогаш сте се запрашале како да го поттикнете вашето куче да присвојува добри манири? Керолајн, која го основала училиштето за обука на кучиња Good Dog Training, истакнува дека важноста на наградувањето на кучињата за мирно однесување често се потценува. Според неа, кучињата често привлекуваат внимание кога се однесуваат непослушно, што ги мотивира да продолжат со однесувањето. Не го игнорирајте кучето кога е мирно „Ако лаењето привлекува повеќе внимание отколку мирното однесување, што мислите дека кучето ќе направи кога сака да го привлече вашето внимание?“, прашува Керолин. За да го поттикнете посакуваното однесување, важно е да не го игнорирате кучето кога се однесува смирено. Наградата за мирно седење или лежење е исто толку важна како и наградата за добро однесување за време на прошетка. „Нема потреба да го будите кучето ако спие, но ако е будно, тивко пофалете го, нежно галете го или подарете му наградата која треба да поттикне смиреност, а не возбуда, советува Керолајн“. Мирното однесување е наградено Следниот пат кога ќе забележите дека вашето куче се релаксира, наместо само да поминете покрај него, зошто да не му дадете мало задоволство или да му дадете нежни зборови на пофалба? Со примена на овој пристап, наскоро може да забележите значителни подобрувања во однесувањето на вашето куче. На крајот, вашето куче ќе разбере дека мирното однесување носи позитивни последици, кои ќе го мотивираат да биде помирен и попослушен. Извор: Курир.мк

Продолжете им го животот на своите кучиња со овие важни совети од ветеринарите

Слободанка Илиева — Mon, 11 Sep 2023 12:16:39 +0000

Ветеринарите доктори Азиза Глас и Герардо Перез-Камарго ја нагласува важноста на љубовта, грижата и висококвалитетната храна за здравјето на постарите кучиња и како тоа може да им го продолжи животот. Редовните ветеринарни прегледи, урамнотежена исхрана, чистење на забите и одржување на здрава телесна тежина се клучни фактори. Дополнително, тие додаваат дека е важно на кучињата да им се обезбеди ментална стимулација и љубов за да им биде животот исполнет и среќен. Редовни ветеринарни прегледи Редовните ветеринарни прегледи се клучни за рано откривање на болеста и навремено лекување. Тие вклучуваат годишни испитувања за возрасни кучиња и кученца и полугодишни прегледи за постари кучиња. Урамнотежена и хранлива исхрана Хранењето на вашето куче со квалитетна и свежа храна помага да се зачува здравјето и да се спречат болести. Свежата храна може да го отвори апетитот и да обезбеди важни хранливи материи. Чистење на забите Редовното чистење на забите и одржувањето на оралното здравје е важно за спречување на пародонталните заболувања и зачувување на општото здравје на кучето. Одржување здрава телесна тежина Дебелината може да има сериозни здравствени последици за кучињата, вклучително и развој на дијабетес и други болести. Следењето на тежината и редовна физичка активност се важни за одржување на идеална телесна тежина. Со примена на овие совети, сопствениците на кучиња можат да му помогнат на својот миленик да живее подолг и поздрав живот, пренесува Newsweek. извор:курир.мк

Наташа Беквалац повеќе не сака да молчи: Пејачката испрати важна порака до сите (фото)

Слаѓана Атанасова — Tue, 22 Aug 2023 07:56:41 +0000

Пејачката Наташа Беквалац посетила азил за кучиња скитници и таму го поминала цел ден заедно со нејзината ќерка. Таа им однела и голема количина храна за кучињата и уште еднаш покажа колку еголем хуманист. Беквалац била трогната од глетката што ја затекнала, бидејќи сите кучиња биле малтретирани пред да дојдат во прифатилиштето, па го споделила на својот профил. Таа објави неколку слики и видеа како си игра со кучиња, заедно со емотивна порака под споменатата објава. - Не, не сме сите исти. Не се сите исти. Мислам луѓе... и кучиња... сите кучиња се исти. Те сакаат безусловно, те лижат и бакнуваат, ти јадат од рака иако од истата рака ги малтретирала, запоставувала или ги напуштила. Вчера го запознав најдоброто момче на светот. Неговото име е Никола. Го поминавме целиот ден заедно. Ќерка ми, неговата сестра, тој и јас... и над сто кучиња, секое со своја приказна. Тажно. Многу тажно - почна таа, а потоа продолжи: - Станува збор за кучиња кои се тешко малтретирани, трауматизирани, запоставени, а не сакам да ви кажам за ниту едно бидејќи ги слушнав сите вчера. Единствено што сфатив е дека злото никогаш не може да ги победи добрината и љубовта, бидејќи ако не е добро, не е крајот. Ти благодарам што си таков, поинаков од сите нас, подобар и поблагороден... Од вчера си мој пријател па... ајде да се дружиме драги Никола, Мајо, Срце, Луна и останатата кучешка банда - напиша таа. .

View this post on Instagram

A post shared by Nataša Bekvalac (@bekvalceva)

Фото: Принтскрин/Профимедиа/Инстаграм/Наташа Беквалац

Пулсот рипна на 200: Снеже Велков утрово на кејот на Вардар се соочи со својот најголем страв (фото)

Слободанка Илиева — Sat, 29 Jul 2023 07:15:33 +0000

Македонската водителка Снеже Велков нема ден да не вежба, но деновиве и таа започна да вежба рано наутро возејќи го својот велосипед на кејот на Вардар. Најчесто утрата и почнуваат со вежбање или со возење на велосипедот и тоа уште во седум часот наутро, а како што вели Скопје има друга магија во утринските часови во што посебно ужива. Па и да врне и да вее, и бура да коси, за Снеже тоа проблем не е, таа спортска облека си ја носи и пред се мотивацијата за здрав живот и навики. Сепак, она што подолго време го носи во себе е и стравот од кучиња за што неретко знае да објави некои свои случки. Така, Велков често е активна на социјалните мрежи, па објавува фотографии и видеа од нејзините дневни физички активности. Утрово, кога тргна да вози велосипед на кеј, Снеже се соочи со еден големиот предизвик за неа односно победувањето на страв од кучиња. Имено, како што истакна кога возела на кеј имало неколку кучиња, момент за кој вели дека пулсот и рипнал на 200, се двоумела да помине или да се врати. Мислеше дали да помине покрај нив, да се соочи или не, но на крај извојува победа сама со себе. Кучињата само ги одмина, а потоа за да си ја собере душичката застана да се напие вода. Браво за Снеже, а кога се сака, сè се може! Па дури и да се надмине „утринскиот уплав“!

Весна Петрушевска замина на одмор со Хана, Ума и Аце, а кога ќе видите што направиле, слатко ќе се изнасмеете (фото)

Слаѓана Атанасова — Fri, 14 Jul 2023 09:00:41 +0000

Месец јули е периодот на летниот пик, односно кон средината на јули веќе сите датуми се резервирани за плажа, езеро или море. Токму тоа го направи и македонска актерка и ТВ водителка Весна Петрушевска која ги спакува куферите и замина да ги наполни батериите во друштво на нејзините три кучиња Хана, Ума и Аце. Но, бидејќи сакаше да го искористи целиот ден одлучи рано изутрина да ги прошета миленичињата низ ресортот каде што е сместена на Егејскиот брег кај јужниот сосед. „Сабалјечки да им помочаат се“ - со емотикони кои плачат од смеење таа ги тагна и апартманите каде што престојува, а дека сите слатко се изнасмејаа доказ беше и објавата која и тие ја споделија на нивниот Инстаграм профил. Уште во утринските часови мама Весна веќе е на плажа, подготвена со сите летни реквизити без кои е невозможно да се седи, бидејќи веќе е вистинско „изгор“ лето. На плажа уживаше во лежарен стил, со летна шарена кошула и големи темни сончеви очила, додека за дополнителна заштита од сонцето носеше и шапка на главата во светла боја. На објавата таа ги сподели стиховите од поетот Ланг Лив и на тој начин искажа како се чувствува во моментот. - Во мојата душа има мешаница. Немирно диво исчекување. Зјапам во хоризонтот. Далеку колку што можам. Не можам да видам што таму се крие. Но, можам да почувствувам - стоеше во објавата на Инстаграм во нејзините кратки приказни. Фото: Инстаграм/vesnapetrushevska

На Лејди Гага и ги украдоа кучињата пред две години, а сега дури треба да плати и отштета (фото)

Слободанка Илиева — Mon, 27 Feb 2023 12:12:05 +0000

Џенифер Мекбрајд ја тужи пејачката Лејди Гага затоа што го прекршила ветувањето дека ќе понуди награда од 500.000 долари за да ги најде нејзините кучиња откако и биле украдени пред две години, пишува TMZ. Џенифер тврди дека Лејди Гага јасно ставила до знаење дека „без прашање“ ќе плати голема сума доколку нејзините кучиња бидат вратени неповредени. Пејачката во февруари 2021 година најави дека ќе понуди награда доколку и ги вратат кучињата Коџи и Густав, но Џенифер вели дека ги вратила кучињата на 26 февруари 2021 година, два дена откако биле украдени и не ја добила наградата што ја добила Лејди Гага.

View this post on Instagram

A post shared by Lady Gaga (@ladygaga)

Иако Гага понудила половина милион долари за наградата, Џенифер сега бара отштета од 1,5 милиони долари од пејачката поради наводно објавување на погрешна награда. Пејачката се уште не се изјаснила за овие наводи. Мекбрајд, инаку, наводно била во врска со таткото на еден од луѓето одговорни за нападот на шетачот на кучињата на Гага, Рајан Фишер. Таа доби двегодишна условна казна.

View this post on Instagram

A post shared by Lady Gaga (@ladygaga)

Да потсетиме, на 24 февруари 2021 година, Рајан Фишер ги шеташе трите кучиња на Гага во Лос Анџелес кога неколку мажи го нападнаа и му ги украдоа двете миленици на пејачката. Притоа, Фишер бил застрелан во градите и завршил во болница. За среќа, тој преживеа. Џејмс Хауард Џексон, кој беше идентификуван како главен виновник, се изјасни дека не го оспорува обвинението за обид за убиство. Тој доби 21 година затвор. фото:EPA/Instgram

Вака ја дочекаа Милица Тодоровиќ кога се врати во родната куќа: Лола, Хана, Нора и Диди ја турнаа пејачката на земја (ВИДЕО)

Антонио Димитриевски — Tue, 14 Feb 2023 11:33:05 +0000

Пејачката Милица Тодоровиќ е голем љубител на животни. Дури и кога го доби своето прво домашно милениче пред три години, можеше да се претпостави дека нејзината наклонетост кон слатки четириножни суштества само ќе расте. Последното видео кое го објави на својот Инстаграм го потврдува тоа. Милица штом дошла дома и влегла во родната куќа, од преголема еуфорија била буквално соборена на земја од нејзините домашни миленици, кои не можела да ја сокријат огромната радост и среќа што ја виделе. „Вака ја пречекуваат Мица кога ќе дојде дома!Уште малку па ќе отвориме стационар! Лола, Хана, Нора и Диди“ - напишала Милица под видеото со пудлиците и бишоните, не криејќи ја радоста од дружењето со нив.

View this post on Instagram

A post shared by Milica Todorovic (@milicatodorovicofficial)

Пејачката и претходно не ја криеше љубовта кон кучињата, а горда е и на својот татко, кој им помагал на кучињата во областа каде што живее. „Татко ми, кој им носи храна на сите комшиски кучиња што ги знае, за сите да добијат по малку храна, затоа што е тоа фер, вели... Не е фер да јадат само Нора и Диди.Иако, се разбира, сите соседи веќе се грижат за своите миленици како и ние, не ме сфаќајте погрешно. Така беше и кога бевме деца, не беа сите слатки за нас, туку сите деца од соседството мораа да си земат или да го оставиме да ги чека кога ќе дојдат кај нас“ - напишала еднаш Милица на своите Инстаграм приказни. Фото: Инстаграм принтскрин/milicatodorovicofficial

Марија Шерифовиќ не се двоуми јавно да го сподели нејзиното мислењето, па испрати брутална порака: „Колку сте одвратни и злобни…“ (фото)

Слаѓана Атанасова — Fri, 27 Jan 2023 11:15:53 +0000

Пејачката Марија Шерифовиќ е позната како личност која нема влакна на јазикот, а овој пат збесна како рис и испрати брутална порака. Шерифовиќ, како голем поддржувач на вистината и правдата, жестоко го осуди злоставувањето и убивањето на животните откако на социјалните мрежи се појави грозоморно видео. - Навистина немам зборови, ниту текст, толку сте одвратни, болни, пореметени, злобни и одвратни што немам повеќе зборови за човечките суштества! Апелирам до секое лице во чија надлежност е оваа состојба и до институцијата која истовремено добива пари за тоа. Посакувам личноста која го направи ова да не го види утрото! Овие работи се толку лоши и страшни, а за некои тоа се само кученца... Болни луѓе - рекла бесната Марија, а потоа додала: - Не дозволувајте да одам во Бор и да правам хаос. Не сакам да одам во затвор! Сакам само некој чија работа е да го реши проблемот! Фото: Принтскрин/Инстаграм/Марија Шерифовиќ