ксенија николова – Вистина.мк

Павле Камилоски во автентичен стил ја испеа својата нова песна – „Mia Bella“ (ВИДЕО)

Антонио Димитриевски — Sat, 14 May 2022 08:42:58 +0000

„Mia Bella“ е новата песна на македонскиот изведувач и уметник Павле Камилоски, чиишто видео спотови се препознатливи по неговиот боемски шарм и емотивна инспирација. Истата музичката екипа која за Павлеја создаде и претходната тема, „Универзумот си работи за нас“, ја креираше и „Mia Bella“. Музиката, и аранжманот се дело на Александар Тарабунов, додека текстот е на Ксенија Николова, а режијата на шармантната видеоприказна ја носи Александар Ристовски - Принц. Пост-продукцијата ја изработува студиото на Тарабунов, а непосредноста во гласот на Павле го истакнува неговиот придружен вокал, Сара Пројковска. Спотовите на Павле се одликуваат со романтична црта и доминантна префинетост, а тоа во неговата „Mia Bella“ пејачот го доловува во друштво на убавицата Симона Петреска. Во продолжение проследете ја „Mia Bella“:

Ксенија Николова отворено за борбата за мајчинство: „Скриена сила за големо искушение“ (ВИДЕО)

Антонио Димитриевски — Wed, 06 Apr 2022 09:42:00 +0000

Таа е дама која инспирацијата ја црпи од сопстениот живот и секојдневие и на тој начин ги создава своите романи. Борбеноста и е заштитен знак, искреноста е таа којашто ја води низ животот, а нејзините испишани зборови со сигурност ќе врежат меморијата на оние со нагласен сензибилитет. Писателката Ксенија Николова го збогати новото издание на естрадниот магазин Бекстејџ, зборувајќи за една од најважните но и на чувствителните животни теми, како што е мајчинството. Ксенија во „магазинот од зад сцената“ отворено проговори за тешкиот период низ којшто моментално минува, а со разговорот веруваме дека ќе ги охрабриме сите оние кои се борат да станат родители.

Бојана излезе од – „Зад завесите“ (ВИДЕО)

Антонио Димитриевски — Fri, 28 Jan 2022 13:16:31 +0000

Бојана Скендеровски денеска ја промовираше новата песна „Зад завесите“ која ја прати видео запис во режија на едно од најценетите имиња на македонската музичка естрада, Александар Ристовски – Принц, кој со својот ексцентричен и секогаш уникатен стил со доминантни и директно прикажани симболи, на едноставен начин ја пренесува вистинската суштина на меланхолијата на самата песна. Музиката и аранжманот ги потпишува Роберт Билбилов, а текстот е на Ксенија Николова. Приказната за отсуството на емпатијата во светот полн со предрасуди е дел од новиот проект на Бојана, со којшто започнува низата на дополнителни изненадувања, коишто Бојана ќе ги претстави на публиката оваа година.

Се омажи писателката Ксенија Николова: Невестински фустан над колена и бели цветови во косата (ФОТО)

Антонио Димитриевски — Sat, 12 Sep 2020 11:43:15 +0000

Свадбата е денот за кој секоја девојка сонува уште од мали нозе. Си замислува како таа ќе изгледа до најситните детали, а најмногу внимание обрнува на невестинскиот фустан, шминката, фризурата. Секако дека никој од нас не ни помислуваше дека ваква здравствена криза ќе го погоди светот, па поради пандемијта ќе мораме да се прилагодиме на новото секојдневие, дури и кога се свадбите во прашање. Писателката и музички текстописец Ксенија Николова, која неколку дена претходо во матично склучи граѓански брак, минатиот викенд со избраникот се венчаше и во црква, секако со минимално присуство на нивните најблиски. На интимна церемонија на која учествувале само најблиските од потесното семејство, таа стапи и во брак пред Бога со Ненад Николовски. За посебниот ден, Ксенија изгледаше нежно и преубаво со полуфатена коса сплетена со ситни плетенки и прекрасни бели цветови, променета во необичен, краток, модерен фустан над колена, кој не наликува на оние класичните невестински. Нека им е со среќа бракот на младите на кои им посакуваме и многудетно семејство!

Тамара Стојковска сака да те праша – „Кажи нешто ново“ (ВИДЕО)

Антонио Димитриевски — Mon, 28 Oct 2019 14:26:27 +0000

Младата битолска актерка и пејачка Тамара Стојковска има нова песна. Тамара има 22 години и ги завршува студиите на Факултетот за музичка уметност во Скопје на отсекот за музичка теорија и педагогија. Со пеење се занимава од 7 годишна возраст, а освен со музика се занимава и со глума во театарот Дел Арте во Битола. По соработката со бендот „Страна Б“ членувањето во хорот ,,Про Арс”, Тамара реши да ја турка и својата соло кариера као пејачка, па како резултат на таа нејзина амбиција е и новата песна насловена „Кажи нешто ново“. Автор на музиката и аранжманот на песната која овој пат е во фрок-фанки стил, како и на нејзината дебитантска песна „Друга ѕвезда“ е композиторот Давор Нечак, додека стиховите овој пат ги потпишува младата македонска писателка и текстописец, Касенија Николова. За новата песна Тамара сними и видео, кое за разлика од театарската поставка на мината песна овој пат е снимено надвор, во екстериерни услови и е дело на Дарко Лековски и „Third Eye Production“. Како звучи кога Тамара Стојковска има да ви порача „да кажете нешто ново“ слушнете и погледнете во продолжение: https://www.youtube.com/watch?v=MVMHQK-ZLbs

Ксенија Николова како никогаш до сега, благодарение на студио Кадора

Антонио Димитриевски — Thu, 18 Oct 2018 09:15:42 +0000

Ксенија Николова на македонската јавност и е позната како писателка, автор одлични текстови за песни за некои од најпопуларните македонски изведувачи, а во Македонија го донесе и „Две Шмизле“, познатиот белградски бренд за асесоари.

Соработката помеѓу студио Кадора кое се наоѓа зад зградата на Сојузот на синдикати на Македонија и Ксенија Николова е почеток е една убава приказна. Сосема спонтано, но уште еден доказ дека во животот ништо не е случајно.

Ксенија вели дека студио Кадора го отсликува нејзиниот приватен стил на облекување и дека неверојатно многу се пронашла во секое парче.

Оваа соработка ветува многу интересни моменти кои ќе се паметат. Ксенија на сите свои промоции, потпишувања и појавувања отсега ќе биде облечена во модели од студио Кадора. Изборот на прекрасни и уникатни модели е голем, така што навистина ќе има што да видиме.

Направени се неколку фотографии за да се најави оваа соработка, низ објективот на Мелем продукција. На овие фотографии можеме да видиме дека оваа соработка навистина е полн погодок од кој можеме да очекуваме уште многу изненадувања.