круши – Вистина.мк

Рецепт за највкусната пита со круши

Слободанка Илиева — Fri, 15 Sep 2023 13:00:36 +0000

Десертот со круши е совршен за рана есен, која полека зема замав, а нема да останете рамнодушни на рецептот за вкусна пита со ова слатко овошје. Со вкусната пита со круши не можете да погрешите, бидејќи, освен што е соодветна слатка закуска, питата е и лесна за подготовка. Потребни состојки: За кора: 300 грама брашно 2 лажици прашок за пециво 1 прстофат сол ½ лажичка мелен цимет 1 лажичка мелен ѓумбир ¼ лажичка мелено каранфилче 2 јајца 80 грама шеќер 150 грама путер на собна температура 200 милилитри млеко 2 круши, излупени и исечени на парчиња За круши: 800 милилитри вода 170 грама обичен шеќер 40 грама кафеав шеќер 2 стапчиња цимет кардамон анасон 1 кора од портокал 2 тркалезни парчиња портокал Начин на подготовка: 1. Загрејте ја рерната на 180 степени целзиусови. Во меѓувреме, посипете путер и брашно на калап со дијаметар од 24 см. 2. Се матат путерот и двата вида шеќер додека не се растопат. Додадете ги сувите состојки, јајцата и млекото. Се меша со лажица, но не со миксер. извор:кафепауза.мк

Есенска галета со круши и сливи

Христина Ѓоргиевска — Tue, 08 Oct 2019 13:30:55 +0000

Сочна и вкусна галета со сезонско овошје... Замесуваме тесто од наведените состојки. Путерот исечен на коцки треба да е многу ладен исто и водата. Го месиме тестото додека добиеме мазна топка. Тестото го сучиме во форма на круг, најдобро врз хартијата за печење. Тестото го мачкаме со мармалад (кај мене мешан мармалад), но внимаваме краевите од кругот да не бидат намачкани. Крушата и сливите ги миеме и ги сечеме на тенки парчиња, па ги распоредуваме врз мармаладот. Крушата нежно ја наросуваме со цимет. Слободните краеви од тестотот нежно ги притискаме и вртиме навнатре.Овој дел го премачкуваме со белка од јајце и го наросуваме со ливчиња од бадеми. Печеме на 200 степени околу 35-40 минути. Уживајте во вкусот.... извор: готви.мк

Пет причини зошто мора почесто да јадете круши

Ивана Стојанова — Mon, 08 Oct 2018 12:54:46 +0000

Jадете почесто круши, бидејќи изобилуваат со хранливи материи кои прават чудо за нашето тело. Крушата е исклучително здраво есенско овошје, кое има стотина различни видови. Jадете почесто круши, бидејќи изобилуваат со хранливи материи кои прават чудо за нашето тело. 1. Го поттикнува варењето. Крушата е богата со прехранбени влакна кои благонаклонето дејствуваат на целиот организам, особено на варењето. Таа ја подобрува работата на цревата, па секако консумирајте ја помеѓу оброците. 2. Ги штити срцето. Ова есенско овошје изобилува со флавоноиди, кои нивото на шеќер во крвта го одржуваат стабилно, па нејзиото редовно консумирање се смета за добра превенција за борба против дијабетес тип 2. 3. Го зајакнува имунитетот. Крушата е богата со витамините Б и Ц, добар извор е на железо и калциум, калиум и бакар. Таа го зајакнува имунитетот на телото и ги ублажува процесите во организмот. Во кората се наоѓа моќен антиоксидант кверцетин кој ги спречува разните болести. 4. Спречува проблеми со видот. Морковот не е единствениот плод од природата кој спречува проблеми со видот. Крушата е, исто така, заштитник на овој орган која го намалува ризикот од макуларна дегенерација. 5. Помога во слабеењето. Во 100 г круша се наоѓаат околу 80 калории, па таа припаѓа во групата на овошје со нешто повисока вредност на калории. Иако станува збор за слатко овошје, умереното консумирање се препорачува и кај луѓето кои држат диети или ја одржуваат својата тежина.

Рецепт на денот – полнети круши

Моника Манасиевска — Fri, 14 Sep 2018 16:05:26 +0000

Вкусен десерт што ќе им се допадне на сите што уживаат во слаткиот вкус на овошје и мед

отребни состојки:

2 зрели круши
2 лажички мед
1/2 лажичка цимет
1/4 лажичка мускатно оревче
120 милилитри јогурт
1 пакување ванилин шеќер
30 грама исечкани ореви
Суво овошје (по желба)

Начин на подготовка:

Загрејте ја рерната на 180 степени. Исечете ги крушите на половина и испразнете ја средината. Обложете тава со хартија за печење и ставете ги крушите на неа, па премачкајте ги со мед и просејте им цимет одозгора, па мускатно оревче. Можете да додадете и суво овошје по желба. Печете 30 минути и извадете ги од рерната. Додека крушите се ладат, направете смеса од јогурт, ванилин шеќер и орев. Кога крушите ќе се оладат, наполнете ги со смесата и сервирајте.