крофни – Вистина.мк

Посни крофни: Идеален десерт за деновите кога постите

Слободанка Илиева — Tue, 05 Mar 2024 13:30:28 +0000

Крофните не потсетуваат на детството, кога бабите не пречекуваа со топли и слатки пецива кои мирисаа од влезната врата. Денес домаќинките главно избегнуваат да ги прават, бидејќи сметаат дека подготовката е комплицирана, но ако ги следите чекорите, можете лесно да ги направите и вие. Најтешкиот дел од работата е да го замесите тестото, но со овој рецепт гарантирано ќе успеат. Бидејќи Велигденските пости се во тек, засладете се со посни крофни кои се меки како душа, а благодарение на додатоците како ванилин шеќер и портокал, целата куќа ќе мириса убаво. Состојки: 200 мл млака вода 10 гр сув квасец 2 лажици шеќер 200 мл кисела вода 150 мл масло 600 гр брашно 1 лажичка сол 2 кесички ванилин шеќер рендана кора од портокал Подготовка: Во сад истурете вода, квасец, шеќер и една лажица брашно. Се меша и се остава 10 минути да се активира квасецот. Потоа додадете кисела вода, масло, ванилин шеќер, рендана кора од портокал, половина од брашното и сол. Соединете, па додадете го преостанатото брашно и замесете тесто. Покријте и оставете на топло место да нарасне околу половина час. Потоа на набрашнета површина замесете го тестото кратко, а потоа со чаша или кружен калап извадете ги формите. Покријте ги со крпа и оставете ги уште 10 минути. Потоа спуштете ги крофните во врелото масло. Намалете ја температурата и пржете додека не добијат убава златна боја. извор:курир.мк

Рецепт за крофни идеален за почетници

Слободанка Илиева — Mon, 12 Feb 2024 14:00:12 +0000

Потребни состојки: 700 грама брашно 2 јајца 50 грама свеж квасец 50 милилитри масло 200 милилитри млеко 1 кафена лажичка сол 1 лажица шеќер рендана кора од портокал или лимон масло за пржење шеќер во прав за посипување Начин на подготовка: 1. Во длабок сад се става брашното и се додаваат јајцето, маслото, млекото, солта, шеќерот, ванилиниот шеќер, кората од портокал и издробениот квасец. Добро измешајте и замесете помеко тесто. Внимавајте тестото да не се лепи, покријте го со крпа и оставете го да нарасне околу еден час. 2. Кога тестото ќе нарасне, извадете го на работната површина на која претходно сте посипале брашно и поделете го на два дела. Еден дел развлечете го со сукало и со чаша направете кругови. Постапката повторете ја и со другата половина од тестото, па оставете ги крофните да отстојат уште дваесетина минути. 3. Во длабока тава загрејте поголема количина масло и полека додајте ги крофните да се пржат на средна температура. Доволни се неколку минути од двете страни. Кога ќе бидат готови, оставете ги на салфетка да се исцедат, а врз нив посипете шеќер во прав. На здравје! извор:кафепауза.мк

Пејачката слатко изненадена: Кога виде кого и донесоа во емисија, Тијана остана подзината! (ВИДЕО)

Антонио Димитриевски — Mon, 02 Oct 2023 07:46:21 +0000

Македонската пејачка и актерка со белградска адреса на живеење Тијана Дапчевиќ е позната како личност која нема влакна на јазикот за нешто што и пречи или едноставно не и се допаѓа. Неретко знае тоа отворено на таквите „да им го плесне в лице“, и да ги шокира со своите изјави. Арно ама, ниту таа не е имуна на шокови и изненадувања, па токму едно такво и се случи деновиве и то среде емисија. Имено, Тијана беше гостинка во една емисија за готвење, кај Тања Анѓелковиќ, автор и водител на ТВ емисијата „Нека ти е слатко“, каде беше и „слатко шокирана“ од страна на домаќинката. Откако талентираното македонско девојќе беше домаќински угостено од водителката и ТВ екипата, следуваше подготовката на специјалитетот на денот - крофни! Она што беше замислено беше и подготвено, следуваше моментот на вистината.... Дегустација на специјалитетот, за која домаќинката и подготви специјално изненадување на гостинката од кое Тијана остана шокирана... Специјален дегустатор! Имено, водителката Тања пријатно ја изненади својата гостинка со тоа што ненајавено на дегустација и го донесе нејзиниот син Вук! А, кога виде кого и донесоа во емисија, Тијана остана подзината! И тоа најмногу заради две нешта. Како прво, нејзиниот син никогаш не гостувал со мајка му и тој заедно со неа сега за прв пат се појавува во една ТВ емисија... А како второ, Тијана иако беше позитивно шокирана, успеа да забележи и не пропушти да искоментира колку убаво Вук се дотерал за појавувањето со мама на ТВ. Специјалитетот сите заедно го дегустираа, а коментарите... „Рапсодија на вкусови“, како што забележи Тијана. Впрочем, може ли да не биде добро и трпезата да не биде слатка на заеднички обед со „син на мајка“!? Фото и видео: Инстаграм/tanjcika/tijana.dapcevic

Крофни подготвени по рецептот на нашите баби

Слободанка Илиева — Thu, 08 Jun 2023 12:25:17 +0000

Слатки залаци на кои никој не може да одолее. Од кујната на баба доаѓа рецепт за воздушни и меки крофни. Состојки: 15 гр квасец 200 мл млеко 1 лажичка шеќер 2 јајца 1 коцка путер кора од лимон 3 лончиња од 200 гр брашно Подготовка: Квасецот издробете го со малку вода и шеќер. Јајцата изматете ги со жица за матење, додадете ги квасецот, путерот, малку сол, кората од лимон и брашното. Замесете глатко тесто и оставете малку да нарасне. Поделете на квадрати, па свиткајте во топчиња и ставете на хартија за печење. Оставете повторно малку да нарасне и испржете. Спуштете ги крофните со хартијата во масло, а потоа извадете ја хартијата по неколку секунди. Свртете кога ќе порумени. Извадете со решеткаста лажица на хартија за да се впие вишокот маснотии. Посипете со ванила и шеќер во прав. извор:курир.мк

Љубителите на крофни ќе бидат воодушевени! Направете ги највкусните кокосови крофни!

Слаѓана Атанасова — Thu, 25 May 2023 11:01:54 +0000

Соиното млеко, медот, брашното, кокосот и уште неколку состојки ќе бидат доволни за ова слатко совршенство. Доколку сте љубител на крофни, не се сомневаме дека овие и тоа како ќе ви се допаднат: Состојки: четири и пол чаши млеко од соја половина чаша мед 75 гр свеж квасец 15 гр сол 1,5 кг брашно половина чаша масло За глазура: конзерва кокосово млеко 800 гр шеќер лажица екстракт од ванила рендан кокос Подготовка: Во поголем сад измешајте ги млекото од соја, медот, квасецот и маслото. Додадете ги брашното и солта, па добро измешајте со миксер за да добиете мазно и воедначено тесто. Оставете го на топло место да нарасне, па со раце кинете парчиња тесто и формирајте крофни со саканата големина. Пржете на врело масло додека не добијат убава боја од двете страни. Сварете го кокосовото млеко со шеќерот и екстрактот од ванила додека не се згусне, па секоја крофна потопете ја прво во преливот, па во ренданиот кокос. Извор: Курир.мк

Без квасец и јајца, готови за 15 минути: Рецепт за домашни крофни кои се топат во устата

Слаѓана Атанасова — Fri, 28 Apr 2023 11:34:32 +0000

Ако размислувате со што да се почестите по напорен ден на работа, имаме идеја. Овие домашни крофни имаат вкус исто како оние од пекарницата, а одличната работа е што можете да ги направите дома за само 15 минути. Една мерка ќе направи 35 крофни, па размислете веднаш да направите двојна мерка. Состојки: 1 1/4 чаши брашно 2 лажички прашок за пециво 1/4 лажичка сол 1/2 чаша матеница 1/4 чаша шеќер 3 лажици стопен путер 3-4 чаши масло за пржење Подготовка: Во средна чинија измешајте ги сувите состојки: брашното, шеќерот, прашокот за пециво и солта. Посебно изматете ги матеницата и стопениот путер. Во садот со сувите состојки истурете ја смесата со матеницата и путерот и измешајте додека не се соединат. Кога ќе го измесите тестото, крофните треба да бидат колку 1/2 лажица. Од тестото што сте го извадиле направете топка, па ставете ја да се пржи. Пржете ги на врело масло додека не поруменат, па превртете ги и повторно пржете ги додека не поруменат од другата страна. Ставете ги на салфетка за да се впијат маснотиите, а потоа валкајте ги во шеќер. Извор: Курир.мк

Најдобриот рецепт за принцес крофни: Тестото е меко како памук, а полно со свиленкаст фил кој се топи во уста!

Слаѓана Атанасова — Wed, 15 Feb 2023 11:49:27 +0000

Правењето вистински принцес крофни бара трпение, но навистина вреди. Состојки за тестото: 300 мл вода, 100 мл масло, 140 гр брашно, 1 прашок за пециво, 4 јајца. Состојки за филот: 2 пудинзи од ванила, 1 кесичка шлаг, 1 маргарин. Подготовка: Зовријте вода и масло, додека се варат додадете брашно и прашок за пециво, брзо измешајте и веднаш тргнете го од оган. Додадете ги јајцата едно по едно, внимавајте секое добро да се измеша со тестото пред да го додадете следното. Извадете го тестото со шприц или лажица и наредете го на плех обложен со хартија за печење. Се печат на 180 степени додека убаво да нараснат и да добијат убава златна боја. За филот сварете два пудинга според упатството на кесичката, па во топлиот пудинг додадете маргарин на собна температура. Матете добро да се соедини, па додадете го шлагот. Крофните исечете ги на половина и наполнете ги со фил, преклопете ги и посипете ги со шеќер во прав. Доколку сакате да бидат меки, веднаш по полнењето додадете шеќер и покријте ги со фолија. Ако сакате да бидат крцкави, не ги покривајте со фолија. Извор: Курир.мк

Супер крофни без масло, директно од рерна

Христина Ѓоргиевска — Fri, 10 Sep 2021 12:45:42 +0000

Овие крофни не се потопуваат во длабоко масло, туку се печат во рерна. Печени, подеднакво се воздушни и вкусни, а послужени со домашен џем, стануваат неодолив специјалитет. Состојки:

4 јајца
100 гр шеќер
250 гр маргарин
250 мл млеко
1 коцка квасец
1 кг брашно
1 лимон
1 лажиче течна ванила
шеќер во прав по вкус
Подготовка:

Ставете го квасецот во млако млеко да нарасне. Истурете брашно, матени јајца, квасец и млеко, рендана кора од лимон и стопен маргарин во тавата. Месете го тестото добро и ставете го топло да се одмори. Кога тестото ќе се удвои, извадете го од тестото и поделете го на три тестенини на работната плоча. Замесете секој со малку брашно и развлечете го со сукало. Извадете ги круговите или исечете ги на квадрати со нож. Наредете на плех за печење, така што страната што беше на масата е нагоре. Печете на 200 степени додека не поруменат. Посипете со шеќер во прав и сервирајте топло со џем. извор: Курир.мк

„Прсти да излижеш“: Рецепт за највкусните крофни кои сте ги пробале

Христина Ѓоргиевска — Mon, 01 Mar 2021 13:44:59 +0000

Наједноставниот рецепт за крофни, со сигурност ќе бидат превкусни. Состојки: Половина килограм брашно

250 мл млеко
Кесичка сув квасец
Лажица шеќер
1 јајце
Малку сол
Масло
Шеќер во прав

Начин на подготовка: Во сад сипете брашно, квасец, шеќер и сол и измешајте. Потоа додајте јајце, млеко (загрејте го да не биде ладно) и додајте го во брашното додека да добиете соединето тесто. Покријте го тестото со крпа и оставете го да нарасне околу 1 час. Потоа, ставете го брашното на работна површина и развлечете го да биде со големина како еден прст. Со чаша направете кругови во тестото, покријте ги со крпа и оставете ги да нараснат околу 15 минути. Потоа, свртете ги на другата страна и оставете ги уште 10-15 минути. Во тава загрејте поголема количина масло. Пржете ги додека да добијат златеста боја. Откако малку ќе се изладат, наросете ги со шеќер во прав и уживајте. извор: курир.мк

Крофни со шеќер во прав: Седењето дома може да биде многу забавно

Слободанка Илиева — Mon, 06 Apr 2020 13:20:03 +0000

Незаменлив десерт, крофни со шеќер во прав. СОСТОЈКИ:

3 јајца
250 гр. кисело млеко
250 гр. брашно
1 лажиче сода
шеќер во прав за горе, ванила
масло за пржење

ПОДГОТОВКА:

Се матат јајцата со кисело млеко и се додава брашно со сода.
Се меша и се добива хомогена смеса.
Се загрева масло и се вадат крофни па се пржат.
Се сервираат со ванила и шеќер во прав горе.

извор:готви.мк