кривична пријава – Вистина.мк

Мина Костиќ го пријавила своето момче за насилство: „Колку била фер, толку тој станувал поагресивен“ (фото)

Слаѓана Атанасова — Tue, 23 Jan 2024 07:20:21 +0000

Пејачката Мина Костиќ го пријавила поранешното момче Никола, кој е деветнаесет години помлад од неа, за малтретирање. Таа на 17 јануари во полиција поднела кривична пријава против партнерот со кој била во емотивна врска година и пол, а во просториите на МУП дошла видно вознемирена и потресена, пренесува „Курир.рс“. Од Второто основно јавно обвинителство за тамошните медиуми потврдиле дека на 17 јануари пејачката Мина Костиќ пријавила малтретирање, но дежурниот обвинител донел решение дека во овој случај нема елементи на кривично дело, па истрагата може да продолжи. Како што дознава споменатиот медиум од сигурен извор, поранешното момче на музичката ѕвезда испраќал навредливи, заканувачки пораки и правел љубоморни сцени, поради што таа морала да реагира и да бара заштита од властите. „Мина и Никола имаа хармоничен однос некое време. Сепак, таа мина низ пекол во последните месеци. Таа трпеше љубоморни сцени, драма, плачење, викање и врескање. Сепак, капката ја прели чашата и таа минатата недела отишла во полиција и го пријавила. Таа не сакаше да трпи никаков облик на насилство. Тој и праќал непримерни пораки, имало разни ситуации, но таа веќе ништо не можела да трпи. Се обиде на убав начин да му објасни дека најдобро е повеќе да не бидат заедно, но колку таа беше пофер и коректна кон него, толку тој беше поагресивен. Не сакала да трпи и да молчи, па отишла во МУП во Вождовац и поднела пријава“, вели изворот. Фото: printskrin/instgaram/minakostic_official

Лука Јовиќ по втор пат ќе стане татко: Пред да добие принова, фудбалерот доби кривична пријава заради бекство од карантинот, а најверојатно и „шут карта“ од Реал!

Антонио Димитриевски — Sat, 21 Mar 2020 11:28:52 +0000

Фудбалерот на Реал - Мадрид, Лука Јовиќ по втор пат ќе стане татко. Имено, неговата девојка, манекенката Софија Милошевиќ преку на Инстаграм објави дека е бремена. Тие двајца, веќе долго време се заедно, а нивната романса започна во Мадрид, каде што Јовиќ игра за шпанскиот фудбалски гигант. Убавата манекенка на Инстаграм сподели фотографија заедно со Јовиќ па напиша во описот: „Би сакале да споделиме убава вест, ќе имаме бебе! Толку сум благодарна што Лука може да биде со мене за време на овој период. Не можам да замислам да бидам без него во ова тешко време за целиот свет“ - напишала Софија на својот Инстаграм профил. Но пред да добие принова, Јовиќ веќе доби кривична пријава заради бекството од карантин. Имено, лекарскиот тим на реал му дозволил да се врати во белград, но под услов строго да се придржува кон правилата и препораките и никако да не го напупшта карантинот, односно неговиот стан. Но, Лука ова го прекрши, па откако еднаш, па втор пат беше фатен од полцијата како се шета низ Белград, најпрвин доби опомена, па прекршочна и на крај, кривична пријава. Во истовреме, фудбалерот е изолиран во 28-дневен карантин, кој мора строго да го почитува, а потоа ќе мора да се појави пред јавен обвинител. Во Мадрид исто така се бесни на неговото „неодговорно однесување“, па шпанските медиуми, меѓу кои и јннајвлијателниот спортски весник „Марка“, шпекулираат дека Јовиќ во Реал го чека тешка казна, а најверојатно со овој потез веќе и си ја потпишал исписницата од кралскиот клуб!

Кривична пријава против Јосипа Лисац поради начинот на кој ја испеа хрватската химна: Присутните гледаа во земја, гледачите збунети (ВИДЕО)

Антонио Димитриевски — Thu, 20 Feb 2020 13:07:53 +0000

Против хрватската пејачка Јосипа Лисац е поднесена казнена пријава поради начинот на кој ја извела националната химна на инаугурацијата на хрватскиот претседател Зоран Милановиќ. Пријавата е поднесена од адвокатот Бошко Жупановиќ, кој изјави дека „химната на Република Хрватска е изведена на подбивен и омаловажувачки начин“ и дека Јосипа Лисац на тој начин извршила кривично дело кршење на угледот на Република Хрватска со „користење подбивни артикулации и тоналитети“. „Не сакам внимание на медиумите. Го направив тоа како адвокат и граѓанин. Мислам дека тоа е само исмејување и дека не соодветствува за никаков настан, а камоли на инаугурацијата на новоизбраниот хрватски претседател”, рече Жупановиќ за Индекс.хр. Тој додаде дека ја поднел пријавата затоа што сметал дека тоа е негова граѓанска должност.

Лила заработи кривична пријава за затајување на данок

Антонио Димитриевски — Mon, 10 Feb 2020 11:25:17 +0000

Управата за финансиска полиција поднела кривична пријава против познатата водителка Лила Стојановска, според која ја сомничи за даночно затајување, соопштија од оваа институција - пишува Курир.мк. „До Управата за финансиска полиција доставена е Пријава од Друштвото ИЗГРАДБА ИНЖЕНЕРИНГ ДАН-МАК и лицата Е.Н. и Д.Н. во која е изнесено сомнение за сторени кривични дела, со лажно прикажување на факти, против пријавената Л.С. на која и уплатиле вкупно 16.095.600 денари. Притоа е склучен и нотарски е заверен Договор за уредување на меѓусебни обврски ОДУ бр. 399/17 помеѓу пријавеното лице Л.С. и пријавителите, за изготвување на „Проект за интернационална асоцијација за заштита на човекови права“, со цел обезбедување средства и со ветување дека за проектот на правното лице ИЗГРАДБА ИНЖЕНЕРИНГ ДАН-МАК ДООЕЛ Скопје, пријавената Л.С. наводно ќе му обезбеди донации од 3.580.000 Евра. Управата за финансиска полиција поради постоење на основи на сомневање за сторено кривично дело „Даночно затајување“ до Основно јавно обвинителство Скопје поднесе кривична пријава против пријавената Л.С. која во својство на физичко лице во периодот од 21.06.2017 година до 07.07.2017 година, на личната банкарска сметка, во три наврати примила парични средства во вкупен износ од 16.095.600 денари, по основ на склучен Договор за изготвување на „Проект за Интернационална асоцијација за заштита на човековите права“ со Друштвото ИЗГРАДБА ИНЖЕНЕРИНГ ДАН-МАК Скопје и лицата Е.Н. и Д.Н.. Расположивите парични средства како остварен приход пријавената Л.С. ги подигнала во целост во готово за себе лично, при што без да ги пријави во Годишната даночна пријава за 2017 година до Управата за јавни приходи, не пресметала и не уплатила Персонален данок на доход во висина од 1.788.398 денари, за кој износ го оштетила Буџетот на Република Северна Македонија“, се вели во информацијата до јавноста на Управата за финансиска полиција.

Секс скандалот се сели на суд: Карлеуша заработи кривична пријава и две тужби од Врањеш кој бара милионска отштета

Антонио Димитриевски — Sat, 09 Feb 2019 08:15:44 +0000

Огњен Врањеш поднел кривична пријава против Јелена Карлеуша, а поднел и две дополнителни тужби со кои од пејачката бара неколку милионски износ како отштета за навреда и клевета изнесена во медиумите, пишува српски „Курир“. Врањеш кривичната пријава ја поднел поради сомнеж за загрозување на неговата безбедност и закани кон семејството.

„Ја жалам твојата жена и твоето дете! Но, како што ти му наштети на моето семејство, така сега целото зло ќе се врати на твоето! Бегајте! Исселете се, црви! Брзо! Сè она што го направи за да ме казниш зошто не сакав да бидам со тебе – џабе ти е. Мој совет е да се убиеш веднаш! Бидејќи ќе те е*е првиот маж кој ќе налета на тебе! Ќе те е*е затоа што си маченик кој удри на мајка на две деца и жена, онака како што ниту еден маж не би направил никогаш. Само гниди како што си ти! Да ти е*ам семето девијантно! Ти го заврши своето“ - напиша Јелена Карлеуша во екот на жестоката караница со Огњен Врањеш, што е една од причините за кривичната пријава, во која босанскиот фудбалер тврди дека му се заканувале со ликвидација.

Кеба доби кривична пријава: Со автомобилот удри во девојка!

Слободанка Илиева — Wed, 08 Nov 2017 11:05:43 +0000

Драган Којиќ Кеба во вторникот удри во девојка на пешачки премин во Белград, поради што против него е поднесена кривична пријава за загрозување на сообраќајот. Српските медиуми пренесуваат дека на пејачот му бил направен алко-тест кој покажал дека не конзумирал алкохол, но и дека постојано бил до девојката по несреќата. Кеба за српски „Ало“изјавил дека е важно само што девојката е добро. -Во голем шок сум, но важно таа е добро. Јавно се извинувам на девојката и нејзиното семејство. Бев со неа целото време и фала му на Бога дека е во добра состојба, прегледана е и пуштена дома... Не знам што друго да ви кажам, вели Кеба.